教育王國

標題: 請教如何改善小四生英文閱讀理解 [打印本頁]

作者: 家希媽媽 時間: 15-10-9 01:44 標題: 請教如何改善小四生英文閱讀理解

小朋友今年升小四，小三同佢溫習時已經發現他對英文閱讀理解有啲困難，所以佢英文閱讀同作文都只70幾。我叫佢解釋一啲簡單段落佢都只將每個字解釋，但集合成一段就變得意思不通，連自己都唔明。看了很多家長教路，都有打算讓他多看看英文書本。不過係我應唔應該從旁解釋意思？因為怕佢唔明就無左閱讀興趣，不過由我去解釋又好似失去左令佢提升閱讀理解能力嘅訓練意義！
各位家長，請指教我應該點幫佢！謝謝！

作者: kirstyau 時間: 15-10-9 06:53 標題: 引用：小朋友今年升小四，小三同佢溫習時已經發現

原帖由 家希媽媽 於 15-10-09 發表
小朋友今年升小四，小三同佢溫習時已經發現他對英文閱讀理解有啲困難，所以佢英文閱讀同作文都只70幾。我叫 ...

閱讀由淺入深，跟自己程度及喜好(唔好跟幾多歲應該睇咩書,唔好同人比較)，首要令佢唔抗拒睇英文書開始先！

作者: S-Kwok 時間: 15-10-9 07:41 標題: 引用：小朋友今年升小四，小三同佢溫習時已經發現

原帖由 家希媽媽 於 15-10-09 發表
小朋友今年升小四，小三同佢溫習時已經發現他對英文閱讀理解有啲困難，所以佢英文閱讀同作文都只70幾。我叫 ...

個人意見: 先選擇合程度嘅書，如此，唔識嘅字應較少，遇上唔識嘅，先吓依前文後理估，如想確實知道解釋，可看畢全書/一個chapter先再查字典。如果選擇程度合適嘅，應該會理解到文章，唔需父母解釋。

作者: stockmike 時間: 15-10-9 14:29 標題: 回覆：請教如何改善小四生英文閱讀理解

我相信小四她也不會俾你陪讀了，試下揾啲她認為有趣手工藝一齊玩吓，例如制作情景模型整甜品，但買啲英文版書，局佢睇多啲英文。再慢慢引她睇多圖的書。

作者: 家希媽媽 時間: 15-10-23 18:02

多謝以上媽媽的指教

可能有點依賴，他很喜歡我坐在旁邊讀一遍給他聽，這樣又好嗎？（不解釋，只讀一遍）

作者: 謙仔媽咪 時間: 15-10-24 11:17 標題: 回覆：家希媽媽的帖子

孩子信心不足，希望有人陪讀是可以理解的，可以試下鼓勵佢讀出識得既字，唔識既字或串埋一齊唔明既你可以從旁解釋及引導，初初陪讀會好倦，但假以時日，佢有足夠信心就會自己做，加油呀，媽媽

作者: HaYi 時間: 15-10-24 12:59

小四好大個, 佢會仍受伴讀?

我自己個都是上P4, 是相反, 中弱英強, 我買些有中英對照的小說名著, 佢先自動睇左佢識的英文, 又會睇下旁頁的中文, 叫多D時間睇左中文, 當然冇純中文的散文之類文筆好, 但當睇多D另一少看的語言都不錯.

歡迎光臨教育王國 (/)