教育王國

標題: 學生功課量與質的反思 [打印本頁]

作者: 荷蘭人 時間: 15-10-7 09:17 標題: 學生功課量與質的反思

學生功課量與質的反思

教育局在2014 年6 月更新《基礎教育課程指引》，刪除初小及高小學生家課書寫量的上限要求，轉由學校自行制訂功課量( 原本的指引：初小和高小的家課書寫量上限分別為30 和60 分鐘)。家長和老師們，回想你們的小學生涯，放學後除了做功課，是看電視，到球場打球，還是做家務呢？現時本港的小學生做功課，補習至晚上十一、二點不足為奇，看到他們每天為功課而掙扎，實在令人不忍！

本港一些主流學校以密集式的功課來維持學生學習水平，一般高小年級的學生，每天可有八至十二份功課，完成功課後還需預習或溫習。除了應付功課，對提昇學生競爭力心切的家長，當然會安排子女到補習班、參與課外活動、學習樂器…即使在假期，老師給予的功課只會更多，功課堆積如山。無可奈何的是教師和學校並不是龐大功課量的始作俑者，很多老師表示課程要求導致功課量不能減少。由2004學年的小三起，小三和小六需應考的全港性系統評估(TSA)。由於教育統籌局以評估結果為指標來評定學校表現，學校由低年級開始便增加功課量以加強操練。加上高小年級需應付的呈分試及中一入學前香港學科測驗(Pre-S1)，各個學科增加為考試而設的練習家課，令功課量問題變本加厲，小學生需承受的學業壓力可稱得上是史無前例的。這大概是近年本地小學生對國際學校學位需求持續增加的誘因吧！

作者: mwfwinnie 時間: 15-10-8 16:15

死症，這就是HK
走到的走(移民)，有$才有機會讀國際學校，無的，感到無奈 . 小孩子壓力爆煲 .

有d家長本身仲要小朋友讀呢樣，學果樣 . 小孩子仲忙過大人

作者: tws2010 時間: 15-10-8 21:03

回覆 mwfwinnie 的帖子

In fact, it's more or less the same studying in international school. My friend's daughter studies in international school. In quantiy, her daughter doesn't have a lot of homework, but in fact, my friend also has to assist her daughter in searching information and preparing for the homework and also work a long time every day.

My boss also says even in foreign countries, students also have tight schedule and all kind of activities fill out all the spare time in the whole week.

作者: IloveJJ 時間: 15-10-8 21:51 標題: 回覆：學生功課量與質的反思

提示: 作者被禁止或刪除內容自動屏蔽

作者: scyauchris 時間: 15-10-8 21:57

練樂器是用得最多時間, 要加多一樣樂器就慘。

作者: S-Kwok 時間: 15-10-9 08:23 標題: 引用：其實我細個讀半日村校，咪一樣做功課做到瞓

原帖由 IloveJJ 於 15-10-08 發表
其實我細個讀半日村校，咪一樣做功課做到瞓覺!鬼叫自己做野慢又唔專心，我細佬就唔同，响學校已做晒，返屋 ...

無論成人定小朋友，即使IQ一樣，能專注嘅，一定會比較著數，做嘢會比較快，自然就有較多時間做自己想做嘅嘢。但無奈嘅係依家即使能在校完成功課，但返全日確實已經係少咗屬於小朋友嘅時間。

如果學校唔一定要學樂器，但小朋友愛嘅，我諗小朋友唔會覺得浪費時間。但學校指定，而小朋友又唔愛，咁就真係好浪費時間。呢樣就係香港教育嘅敗筆，出發點係好，但完全無諗過係唔係適合每位學生？

作者: Yanamami 時間: 15-10-9 08:32

S-Kwok 發表於 15-10-9 08:23
無論成人定小朋友，即使IQ一樣，能專注嘅，一定會比較著數，做嘢會比較快，自然就有較多時間做自己想做嘅嘢 ...

我女小学都要考樂器，但佢小一已同我講唔学樂器~咪唔学囉~学樂器唔平喎，無謂貼錢買难受又浪費精神时间~佢只跟我大女長笛老師学—两隻飲歌就去应付校内音樂試，目標為本，得左~~
有时家長係可以做d野去幫輕下小朋友~

作者: IloveJJ 時間: 15-10-9 10:02 標題: 引用：Quote:S-Kwok+發表於+15-10-9+08:23+無論成

提示: 作者被禁止或刪除內容自動屏蔽

作者: 天瑜 時間: 15-10-9 10:11 標題: 引用：Quote:S-Kwok+發表於+15-10-9+08:23+無論成

提示: 作者被禁止或刪除內容自動屏蔽

作者: S-Kwok 時間: 15-10-9 10:26 標題: 引用：Quote:S-Kwok+發表於+15-10-9+08:23+無論成

原帖由 Yanamami 於 15-10-09 發表
我女小学都要考樂器，但佢小一已同我講唔学樂器~咪唔学囉~学樂器唔平喎，無謂貼錢買难受又浪費精神时间~佢 ...

Good

作者: Jane1983 時間: 15-10-9 10:30

回覆 Yanamami 的帖子

你果然有計！
學體藝，係用好多時間、金錢和精神，仲要係好多年。

一樣體藝學得專，真係一年幾萬元學費，吾知幾多個小時的投入，如果小朋友無興趣，無謂簁氣，栽培第樣好過。

作者: Yanamami 時間: 15-10-9 10:37

本帖最後由 Yanamami 於 15-10-9 10:39 編輯

Jane1983 發表於 15-10-9 10:30
回覆 Yanamami 的帖子

你果然有計！

佢仲要四至六年班都係果两隻飲歌~~係呀~佢每曰要操两个鈡水(呢个係自願既~)仲要学樂器就真係無命！預左比有恒常学樂器既同学低分d, 但果五分之差計落有著数(換番d時间同欢樂)｡亦有小朋友好enjoy学樂器，但0运动，只要佢地鈡意又有乜所謂呢？

作者: S-Kwok 時間: 15-10-9 14:03 標題: 引用：+本帖最後由+Yanamami+於+15-10-9+10:39+編

原帖由 Yanamami 於 15-10-09 發表
本帖最後由 Yanamami 於 15-10-9 10:39 編輯

好合乎經濟學原則，5分就豪比佢。
只要嗰樣活動係小朋友鍾意，即使日花2小時，小朋友又enjoy, 呢條數係抵

作者: InkCartridge 時間: 15-10-15 13:52

IloveJJ 發表於 15-10-9 10:02
贊同!我就係覺得而家個個話想仔女唔好無晒時間，但點解啲家長又要迫仔女學咁多興趣班呢？又要一體一藝!我都 ...

唔少學校要求一人一體藝。體育，我讚成，因為體育對任何一個小朋友的全面發展有益無害，而香港初小的體育堂一星期只有二堂，實在太少。小朋友運動多，身體好咗，大肌肉強壯，精力發洩咗，上堂讀書可以更專心，思想亦會較會正面。藝就好睇個人天份同喜好。

作者: IloveJJ 時間: 15-10-15 14:30 標題: 引用：Quote:IloveJJ+發表於+15-10-9+10:02+贊同!

提示: 作者被禁止或刪除內容自動屏蔽

作者: InkCartridge 時間: 15-10-15 14:42

IloveJJ 發表於 15-10-15 14:30
做運動同藝術當然係好，但彈琴不是藝術嗎？欣賞古典音樂，不能培養情操嗎？培養藝術，要比賽嗎？做運動要比 ...

我唔讚成要比賽操練的運動，亦唔讚成要比賽操練的藝術。培養情操可以慢慢培養。有健康的身體才有心力去學更多的學問。作父母最希望的不就是子女健健康康地長大嗎？十八般舞藝，却拖著一副病秧秧的軀體，豈是父母願意見到的？有健康的身體，孩子可以活到老，學到老，窮盡一生追求學問。可嘆的是香港的父母在填鴨式的制度下，連孩子去玩去運動的時間都沒有。

作者: 大件仔 時間: 15-10-15 16:52

學音樂無興趣仲慘過死.

但香港地, 究竟真係有幾多個小朋友是真正自願去學興趣班呢? 我相信被迫佔大部分.

聽聞有家長為了拿公開比賽獎牌, 不惜比賽前晚晚練到2,3點, 請問一個小學生何來有學習興趣

作者: 靚媽媽 時間: 15-10-15 17:40 標題: 回覆：學生功課量與質的反思

我女自細讀國際學校，佢都要學學器，不過似乎佢無音樂天份，有一年，老師仲約我見面，傾下亞女，叫我鼓勵佢操多d.

我覺得，佢學左幾年，我深知佢吾係音樂人，我同佢講，盡力算，年年音樂，60-70分。
其實呢，我無所謂，試問有幾個係狀元，科科都100分呀，10隻手指有長短，有些科叻，咪專攻，差既hea科咪是但啦，我同自己講，佢升到班就得啦。

作者: S-Kwok 時間: 15-10-15 18:57 標題: 回覆：學生功課量與質的反思

若唔愛音樂或運動，但偏要花時間喺唔愛嘅事情上，少咗時間做自己想做嘅嘢，真係

作者: Jane1983 時間: 15-10-15 19:38

回覆 IloveJJ 的帖子

好同意，我都支持一體一藝，小朋友只係讀書操卷好單調。但學校在執行上，吾係咁理想。藝，要係樂團樂器先得，鋼琴吾算、畫畫吾算。體，亦是田徑、游泳為主...
認識讀本地學校的小朋友，吾少都學和練習兩種樂器，但無幾多個係真心鍾意的。由細學起，花這麼多學費和時間在一樣無興趣的項目上，為的是交差，真係好浪費。

作者: Wistaria 時間: 15-10-15 22:56 標題: 引用：Quote:原帖由+InkCartridge+於+15-10-15+發

原帖由 IloveJJ 於 15-10-15 發表
做運動同藝術當然係好，但彈琴不是藝術嗎？欣賞古典音樂，不能培養情操嗎？培養藝術，要比賽嗎？做運動要比 ...

要個小學生學N項運動和樂器的小童父母，其實心態是否要威呢？

作者: Jane1983 時間: 15-10-15 23:16

回覆 Wistaria 的帖子

都吾係，而家係香港學樂器，真係無幾威，因為好多人都係咁..

作者: MrBeast 時間: 15-10-16 06:54

Jane1983 發表於 15-10-15 23:16
回覆 Wistaria 的帖子

都吾係，而家係香港學樂器，真係無幾威，因為好多人都係咁..

我都覺得係父母羊群報下報下迷失左

作者: Jane1983 時間: 15-10-16 07:23

回覆 MrBeast 的帖子

家長有責任，但學校政策咁行，亦有責任。校隊樂團有幾多人，何必全民皆兵呢。識朋友個仔對音樂零興趣，最後被逼揀左一項，拉牛上樹，將時間用係其他地方，玩又好、做其他野都好，效益一定更大。

作者: MrBeast 時間: 15-10-16 08:29

Jane1983 發表於 15-10-16 07:23
回覆 MrBeast 的帖子

家長有責任，但學校政策咁行，亦有責任。校隊樂團有幾多人，何必全民皆兵呢。識朋友 ...

真好難講，學校的原意可能係好的，只是家長諗多左，有些朋友就有殺錯冇放過，另一些選ECA真是很功利ga，不過我當年初出芧廬咪又係咁

作者: fc926 時間: 15-10-16 09:22 標題: 回覆：學生功課量與質的反思

學樂器及游水係最花時間。千祈唔好再把這個年代跟我們自己嘅年代比，以前有幾多小朋友會有咁多課外活動呢。跟住外國小朋友比的話，就不如從教育制度、父母期望、文化、社會配套資源及升學/成長出路做比較。

作者: IloveJJ 時間: 15-10-16 10:01 標題: 回覆：學生功課量與質的反思

提示: 作者被禁止或刪除內容自動屏蔽

作者: 天瑜 時間: 15-10-16 10:21 標題: 引用：Quote:原帖由+InkCartridge+於+15-10-15+發

提示: 作者被禁止或刪除內容自動屏蔽

作者: palmchristy 時間: 15-10-16 10:28

本帖最後由 palmchristy 於 15-10-16 14:36 編輯

真係好恐怖.

作者: Jane1983 時間: 15-10-16 12:01

回覆天瑜的帖子

係呀，睇報紙個仔話父母逼佢學琴，搞到佢無時間打籃球，所以吾夠高，追吾到女仔...
可能佢真心覺得佢父母害佢一世，但佢父母吾係有錢，供佢到外國留學，一直栽培，點都吾該死卦

作者: 天瑜 時間: 15-10-16 13:14 標題: 回覆：Jane1983 的帖子

提示: 作者被禁止或刪除內容自動屏蔽

作者: Gary_family 時間: 15-10-16 14:05 標題: 引用：Quote:Jane1983+發表於+15-10-15+23:16+回

提示: 作者被禁止或刪除內容自動屏蔽

作者: 天瑜 時間: 15-10-16 15:01 標題: 引用：Quote:原帖由+MrBeast+於+15-10-16+發表我

提示: 作者被禁止或刪除內容自動屏蔽

作者: MrBeast 時間: 15-10-16 16:33

Gary_family 發表於 15-10-16 14:05
都唔係迷失咗！學校要一音一體，必須的！難道退學嗎？

我覺得＂要＂只是鼓勵去學，唔學唔會迫你退學，當然有能力也不防參與support 下，我個都係柴娃娃每日練少少，唔會花太多時間，亦跟本無咁多時間。

作者: Wistaria 時間: 15-10-16 19:01 標題: 回覆：學生功課量與質的反思

一體一藝當然可以，只要時間配合到，小朋友又鍾意，真係冇問題，但學幾體幾藝，夾埋N項，真係令我想不通呢D家長的行徑

作者: wister 時間: 15-10-16 19:23 標題: 引用：死症，這就是HK走到的走(移民)，有$才有機

原帖由 mwfwinnie 於 15-10-08 發表
死症，這就是HK
走到的走(移民)，有$才有機會讀國際學校，無的，感到無奈 . 小孩子壓力爆煲 .

個教育制度再唔改，啲小朋友真係好慘

作者: Cheeselover 時間: 15-10-17 06:36 標題: 回覆：學生功課量與質的反思

請問小五及小六的呈分試會不會考慮埋音樂和體育科？又如果音樂科不合格(體育科肥佬，好難啫)，但其它科理想，學校會＂伸＂個學生出校嗎？

作者: mwfwinnie 時間: 15-10-18 22:12

wister 發表於 15-10-16 19:23
個教育制度再唔改，啲小朋友真係好慘

唉! 唔係咁易囉 ... 我諗而家D官/局長 , 係抱住唔做唔錯, 越做越錯

我聽朋友講, 佢了解過住佢果區的中學學位同爭既人數 , 話入到 BAND ONE 中學 , 除左真係名列前茅果D , 若唔夠學位 , 原本係入到 BAND ONE 的, 便要去 BAND TWO 中學 . 但 BAND TWO 中學學位都唔夠 . 咁果D 又要去 BAND 3 ... 所以就算成績有幾好, 基於學位問題 , 就算學生幾努力都係徒然 . 所以佢決定提早離開HK .

作者: jc2009 時間: 15-10-22 17:34

大件仔發表於 15-10-15 16:52
學音樂無興趣仲慘過死.

但香港地, 究竟真係有幾多個小朋友是真正自願去學興趣班呢? 我相信被迫佔大部分.

有道理, 無興趣而去學樂器, 真係大人/細路都辛苦.

作者: Kittymummy 時間: 15-10-22 20:42 標題: 回覆：學生功課量與質的反思

冇興趣之下去學，真係好慘.
我女學校主張學樂器，我女根本冇興趣。我同佢講Hea 學吾駛太認真。

作者: Kittymummy 時間: 15-10-22 20:43 標題: 引用：冇興趣之下去學，真係好慘.+ 我女學校主張

原帖由 Kittymummy 於 15-10-22 發表
冇興趣之下去學，真係好慘.
我女學校主張學樂器，我女根本冇興趣。我同佢講Hea 學吾駛太認真。

...

興趣的確可以陪養，但陪養吾到時請立即壯士斷臂，無謂只係你既一廂情願而令到大人細路都辛苦。

歡迎光臨教育王國 (/)