教育王國

標題: 名次 [打印本頁]

作者: TomatoCat 時間: 15-9-23 10:03 標題: 名次

上了中學後,名次是否好似小六時那麼重要?是否應讓孩子上多些活動?大家點睇?

作者: Yanamami 時間: 15-9-23 10:06

本帖最後由 Yanamami 於 15-9-23 10:07 編輯

名次係中三要升中四選科时尤其持别非常重要！F1/2, 無乜所謂，但最好有upward trend.

作者: bestwish 時間: 15-9-23 10:14

上到中學名次仲緊要, 尤其是中三揀科 !

如果學校有精英班, 名次都好重要。學校一定放多D資源落精英班, 全校最top的老師一定係教精英班。

所以世界就係禁現實。

作者: TwinWong 時間: 15-9-23 10:57

本帖最後由 TwinWong 於 15-9-23 10:58 編輯

我地係有新老師教精英班,
因為佢地新來的, 會好落力

中三要準備選科, 所以中三嘅成績就好重要

作者: 小豬嘜 時間: 15-9-23 11:17

TwinWong 發表於 15-9-23 10:57
我地係有新老師教精英班,
因為佢地新來的, 會好落力
中三要準備選科, 所以中三嘅成績就好重要

我第一次聽到新老師教新來,會好落力呢個諗法.
以前我都有質疑點解學校要放新老師在一D重要年級. e.g. P5,P6
其實係咪真係如此呢？　　純好奇

作者: Yanamami 時間: 15-9-23 11:46

小豬嘜發表於 15-9-23 11:17
我第一次聽到新老師教新來,會好落力呢個諗法.
以前我都有質疑點解學校要放新老師在一D重要年級. e.g. P5,P ...

真~~我女(F5)个中文老師好新……死亡之卷真係……離死不遠

作者: TwinWong 時間: 15-9-23 12:14

小豬嘜發表於 15-9-23 11:17
我第一次聽到新老師教新來,會好落力呢個諗法.
以前我都有質疑點解學校要放新老師在一D重要年級. e.g. P5,P ...

可能係我兩個女好彩

好似大女當年遇上數學/ENG LIT 新老師

1/数學老師出的功課題目, 係全班唔同, 等你無得抄功課,
到UT/ 考試前, 放學會加堂, 歡迎同學來問問題

啊囡話試过將題目拎去請教LS 同級D叻数學同學, 佢地唔識做,
个男生揾師兄至做到

2/ 中四時新ENG LIT 老師, 第一堂要全班寫WRITING,
第二日老師派返份WRITING比佢, 佢話即時登大只眼, 唔咁信自己
得LEVEL 2, 返泥係咁喊, 比我睇老師評得佢差, 我叫佢唔傷心,
你睇下, 老師咁快第二日批好卷仲茖心机, 比多COMMENTS 你, 就係要你改善唔好嘅地方,
到F.6時, 佢WRITING SKILL 巳追到住TOP 1 個同學, 有一次老師將其中佢考試份WRITING
留起當SAMPLE比師妹參考

跟住到細女的數學都係新老師, 功課如果錯超过10%
就要加10題額外數, 雖然佢做得辛苦, 但眼見佢係明顯改善好多,
以後做數會更加小心

作者: brother4 時間: 15-9-23 12:27 標題: 回覆：TwinWong 的帖子

你孩孑好叻，數冇得抄還有英國文學，非一般學校，俗語說:遇強越強果D超級學生

作者: bestwish 時間: 15-9-23 13:21

本帖最後由 bestwish 於 15-9-23 13:21 編輯

我女都有Eng Lit 呢科。精英班先有。但只係好一般學校

作者: connielam 時間: 15-9-23 13:35

回覆 TwinWong 的帖子

老師新不新不要緊,最緊要比心機教,學生是FEEL到.

作者: S-Kwok 時間: 15-9-23 14:39 標題: 引用：Quote:小豬嘜+發表於+15-9-23+11:17+我第一

原帖由 TwinWong 於 15-09-23 發表
可能係我兩個女好彩

有心嘅老師好難求

作者: cow 時間: 15-9-23 22:40

當年教我physics個阿sir，剛大學畢業，教得好好，佢都係3年前剛考完個試。

作者: bestwish 時間: 15-9-24 10:53

本帖最後由 bestwish 於 15-9-24 10:58 編輯

我又覺得新老師未必一定唔好。新老師比較有熱誠積極。比較識同呢一代年青人溝通。反而某部份年長的老師做到麻木哂滑哂啞等退休。

我女有一個好例子。小學時中文科係最差的一科。上到中學, 個位中文老師好後生。應該剛剛出嚟做老師冇耐。佢好好人, 呀女話佢教得好好。我女中文科現在係全級第5名。所以新老師未必一定唔好。

作者: 小豬嘜 時間: 15-9-25 09:47

TwinWong 發表於 15-9-23 12:14
可能係我兩個女好彩

明白晒. 多謝你.

作者: newcomer550 時間: 15-9-25 11:45

TwinWong 發表於 15-9-23 12:14
可能係我兩個女好彩

遇到好老師, 聽到都開心.

作者: silvia_ng 時間: 15-9-25 13:53

其實我想問下，中學係咪會有每科既全級排名架?! 而初中既級名次會否好似小學咁, 差0.0X 分就會差好多咁呢?!

作者: peggy 時間: 15-9-25 15:03

silvia_ng 發表於 15-9-25 13:53
其實我想問下，中學係咪會有每科既全級排名架?! 而初中既級名次會否好似小學咁, 差0.0X 分就會差好多咁呢?! ...

我仔學校每科都會列全級名次

作者: KT0603 時間: 15-9-25 15:51 標題: 引用：其實我想問下，中學係咪會有每科既全級排名

提示: 作者被禁止或刪除內容自動屏蔽

作者: 王家爸爸 時間: 15-9-25 17:50

TomatoCat 發表於 15-9-23 10:03
上了中學後,名次是否好似小六時那麼重要?是否應讓孩子上多些活動?大家點睇? ...

上了中學後，名次一樣咁重要，但係原因同小六時唔同。了解自己各科既名次，先至知道邊度需要改善、需要努力。

作者: Longan 時間: 15-9-26 21:52

遇過唔少奇異80後新過吓嘅老師,其中最"得"女嘅-人ok但唔勝任做出色的老師(學科料子唔掂,寫出嚟嘅文章水準似三四年班), 男嘅講"以我多年的經驗",將自己"獨特的看學生心得"無限放大,得罪人多,稱呼人少,最差就自以為是,將無問題的學生看成有問題,要輔導嘅反而避開, 唉...
有Ｄ老師有時真係令人氣憤, 但唔投訴得, 不然小朋友就冇運行.

作者: gwan 時間: 15-10-1 11:01

回覆 silvia_ng 的帖子

好多學校每科都有全級排名，覺得冇小學甘差0.0X 就差好多個位，不過，入得同一中學，照計大家的水準應該差不多，但實則同學們的成績真係好參差，有人話，F1F2的成績好難作準，因好多人F3才發力，我唔知係唔係呢？大家點睇？

作者: dobbybabie 時間: 15-10-1 12:49 標題: 引用：回覆+silvia_ng+的帖子好多學校每科都有

原帖由 gwan 於 15-10-01 發表
回覆 silvia_ng 的帖子

好多學校每科都有全級排名，覺得冇小學甘差0.0X 就差好多個位，不過，入得同一中學 ...

試下解釋你的疑問，以B1做例子先，通常領跑的都是小學成績好ToP那些，他們有正確的學習態度和能力，—般唔會差，反而是在小學二三十名至B1c那堆的成績好參差。—般來說是底打得唔好，或—下適應唔到中學教學的方法和考試方法，同埋是反叛期，亦有大部分家長認為他們大了，有責任承擔自己決定既後果，好多小朋友沈迷打機和電話這些科技産品。
F1，F2唔可作準，好多F3發力追上由始至終每個階段成績都不可作準，祗是可預測成績趨勢。F1是因為有些同學未適應中學轉變，有些叻的是因為吃老本，或靠天賦，打天才波，這些小朋友一係就慢慢落跑，—係就醒覺，_係就符碌入大學。F3是因為選科，所以有些同學認真咗。但高中課程又同初中有好大分別，有些初中領頭馬又會落後(但落極都有個譜)。所以讀書都要步步為營，唔可以大安旨意架。做家長是要放手，但都要因材施放，是放。

作者: YDLFATHER 時間: 15-10-1 13:17

名次還是重要的, 特別是有精英班的學校, 老師教學的方法是不同的, 對學生絕對有影響

作者: bestwish 時間: 15-10-2 10:03 標題: 引用：回覆+silvia_ng+的帖子好多學校每科都有

原帖由 gwan 於 15-10-01 發表
回覆 silvia_ng 的帖子

好多學校每科都有全級排名，覺得冇小學甘差0.0X 就差好多個位，不過，入得同一中學 ...

同一間學校真係可以參差好大。因為小學都有分課程深淺。可以好深，又可以好淺。所以上到中學，有d好易適應。有d完全適應唔到。加上反叛期唔讀書果d，成績就會大跌，睇下個小朋友識唔識醒，唔識醒，禁就一世。識醒果d, 去到高中發力，仍有得追。

好彩暫時我女冇放棄讀書。

作者: gwan 時間: 15-10-2 10:33

見到好多同學上到中學唔係hea讀咁簡單，有幾個好聰明，資質好好的，直程係放棄，真的令人心痛。

歡迎光臨教育王國 (/)