教育王國

標題: 好擔心~ 要搵協X評估嘛? [打印本頁]

---

作者: mslala    時間: 15-10-9 10:30     標題: 好擔心~ 要搵協X評估嘛?

我仔而家2歲7個月,唔知係咪以前我地成日俾佢睇DVD影響,佢有時就唔應人,  我亦睇過健康院既小冊子,佢發展係正常, 早兩個月帶佢見健康院醫生,醫生只話再觀察下, 半年番去再睇,同埋等佢開左學睇有冇改善先, 8月番左學係好左D, 叫佢都會望過黎睇我叫佢仲咩, 帶佢見過言語冶療,話佢有DELAY, 仲未太了解問句, 問佢野, 有時會成句跟口講番出黎,
但佢識講動物名稱, A-Z, 1-20,因為我地之前成日都中英咁講野, 佢廣東話詞彙唔太多,所以最近依兩個月我地同佢玩多左,  加上番學,講野係有進步, 但都未去到有一問一答,通常佢有興趣既野就想同你講, 但相反你想同佢講,或問佢既野, 佢有時唔答你,唔會望你, 但有時指住D野問佢, 佢又答你架. 我間中會捉住佢面望佢, 佢眼都射左去望第度,所以我好擔心唔知佢有冇自閉, 有冇人可以俾D意見我?總括黎講, 佢同普通小朋友冇咩太大問題, 只係回應人時, 時好時壞, 自我, 同佢玩時眼神係有既, 但問佢野就唔望)
P.S. 最近我有帶佢上領X上左6堂小組堂, 入面既職業冶療師同言語自療師, 話佢眼神接觸都OK, 大小肌肉都冇咩大問題

• 會用手指指俾你睇佢想你知既野, E.G. 見到天上面有飛機, 指住妹妹叫婆婆抱

  
  

識表達(爛左,食依個, 飲水, 飽飽, 電話舅父, 睇DVD, 著鞋)
2) 會模仿我刷牙, 會帶玩具BB坐HIGHCHAIR飲奶, 沖涼,扮打電話
3) 會唱歌, 跳舞,點點頭聽歌仔或跟口唱
4) 唔鐘意會大叫, 大喊,訓地, 放手指入口,BU口水
5) 開始肯講要唔要, 食唔食,唔食最多都係搖頭唔要(不過唔多),有時迫佢講, 佢先講"唔要, 飽飽"
6) 眼神接觸: 大致上都OK, 同佢玩,唱歌時會望到你實, 但你迫佢望你答問題時,佢唔會望你, 但叫佢望我對眼時,佢都肯, 同人講BYE BYE有時唔望人講, 我叫佢要望住人講, 佢就會望住講
7) 大多指令都肯做, 掉垃圾, 俾野人, 等候時肯數1-20, 會叫媽咪出黎同佢玩
8) 偏食: 肚餓會食包, 餅, 粉, 麵,唔食菜, 肉類唔太好, 鐘意食魚,雞, 香口野, 薯條, 糖
9) 試過係屋企玩過一兩次自轉,同車轆, 但99%時間都係正常咁玩
10)有試過話完佢, 或佢以為我地話佢, 隔左一分鐘左右先大叫
11)同佢玩玩具, 你同佢講玩具點玩, 佢覺得有興趣就跟你做, 想你陪佢玩,如唔感興趣, 就用自己方法 E.G. 玩煮飯仔, 叫佢要用羹”不”野食, 佢不幾下覺得唔方便, 就用手擺入羹先再放入碟, 同佢玩貼紙, 貼眼鼻咀都可以自己貼番正常位置
12)大多數唔鐘意聽人講故仔, 鐘意自己逐頁打開, 一係要我就好大動作, 好誇張咁講, 佢先聽你講, 試過佢唔聽我講故事, 我就抱左妹妹坐我大脾聽, 佢就唔鐘意搵左個細波仔掉我同妹妹, 我見佢應該係呻醋, 所以我又抱埋佢一齊講, 佢又肯坐係度聽
13) 試過佢自己唔小心撞到個頭, 問佢邊度痛痛, 佢唔答我, 又唔指, 只係自己喊, 但會話你知被蚊咬,佢講痛/佢話咬, 搽, 用手指按住左俾咬既位置

---

作者: miss_siu88    時間: 15-10-9 11:01



看起來沒什麼問題吧？我仔仔又是差不多，有眼神接觸、聽指令、語言有點delay, 有時不望人（正在train)。 我帶他找臨床心理學家看，但心裡學家說，現在太小，評估也不准確。 評估的目的也是想知道他有什麼不足，需要提高(除非你想現在拿報告排政府位)；現在既然你知道他的問題所在，可以先train他，比如提高語言、多社交（你仔仔社交方面好像沒有問題）， 遲些再去看臨床心理學家。
你有報協x的語言評估嗎？
我仔仔去做，姑娘好nice。以互動玩為主，小朋友就願意講多d，但協x只會給出一些建議，不會說有多少delay，也有可能不是delay太多的原因； 因為再之前也做過一次，會明確給出說delay半年。           

我自己有做家居語言訓練，似都有效。真是要自己講多d，我之前放工回來根本不想講野，現在什麼事情也講，仔仔都多了不少長句子。

---

作者: mslala    時間: 15-10-9 11:24



回覆 miss_siu88 的帖子

想問你仔仔多唔多唔應人架?

---

作者: miss_siu88    時間: 15-10-9 11:30



回覆 mslala 的帖子

主要是在家接觸比較多，有時他明知是叫他的名字，但不應。  也可能試得太多，他覺得煩不應我。但是如果跟他說話， 要不要去哪裡 （例如問  要不要坐巴士？一定會答我 要），要不要 / 好不好，小朋友在幹什麼，之類  對答不錯的。

---

作者: mslala    時間: 15-10-9 11:35

miss_siu88 發表於 15-10-9 11:30
回覆 mslala 的帖子

主要是在家接觸比較多，有時他明知是叫他的名字，但不應。  也可能試得太多，他覺得煩 ...

咁最終你有冇帶佢去評估? 兩歲半時可以講到短句未? 你係自己同佢做家居訓練, 定請人番黎教佢?? 有冇上言語治療呀? 唔好意思呀~ 我確係好擔心, 所以想了解下~

---

作者: mslala    時間: 15-10-9 11:43

miss_siu88 發表於 15-10-9 11:01
看起來沒什麼問題吧？我仔仔又是差不多，有眼神接觸、聽指令、語言有點delay, 有時不望人（正在train)。 我 ...

佢2歲4個月時有帶佢去做言語評估, 話佢DELAY左1歲左右, 但我地依幾個月同佢講多左好多廣東話, 佢講野係多左, 但仲未好明人地問佢問句, 最近係領X同佢上小組個治療師話佢而家應該都係DELAY左少少, 應該都係2歲到2歲3個月左右. 話佢地依個年齡對名詞既野好快會識, 但係形容詞同埋動詞會冇咁易掌握.

---

作者: miss_siu88    時間: 15-10-9 11:49



暫時未，因為臨床心理學家說先train他，之後看看有沒有進步有沒有需要，如果擔心就搵吧，其實我都排協x已一個月，但還未有消息； 暫時我自己做，借了各種書來看，感統/專注力/自閉/語言，協x會都有些教材。 最初最擔心是他自閉，但我自己找來自閉評估的一些criteria看，其實一些問題主要還是問家長的意見，自己眼中的孩子和別人眼中的或許不太一樣，所以答案也未必客觀，所以臨床心理學家說不准的。可以現在不做。  多些社交和語言提高之後，可能情況會改善。

除了語言外，其實我只是1個月前才開始擔心他其他方面的落後...

如果$不是問題，就評估吧，多一個參考意見也好。

---

作者: miss_siu88    時間: 15-10-9 11:52

回覆 mslala 的帖子

仔仔兩歲半時候會講很多名詞、顏色，會唱兒歌，最長的句子是“媽媽整xx給xx吃”。但是面對陌生人很少說話。  所以當時我沒有留意他的語言落後。以為慢慢會追上。

---

作者: mslala    時間: 15-10-9 12:01

miss_siu88 發表於 15-10-9 11:49
暫時未，因為臨床心理學家說先train他，之後看看有沒有進步有沒有需要，如果擔心就搵吧，其實我都排協x已一 ...

我排緊協X, 唔洗等咁耐時間喎~ 我月尾可以去做評估喇~ 都係心理學家, 頭一個鐘係同家長傾, 做咨詢先, 收費$1,200. 我都有D懷疑佢地點去介定, 所以我諗緊係自己見左先, 睇佢點講, 但仲未決定俾唔俾佢做詳細評估.

---

作者: miss_siu88    時間: 15-10-9 12:05



返來結果update下啊，我在排但無人聯繫我；排語言反而一周內已獲安排。  我估心理學家會建議是否需要詳細評估。
我有提前把仔仔各方面的表現（語言、社交、固執行為、大小肌肉、感統）準備好告知心理學家，其實所謂固執行為原來都是一時時的，可能早兩個星期這樣到現在已經不是這樣了。心理學家好好人，告訴了一些解決的方法。比如 每日regular的活動 早睡覺、家長一起陪孩子玩、讚賞、         跟從這麼做，好多時都work。
我看的是某大學的臨床心理學家，先做評估，然後決定是否要詳細評估。

---

作者: miss_siu88    時間: 15-10-9 12:14



領X 的語言好不好？ 其實我都有報名領x的語言和社交，但還未開始上堂。 同大人玩他ok，同小朋友在遊樂場都ok，但在學校多一個人玩。 不知領x那裡的同學是怎樣的呢？


看你其他post，原來你又是講英文又講普通話，而語言評估是廣東話。我家之前都是，他識拼音聲母+背唐詩，會幾十個漢字，也愛看英文書，但家中溝通還是廣東話，      不過我現在已經不主動加其他語言了，主要廣東話來train他。

其實我估智力應該ok，只擔心是A仔。

---

歡迎光臨 教育王國 (/)

Powered by Discuz! X1.5