教育王國
標題: 你地如果聽到小朋友咁講.... [打印本頁]
作者: tobbie 時間: 15-10-3 13:52 標題: 你地如果聽到小朋友咁講....
某日,小兒放學返屋企,做做下功課,無啦啦同我講....
小兒:今日有個老師同我講話畫班好悶,叫我不如唔好參加啦~
我:個老師有無教過你架?
小兒:無啊!
我:仔啊,媽咪幫你報呢個班,係因為你愈來愈大個仔,媽媽想你接觸多D唔同既野,試下玩上學期,如果覺我接觸唔鐘意就下學期報其他野啦~好唔好?
小兒:嗯~好啦!
第二日,小兒又做做下功課又講~
小兒:媽媽,今日老師又同我講叫我唔好玩畫班喎!佢仲同我講$4XX好貴架,你不如唔好參加畫班啦~留返D錢食漢堡包仲好過啦~
我:個老師叫咩老師啊?
小兒:唔知啵!
我:個老師無教過你架?
小兒:無啊!
我:個老師無啦啦過嚟同你講啊?
小兒:係啊!
我第二日去學校問,個老師話我仔仔同佢講唔鐘意畫畫,所以佢先咁我仔講呢D野,
但我反問老師,我仔鐘唔鐘意畫畫同$4XX係兩回事,
另一位主任都在場,就搭咀講~:個老師個意思都係想同小朋友講,如果唔鐘意玩就唔好晒錢!
同埋我唔知佢點同仔講,個老師又話我個仔同佢講,佢上畫畫班會伏係度,會搞同學
我:咁都唔係咁樣同個小朋友咁樣講野架嘛~我小朋友連續兩日返屋企做做下功課就同我講!
主任:家長,你不如返屋企同仔仔再了解件事先!
-------------------------------------------
個畫班叫兒童創意畫班(除左畫畫,仲會有手工做)
我仔都鐘意做小手工!係唔鐘意畫畫!
咁我仔唔鐘意畫畫,不如叫我仔唔好上視藝堂啦!!!!
-------------------------------------
返到屋企,我問啊仔
我:仔,你搵畫班個老師講你唔鐘意畫畫啊?
小兒:係老師小息搵我傾!
我:個老師無啦啦搵你傾畫班D野??
小兒:係啊!
我:唔係你搵個老師講?
小兒:係個老師自己搵我傾架!
我:老師話你同佢講你唔鐘意畫畫,話會上堂搞同學,會伏係枱度訓覺?
小兒:我無話搞同學,我淨係話會伏係度!
我:仔,媽媽幫你報畫班,係想你試下接觸唔同既野!但呢個班,唔係淨係畫畫,都會有手工做架!你會唔會都想試下?
小兒:係唔係玩完唔鐘意,可以唔玩啊?
我:係!媽媽只係想你咩都試下,唔好樣樣野未試,就乜都話唔鐘意!
(我仔食野都係咁,未食過叫佢咬啖都唔會試,要迫佢試左第一口,好食就會繼續食,唔好食,我就唔會再迫佢食,因為起碼佢叫試過嘛)
但個老師一日又係咁,兩日又係咁....又話個畫班好悶,又話個畫班好貴!想點啊?我比唔起咩??
作為家長,我都希望想個仔仲細試下接觸唔同既野...
作者: soright 時間: 15-10-3 14:48 標題: 回覆：tobbie 的帖子
老師沒有話你比唔起，只係你聽者有心。
老師出於關心，唔明有咩錯。
如果介意，下次什麼都叫小朋友唔好同老師講lol。又或者，如果老師知你咁小事都介意，下次佢都唔敢太關心你小朋友。
作者: edutm 時間: 15-10-3 14:51 標題: 回覆：tobbie 的帖子
我覺得重點應該係，你小朋友已經用行動同言語表達他不想去報畫畫，你不如問他想玩邊樣，報一樣他有興趣去“試”既野啦。
作者: readymama 時間: 15-10-3 14:55
回覆 tobbie 的帖子
呢一個係好既機會俾家長去分析你仔的心情. 先唔好討論個老師講mug同語氣因佢係人地個仔或女, 唔係家長你們的管核範圍之下. 你試問小的朋友, 佢聽完老師既講話, 心裡感受是難受? 認同? 如果是認同, 那老師的說話方式是從朋友心態出發. 不過,你可同仔仔講以一個月上課期為一個檢討期. 其實男仔係比較喜歡sport, 或模型, lego, 淘泥
類似既art 課程. 你亦可同阿仔轉第二個學校學因小朋友喜歡同大d 小朋友一班. 我遇過你的處景, 我的是女兒. 老師俾我既說話我都係接受唔到, 我堅持個女要上, 最後老師堅持唔教我個女, 最後我轉過第二個老師, 第二個老師竟然令我個女提起與趣. 我最後明白係老師本身都要同學生合得來, 唔得就轉
作者: tobbie 時間: 15-10-3 17:38
唔係話老師關心有問題,而係呢個老師連繽兩日講到4XX咁貴,留返嚟買漢堡包食仲好過啦~好難令我唔覺得個老師既意思...
一個完全未教過我個仔,我仔又唔識呢位老師,而又無啦啦主動搵我仔傾,我的確有D好奇....
因為呢位老師自己果班既都有幾個學生都有報名都抽籤抽中左,,而呢位老師只係淨係關心我仔,我更加好奇X2
佢想玩既同試既都係要高年班先有得玩~咩花式跳繩,非洲鼓,中國鼓,足球...
都要高年班以上先有,小一,小二都無得參加...
小一,小二可以參加既,真係得4樣野!中,英,數,畫,我都有報,抽中左數學同畫畫!
學校玩既都係出面搵教育機構嚟教.....我都有同啊仔講,試左幾堂唔鐘意玩,就唔再玩!
作者: Jane1983 時間: 15-10-3 18:00
吾識學校和老師，又吾係現場，小朋友和老師講番件事，都吾會有完貌，所以無謂過份解讀。反正佢平日無教你仔，無也接触，當佢關心小朋友，教佢珍惜金錢又好，當佢話你仔無心機上堂又好，都吾係大事，讓佢慢慢過去……
作者: ffaye 時間: 15-10-3 18:05 標題: 引用：唔係話老師關心有問題,而係呢個老師連繽兩
原帖由 tobbie 於 15-10-03 發表
唔係話老師關心有問題,而係呢個老師連繽兩日講到4XX咁貴,留返嚟買漢堡包食仲好過啦~好難令我唔覺得個老師既 ...
我只係純以你上面既文字去猜實際情況。而你亦只可以從小朋友同老師口中聽番當時部分情況。其實都係講緊一個短期course,不要太介懷
作者: dlee_ca 時間: 15-10-3 19:45 標題: 回覆：你地如果聽到小朋友咁講....
咁小事，比我下一秒已經忘記。
作者: longyiuma 時間: 15-10-3 20:17 標題: 引用：某日,小兒放學返屋企,做做下功課,無啦啦同
原帖由 tobbie 於 15-10-03 發表
某日,小兒放學返屋企,做做下功課,無啦啦同我講....
小兒:今日有個老師同我講話畫班好悶,叫我不如唔好參加 ...
作者: longyiuma 時間: 15-10-3 20:21 標題: 引用：唔係話老師關心有問題,而係呢個老師連繽兩
原帖由 tobbie 於 15-10-03 發表
唔係話老師關心有問題,而係呢個老師連繽兩日講到4XX咁貴,留返嚟買漢堡包食仲好過啦~好難令我唔覺得個老師既 ...
作者: kayi0556 時間: 15-10-3 20:50
發現小朋友冇興趣， 就梗係講唔好浪費錢
老師可能只見到你囝伏係度， 唔跟住做， 叫過佢， 佢話唔鐘意， 所以佢覺得唔好浪費錢， 亦都提醒小朋友咁係浪費錢的行為
作者: s.andp 時間: 15-10-3 21:37 標題: 引用：發現小朋友冇興趣，+就梗係講唔好浪費錢老
提示: 作者被禁止或刪除 內容自動屏蔽
作者: 2boba 時間: 15-10-3 22:50 標題: 回覆：你地如果聽到小朋友咁講....
上興趣班上到無哂興趣，為乜？如果小朋友同我講無興趣，相信我會停咗佢。
作者: ronniedad 時間: 15-10-4 00:26 標題: 引用：上興趣班上到無哂興趣，為乜？如果小朋友同
原帖由 2boba 於 15-10-03 發表
上興趣班上到無哂興趣，為乜？如果小朋友同我講無興趣，相信我會停咗佢。
...
作者: MrBeast 時間: 15-10-4 08:36
小兒:係唔係玩完唔鐘意,可以唔玩啊?
其實都已loud n clear，不如問下佢想玩乜，or switch center.
作者: Yanamami 時間: 15-10-4 08:48
羅生门~
作者: longlokma 時間: 15-10-4 10:40 標題: 回覆：你地如果聽到小朋友咁講....
本帖最後由 longlokma 於 15-10-4 10:43 編輯
那位老師可能是負責處理畫班事務呢！
而且你仔講明会伏係度，咁其實会影響其他同学上堂情緒的，某程度已經是擾亂課堂秩序。
校內興趣班，始終要遵守規矩，不是如校外的给了学費就可以隨便上或不上的
作者: rean_chau 時間: 15-10-4 16:10 標題: 回覆：你地如果聽到小朋友咁講....
其實教到有學生伏係度對老師黎講都係一個挫折，而且係要抽先有機會，即係學位緊張。其實上落去都無乜意思，細既無興趣，老師無心機教佢，上落去都係繼續伏係度。
作者: IloveJJ 時間: 15-10-4 18:30 標題: 引用：某日,小兒放學返屋企,做做下功課,無啦啦同
提示: 作者被禁止或刪除 內容自動屏蔽
作者: GreenMaDad 時間: 15-10-4 18:53
我親耳聽過一小一生跟我小朋友説了一會後說:"你千祈吾好話俾我阿媽知". 之後我慢慢發覺她媽媽真的不知道那小朋友曵的事, 所以我也常提醒自己，小朋友跟我們說的可能已被歪曲。
作者: HaYi 時間: 15-10-4 20:13
課後興趣班好多時是外來老師教, 可能同你個仔談的是負責課外活動的老師, 可能聽到小朋友同其它人說"我不喜歡畫班, 去到就只會訓在那兒", 才同佢說有起此事, 并警惕小朋友不可如此, 因既浪費左家長的錢, 亦會不尊重上堂的老師及同學...
我不能相信一個毫無關係的老師會介入某一同學課外活動的事, 好得閒咩.
當然如果得知此老師真的是無關事的多事老師, 更可以不理, 想去就去吧. 反正亦只是幾堂.
作者: Yanamami 時間: 15-10-4 20:17
係!媽媽只係想你咩都試下,唔好樣樣野未試,就乜都話唔鐘意!
(我仔食野都係咁,未食過叫佢咬啖都唔會試,要迫佢試左第一口,好食就會繼續食,唔好食,我就唔會再迫佢食,因為起碼佢叫試過嘛)
*******************************
我諗楼主係想訓練仔仔唔好未曾未就話唔钟意，样样都試左先講~点知个老師破坏佢大計，所以唔多满意……
睇完以上既，我諗楼主仔仔真係唔鈡意上，又怕mami唔开心……
作者: tommyxsarah 時間: 15-10-4 21:39 標題: 回覆：你地如果聽到小朋友咁講....
我相老師講野多d
其實有時小朋友係屋企 一個樣
學校一個樣
你仔仔一早講左佢伏係度上堂
講真有興趣就唔會伏係度
$4xx 多唔多 少唔少
留$ 買漢堡包係比喻
唔想學 就真係唔好 曬$$
老師其實一般好有經驗 一睇就知邊d 小朋友有興趣 邊d 無
作者: siden 時間: 15-10-4 22:04 標題: 回覆：你地如果聽到小朋友咁講....
我唔覺得老師有乜大問題。
邊有老師咁得閒八掛無啦啦自己捉個細路講埋啲咁嘢？
當中小朋友表達了什麼，若你盡信小朋友説辭，也無話可說了。
作者: CatEgg 時間: 15-10-4 22:35 標題: 回覆：你地如果聽到小朋友咁講....
小朋友幾年級?
畫畫係幾講天份同興趣，如果小朋友鍾意畫畫，在家都會畫，又或者要畫畫的功課會做得好靚。
比我唔會再同老師糾纏落去，因我想小朋友在校有好日子過。當小朋友再提唔想再畫，會講，今期報了名，鍾唔鍾意都要上。否則下次小朋友話唔鍾意返學就可以唔返?
作者: I_O_U_baby 時間: 15-10-9 10:04
我只聽到小朋友係想講佢唔鍾意上.
仲要講兩次媽媽都GET 唔到,
第日有乜事都唔會再同媽媽講
作者: wan_sosin 時間: 15-10-9 13:32 標題: 引用：我只聽到小朋友係想講佢唔鍾意上.仲要講兩
原帖由 I_O_U_baby 於 15-10-09 發表
我只聽到小朋友係想講佢唔鍾意上.
仲要講兩次媽媽都GET 唔到,
第日有乜事都唔會再同媽媽講 ...
作者: I_O_U_baby 時間: 15-10-9 13:47
wan_sosin 發表於 15-10-9 13:32 
我同你諗法一樣，其實係個細路借老師過橋！
| 歡迎光臨 教育王國 (/) |
Powered by Discuz! X1.5 |