教育王國

標題: 忽發奇想 [打印本頁]

作者: 麥子仲肥 時間: 15-9-24 00:44 標題: 忽發奇想

假設家中有2個小朋友，哥/姐考到一間相當唔錯(大家心目中top tier)嘅直資或私小，但弟/妹資質平平又唔係學校喜歡收嘅類型，會唔會放棄直資/私小，退而求其次入讀一間區內算幾好嘅官津小？
當然咁好彩有呢d選擇先算，不過想收集吓大家嘅睇法

作者: macmate 時間: 15-9-24 01:11 標題: 回覆：忽發奇想

我會分開兩間學校畀2個小朋友，分別揀間比較合適嘅畀佢哋！唔阻礙大嘅發展之餘又唔會強行迫個細嘅！

作者: yumiee 時間: 15-9-24 06:16

一d 都唔係奇想，我識有朋友係咁。

作者: momama 時間: 15-9-24 06:51 標題: 回覆：忽發奇想

大把人咁做，人生充滿 give and take

作者: sallyshlau2 時間: 15-9-24 06:53 標題: 回覆：momama 的帖子

我會咁做

作者: cattz288 時間: 15-9-24 07:09 標題: 引用：假設家中有2個小朋友，哥/姐考到一間相當唔

原帖由 麥子仲肥 於 15-09-24 發表
假設家中有2個小朋友，哥/姐考到一間相當唔錯(大家心目中top tier)嘅直資或私小，但弟/妹資質平平又唔係學 ...

私小同直資，弟妹都係要考既，並非必收，可能有優先咋！

作者: 4001cc 時間: 15-9-24 07:31

未考唔知點, 要兩手準備. 直資考佐先算, 津校一路申請.

作者: Jane1983 時間: 15-9-24 07:34

照考照試，畢竟津校要抽，直私亦吾係必收。

如果家長睇到小朋友之間的差異，或者覺得性格吾適合，資源配合到，係分開比較好。

作者: 已刪除用戶 時間: 15-9-24 07:37 標題: 回覆：忽發奇想

係要搏下。真係give and take

作者: whitepurin 時間: 15-9-24 07:42 標題: 回覆：忽發奇想

所以我只考私小，不考直資，因明知考到都不想放棄抽獎。如果咁好彩考到神級私小，咪搏到盡抽名津

不過呢個係發夢先會發生...

作者: 小曳人 時間: 15-9-24 07:56

本帖最後由小曳人於 15-9-24 08:00 編輯

我當年放咗沙官小，俾阿哥讀SFA
我當時諗：要入沙官小，細佬同樣有約1/3機會，過幾年再抽過啦！
不過，雖然細佬資質平傭，但佢性格較得人鍾意，所以個心覺得未必輸哂嘅，只係...強烈覺得細佬唔適合SFA....而哥哥原來極想同細佬一齊返學...
所以最終都係插班去讀津校

作者: wingszew 時間: 15-9-24 08:16 標題: 回覆：小曳人的帖子

為了個仔的，我會讓大的讀津校！

作者: phoebewong123 時間: 15-9-24 08:21 標題: 引用：+本帖最後由+小曳人+於+15-9-24+08:00+編輯

原帖由 小曳人 於 15-09-24 發表
本帖最後由小曳人於 15-9-24 08:00 編輯

我當年放咗沙官小，俾阿哥讀SFA

你好搏

我係你不敢放沙官，可能我覺得沙官已經很好。
你覺得細佬去大佬間冿校會不會更辛苦？

作者: 小曳人 時間: 15-9-24 09:24

本帖最後由小曳人於 15-9-24 09:46 編輯

phoebewong123 發表於 15-9-24 08:21
你好搏
我係你不敢放沙官，可能我覺得沙官已經很好。
你覺得細佬去大佬間冿校會不會更辛苦？

我自己官中大嘅，其實未開始認識小學之前，一路都覺得沙官very good只係大仔情況令我地當時覺得，讀SFA可能會較適合

傻啦~津校乜人都有，唔係大家諗到咁極端嘅，細佬本身聽話又定d，只要作為家長小心處理，唔好比較，小朋友自己盡咗力就得，名次唔太重要，到呢刻我對細佬可唔可以上到中學都仲係隨緣，講真，band 2成績入band 1學校亦未必係件好事，我仲有大把時間觀察細佬嘅能力，同埋自信心等問題

作者: jason1978 時間: 15-9-24 12:52 標題: 回覆：小曳人的帖子

非常同意。b2成績讀b1學校，對小朋友未必係好事。
小學尚未大定，唔知未來發展，到咗上中學，應該好清楚。而且，到時考中學係實力嘅表現，選對學校好重要。孩子無咗自信心，無求學心就慘

作者: Babyarsene 時間: 15-9-24 13:00 標題: 引用：假設家中有2個小朋友，哥/姐考到一間相當唔

原帖由 麥子仲肥 於 15-09-24 發表
假設家中有2個小朋友，哥/姐考到一間相當唔錯(大家心目中top tier)嘅直資或私小，但弟/妹資質平平又唔係學 ...

不同人不不同決定。有人會唔想因為個細犧牲個大咁辛苦考嚟嘅offer, 有人想大嘅為細舖路，有人想兩個讀同一間唔使煩，有人又因為計下計下計唔掂條數。
不過有好直私offer 之後大前題都要有好津校offer，如果津校係二線，我諗都唔使點諗。
我仔上年都有一線私校offer, 最後我去咗叩門嘅一間地區名津，我未知細嗰個嘅資質，但考學校呢一年嘅心力交瘁我唔想嚟多次。加上唔使比學費個幾千原來好好用。

作者: wing.2bb 時間: 15-9-24 13:07

我會咁做 x 2

歡迎光臨教育王國 (/)