教育王國

標題: sscps有乜咁好? [打印本頁]

作者: 2Bwed 時間: 15-10-8 17:36 標題: sscps有乜咁好?

sscps有乜咁好，值咁貴學費?本人當年會考成績唔夠好先轉咗去ssc (轉dss前)，覺得間學校非常一般，莫非小學部風氣唔同啲?

作者: ppmmbb 時間: 15-10-13 15:51 標題: 回覆：sscps有乜咁好

包裝貴d，方便迎合國內人掛!

作者: 2Bwed 時間: 15-10-13 18:53 標題: 引用：包裝貴d，方便迎合國內人掛! +

原帖由 ppmmbb 於 15-10-13 發表
包裝貴d，方便迎合國內人掛!

我見到sscps出百萬學券都呆咗，仲要寫明兩個小朋友就要二百萬

作者: Nath 時間: 15-10-13 23:43

回覆 ppmmbb 的帖子

如果你真係咁諗，未免太睇少香港人喇！唔係樣樣野都要同大陸掛鉤既。

作者: Nath 時間: 15-10-13 23:48

回覆 2Bwed 的帖子

如果你真係讀SSC, 而又真心想了解SSCPS多點，我相信你用舊生network 去問，得到既資料肯定比係呢到問既多同仔細。我知道大部分SSCPS 既家長唔係成日睇EK 既。

作者: 2Bwed 時間: 15-10-15 07:28 標題: 引用：回覆+2Bwed+的帖子如果你真係讀SSC,+而又

原帖由 Nath 於 15-10-13 發表
回覆 2Bwed 的帖子

如果你真係讀SSC, 而又真心想了解SSCPS多點，我相信你用舊生network 去問，得到既資料 ...

老老實實，個個舊生都覺得自己母校最勁最巴閉，加上ssc同sscps隔咗成條街，唔係上游水堂都唔會過去小學嗰邊。

唯有好似你咁講，返舊生活動了解吓啦，有料再share畀大家。

作者: Nath 時間: 15-10-15 11:19

回覆 2Bwed 的帖子

學校透明度高，你去website 已經可以睇到每日每級既功課量、課外活動、考試安排、校外比賽、師資、課程設計、視學報告等大量資料。再加上問下現時既家長，你應該感受到點解學校會受歡迎。聖士提反好多學生都係兄弟姐妹甚至父母都係畢業生，絕大部分都會直升書院，所以對學校歸屬感好強。加上六年級既寄宿安排，除左訓練獨立外亦令同學們感情好好，呢d都唔係好多學校比到既。雖然到中學，好多同學包括好多成績好既會去左外國留學，但轉左做直資後學校公開試成績越來越好，絕對係一間band one 中學。所以經濟能力負擔到，我會選擇一間讀得開心，有balance life 而又有band one 中學backup 既學校。

作者: 2Bwed 時間: 15-10-15 12:47

本帖最後由 2Bwed 於 15-10-15 13:07 編輯

Nath 發表於 15-10-15 11:19
回覆 2Bwed 的帖子

學校透明度高，你去website 已經可以睇到每日每級既功課量、課外活動、考試安排、校外 ...

嗯，我都認同ssc學生對學校歸屬感好強，尤其係同住多年嘅宿生，但當年作為「插班生」，我只感覺學生自我保護意識太強，排外性仲強！唔知關唔關ssc地處偏遠，附近又無其他學校，在毫無競爭／比較意識底下成長，自然無視其他學校。令我最為深刻係，當年來自全港各所名牌學校（有齊各位家長趨之若鶩嘅1a英中）嘅轉校生，因有著各所舊校的聯繫，提議大量舉辦交流活動如oral practice（心諗：joint school活動是常識吧?!?!），點知反應冷淡，學生亳不感興趣！我歸咎依個都係ssc學術成績參差嘅最大原因！

不過假如各位經濟能力好，可以負擔子女到外地升學，想讓孩子快樂成長嘅話，sscps > ssc係好好嘅選擇，因為全校上下確實同校歌一樣「our hearts are young our ideals high, we are prepared to work and PLAY」，玩到爆！

作者: Nath 時間: 15-10-15 13:02

本帖最後由 Nath 於 15-10-15 13:04 編輯

回覆 2Bwed 的帖子

其實唔係淨係SSC, 我知道好多預科插班生係唔同既中學都會或多或少有隔膜；始終其他人同學至少由Form 1 已經認識，再加上人大左係冇咁容易混熟。屋企人之前都轉左入DBS 讀IB, 佢都話好難融入到個種兄弟情，感覺有d孤獨。而事實上我接觸過既SSC 畢業生都真係讀得又玩得，好獨立好自信，好多都係專業人士。當然，每間學校總有冇咁讀到書既，不能寄望個個都成績優異啦！

作者: 2Bwed 時間: 15-10-15 15:24 標題: 回覆：Nath 的帖子

本帖最後由 2Bwed 於 15-10-15 15:36 編輯

都要講句公道説話，ssc老師真的好有心教，以前學校唔係老師叻，係同學資質高，而ssc係老師叻，同學相對較懶散。

我是在ssc歷史課堂上首次認識8964，如此敏感課題，又不在syllabus之列，老師大可不提，男老師卻講到淚流滿面，到宜加諗起都非常感動

作者: mangobee 時間: 15-12-18 00:33

SSCPS is a good school

作者: sgss1 時間: 16-3-28 00:57 標題: 回覆：sscps有乜咁好

没钱万万不可的一家学校。

歡迎光臨教育王國 (/)