教育王國

標題: 不能再忍功課奴 [打印本頁]

作者: mf7433 時間: 15-10-7 00:10 標題: 不能再忍功課奴

我兒讀了3年升4年。晚晚回家就是7~10,11本功課。少從何數?當初選校貪其校舍細，有愛心老師。但不知是要做功課奴，莫說參加課後活動已很夜，加當日10本抄寫查生字，根本本末倒致。
讀書要活動，不是法国鴨，一味塞食物入肚，不讓其消化。小學心理不繞得，但做其母親的我，現在極其後悔選耀山。
忍了再忍不能忍，一心想轉校。

作者: stockmike 時間: 15-10-7 00:14 標題: 回覆：不能再忍功課奴

有目標嗎？怕你轉校都係多功課

作者: sukitelfold 時間: 15-10-7 00:14 標題: 回覆：mf7433 的帖子

耀山都不癲

作者: stockmike 時間: 15-10-7 00:22 標題: 回覆：不能再忍功課奴

支持轉校，因好明顯已影響你情緒，情緒起伏好容易影響家庭。健康無價。

作者: mf7433 時間: 15-10-7 00:22

現選細佬那間小學，功課係小，但老師出paper多，腦筋靈活。

作者: mwfwinnie 時間: 15-10-7 00:33

其實好多學校d功課都係坐六望九，星期五同放假前夕，功課仲癲.

作者: mf7433 時間: 15-10-7 00:41

只望轉校，轉心情，轉環境。
讀書師資好緊要，有D一點就會明，有D要吵打鬧，這樣只會影響母、師、子關係。

作者: under_the_tree 時間: 15-10-7 00:46 標題: 引用：其實好多學校d功課都係坐六望九+，星期五同

原帖由 mwfwinnie 於 15-10-07 發表
其實好多學校d功課都係坐六望九，星期五同放假前夕，功課仲癲.

一樣。好彩大囡手腳快，細囡剛升小一差少少，所以都是冇得出去太遠的地方

作者: mf7433 時間: 15-10-7 01:13

有D家長仲要求加功課，真想搵二十多個熱狗叫佢一口食晒。

作者: e6candy 時間: 15-10-7 09:14 標題: 回覆：mf7433 的帖子

很明白你心情，我小朋友剛升上小一一個月多，每天6-8様功課，另加網上功課（每日一篇，每日十題⋯）三幾様...預備默書，測驗，進評.....預計到未來日子將會日日如是地渡過，教的內容快、深、多，似乎係expect"你已經識架啦"... 不要説溫習，消化的時間也不夠，我昨天突然覺得......現在香港教育.....將6歲的小朋友，當成電腦（或機器），每天"input data, output answer".....小學生涯係咪真係要咁過？

作者: brother4 時間: 15-10-7 09:36 標題: 回覆：不能再忍功課奴

不能看低細細間學校，在街市附近，有一日行經有一張通知是中一派位，好奇一看，派喇唦，長天，保綠。。。荃湾天X小學，學校不凸出，但派得嚇你ㄧ驚，可想功課量都不少

作者: conniecheung 時間: 15-10-7 09:50 標題: 回覆：不能再忍功課奴

我兩女讀官小【小班】，三年級和一年級，功課量也不少，每天基本6~8樣走唔甩…星期五會更多……
其實全港大部份官、津學校功課量都唔會少得去邊，轉校可能情況一樣。

作者: kittypmlau 時間: 15-10-7 10:22 標題: 引用：不能看低細細間學校，在街市附近+，有一日

原帖由 brother4 於 15-10-07 發表
不能看低細細間學校，在街市附近，有一日行經有一張通知是中一派位，好奇一看，派喇唦，長天，保綠。。。 ...

你講那間是出名谷喎，我係荃灣街坊，細個時已知超多功課，小五一日要計一百條數，星期六要補課。

作者: Yanamami 時間: 15-10-7 10:53

本帖最後由 Yanamami 於 15-10-7 12:19 編輯

私校一般功課少d, 但教深教快……剛过去呢个weekend得三样功課。

作者: ckh311 時間: 15-10-7 11:47 標題: 回覆：不能再忍功課奴

平時6～8樣真係無走雞，但我地琴晚唔知點解癲到11樣(包改正)，仲要温習默書，大人細佬都傻

作者: ckh311 時間: 15-10-7 11:47 標題: 回覆：不能再忍功課奴

係做到傻

作者: Olympian 時間: 15-10-7 12:40 標題: 引用：我兒讀了3年升4年。晚晚回家就是7~10,11本

原帖由 mf7433 於 15-10-07 發表
我兒讀了3年升4年。晚晚回家就是7~10,11本功課。少從何數?當初選校貪其校舍細，有愛心老師。但不知是要做功 ...

之前聽個耀山家長話高小多插班，為求入名校網。

作者: brother4 時間: 15-10-7 13:02 標題: 回覆：kittypmlau 的帖子

好恐佈

作者: mf7433 時間: 15-10-7 16:02

我選得耀山係校網好。但山頂上有華德，山腰有民生、培道，山腳耀山、樂善堂小學。已經選擇山腳比他能輕鬆點。
但功課多，思考慢。有時默書要谷埋星期六默中文，星期日默英文，不能完全温晒。玩，，，已經是長假期專利。

作者: tutik 時間: 15-10-7 20:44

耀山也瘋狂！九龍城校網競爭好大，所有學校也争取多啲band one 位比自己學生。我兒也是41網小學，也算多功課，學校雖然已調整過，但我兒還是跟得吃力，生活就只有功課、考試。
點樣另自己個仔去感受生命、心靈健全，係我近期所思。

作者: bbforever 時間: 15-10-7 21:36

我兒小一小二時每天平均只是4~6樣功課，都不願在校做多些功課，可能年紀小唔識諗，到今年小三7~10樣功課，雖然功課量多咗，但反而他更積極在校利用道修堂，小息，午飯後做功課，因為放學後回家他可以睇他喜歡的卡通或做他喜歡做的事，我實在好驚喜他有好既轉變，其實小朋友大咗，佢地既能力高咗，肯認真學習的話，一定能應付到的…

作者: NatalieBaby 時間: 15-10-8 02:24 標題: 引用：我兒小一小二時每天平均只是4~6樣功課，都

原帖由 bbforever 於 15-10-07 發表
我兒小一小二時每天平均只是4~6樣功課，都不願在校做多些功課，可能年紀小唔識諗，到今年小三7~10樣功課， ...

小女小二, 地区名津, 平日6樣, 週末8樣功課, 默書每月中英加埋只是2～3次. 功課我覺唔算多, 小女在校已完成部份, 回家约花半小時便做功課.

作者: 穎芯媽媽 時間: 15-10-10 01:14

回覆 NatalieBaby 的帖子

請問讀緊邊間呀？

作者: 穎芯媽媽 時間: 15-10-10 01:18

回覆 mf7433 的帖子

請間細佬邊間呀？

作者: MIC-MIC 時間: 15-10-10 07:37 標題: 回覆：不能再忍功課奴

女小一,她大部份功課都在校完成,回家只做半個鐘功課,所以我一直做覺很輕鬆,但今日才知道她原來是上堂時偷偷地做,因想晚上有時間跟爸媽玩,我又感動又心痛!

作者: mw7183 時間: 15-10-10 09:34 標題: 回覆：MIC-MIC 的帖子

咁我仔果間算小功課多數都系中英數星期五先多小小

作者: IloveJJ 時間: 15-10-10 10:36 標題: 引用：我兒小一小二時每天平均只是4~6樣功課，都

提示: 作者被禁止或刪除內容自動屏蔽

作者: celiakids2013 時間: 15-10-10 10:55 標題: 回覆：不能再忍功課奴

星期一至五放學做功課，星期六曰用來溫習，因為學校教得太快，小朋友何能一時三刻就可消化

歡迎光臨教育王國 (/)