教育王國

標題: 小一學生功課問題 [打印本頁]

作者: gokinjo 時間: 15-10-8 14:45 標題: 小一學生功課問題

小兒剛升讀小一, 學校功課唔多, 每天約3-6項, 如果佢肯乖乖做, 60分鐘內一定能夠完成.  但每天都不能夠專心做功課, 玩擦膠, 玩鉛筆, 踢腳, 發呆, ..., 結果, 花上2個半鐘, 鬧左唔知幾多次才勉強完成當天功課.

仔仔在自己房做功課, 書枱上只有鉛筆, 擦膠, 枱燈, 我或先生會在房中陪佢一齊做功課.  就算有人在旁陪做功課, 仔仔都可以發呆, 完全不理我的提醒, 結果, 由提醒變輕責再變成責罵.  就算換人陪做功課結果亦一樣, 所以每天都要發好多時間才能完成功課.

我和先生分別同仔仔講過, 做唔晒功課唔可以玩, 仔仔的做功課態度差, 先生不會陪他睡前看書 (仔仔好喜歡爸爸, 每晚都要他陪看書), 但他就是不合作.  由於他的態度差, 所以先生不陪他看書, 但佢好似唔明我地說話, 每隔一陣就走來爸爸面前要求陪他看書, 爸爸拒絕要求他就會又叫又跳的發脾氣, 不理會他, 等佢安靜下來又會走到爸面前要求陪他看書, ... 為此親子關係大受影響, 亦因為仔仔的行為令我們減少了分配給小兒子的時間.

我曾聯絡學校老師, 但老師說仔仔課堂表現還好, 雖偶有發呆,  但有提問或主動回答老師問題, 能理解上課內容.  我亦為仔仔申請了評估, 但尚未收到回覆, 在這段時間我能夠做些甚麼?  在做功課方面我能夠如何改善呢?

作者: angieip 時間: 15-10-8 15:46

提示: 作者被禁止或刪除內容自動屏蔽

作者: brother4 時間: 15-10-8 15:59 標題: 回覆：小一學生功課問題

可能番學太攰，試放學回家睡一會才做功課

作者: mansum92 時間: 15-10-8 16:05 標題: 回覆：小一學生功課問題

我當初係set左時間做功課，做唔晒會收走。第一次收走功課，到9點比番佢做，9點半上床，做唔晒都就咁交。第二日已經好快就做晒。

作者: gokinjo 時間: 15-10-9 10:38

回覆 brother4 的帖子

3:30PM放學, 回到家仔仔會先小睡1小時左右, 約6點起身.
6-7PM做功課
7-8PM食晚餐, 休息
原本計劃晚餐後溫習一會或繼續做功課至8點半, 之後就係親子時間, 但由於仔仔做功課不專心, 一般都要9點半才能完成當日功課.

作者: gokinjo 時間: 15-10-9 10:42

回覆 mansum92 的帖子

曾經試過咁樣做, 但佢完全唔驚, 所以沒有再咁做.

作者: brother4 時間: 15-10-9 14:29 標題: 回覆：gokinjo 的帖子

你個算好，朋友孩孑回家冇睡，家中磨至8時，檢查吓如備課，只做頭尾，再看數共五題，錯4題，朋友開始有火，做好準備温習，至發現漏寫手冊，還有ㄧ件未做，10時做好功課，朋友更火，因明天默書未預默，冇言。。。

作者: gokinjo 時間: 15-10-9 15:31

回覆 brother4 的帖子

我試過陪做一份中文功課, 要求寫2句句子, 加埋約20個字, 我同個仔做左2個鐘. 因為佢不停玩, 發呆. 最後我在盛怒下大罵仔仔, 佢含住眼淚2分鐘完成. (果刻我好想撞頭, 嬲自己身為大人未能控制情緒, 也嬲仔仔點解要浪費2小時在無謂行為上)

作者: brother4 時間: 15-10-9 16:10 標題: 回覆：小一學生功課問題

不如先默書，後做功課，朋友話有先後次序，不能改，將來長大做個有責任的人。。

作者: mayyylai 時間: 15-10-9 17:51

樓主，想請問你個小朋友 K3 時做功課都係咁？
有大人係度都仲玩刷膠？
用 2 個鐘先寫到 20 個字又真係好激氣嘅

作者: celiakids2013 時間: 15-10-10 11:15 標題: 回覆：小一學生功課問題

仔仔用奬勵方法，抄好手冊，自動自覺做功課，自己執書包等，儲印仔換小禮物，有時功課多，加碼印仔奬勵，但有時功課多都扭計

作者: mch411 時間: 15-10-10 12:36

試下唔好午睡

作者: mypineapple 時間: 15-10-10 21:36

我孩子經常抱怨, 唔想做功課, 明明可以一小時內完成, 要兩至三小時, 什至大半天(星期六)~ 真係鬧又鬧過, 哄又哄過, 可以點......

作者: gokinjo 時間: 15-10-13 10:13

回覆 celiakids2013 的帖子

己有貼紙獎勵計劃, 但佢不會為了貼紙而乖乖合作一點.

作者: gokinjo 時間: 15-10-13 10:21

回覆 mch411 的帖子

放學回家唔瞓, 到晚餐時間仔仔就會恰眼瞓, 食完飯即刻入房, 所以不會強迫仔仔戒午睡.

作者: wan_sosin 時間: 15-10-13 10:26 標題: 引用：回覆+mch411+的帖子放學回家唔瞓,+到晚餐

原帖由 gokinjo 於 15-10-13 發表
回覆 mch411 的帖子

放學回家唔瞓, 到晚餐時間仔仔就會恰眼瞓, 食完飯即刻入房, 所以不會強迫仔仔戒午睡.

試下慢慢減少午睡，先減十分鐘，然後慢慢減，可以唔瞓就最好，寧可早做完功課早D瞓，但唔得都最好瞓半小時就好了。

作者: gokinjo 時間: 15-10-13 10:27

回覆 mayyylai 的帖子

仔仔K3時候做功課態度不算好(寫字出界唔比擦), 速度還可以. 幼稚園功課沒有小學難和多所以做功課時一般都不會發呆和玩擦膠, 但他總是不停說話, 口水多過茶.

作者: gokinjo 時間: 15-10-13 10:47

回覆 mypineapple 的帖子

教導, 獎勵, 對仔仔起不了效用;
不想責罵, 但仔仔的行為根本就是挑戰我的EQ;
平日工作已很忙, 放工後回到家真的不想因為功課問題跟仔仔關係弄得如此緊張.

作者: mayyylai 時間: 15-10-13 13:04

回覆 gokinjo 的帖子

完全理解，因為我都唔係一個全職媽咪，放工返到屋企真係成個人散晒，仲要對功課、溫書，人都顛

作者: mayyylai 時間: 15-10-13 13:07

回覆 gokinjo 的帖子

阿女以前間學校升到 K3 就轉做下午校，所以已經經歷了一年冇瞓晏覺嘅日子，真係得喎，我曾經問過學校點解，佢哋話因為宜家好多學校小學已經返全日，為咗另班小朋友早啲適應，所以將 K3 變做返下午

作者: mama122909 時間: 15-10-13 14:11

比個計時器佢計時，專心做功課變成一個遊戲

作者: mypineapple 時間: 15-10-13 22:54 標題: 回覆：小一學生功課問題

而家用吸印仔，換野來奬孩子，今日情況好好多

作者: mypineapple 時間: 15-10-13 22:56 標題: 回覆：小一學生功課問題

而家用吸印仔，換野來奬孩子，今日情況好好多

作者: babyfunny0816 時間: 15-10-14 00:10 標題: 回覆：gokinjo 的帖子

試下回家先比佢休息下，沖涼，等佢個人醒神d先開始做工課，每做半個鐘休息五分鐘。
我就咁對我個囡，再加近期有奬勵計劃，佢做得快左好多，同埋獎品可以多元化，可能貼紙對你仔仔已失去吸引力了。

作者: ahken3388 時間: 15-10-14 08:05 標題: 回覆：babyfunny0816 的帖子

我個情況同你—模—樣, 寫六個中文字用了半粒鐘, 造—句句子, 唸左半粒鐘，一份中文詞語功課己經寫了二個半小時，最後我仲有焦慮症添, 要食藥。
最後，我和爸爸用了一個方法，work! 不過要狠心。
我同佢講, 索性唔好做, 等老師明天訓佢欠交! 跟住佢就會搶返本功課繼續做, 我地就陪佢磨時間，最後半夜一點做完. (只係五樣功課 , 不算多)
佢超赲, 一路眼瞓一路做, 當然呢個時候唔好再要求字體工整, 完成了便算!
到了第二日，在極度眼瞓嘅情况下返學!
其妙的事就來了，當我放工放家, 佢竟然已經把所有功課完成，我當時個心直頭想喊了出來，他終於明白了!
這是我自己的經驗，以作參考！

作者: little_yolky 時間: 15-10-14 09:31

mama122909 發表於 15-10-13 14:11
比個計時器佢計時，專心做功課變成一個遊戲

專心做功課變成一個遊戲 <=== 呢樣真。

好似我隻細既, 真係唔專心到......唉。做一張英文worksheet, 得10題, 可以半個鐘都做唔好, 話唔識做。咁我激鬼氣, 坐响佢旁邊一邊讀出句子的重要字眼(因為只加is am are), 一面好似賽馬直擊咁响旁邊叫佢唔需要諗, 馬上寫答案, 即寫即做下一題, 係咁賽馬直擊佢, 最後佢真係好似隻賽馬咁, 一題接一題, 無得諗地直寫答案, 一分鐘就做好了。做完佢透咗一啖大氣, 然後我哋兩個儍笑。

作者: IloveJJ 時間: 15-10-14 13:24 標題: 引用：而家用吸印仔，+換野來奬孩子，+今日情況好

提示: 作者被禁止或刪除內容自動屏蔽

作者: little_yolky 時間: 15-10-14 13:31

IloveJJ 發表於 15-10-14 13:24
我就唔會用獎勵方法嚟叫佢做功課，做功課根本係佢既責任，點解要獎?考試測驗成績好我就會獎。我都贊成樓上j ...

可能你係兩個仔仔唔一樣, 咁樣講, 阿女真係會奬我錫一啖的

作者: TinTinMame 時間: 15-10-14 13:37

ahken3388 發表於 15-10-14 08:05
我個情況同你—模—樣, 寫六個中文字用了半粒鐘, 造—句句子, 唸左半粒鐘，一份中文詞語功課己經寫了二個半 ...

作者: MASAYA 時間: 15-10-14 13:38

IloveJJ 發表於 15-10-14 13:24
我就唔會用獎勵方法嚟叫佢做功課，做功課根本係佢既責任，點解要獎?考試測驗成績好我就會獎。我都贊成樓上j ...

同意，讀書係佢地責任，考完試係去慶祝，唔係獎勵

作者: IloveJJ 時間: 15-10-14 13:43 標題: 引用：Quote:IloveJJ+發表於+15-10-14+13:24+我就

提示: 作者被禁止或刪除內容自動屏蔽

作者: IloveJJ 時間: 15-10-14 13:47 標題: 引用：Quote:IloveJJ+發表於+15-10-14+13:24+我就

提示: 作者被禁止或刪除內容自動屏蔽

作者: MASAYA 時間: 15-10-14 13:52

IloveJJ 發表於 15-10-14 13:47
哈哈，我好市儈的，考完試我無慶祝，要有好成績先有獎。我成日咁講:你爸爸返工係責任，如果業績唔好，同老 ...

因為孩子成長中，係一個過程，我重視呢刻既過程多於結果，我地成年人返工要有業績，當然重視結果啦，睇情況重視邊樣啦，小學呈分試當然睇結果啦，讀左五六年小學，要為小學階段埋單啦嘛

作者: gokinjo 時間: 15-10-14 14:02

回覆 ahken3388 的帖子

有一次我試過嬲到話唔同佢做功課, 由佢欠交功課, 之後動手執功課入書包.
佢既反應同你小朋友一樣, 即刻搶番D功課, 話唔想欠交功課, 會專心做功課, 但5分鐘後回復之前的不合作模式.

我唔想因為功課影響大家關係, 但暫時又未找到方法解決問題..., 我怕問題持續下去會影響小朋友學習興趣...

作者: S-Kwok 時間: 15-10-14 19:32 標題: 引用：Quote:mama122909+發表於+15-10-13+14:11+

原帖由 little_yolky 於 15-10-14 發表
專心做功課變成一個遊戲

如果用賽馬直擊咁對我仔，我仔一定發顛

作者: S-Kwok 時間: 15-10-14 19:45 標題: 引用：Quote:原帖由+mypineapple+於+15-10-13+發

原帖由 IloveJJ 於 15-10-14 發表
我就唔會用獎勵方法嚟叫佢做功課，做功課根本係佢既責任，點解要獎?考試測驗成績好我就會獎。我都贊成樓上j ...

如果你咁講，測考好都唔應該獎囉。
舊年我會喺阿仔考完試就獎佢努力温習，之後即使佢喺學校攞咗獎，我都係同佢講，學校比嗰獎你已經係最大嘅獎勵，無再額外獎佢。
但係我老公就唔係咁睇，佢覺得考到好成績再獎，對小朋友嚟講係一個動力。

作者: under_the_tree 時間: 15-10-14 20:32 標題: 引用：樓主，想請問你個小朋友+K3+時做功課都係咁

原帖由 mayyylai 於 15-10-09 發表
樓主，想請問你個小朋友 K3 時做功課都係咁？
有大人係度都仲玩刷膠？
用 2 個鐘先寫到 20 個字又真係好激 ...

我都覺得升K3時要開始train定。因K3與P1個gap好大

作者: IloveJJ 時間: 15-10-14 22:52 標題: 引用：Quote:原帖由+IloveJJ+於+15-10-14+發表我

提示: 作者被禁止或刪除內容自動屏蔽

作者: mypineapple 時間: 15-10-14 23:00 標題: 回覆：IloveJJ 的帖子

呢招仲有效

作者: mypineapple 時間: 15-10-14 23:03 標題: 回覆：S-Kwok 的帖子

我會不停鼓勵，讓佢有動力，奬係俾佢知道媽媽知佢盡咗力，係人都鍾意人氹，老公奬老婆都得架！

作者: mypineapple 時間: 15-10-14 23:04 標題: 回覆：IloveJJ 的帖子

我鍾意互相欣賞，奬，係愛的表現，肯定！

作者: IloveJJ 時間: 15-10-14 23:26 標題: 引用：我鍾意互相欣賞，+奬，+係愛的表現，+肯定

提示: 作者被禁止或刪除內容自動屏蔽

作者: MASAYA 時間: 15-10-14 23:47

IloveJJ 發表於 15-10-14 23:26
各有各睇法啦！我會鼓勵，但無好成績不會獎，希望佢知道不止要你盡力，別人是要看到有成績才有獎。我覺得現 ...

我反而覺得唔捱得唔話得就係結果先決既後果, 一場強弱懸殊既足球比賽, 一開始hea踢? 因為知道贏唔到, 明知輸都盡力係體育精神, 唔捱得唔話得就係缺乏呢種精神, 明知唔得都盡力係鍛鍊靭力既途徑

盡力考試但冇好成績, 原因可以好多, 當日身體不適, 考試場地有意外發生, 壓力大導致臨場失準, 再拉遠少少講, 盡力但結果未如理想同不擇手段贏到最後, 你選擇前者還是後者?

作者: momama 時間: 15-10-15 06:44 標題: 回覆：小一學生功課問題

基本上我只獎勵態度，亦都唔會之講定乜條件；大女已小五啦，從來冇試過d貼紙計劃。

作者: momama 時間: 15-10-15 06:45 標題: 回覆：小一學生功課問題

基本上我只獎勵態度，亦都唔會之前講定乜條件；大女已小五啦，從來冇試過d貼紙計劃。

作者: S-Kwok 時間: 15-10-15 08:00 標題: 引用：Quote:原帖由+S-Kwok+於+15-10-14+發表如果

原帖由 IloveJJ 於 15-10-14 發表
你有睇我第二個post嗎？我覺得返學做功課溫習是責任，正如我煮飯俾家人食係媽媽責任。但一個人完成責任之餘 ...

其實真係各有各睇法。
不過，其實有好多因素會影響成績。有啲小朋友真係出盡力都考唔到幾成績。例如，我花盡心思整靚款麵包，但整出嚟跟想像嘅係兩回事，唔靚，但睇得出有落心機，咁我都想有人讚吓我有花心思㗎嘛。

作者: 1234ats 時間: 15-10-15 08:46

樓主可以試試讓孩子每天運動半小時，跑跑跳跳對身體有益，運動可發洩孩子多餘精力及提高專注度。
玩累了先午睡半小時，待精神飽滿後才開始做功課。

作者: little_yolky 時間: 15-10-15 09:08

S-Kwok 發表於 15-10-14 19:45
如果你咁講，測考好都唔應該獎囉。
舊年我會喺阿仔考完試就獎佢努力温習，之後即使佢喺學校攞咗獎，我都係 ...

如果佢考得好, 尤其係unexpected咁進步咗, 我會好誇張咁讚佢, 表示我對佢既欣賞, 好似呢個公仔咁==>

呢個好work, 只要欣賞佢, 佢就好開心+越做越好, 發揮埋佢既小宇宙。當然, 我既讚賞係好吝嗇的。

作者: mypineapple 時間: 15-10-15 09:10 標題: 回覆：little_yolky 的帖子

俾人讚動力真係大好多

作者: MrBeast 時間: 15-10-15 11:27

momama 發表於 15-10-15 06:45
基本上我只獎勵態度，亦都唔會之前講定乜條件；大女已小五啦，從來冇試過d貼紙計劃。

...

同意，獎勵努力付出好過結果/成績

作者: IloveJJ 時間: 15-10-15 12:44 標題: 引用：Quote:IloveJJ+發表於+15-10-14+23:26+各有

提示: 作者被禁止或刪除內容自動屏蔽

作者: IloveJJ 時間: 15-10-15 12:45 標題: 引用：Quote:原帖由+IloveJJ+於+15-10-14+發表你

提示: 作者被禁止或刪除內容自動屏蔽

作者: IloveJJ 時間: 15-10-15 12:56 標題: 回覆：小一學生功課問題

提示: 作者被禁止或刪除內容自動屏蔽

作者: InkCartridge 時間: 15-10-15 12:59

little_yolky 發表於 15-10-14 09:31
專心做功課變成一個遊戲

即係點？你讀答案，佢寫？

作者: 傻太 時間: 15-10-15 13:09

IloveJJ 發表於 15-10-14 13:24
我就唔會用獎勵方法嚟叫佢做功課，做功課根本係佢既責任，點解要獎?考試測驗成績好我就會獎。我都贊成樓上j ...

讚同不用獎勵, 反而提醒佢自身的責任感&對自己的要求, 剛小一, 幾次測驗/默書滿分, 其中英測有題幾tricky, 但佢竟然識做&無careless mistake, 果兩日有諗過買禮物獎勵佢, 但左諗右諗, 最後打消了, 我不希望他是為了要一根蘿蔔而向前行的驢子, 我希望他是為了自己要看更闊的世界而向前走

做功課, 當然不是100%專注, 上個月罵到我自己都口臭; 這個月, 總之我放工回家後吃完飯, 完成曬功課(唔識可以問我)&執好書包, 我就會跟他踢波或公園或踏單車; 夠鐘未搞掂我就只帶妹妹出去, 個傻仔為左玩乜都得的, 所以呢兩三星期都算係咁…..(上個月講左n次「媽媽放工返黎係想同你傾計同你玩, 唔係想同你做功課….」)

黎緊月尾測驗, 雖然上學期只測兩科, &佢有足夠老本啃; 但我都會在最後一天測驗後請半天假和他去玩, 該說是「慰勞」吧 (但唔見左彈床樂園個團購廣告, 有見到請告知)

作者: MrBeast 時間: 15-10-15 13:29

有好成績都會買些好野比小孩吃，不過有時我用慶祝instead of獎勵

作者: MASAYA 時間: 15-10-15 13:58

MrBeast 發表於 15-10-15 13:29
有好成績都會買些好野比小孩吃，不過有時我用慶祝instead of獎勵

我係話慶祝, 唔係獎勵架

作者: InkCartridge 時間: 15-10-15 14:18

little_yolky 發表於 15-10-14 09:31
專心做功課變成一個遊戲

little_yolky 你有無睇過賽馬直擊架? 發表於 2 分鐘前

我唔睇賽馬節目。你講到好似好好玩咁，所以想知。

作者: little_yolky 時間: 15-10-15 14:20

InkCartridge 發表於 15-10-15 12:59
即係點？你讀答案，佢寫？

估計你係無睇過賽馬直擊。睇賽馬同睇波一樣, 如果無咗個旁述, 會無咁投入。

例如阿女份功課, 只係要填is am are, 老實講, 係完全唔需要用腦既。但佢成日响度諗, 諗完一大輪都仲唔寫個答案, 所以做半粒鐘都做唔完一頁worksheet。

咁我呢, 就响旁邊, 用好「激勵」既說話, 一邊講：
第一題, 係she喎, she填咩? 唔駛諗, 即刻填, 係呀, 唔駛諗呀, 填落去, 填咩呀。好, 第二題, Peter and I, 幾多個人呀, 即刻填啦, 咁都要諗, 唔駛諗的, 填啦填啦........如此類推(請配合賽馬直擊旁述衝線前既語調同速度)

如是者, 一分鐘就做完了。

作者: IloveJJ 時間: 15-10-15 14:24 標題: 回覆：IloveJJ 的帖子

提示: 作者被禁止或刪除內容自動屏蔽

作者: InkCartridge 時間: 15-10-15 14:30

little_yolky 發表於 15-10-15 14:20
估計你係無睇過賽馬直擊。睇賽馬同睇波一樣, 如果無咗個旁述, 會無咁投入。

例如阿女份功課, 只係要填is a ...

等我今晚試下先！

作者: S-Kwok 時間: 15-10-15 15:41 標題: 引用：Quote:InkCartridge+發表於+15-10-15+12:59

原帖由 little_yolky 於 15-10-15 發表
估計你係無睇過賽馬直擊。睇賽馬同睇波一樣, 如果無咗個旁述, 會無咁投入。

例如阿女份功課, 只係要填is a ...

睇到都覺好好笑。

媽媽你用心良苦

作者: picture 時間: 15-10-15 20:11 標題: 回覆：小一學生功課問題

所有功課叫佢一路讀出來一路做，包括「第一課……」

一路寫一路讀出聲。for example
38+82=120

用意係一路engage 佢嘅attention.

作者: mrschan923 時間: 15-10-15 23:12

我個小姐每日有7-8樣功課，她多數能完成5-6樣，到我放工回家時她已小休半小時，但不是全對的。我都照鼓勵她，如遇正快要默書，便要每日花半小時溫下、寫下；我覺得小學生真係好累，要多休息才有能力去應付學校的辛勞…

作者: wister 時間: 15-10-16 21:09 標題: 回覆：gokinjo 的帖子

響學校乖同專心左咁耐，返到屋企做嘢分吓心都好正常呀

歡迎光臨教育王國 (/)