教育王國

標題: 返k1後 [打印本頁]

作者: cindychui 時間: 15-10-8 10:53 標題: 返k1後

阿囡返咗普通k1一個月, 我日日淨係煩昵兩樣都頭大.

第一係阿囡一直忍尿,唔肯疴係底褲度,

可以忍七八個鐘,佢有意識知道急要除褲,但坐係馬桶度,

疴極都疴唔出,見佢忍到咁樣,我心軟同佢著返條片咁先疴到.

但唔可以咁落去點算.

第二返學最大挑戰係一直流鼻水,都未好過.睇咗中醫,西醫都唔得.

我想大喊.

作者: Jcat 時間: 15-10-8 14:08

戒片, 係耐性的考驗. 佢放學返黎一定好急了, 你好溫柔咁陪住佢坐廁呀, 一路同佢唱歌仔, 一路傾計(今晚我煮XXX喎,你鍾唔鍾意呀? 乜都好, 傾計讓佢放鬆), 分散佢注意力.
嘩, 一成功痾到就話" 哦, 原來咁容易既, 原來放鬆就做到, 你做得好好喎, 現在出去獎你一粒糖先, 因為你大個女, 成功自己去vivi了."

作者: chanyuen2012 時間: 15-10-8 18:39 標題: 引用：阿囡返咗普通k1一個月,+我日日淨係煩昵兩樣

原帖由 cindychui 於 15-10-08 發表
阿囡返咗普通k1一個月, 我日日淨係煩昵兩樣都頭大.第一係阿囡一直忍尿,唔肯疴係底褲度,可以忍七八個鐘,佢有 ...

小小經驗分享，我仔嘅女同學都係忍尿似你嘅情況，多啲約埋同學朋友一齊去洗手間排隊洗下手去下vee vee, 等佢知道人人都需要去廁所，加上同學仔媽咪一齊讚佢肯入廁所叻叻佢會學得好啲，比多點時間佢啦，應該會慢慢好過來，當佢得左呢，晚上嘅訓覺片到第二朝都係乾爽你就要捉緊哩個機會同佢著底褲訓，但都要預佢賴尿幾次，跟住就可以架喇………

作者: chanyuen2012 時間: 15-10-8 18:47 標題: 引用：阿囡返咗普通k1一個月,+我日日淨係煩昵兩樣

原帖由 cindychui 於 15-10-08 發表
阿囡返咗普通k1一個月, 我日日淨係煩昵兩樣都頭大.第一係阿囡一直忍尿,唔肯疴係底褲度,可以忍七八個鐘,佢有 ...

如果食極西藥都唔好，你就轉以下方法，
1)流鼻水時請用紗巾或綿巾抹，唔好再用紙巾抹。

2)床單同被每三天更換一次，每一星期一次用高熱力例如蒸氣熨斗蒸下床褥一次殺塵蟎。

3)千祺唔好比老火湯、川貝湯果啲佢飲，只加重咳嗽，現在只適而飲下蕃茄薯仔排骨泹、節瓜瘦肉哩類溫和簡單湯水。

鼻水唔停通常都係鼻敏感作怪，政府門診有隻藥水黃色嘅，係收鼻水同埋鼻敏感都啱，藥力好溫和，我仔就好夾佢。你可以一試。

作者: cindychui 時間: 15-10-9 10:21

Jcat 發表於 15-10-8 14:08
戒片, 係耐性的考驗. 佢放學返黎一定好急了, 你好溫柔咁陪住佢坐廁呀, 一路同佢唱歌仔, 一路傾計(今晚我煮X ...

多謝,我會試下

作者: cindychui 時間: 15-10-9 10:23

chanyuen2012 發表於 15-10-8 18:39
小小經驗分享，我仔嘅女同學都係忍尿似你嘅情況，多啲約埋同學朋友一齊去洗手間排隊洗下手去下vee vee, 等 ...

個衰B死都唔肯賴係底底度,冇計,唯有慢慢來,急都急唔到

作者: cindychui 時間: 15-10-9 10:30

chanyuen2012 發表於 15-10-8 18:47
如果食極西藥都唔好，你就轉以下方法，
1)流鼻水時請用紗巾或綿巾抹，唔好再用紙巾抹。

睇親政府都有開黃色嘅支藥水,食極都唔得,
依家咳仲有痰,又有排搞.

作者: Valmami 時間: 15-10-16 16:02

在家時試下1個至1個半鐘帶佢去vv, v到比個貼紙＋讚佢（要誇張ｄ讚，佢會好開心），　ｖ唔到唔緊要，　叫佢想ｖｖ時同媽媽／屋企人講
ｌｅｅ　個方法係ｐｌａｙｇｒｏｕｐ　家長教我，　我地試左唔夠１個月，　呀女成功戒片～
加油！

歡迎光臨教育王國 (/)