教育王國

標題: 英粵定英普? [打印本頁]

作者: sala222    時間: 15-9-24 23:45     標題: 英粵定英普?

大家選英粤定英普?我想知點解要選普通話?唔係考小一多用粵語?文法又唔同。只係想學多個語言?




作者: acharsiu    時間: 15-9-25 09:42

母語是廣東話就英粵,廣又識少少普又識少少,結果兩樣都半桶水。
普通話當外語學得啦。大把報章話普教中害處多啦!
作者: 貝珠    時間: 15-9-25 12:29     標題: 回覆:英粵定英普?

普教中害處多,是否指小學?以我理解係指小學。當小朋友用非平常用開的語言學習中文,成效比較差。但我不覺得呢種研究結果,可以apply 落幼稚園。因為愈早學一種語言,愈可以接近native. 例如2歲N班小朋友學普通話,由日常生活開始學,一直有在校普通話環境,我相信學幾年,可以掌握日常普通話




作者: 貝珠    時間: 15-9-25 12:36     標題: 回覆:英粵定英普?

而且,若屋企用粵語,小朋友理應可以明白到粵普分別。例如,文法,用字分別。

雖然大部份小一面試是英粵,但學習非為考試。如果長遠來說,你覺得小朋友終有一天要學普通話,一定係愈早學愈理想。有speech delay 的小朋友另計




作者: tamagoosie    時間: 15-9-25 12:40     標題: 回覆:英粵定英普?

用粵語表達能力一定好過普通很多很多!因為粤語無論語音,語意複雜性都比普通話好!唱歌都是粵語困難很多!
至於幾時開始學普通話各人喜好!




作者: liliankaykay    時間: 15-9-25 13:33     標題: 回覆:英粵定英普?

我個女PN讀英普,屋企全粵語,原本都諗住可以三種語言都流利,但發覺因為要掛住學語言學唔到日常既野,連廣東話講野進度都慢左。普通話學到少少又唔係多,覺得損失都幾大,寧願集中番英粵。學校上中文堂都教得快同深入,小朋友興趣都大d。普通話寧願第時外補。




作者: JuliaCKL    時間: 15-9-26 00:54     標題: 回覆:英粵定英普?

我仔由n 開始英普,到而家k3都係英普,而喺屋企只講廣東話,佢廣東話非常流利,伴讀圖書時佢會鍾意我用返廣東話。我記得上年帶佢去圖書館,見到個講普通話嘅男仔,佢就自然用普通話去同人溝通做fd,。啱啱去完英國旅行,佢喺英國嘅公園自然就用英文去撩幾個10歲嘅哥哥一齊玩。功課上我用返廣東話,因為我發現佢雖然學校無廣東話,但佢唔知點解會知道一個字嘅普通話同廣東話點讀,所以由得佢自己轉台。

而我自己細個係讀普教中嘅中學,我一d都唔覺自己母語唔掂,相比我妹妹(佢嗰間係粵教中),岀嚟做事之後,我普通話識聽識講,中文又唔比佢差喎。




作者: siden    時間: 15-9-26 11:42     標題: 回覆:英粵定英普?

語言天份人人唔同。

一句講哂,小朋友語言天份一般或偏慢,最好英粵。




作者: ymhmami    時間: 15-9-26 17:44     標題: 回覆:siden 的帖子

提示: 作者被禁止或刪除 內容自動屏蔽
作者: picture    時間: 15-9-26 21:38     標題: 回覆:英粵定英普?

我只想講小一面試9 成學校用廣東話問。

就算普教中的赤柱聖提,CKY, St Louis, 主要都同Cantonese 問。




作者: Leanne123    時間: 15-9-27 08:43     標題: 引用:母語是廣東話就英粵,廣又識少少普又識少少

原帖由 acharsiu 於 15-09-25 發表
母語是廣東話就英粵,廣又識少少普又識少少,結果兩樣都半桶水。
普通話當外語學得啦。大把報章話普教中害 ...
Totally agree




作者: cpychung    時間: 15-9-27 09:50

普通話學中文既好處係你所講既詞語基本上就係你寫字作文既用詞,如果只係為溝通既話,其實學唔學都唔太重要,反正無論你講得幾差都好,啲台灣人大陸人都基本聽得明
作者: anpanman_baby    時間: 15-9-27 10:41     標題: 引用:普通話學中文既好處係你所講既詞語基本上就

原帖由 cpychung 於 15-09-27 發表
普通話學中文既好處係你所講既詞語基本上就係你寫字作文既用詞,如果只係為溝通既話,其實學唔學都唔太重要 ...
咁又真,我以前係中資做,有個同事係唔識普通話,佢係將廣東話求其讀歪曬就當係,但每次D國內同事又聽得明佢講咩架喎,好神奇係我每次聽我同事D普通忍笑忍得好辛苦




作者: minidonut0131    時間: 15-9-27 18:50     標題: 回覆:JuliaCKL 的帖子

其實我之前為囝囝選k1班時都有d迷思,揀英粵定英普,最終揀了英普。依家只返了約個多月學,未知成效/影響如何,不過囝囝好愛返學,投入,至於講廣東話時亦未見與其他語言有混淆,開學後喜見佢說話時識運用廣東話講新詞彙。




作者: sala222    時間: 15-9-29 11:32     標題: 引用:最好先了解自己小朋友,+無最好,+只有最適

原帖由 ymhmami 於 15-09-26 發表
最好先了解自己小朋友, 無最好, 只有最適合!
如何可了解?因為現時只知溝通冇問題,但已經報名時要決定。




作者: ymhmami    時間: 15-9-30 07:58     標題: 回覆:sala222 的帖子

提示: 作者被禁止或刪除 內容自動屏蔽
作者: Candycat225    時間: 15-10-4 10:06     標題: 引用:大家選英粤定英普?我想知點解要選普通話?

原帖由 sala222 於 15-09-24 發表
大家選英粤定英普?我想知點解要選普通話?唔係考小一多用粵語?文法又唔同。只係想學多個語言?



  ...
個人認為小朋友先學好廣東話再學普通話,對小朋友日常溝通更重要!始終廣東話先係香港既母語,點解唔先學好母語再去學其他語言呢?
就算係我地年代,好多人都係後天學習及鍛鍊普通話,語言能力不比他人差!我堅持自己小朋友讀英粵班,因為我認為廣東話先係香港主要溝通語言,普通話可以係小學慢慢學,反正來日方長,我唔想混淆左小朋友自己本身的方言




作者: edconcheung    時間: 15-10-4 11:15

回覆 Candycat225 的帖子

認同!我小朋友讀緊個間國際幼稚園,校長係多次講座都強調,學生一定要有好好既母語基礎先學第2語言,除非家長一早已有計劃,個計劃仲係好堅定既,即家長堅定將來小朋友會讀英普既國際學校或以英普為主的小學
作者: sala222    時間: 15-10-5 00:20     標題: 引用:Quote:原帖由+sala222+於+15-09-24+發表大

原帖由 Candycat225 於 15-10-04 發表
個人認為小朋友先學好廣東話再學普通話,對小朋友日常溝通更重要!始終廣東話先係香港既母語,點解唔先學好 ...
多謝分享,我都好認同。我都20幾歳先學,2年已經好講得好好。我偏方廣東話,但見很多家長,朋友,甚至學校都傾向英普,我真係怕我太輕視,選擇錯誤...




作者: Candycat225    時間: 15-10-5 21:02     標題: 回覆:edconcheung 的帖子






作者: Candycat225    時間: 15-10-5 21:09     標題: 回覆:sala222 的帖子

相信自己既選擇!來日方長,學普通話真的無難度,只要多聽、多說、多練,多花點時,必定會有好收穫!先讓孩子建立本身說話基礎,其他語言真係唔急學!




作者: Mikor    時間: 15-10-29 15:42     標題: 回覆:英粵定英普?

我都想bb 讀英粵,奈何大部分私幼都係英普(為左考直資小學),而學券幼稚園英文相對又太少,冇乜兩全其美




作者: edconcheung    時間: 15-10-29 18:08

本帖最後由 edconcheung 於 15-10-29 18:09 編輯

回覆 Mikor 的帖子

我小朋友讀緊個間,語言選擇班較多,升K1-K2有英粵、英普,全英,家長可選擇半日,或全日,全日可再選eg上午係全英/下午普通話,上午英粵/下午普通話,上午全英or英粵,下午做project(學習思維邏輯、合作、溝通等)
到第二年,又可按小朋友情況選語言

一般情況,選全英都係打算讀國際學校,小朋友讀到K2(5歲後)可升讀學校直屬既國際小學,或其他國際學校

作者: ponolunok    時間: 15-10-31 20:38

如果可以,早啲學好啲。
作者: sala222    時間: 15-12-27 22:46     標題: 回覆:英粵定英普?

有冇媽媽仲諗緊?




作者: BBlauyu    時間: 15-12-27 23:33     標題: 回覆:sala222 的帖子

家中講粤語,咪學英普咯,唔駛再學粵語啦,避免重複。




作者: maggie_lai2002    時間: 15-12-27 23:51     標題: 引用:家中講粤語,咪學英普咯,唔駛再學粵語啦,

原帖由 BBlauyu 於 15-12-27 發表
家中講粤語,咪學英普咯,唔駛再學粵語啦,避免重複。
Agree , 但我覺得如果pn已經用英普可能過早,因為小朋友未打好粵語的基礎,但如果小朋友粵語能力ok ,K1之後學英普問題應該不大的, 始終三歲左右係小朋友的語言發展黃金期




作者: puichingforsure    時間: 15-12-28 00:24     標題: 回覆:英粵定英普?

提示: 作者被禁止或刪除 內容自動屏蔽




歡迎光臨 教育王國 (/) Powered by Discuz! X1.5