教育王國

標題: 還有出路嗎？ [打印本頁]
作者: FiFi618    時間: 15-10-7 00:14     標題: 還有出路嗎？

香港教育制度真的令小學生很辛苦，問題在於小學全日制嗎？
6歳人仔就開始艱苦的訓練，早上6:45起床7:30出門3:30放學4:15回家然後休息一會兒。
繁忙的功課，預習，溫習下星期默書，還有網上練習，鼓勵閱讀又有閱讀報告，重視一體一藝術，要練琴，要練水！
10:30能上床睡覺真係要快手快腳！

想當年半日制，下午回來還可以輕鬆愉快地玩下遊戲，追下卡通片！發下白日夢！
現在小孩連去個廁所耐少少都是罪！
現在香港孩子的童年生活真係慘過大人返工。好無奈！

只有鼓勵孩子這是訓練堅毅的好機會，內心深處知道自己也說服不了自己！
還有出路嗎？教育部做決策的會聽到聲音嗎？孩子實在很辛苦



作者: sukitelfold    時間: 15-10-7 00:17     標題: 回覆：FiFi618 的帖子

一年後會被同化，會麻木！



作者: mf7433    時間: 15-10-7 00:18

同路人，但我兒是功課奴隸。
現放學去補習社到回家已是9:30，吃飯沖涼休息已是11時。半日制分上下午班，時間好用得多。
作者: under_the_tree    時間: 15-10-7 00:26     標題: 引用：同路人，但我兒是功課奴隸。現放學去補習社

原帖由 mf7433 於 15-10-07 發表
同路人，但我兒是功課奴隸。
現放學去補習社到回家已是9:30，吃飯沖涼休息已是11時。半日制分上下午班，時 ...
雖然麻木咗，但都希望像我小時候咁，有上，下午校。回想小時候，我也有報讀興趣班及補習，學的一定不會比阿囡少，但休息時間一定比阿囡多!



作者: mf7433    時間: 15-10-7 00:33

麻木就見人接受喇，但返工收工ot有薪金。
但現在時間長過返工，我怕輸左個仔。
作者: minisukiyaki    時間: 15-10-7 09:13     標題: 回覆：mf7433 的帖子





作者: manman333    時間: 15-10-7 12:21     標題: 回覆：還有出路嗎？

半日又有另一問題; 父母雙職，四大長老照顧唔到，請工人又一大攞問題，個個都想上午校。細路仔下課後沒人睇，下課後真係在補習社渡過? 可能午飯都沒人理，要自己在街食



作者: celialing    時間: 15-10-7 12:26

全日都係一樣有呢個問題,因為都只係放3:30-5:00呢啲時間,要返工既家長都一樣係未收工,唔覺得返全日有咩幫助,反而覺得另小朋友私人時間仲少咗
作者: Yanamami    時間: 15-10-7 12:33

揾间少功課，無默書既学校~(係有既)
作者: IloveJJ    時間: 15-10-7 12:34     標題: 引用：香港教育制度真的令小學生很辛苦，問題在於

提示: 作者被禁止或刪除 內容自動屏蔽
作者: MASAYA    時間: 15-10-7 12:34

全日制原意應該係為幫助雙職家庭解決半日湊細路既問題

所以全日制應該半日授課半日做功課就可以，如果唔需要半日做功課咪搞好個圖書館應付學生需要囉，或者半日變成社區中心咁，有唔同活動可畀本校學生自由參與，全日制可以有全日制既靈活，我唔明政府做乜都唔代入用家立場去諗，個個坐寫字樓諗埋d講就天下無敵，做就無能為力既政策 (係，我係老屈政府，全日制點運用政府應該冇set死)

話分兩頭，其實全日授課功課增多好多時係以前既家長要求，以為盲目加量就令能力增加既年代
作者: ckh311    時間: 15-10-7 13:55     標題: 引用：全日制原意應該係為幫助雙職家庭解決半日湊

原帖由 MASAYA 於 15-10-07 發表
全日制原意應該係為幫助雙職家庭解決半日湊細路既問題

所以全日制應該半日授課半日做功課就可以，如果唔需 ...
我贊成半日上課半日做功課或上課外活動不過呢個係痴心妄想，我地呢班普通市民邊有辦法改變呢個制度



作者: suzuki12    時間: 15-10-7 14:21     標題: 回覆：ckh311 的帖子

無知一問，現時d小學午飯後的課堂是否還要用來作學術課？因我小朋友的學校下午不用上學科堂，而是閱讀堂、課外活動、功課班等



作者: siden    時間: 15-10-7 14:35     標題: 引用：全日制原意應該係為幫助雙職家庭解決半日湊

原帖由 MASAYA 於 15-10-07 發表
全日制原意應該係為幫助雙職家庭解決半日湊細路既問題

所以全日制應該半日授課半日做功課就可以，如果唔需 ...
全日制原意係在出生率下降後，避免殺校/老師失業而將半日變全日！

不然，現在一半老師冇工做。



作者: janchan123    時間: 15-10-7 15:03     標題: 回覆：siden 的帖子

放學不單冇時間玩同休息，連返學都因為有D同學嘈而罰全班成個星期無小息，食完lunch 又話要做完3樣功課先可以小息，呢D生活慘過坐監！坐監既填鴨！



作者: Yanamami    時間: 15-10-7 16:01

全日制唔—定痛苦，只係睇间学校workload有幾重~

我女都係全曰制(當然)，但学校：

*每日有功課堂
*一年只有三考無測驗，全部長假前考
*每日六样或以下功課
*中英默每学期各三次，但唔計入成績表
*改正只需寫番个啱既答案，唔洗成題重抄—次
*暑假只做閱讀報告，無功課，其他假功課亦適量
*唔操TSA
*教乜考乜，唔会教淺考深

禁因為無中学backup, 小五六要升中都係好忙，無走雞~
作者: letea    時間: 15-10-7 16:41

你果間好正
我果間係私校，基本上每日5至7樣功課，唔算太多，所以阿仔仲玩到睇到書。但課程有D深，真係要每日温少少書先得。
作者: letea    時間: 15-10-7 16:42

我條出路就係，但求有得玩有得瞓，考試七字頭就算。唔到佢顛住
作者: chanwendy    時間: 15-10-7 16:55

我細仔小一, 每日功課 3-4 樣, 有時在學校都經已完成, 就算放學先開始做, 一個鐘都做得完, 仲有時間瞓個晏覺, 睇埋THINK BIG 天地. 夜晚再練琴, 玩一陣, 都可以2130-2200 瞓覺.  我平日係唔會安排校外的課外活動的, 校外與趣班一定放星期六, 所以我仔完全冇問題, 問過佢好多次, 返小學開心啲定幼稚園開心啲, 佢答兩樣都開心, 小學開心多少少.
作者: dlee_ca    時間: 15-10-7 18:37     標題: 回覆：還有出路嗎？

我覺得冇問題



作者: FiFi618    時間: 15-10-7 20:20     標題: 引用：全日制唔—定痛苦，只係睇间学校workload有

原帖由 Yanamami 於 15-10-07 發表
全日制唔—定痛苦，只係睇间学校workload有幾重~

我女都係全曰制(當然)，但学校：
你嗰間是津校嗎？



作者: momama    時間: 15-10-7 20:33     標題: 回覆：還有出路嗎？

其中一個出路係揾間行路可到嘅學校，慳返d時間。



作者: IloveJJ    時間: 15-10-7 21:52     標題: 引用：其中一個出路係揾間行路可到嘅學校，慳返d

提示: 作者被禁止或刪除 內容自動屏蔽
作者: SUYIFOO    時間: 15-10-7 21:58     標題: 引用：香港教育制度真的令小學生很辛苦，問題在於

原帖由 FiFi618 於 15-10-07 發表
香港教育制度真的令小學生很辛苦，問題在於小學全日制嗎？
6歳人仔就開始艱苦的訓練，早上6:45起床7:30出門 ...
有時覺得家長都要負返責任，學校多吾多功課，辦學理念好多家長都已喺好多論壇分享過，報小學吾係一味報熱門，要考慮自己小孩承吾承受到。
當然好多津校喺香港教育體系下都力爭上遊，但仍有學校上午教書下午活動，當然亦要承受升中時的煩惱，人家全日上課日操夜操試題，升中成績好在所難免，除非你小孩天資聰敏得天獨厚，對升中成績你又會否作出犧牲呢？



作者: bubuG    時間: 15-10-7 22:12     標題: 回覆：還有出路嗎？

家長自己放鬆D，孩子自然輕鬆D



作者: daisylhn    時間: 15-10-7 22:31     標題: 引用：全日制唔—定痛苦，只係睇间学校workload有

原帖由 Yanamami 於 15-10-07 發表
全日制唔—定痛苦，只係睇间学校workload有幾重~

我女都係全曰制(當然)，但学校：
你小朋友讀邊間呀？制度很好呢！



作者: 洋蔥頭媽咪    時間: 15-10-7 22:39     標題: 回覆：還有出路嗎？

我都覺得好睇家長點安排，選校都要睇理念是否與家長相近，谷唔谷更要考慮小朋友性格，做功課有小朋友手腳快，亦有人拖慢腳步倚賴家長，所以教小朋友管理時間係相當重要，個人覺得唔係咁大問題。
其實又唔駛睇到咁灰嘅，半日制/全日制都各有好壞，如果真係睇唔通透，唯有揀國際學校或選擇外地升學減輕壓力囉！



作者: 大件仔    時間: 15-10-7 23:04

不過, 我覺得就算返半日制, 怪獸家長會讀兩間小學, 一間津校, 一間私校, 或一間英小, 一間中小...............好似現在D人返兩間幼稚園一樣, 到時, 一到上午校放學就出現在全地球都無嘅奇景, 小朋友一路行一路換校服,一路食午餐, 相信可以成為一個香港獨有奇景
作者: catcatma    時間: 15-10-7 23:10     標題: 引用：我細仔小一,+每日功課+3-4+樣,+有時在學校

原帖由 chanwendy 於 15-10-07 發表
我細仔小一, 每日功課 3-4 樣, 有時在學校都經已完成, 就算放學先開始做, 一個鐘都做得完, 仲有時間瞓個晏 ...
你仔間學校是津校嗎?



作者: catcatma    時間: 15-10-7 23:22     標題: 引用：我都覺得好睇家長點安排，選校都要睇理念是

原帖由 洋蔥頭媽咪 於 15-10-07 發表
我都覺得好睇家長點安排，選校都要睇理念是否與家長相近，谷唔谷更要考慮小朋友性格，做功課有小朋友手腳快 ...
國際學校&外國升學，我都想呀!但不是一般市民負擔得到呢!我夠知有直資&私校少D功課、有直升中學、唔駛考TSS,呈分試，讀書冇咁大壓力，我女有同學仔讀播道、港同、救恩，不知幾開心，但要交學$又多人考呢，選都係叻嘅學生，我女間津校日日10樣8樣功課呀，日日做TSA練習，我問老師小三咁多功課嘅?老師話係咁多嘅啦！講真宜家有邊間津校唔谷呢?



作者: catcatma    時間: 15-10-7 23:26     標題: 引用：無知一問，現時d小學午飯後的課堂是否還要

原帖由 suzuki12 於 15-10-07 發表
無知一問，現時d小學午飯後的課堂是否還要用來作學術課？因我小朋友的學校下午不用上學科堂，而是閱讀堂、 ...
咁好，係邊間學校?



作者: FiFi618    時間: 15-10-7 23:32     標題: 引用：我都覺得好睇家長點安排，選校都要睇理念是

原帖由 洋蔥頭媽咪 於 15-10-07 發表
我都覺得好睇家長點安排，選校都要睇理念是否與家長相近，谷唔谷更要考慮小朋友性格，做功課有小朋友手腳快 ...
我唔只一個孩子，所以未能負擔國際學校的學費。能做的已搬到近學校距離2個巴士站的位置，起碼唔駛早起坐校巴。
我間係津校。默書多係考入咗先知架！越高年班越深！



作者: catcatma    時間: 15-10-7 23:34     標題: 引用：揾间少功課，無默書既学校~(係有既)

原帖由 Yanamami 於 15-10-07 發表
揾间少功課，無默書既学校~(係有既)
津校唔會冇默書囉!你間係咪直資?我女的幼稚園同學讀港同少功課冇默書，但很難考的，佢讀幼稚園K1時已參加不同課外活動、中、英數普都學齊，學校又攞學業獎。真係叻人先考到。



作者: catcatma    時間: 15-10-7 23:39     標題: 引用：Quote:原帖由+洋蔥頭媽咪+於+15-10-07+發表

原帖由 FiFi618 於 15-10-07 發表
我唔只一個孩子，所以未能負擔國際學校的學費。能做的已搬到近學校距離2個巴士站的位置，起碼唔駛早起坐校 ...
係呀！我女間學校係一年比一年深，有家長有仔3年級，女1年級，話比起個仔1年級時，妹妹1年級時深咗，功課多咗。真係讀落先知呀！入到去讀先年年加深，點估得到呀!好無耐



作者: Doray    時間: 15-10-8 00:03

回覆 letea 的帖子

你嗰個是仔定女，仔可以咁樣嘅策略，女就有保留，之前睇書話女仔比較容易缺乏自信，如果佢keep 住中下，會愈讀愈冇心機，通常遲開竅同突然發力追上多係男仔噃！
作者: IloveJJ    時間: 15-10-8 05:40     標題: 引用：Quote:原帖由+洋蔥頭媽咪+於+15-10-07+發表

提示: 作者被禁止或刪除 內容自動屏蔽
作者: ylmanhk    時間: 15-10-8 06:51     標題: 引用：Quote:原帖由+洋蔥頭媽咪+於+15-10-07+發表

原帖由 FiFi618 於 15-10-07 發表
我唔只一個孩子，所以未能負擔國際學校的學費。能做的已搬到近學校距離2個巴士站的位置，起碼唔駛早起坐校 ...
沙呂是一線名小傳統，傳統就是谷。何不考慮轉沙田2線？考得好可保持沙田banding 1，平日又輕鬆d。有時，家長唔好成日話入咗先知，自己要負責任！！！



作者: e6candy    時間: 15-10-8 08:09     標題: 回覆：siden 的帖子

全日制免殺校和老師失業?有無諗過一個未夠六歲小朋友感受?



作者: Jane1983    時間: 15-10-8 08:35

回覆 e6candy 的帖子

社會上往往係嘈得最勁的，最有「真理」，當年老師、家長點lobby，相信有番咁上下年紀的家長都有d印象。
要改番半日制吾容易，不如規定午飯後全部體藝和功課堂，小朋友吾識做，仲可以問老師，咁放工返屋企就可以玩耍和休息。
作者: longlokma    時間: 15-10-8 08:50     標題: 回覆：還有出路嗎？

根本冇关係！

現时幼稚園多數只返半天，但你見d幼稚園BB好得闲咩？佢地放學不又是趕下場學嘢！！

这种現象根本就是現時直、私學校做成！



作者: S-Kwok    時間: 15-10-8 09:27     標題: 引用：Quote:原帖由+FiFi618+於+15-10-07+發表我

原帖由 ylmanhk 於 15-10-08 發表
沙呂是一線名小傳統，傳統就是谷。何不考慮轉沙田2線？考得好可保持沙田banding 1，平日又輕鬆d。有時，家 ...
唔係喎，我好多朋友嘅小朋友讀不同嘅二線，真係好多功課默書測驗喎



作者: ylmanhk    時間: 15-10-8 09:40     標題: 引用：Quote:原帖由+ylmanhk+於+15-10-08+發表沙

原帖由 S-Kwok 於 15-10-08 發表
唔係喎，我好多朋友嘅小朋友讀不同嘅二線，真係好多功課默書測驗喎
整體二線一定冇咁多功課，of course, do some research could help...



作者: PY-Sing    時間: 15-10-8 09:57

經歷過殺校期, 我相信D 學校都會谷D 學生, 保障學校的升中成績, 從而保證收生足夠. 總之學生中最TOP的一班受谷, 派到好學校, 學校的成績表就自然亮麗, 下年不單收生足夠, 重有人叩門, 可再揀D 成績好D 的學生. 再加上學校之間的競爭, 做成惡性循環.
作者: FiFi618    時間: 15-10-8 10:14     標題: 引用：Quote:原帖由+S-Kwok+於+15-10-08+發表唔係

原帖由 ylmanhk 於 15-10-08 發表
整體二線一定冇咁多功課，of course, do some research could help...
我識個家長大仔讀緊一線小學覺得辛苦，第二個係女專登揀間二線的，點知仲衰搏上位嘅校長一日加到成十樣功課，默書又多！
一年深過一年讀到佢喊咁濟！轉又唔係唔轉校又唔係！



作者: catcatma    時間: 15-10-8 10:14     標題: 引用：根本冇关係！ 現时幼稚園多數只返半天，但

原帖由 longlokma 於 15-10-08 發表
根本冇关係！

現时幼稚園多數只返半天，但你見d幼稚園BB好得闲咩？佢地放學不又是趕下場學嘢！！
我女就係返半日幼稚園，只星期六學下跳舞畫畫，上到小學追得都辛苦，佢D幼稚同學學好多嘢，訓醒午睡去學中英普興趣班，考到間直資小學，而家輕鬆讀小學



作者: CALVEN    時間: 15-10-8 10:36

catcatma 發表於 15-10-8 10:14
我女就係返半日幼稚園，只星期六學下跳舞畫畫，上到小學追得都辛苦，佢D幼稚同學學好多嘢，訓醒午睡去學中 ...

你女而家幾年班?

我仔幼稚園時同你女一樣,無另外學中英數知識,幼稚園亦好輕鬆,

上小學初期要時間適應,但半年後已跟上.
作者: letea    時間: 15-10-8 10:39

回覆 Doray 的帖子

我係仔黎架，所以我只要求成績中上即可。

反而我着重佢多睇課外書，好彩而家暫時保持到，英文開始睇chapter books，中文要加油追下，而數學佢一般都有八十九十，所以唔操拉。

我同意小朋友既生活，好取決於家長心態。我就會比阿仔放學返到屋企，用大約40分鐘食下玩下，跟住先開始做功課。做完沖澡就玩，唔會日日温書。

但如果要求高D，咁就要減玩同休息時間，用黎温書拉。
作者: ylmanhk    時間: 15-10-8 10:41     標題: 引用：Quote:原帖由+ylmanhk+於+15-10-08+發表整

原帖由 FiFi618 於 15-10-08 發表
我識個家長大仔讀緊一線小學覺得辛苦，第二個係女專登揀間二線的，點知仲衰搏上位嘅校長一日加到成十樣功課 ...
「係呀, 我個仔在新田圍陳元喜讀六年級, 呢6年真係完全無壓力, 少功課(每天大約3樣), 少默書 (2星期1次), 間學校係想學生用多d時間睇功課外書, 而吾係做功課。佢地鼓勵小1-小3只用半小時做抄寫的功課, 而高年級就用一小時。」你有冇研究過？唔好成日埋怨！



作者: ckh311    時間: 15-10-8 10:47     標題: 引用：Quote:原帖由+ylmanhk+於+15-10-08+發表整

原帖由 FiFi618 於 15-10-08 發表
我識個家長大仔讀緊一線小學覺得辛苦，第二個係女專登揀間二線的，點知仲衰搏上位嘅校長一日加到成十樣功課 ...
其實而家好多二線搏上位嘅學校一d都唔輕鬆，日日8-9樣功課，每個星期例牌默書無走雞。😅9月開學到而家，識得有d幼稚園同學媽咪都已經接咗幾次老師電話，話你個仔個女中文又唔得，英文又唔得，你要諗下辦法點谷，d媽咪聽到都得個搖頭無奈。佢仲苦笑同我地講，如果早知都係好似一線咁谷，揀一線好過，當初就係知小朋友唔谷得，先揀二線唔使大人小朋友都咁辛苦，佢話而家小一，都揾咗個私補上門補中英數，佢話都唔知點捱好多人成日話你揀得個間學校就知佢點點點，會咁咁咁，但學校入面d嘢都成日轉成日變，學習&功課又年年多年年深，而家打聽到同明年又唔同，明明有d二線之前不嬲標榜自己輕鬆學習，到最後都....，當然，學習上人人唔同，但當走唔出呢個框框，就唯有盡力而為便算，如果唔係真係會大人細路攬住死都似



作者: kwokbobo    時間: 15-10-8 11:01

Yanamami 發表於 15-10-7 16:01
全日制唔—定痛苦，只係睇间学校workload有幾重~

我女都係全曰制(當然)，但学校：
請問你女女是讀什麼學校??可否pm我, 我想參考下, 等我睇下我囡應選什麼學校,謝謝
作者: kwokbobo    時間: 15-10-8 11:13

chanwendy 發表於 15-10-7 16:55
我細仔小一, 每日功課 3-4 樣, 有時在學校都經已完成, 就算放學先開始做, 一個鐘都做得完, 仲有時間瞓個晏 ...
請問仔仔要幾點起身?? 22:00訓有點晏, 下午午睡幾耐?等我參考下, thx
作者: kwokbobo    時間: 15-10-8 11:15

FiFi618 發表於 15-10-7 20:20
你嗰間是津校嗎？
請問係咪多數的津校都是功課多 (8-9樣功課?), 測考多架??
作者: celialing    時間: 15-10-8 11:20

longlokma 發表於 15-10-8 08:50
根本冇关係！

現时幼稚園多數只返半天，但你見d幼稚園BB好得闲咩？佢地放學不又是趕下場學嘢！！
咁一個個家長既,唔係個個都係咁既,依家全日仲要抽時間出來先係問題,半日做晒功課就算要學野都重有時間玩,有時多番3個鐘都好好用架,多番好多時間
作者: Jane1983    時間: 15-10-8 11:34

如果小朋友4點返屋企，已經清晒d功課。家長谷佢補習、體藝3個鐘，係個人選擇，與人無尤，亦都無謂周圍呻。

但而家情況好明顯吾係個人選擇。
作者: CALVEN    時間: 15-10-8 11:38

kwokbobo 發表於 15-10-8 11:15
請問係咪多數的津校都是功課多 (8-9樣功課?), 測考多架??

我仔津校,2測2考,

平日默書分數不會計落考試測驗成績,

功課3年級時4-6樣,今年4年級多左,5-7樣,星期五8-9樣,仲要每星期發中英課外書各一本比學生睇.
作者: kwokbobo    時間: 15-10-8 11:44

catcatma 發表於 15-10-7 23:34
津校唔會冇默書囉!你間係咪直資?我女的幼稚園同學讀港同少功課冇默書，但很難考的，佢讀幼稚園K1時已參加不 ...
係唔係名津校先致默書多??還是一般津校都是默書多?
作者: chanwendy    時間: 15-10-8 12:03

kwokbobo 發表於 15-10-8 11:13
請問仔仔要幾點起身?? 22:00訓有點晏, 下午午睡幾耐?等我參考下, thx
我仔0615-0630 起床, 返學返嚟都唔係日日會瞓, 佢覺得攰就瞓, 唔攰就玩或睇電視.  一般我要佢 2130 上床, 但好多時會典到2200 先真正瞓著.
作者: ylmanhk    時間: 15-10-8 12:30     標題: 引用：Quote:原帖由+FiFi618+於+15-10-08+發表我

原帖由 ckh311 於 15-10-08 發表
其實而家好多二線搏上位嘅學校一d都唔輕鬆，日日8-9樣功課，每個星期例牌默書無走雞。😅9月開學到而 ...
新田圍陳元喜，你知道嗎？抱怨很易，研究下啦！



作者: ckh311    時間: 15-10-8 12:41     標題: 引用：Quote:原帖由+ckh311+於+15-10-08+發表其實

原帖由 ylmanhk 於 15-10-08 發表
新田圍陳元喜，你知道嗎？抱怨很易，研究下啦！
我識呢間學校，我都唔係抱怨，只係將有其他家長講嘅心聲係分享下啫。再者，佢所讀個間小學係91網，我都知間間學校理念都唔同，佢個間多又唔代表你個間多，其實絕無比較成份，只係希望讀緊嘅俾心機，準備上小一嘅可多加留意每間學校。希望你唔好誤會



作者: IloveJJ    時間: 15-10-8 12:47     標題: 引用：Quote:catcatma+發表於+15-10-7+23:34+津校

提示: 作者被禁止或刪除 內容自動屏蔽
作者: 洋蔥頭媽咪    時間: 15-10-8 12:55     標題: 引用：Quote:原帖由+洋蔥頭媽咪+於+15-10-07+發表

原帖由 FiFi618 於 15-10-07 發表
我唔只一個孩子，所以未能負擔國際學校的學費。能做的已搬到近學校距離2個巴士站的位置，起碼唔駛早起坐校 ...
恕直言，你幫小朋友揀呢間小學，根本已經好清楚呢間學校唔會輕鬆，再講你知小朋友又有肌肉協調問題，仲揀呂小家長你多少都有責任。
如果能力真係未達跟得太辛苦，考慮下轉間輕鬆啲架啦！見你亦出post 問過，唔好只放眼名小而誤了孩子，怨亦無用，要點行都係由家長決定。



作者: ahlok0109    時間: 15-10-8 13:36     標題: 回覆：還有出路嗎？

係度好多時聽到:一線小學教得深教得快，二線小學博上位死吞爛吞，三線小學過唔到自已（邊讀得架，呢啲寶校）。但係選學校嘅家長從來唔會考慮自己嘅小朋友能力，只考慮學校好唔好。（好唔好嘅定義，多數指派位）
我有時都聽到以下說話但係EK冇聽過。
家長A:老師，今次數學考試好淺喎個個都90以上，咁點分叻同唔叻呀？
家長B:咁耐英文都冇作文又小功課，呢間學校英文已經唔係突出，仲懶懶閒，派位實唔好，都要諗下駛唔駛再搵間勁啲。


小朋友讀書能力好嘅家長:我個仔/女宜家讀得好輕鬆，功課唔夠多，課程唔夠深，進度太慢，會學小左野。

小朋友讀書差嘅家長:有冇攪錯呀，咁多功課，佢寫字咁慢仲邊有時間溫默書呀？你間學校都唔包容下。佢係SEN嚟架，坐唔定梗有。

結論係:
所有家長只揀一二線學校，讀三線對唔住小朋友，自已又冇面。
所有家長都希望改變學校課程而就自己小朋友嘅程度。



作者: ylmanhk    時間: 15-10-8 14:41     標題: 引用：Quote:原帖由+FiFi618+於+15-10-07+發表我

原帖由 洋蔥頭媽咪 於 15-10-08 發表
恕直言，你幫小朋友揀呢間小學，根本已經好清楚呢間學校唔會輕鬆，再講你知小朋友又有肌肉協調問題，仲揀呂 ...




作者: ylmanhk    時間: 15-10-8 14:45     標題: 引用：係度好多時聽到:一線小學教得深教得快，二

原帖由 ahlok0109 於 15-10-08 發表
係度好多時聽到:一線小學教得深教得快，二線小學博上位死吞爛吞，三線小學過唔到自已（邊讀得架，呢啲寶校 ...
結論係: 所有家長只揀一二線學校，讀三線對唔住小朋友，自已又冇面。 所有家長都希望改變學校課程而就自己小朋友嘅程度。

無錯，讀之前，這校都是這樣子，為什麼現在來後悔，叫你轉又話間間一樣？？？



作者: ylmanhk    時間: 15-10-8 14:53     標題: 回覆：還有出路嗎？

老實說，人地有頭有面，你去同人一起，就一定預咗要付出啦！



作者: FiFi618    時間: 15-10-8 21:18     標題: 引用：Quote:原帖由+FiFi618+於+15-10-07+發表我

原帖由 洋蔥頭媽咪 於 15-10-08 發表
恕直言，你幫小朋友揀呢間小學，根本已經好清楚呢間學校唔會輕鬆，再講你知小朋友又有肌肉協調問題，仲揀呂 ...
我只講緊全港大部分政府律校的流程
7:00上校車8:00回校3:30放學4:30回家
還有做不完的事情。
我又唔覺得一缐，定二線有好大分別？
我讀地區性受歡迎的小學，難道就不可以隨心表達一下感受嗎？



作者: FiFi618    時間: 15-10-8 21:25     標題: 引用：Quote:原帖由+FiFi618+於+15-10-07+發表我

原帖由 洋蔥頭媽咪 於 15-10-08 發表
恕直言，你幫小朋友揀呢間小學，根本已經好清楚呢間學校唔會輕鬆，再講你知小朋友又有肌肉協調問題，仲揀呂 ...
重有我讀小學的大仔並没有任何小肌肉問題，跟一般家長一様選擇就近屋企自己喜歡的小學並無不妥，請不要亂起人底！
你的説話令人很難受！



作者: momama    時間: 15-10-8 21:42     標題: 回覆：還有出路嗎？

阿女讀一線頭，教得慢而深入，功課量適中；比起好多一線尾、二線頭，教得快又狂谷功課，我就梗係想入一線頭啦。



作者: 洋蔥頭媽咪    時間: 15-10-8 22:13     標題: 引用：Quote:原帖由+洋蔥頭媽咪+於+15-10-08+發表

原帖由 FiFi618 於 15-10-08 發表
我只講緊全港大部分政府律校的流程
7:00上校車8:00回校3:30放學4:30回家
還有做不完的事情。
樓主別誤會，我沒起你㡳只係你開過貼問過幾次我都有回覆過你，你層說想揀間冇咁大壓力同活動啲教學嘅學校給兒子，但結果亦選了呂小，而讀落又不停抱怨，所以先比意見啫，也許我記錯小肌肉較弱非你長子，令你唔開心我在此對你說聲Sorry,  不過選擇得一線學校當然要付出代價。
既然你唔鍾意我亦唔會再回覆你。



作者: MASAYA    時間: 15-10-8 22:18

ylmanhk 發表於 15-10-8 10:41
「係呀, 我個仔在新田圍陳元喜讀六年級, 呢6年真係完全無壓力, 少功課(每天大約3樣), 少默書 (2星期1次),  ...
咁真係因人而異喇
我女有個幼稚園時期一齊玩公園既街坊, 同年升小學之後就冇再係公園見過, 有晚係樓下撞到, 問起佢家長點解咁冇係公園見到, 佢就話升左陳元喜之後冇時間落街玩
作者: MASAYA    時間: 15-10-8 22:32

一二三線只係排大抽獎時參考機會率時用, 用黎估計程度/功課量/課程深淺係冇作用... 一線熱門都有各式各樣既學校, 你一定搵到間多功課既一線, 又搵到輕鬆既一線, 二線三線一樣係咁

標籤, 只係用黎方便分類, 不過分左類反而妨礙你去睇清楚人/物/事既本質, 芭蕾舞從來都係白人既玩意, 黑人一定跳得唔好? 咁你就要睇下Misty Copeland喇
作者: FiFi618    時間: 15-10-8 23:57     標題: 引用：Quote:原帖由+FiFi618+於+15-10-08+發表我

原帖由 洋蔥頭媽咪 於 15-10-08 發表
樓主別誤會，我沒起你㡳只係你開過貼問過幾次我都有回覆過你，你層說想揀間冇咁大壓力同活動啲教學嘅學校給 ...
我開Post的原因不是抱怨，而是心痛現今生活在香港的孩子活得比上班的大人還要累！想大家有機會思想一下香港的教育政策有冇改善的地方。還是集非成是！人做我就跟住做？眼見孩子一年比一年辛苦？只得默默接受！
眼見9月份的報紙已有多名的孩子輕生走上絕路，實在心痛！香港的教育是否可以讓大家反思一下，我們如何給孩子幸福的童年？
我從不迫孩子做額外的補充練習，不管他練不練琴。只盡量啟發他做自己有興趣的事！讓他閱讀他喜歡的書，培養他做一個有愛心的人。假期帶他到郊外運動代替補習班。

縱使大囝在一所一線小學就讀，但他跟我說他是快樂的，因我從不迫他追成績，只要盡了力，跟自己競賽便可。
我都是新手媽媽，邊試邊學習。我做不一定啱，若有言語上的得罪，請見諒



作者: kwokbobo    時間: 15-10-9 02:03

chanwendy 發表於 15-10-8 12:03
我仔0615-0630 起床, 返學返嚟都唔係日日會瞓, 佢覺得攰就瞓, 唔攰就玩或睇電視.  一般我要佢 2130 上床,  ...
其實香港的小朋友真的好慘, 我兒甥在外國出世長大, 記得她中四時, 我問佢平時幾點訓, 佢話一般九點多就訓, 在香港讀中四生, 邊有可能九點幾就訓得, 真係好大分別。
作者: MichaelFungm    時間: 15-10-9 04:32     標題: 引用：係度好多時聽到:一線小學教得深教得快，二

原帖由 ahlok0109 於 15-10-08 發表
係度好多時聽到:一線小學教得深教得快，二線小學博上位死吞爛吞，三線小學過唔到自已（邊讀得架，呢啲寶校 ...
中肯。



作者: ylmanhk    時間: 15-10-9 07:11     標題: 引用：Quote:原帖由+洋蔥頭媽咪+於+15-10-08+發表

原帖由 FiFi618 於 15-10-08 發表
我開Post的原因不是抱怨，而是心痛現今生活在香港的孩子活得比上班的大人還要累！想大家有機會思想一下香港 ...
「集非成是！人做我就跟住做？眼見孩子一年比一年辛苦？只得默默接受！」講得好！！！！ 什麼一線？不配合自己需要就是「差」學校！一個簡單道理！



作者: ylmanhk    時間: 15-10-9 07:22     標題: 引用：Quote:原帖由+FiFi618+於+15-10-08+發表我

原帖由 洋蔥頭媽咪 於 15-10-08 發表
樓主別誤會，我沒起你㡳只係你開過貼問過幾次我都有回覆過你，你層說想揀間冇咁大壓力同活動啲教學嘅學校給 ...
對，沙呂小是谷應該預期中，當然也有家長覺得一般（因為讀嗰個唔係自己）。老實説，傳統方法（一般一線名校）日谷夜谷出來的，只是死板無創意的學生，中小學就勁，出黎社會工作就是白痴，什麼專業人士只是笑話，簡單分析能力也欠奉！香港的怪現象。



作者: DevilPig    時間: 15-10-9 08:58     標題: 引用：Quote:原帖由+MASAYA+於+15-10-07+發表全日

原帖由 siden 於 15-10-07 發表
全日制原意係在出生率下降後，避免殺校/老師失業而將半日變全日！

不然，現在一半老師冇工做。
依家出生率高，將全日變返半日制，又唔駛個個學生爭餐飽



作者: rainbowcov    時間: 15-10-9 08:58

MASAYA 發表於 15-10-8 22:32
一二三線只係排大抽獎時參考機會率時用, 用黎估計程度/功課量/課程深淺係冇作用... 一線熱門都有各式各樣既 ...
全對, 真係好多間學校都估佢唔到, 近來與以前幼稚園班家長一聚, 我們各人分享小朋友升小一後的情況, 真的間間不同, 谷的情況不同, 老師的愛心不同, 默書測驗次數不同, 真的跟學校所謂一線二線毫無關係, 令我大開眼界。
作者: DevilPig    時間: 15-10-9 09:03     標題: 引用：Quote:原帖由+catcatma+於+15-10-07+發表國

原帖由 IloveJJ 於 15-10-08 發表
咁又唔係噃!我仔讀津校，還一線(7成升英中)呢！但功課都係6、7樣(包改正)，默書唔計落總分，小三開學到而家 ...
係邊間?請告知?



作者: DevilPig    時間: 15-10-9 09:10     標題: 引用：Quote:原帖由+kwokbobo+於+15-10-08+發表係

原帖由 IloveJJ 於 15-10-08 發表
其實無話一定一線多?定二線多?真係要問返你心儀嗰啲學校既家長先知。我仔讀中西區一線，佢唔多默書，英文開 ...
請問邊間?



作者: sadsam    時間: 15-10-9 09:24

siden 發表於 15-10-7 14:35
全日制原意係在出生率下降後，避免殺校/老師失業而將半日變全日！

不然，現在一半老師冇工做。
yes, 同意~
作者: FiFi618    時間: 15-10-10 23:11     標題: 回覆：sadsam 的帖子

書入面講嘅要係愛和管教中取得平衡，喺香港的教育制度真係唔容易做到！不段學習調較自己的心理質素，盡量學習不隨波逐流，站在孩子的位置與他共舞。

一個生活時間表安排得密麻麻的人，欲平衡卻會有心無力，何來體味人生，要在愛中管教真的不容易！
給我很好的反思！獲益良多！
myphoto.jpg





圖片附件: myphoto.jpg (15-10-10 23:11, 53 KB) / 下載次數 35
/forum.php?mod=attachment&aid=NTgyMjl8MjNiMWNkYjR8MTc1Mzc1OTgxMXww

作者: MASAYA    時間: 15-10-10 23:35

FiFi618 發表於 15-10-10 23:11
書入面講嘅要係愛和管教中取得平衡，喺香港的教育制度真係唔容易做到！不段學習調較自己的心理質素，盡量學 ...
我今日去開倉都買左呢本
作者: yame    時間: 15-10-10 23:42     標題: 引用：Quote:原帖由+momama+於+15-10-07+發表其中

原帖由 IloveJJ 於 15-10-07 發表
無錯，住得近啲係大人可以為細路做既事!
我都因為咁，由港島東搬到九龍



作者: IloveJJ    時間: 15-10-11 00:00     標題: 引用：Quote:原帖由+IloveJJ+於+15-10-07+發表無

提示: 作者被禁止或刪除 內容自動屏蔽
作者: little_yolky    時間: 15-10-13 12:38

Jane1983 發表於 15-10-8 08:35
回覆 e6candy 的帖子

社會上往往係嘈得最勁的，最有「真理」，當年老師、家長點lobby，相信有番咁上下年紀 ...
其實我真係好唔明, 依家學校只有一三五有功課堂+課外活動, 咁依家D小朋友自己出面已經學咁多嘢, 係唔係可以將二四下午果四堂分別安排在一至五下午的其中一節, 然後安排一至五都有功課堂呢, 咁仲有一日可以有課外活動, 到底駛唔駛要有三個課外活動咁多呀！
作者: Xmasxxx    時間: 15-10-13 13:28

外國有好多國家注重生活質素不用ot, 為何我們要ot.
返學讀書亦同樣, lee個就係香港, 我們住得係度就應接受及適應它的制度
作者: tcmkhksar    時間: 15-10-13 17:22

回覆 Yanamami 的帖子

似乎已絕跡！
作者: Hillkymama    時間: 15-10-14 09:53

洋蔥頭媽咪 發表於 15-10-8 22:13
樓主別誤會，我沒起你㡳只係你開過貼問過幾次我都有回覆過你，你層說想揀間冇咁大壓力同活動啲教學嘅學校給 ...
多口答句嘴, 小肌肉較弱不一定要選淺同易嘅學校架,
如果聽講好強,識知超過同年小朋友一,兩年.
專家會建議考深啲嘅學校,不然小朋友會覺得悶,反而對學習減興趣.
但小肌肉訓練就要做多啲.盡量平衡返小朋友能力.

作者: 思思baby    時間: 15-10-14 16:31

chanwendy 發表於 15-10-7 16:55
我細仔小一, 每日功課 3-4 樣, 有時在學校都經已完成, 就算放學先開始做, 一個鐘都做得完, 仲有時間瞓個晏 ...
我仔小二, 情況同你仔好似, 佢都話返小學好開心....因有小息時間比佢同班同學癲下.
作者: Wistaria    時間: 15-10-15 01:11     標題: 引用：全日制免殺校和老師失業?有無諗過一個未夠

原帖由 e6candy 於 15-10-08 發表
全日制免殺校和老師失業?有無諗過一個未夠六歲小朋友感受?
十歲以下的兒童要一個快樂童年都好合理，點解要小朋友在追趕學業呢？
試問誰可打救港童們！？
有人說，香港有各類型的小學給家長選擇，你選學校，學校也選你呀，真是說就容易!



作者: Charlotte_mom    時間: 15-10-15 13:57     標題: 引用：Quote:原帖由+Yanamami+於+15-10-07+發表揾

原帖由 catcatma 於 15-10-07 發表
津校唔會冇默書囉!你間係咪直資?我女的幼稚園同學讀港同少功課冇默書，但很難考的，佢讀幼稚園K1時已參加不 ...
港同有默書架，不過唔多。最近收到一年班家長消息，開學1.5個月默左一次英文，默 I you they he she it，連個家長都笑晒話呢d叫默書咩？
有咩所謂，大家都唔急



作者: simonwan    時間: 15-10-16 20:53

本帖最後由 simonwan 於 15-10-16 20:54 編輯
Wistaria 發表於 15-10-15 01:11
十歲以下的兒童要一個快樂童年都好合理，點解要小朋友在追趕學業呢？
試問誰可打救港童們！？
有人說，香港 ...

香港有各類型小學給家長選擇？？？

唔好玩啦！香港有接近一千家小學，有幾多間系唔注重功課、測驗、默書的新派學校？
5% 都無！
昵D唔系叫有選擇，而系假選擇，政府整佐一批少量直資出來，然後就唔再批，再對人講香港有唔同類型學校給家長選擇。7000人爭百幾個學位叫有選擇？？？
作者: wister    時間: 15-10-16 21:00     標題: 引用：香港教育制度真的令小學生很辛苦，問題在於

原帖由 FiFi618 於 15-10-07 發表
香港教育制度真的令小學生很辛苦，問題在於小學全日制嗎？
6歳人仔就開始艱苦的訓練，早上6:45起床7:30出門 ...
香港嘅小朋友真係好辛苦...... 唔明點解仲有咁多人想由內地到香港讀書



作者: FiFi618    時間: 15-10-17 01:03     標題: 引用：+本帖最後由+simonwan+於+15-10-16+20:54+

原帖由 simonwan 於 15-10-16 發表
本帖最後由 simonwan 於 15-10-16 20:54 編輯
講得好啱！我真心覺得係假選擇，每年港同有7-7000去考，得百幾個位？點入呀？再者有幾多個小朋友可以唔駛特別訓練下而考得入呢？但又只係想搵間輕鬆愉快嘅小學，我見好多家長嘅真係好矛盾！



作者: MASAYA    時間: 15-10-17 01:22

Charlotte_mom 發表於 15-10-15 13:57
港同有默書架，不過唔多。最近收到一年班家長消息，開學1.5個月默左一次英文，默 I you they he she it:joy ...
唔急係好重要, 不過太多人急住見到成果, 學生就好似薯仔咁, 經過一段時間, 適合既環境就會長大架啦, 做乜人地一路大你地一路挖開d泥睇下佢大成點? 咁d薯仔點長大呀?
作者: 跳跳B媽咪    時間: 15-10-17 02:37

我女讀小四，每日平均都有十樣功課，星期五就再多幾樣，今個星期默咗四次書，中英各兩次，其中三次係要背默，另加數評，仲未嫌夠多，再嚟多個視藝專題，又要資料搜集，又要畫畫，今日俾就要你第二日交，驚做你唔死，默書唔夠八十分，就要重默，一個九歲未夠嘅小朋友，每日就係不停做呀做，冇時間玩，冇時間睇電視，連基本睡眠時間也不夠，仲要每日孭住個超重嘅書包，身心都疲憊
作者: natnat519    時間: 15-10-17 04:23     標題: 引用：我女讀小四，每日平均都有十樣功課，星期五

原帖由 跳跳B媽咪 於 15-10-17 發表
我女讀小四，每日平均都有十樣功課，星期五就再多幾樣，今個星期默咗四次書，中英各兩次，其中三次係要背默 ...
究竟邊間學校咁瘋癲



作者: Wistaria    時間: 15-10-17 08:31     標題: 引用：我女讀小四，每日平均都有十樣功課，星期五

原帖由 跳跳B媽咪 於 15-10-17 發表
我女讀小四，每日平均都有十樣功課，星期五就再多幾樣，今個星期默咗四次書，中英各兩次，其中三次係要背默 ...
好得人驚



作者: christy-chan    時間: 15-10-17 09:11     標題: 引用：香港教育制度真的令小學生很辛苦，問題在於

提示: 作者被禁止或刪除 內容自動屏蔽



歡迎光臨 教育王國 (/) Powered by Discuz! X1.5