教育王國

標題: 29個月大女仔, 唔肯講野, 但聽得明, 但不聽指令做 [打印本頁]

作者: porporchi 時間: 15-10-2 16:51 標題: 29個月大女仔, 唔肯講野, 但聽得明, 但不聽指令做

好友女兒, 番n班一個月, 老師說未聽過佢出過一句聲, 平時在家愛獨處, 由於好友要番工, 工人一湊3, 呢個29個月大既排第2, 9個月開始就冇飲人奶, 轉飲奶粉, 到今日都仍然會不停食自己件衫, 又或許見到佢媽咪就食佢媽咪件衫 (唔係真係食, 而係個動作好似食咁, 模仿細個佢食人奶)。

當妹妹出左世, 佢就成日比自己伴衫bb食, 因為佢鐘意呢樣野, 佢就比同一樣野妹妹

朋友話佢呢個動作可以成晚做好耐

另外佢唔會聽到父母叫佢做野, 佢就做。一般小朋友呢個age 已經聽指令會去做好多野, 但佢唔會, 說話很少, 只會在好開心時就講幾隻字, 但理解能力係有既

朋友都唔知帶佢去邊check好, 我就幫佢上來問下大家有冇經驗可以分享以上symptoms似唔似A仔?

謝謝!

作者: piglet0529 時間: 15-10-2 17:01 標題: 引用：好友女兒,+番n班一個月,+老師說未聽過佢出

原帖由 porporchi 於 15-10-02 發表
好友女兒, 番n班一個月, 老師說未聽過佢出過一句聲, 平時在家愛獨處, 由於好友要番工, 工人一湊3, 呢個29個 ...

大果個幾大? 識講野嗎？會同佢玩嗎？如果是, 快的帶佢去check下, 因為有個大跟就算平時只有工人湊都冇理由未識講野

作者: porporchi 時間: 15-10-3 22:31

最大係6.5, 佢就29個月, 最細係3-4個月, 我朋友話29個月o個個唔肯洗澡, 日日都喊打喊殺先迫到佢去沖, 唔明點解, 佢應該係識講, 因為佢係好開心時會突然講一句野, 但係其餘時間就係唔講野

佢唔鍾意固體, 食鐘意食魚, 唔係魚既, 就飯食得好少好少, 幾啖, 其餘時間就飲奶, 佢會同家姐玩既, 外人就唔會囉

歡迎光臨教育王國 (/)