教育王國

標題: 小一名校收生分數如何計　花3000萬置業有無機？ [打印本頁]

作者: elbar 時間: 15-9-22 09:42 標題: 小一名校收生分數如何計　花3000萬置業有無機？

相片來源：經濟日報資料室

撰文 : TOPick 編輯

小一自行收生階段今天（21日）展開，家長可為子女到心儀學校交表入學。雖然天文台早上發出黃色暴雨警告信號，但仍有5名家長親身到位於九龍塘的傳統名校喇沙小學等候交表。

月花萬元為子鋪路入喇沙

李生月花1萬為兒子報讀興趣班。（相片來源：經濟日報）

排頭位的李先生，清晨約7時半已到校，他指自己是長居於北京的香港人，從事文化產業工作，今年打算舉家搬回港，認為香港的教育好，喇沙小學在內地有名氣，希望兒子能「搏入」該校。

育有兩子的他，對兒子期望高，月花1萬元為他安排鋼琴、口才訓練及敲擊樂班等，他又透露曾與兒子暢遊歐洲十多國，現擬花2,000至3,000萬元於41校網置業。

冀兒成家族第8名「喇沙仔」

在場的本地家長楊太表示，若兒子入讀喇沙小學，將會是全家族第8名「喇沙仔」，爸爸及爺爺都是在喇沙小學畢業，連同宗教分，兒子手握25分。

從事社工的她，堅稱不像怪獸家長般栽培兒子，反而重視一家人玩樂的時間，沒有報讀任何興趣班。

自生收生階段如何計分呢？

在「自行分配學位」階段，要有多少分才有機會獲名校錄取？TOPick編輯根據教育局的計分準則，並以首名子女為例，分析機會率。

根據上述圖表可見，適齡的兒童有10分，其餘7項可以分為A、B兩組，每組只能選擇其中一項加分事項，不能重複：

A組：

父/母全職在與該小學同一校址的幼稚園或中學部工作 20分
兄/姐在與該小學同一校址的中學部就讀 20分
父/母為該小學的校董 20分
父/母或兄/姐為該小學的畢業生 10分
首名子女 5分

B組：

與該校的辦學團體有相同的宗教信仰 5分
父/母為該小學主辦社團成員 5分

A. 15分
計分組合：適齡學童（10分）+首名子女（5分）=15分
機會渺茫：入讀傳統名校的機會率相當低。不過，近年有名校在「叩門」階段，要求學童在自行收生及統一派位的第一志願，都必須選擇該校。

B. 20分
計分組合：適齡兒童（10分）+首名子女（5分）+宗教信仰/辦學團體成員（5分）= 20分
值得一搏：手持20分有機會入讀，但近年「龍校」競爭激烈，學童未必能穩勝入讀。

C.25分
計分組合：適齡兒童（10分）+宗教信仰/辦學團體成員（5分）+父/母為校友（10分）=25分
機會大增：基本已達到傳統名校的入學門檻。但最終是否成功被錄取，仍要視乎實際競爭。

D.30分
計分組合：適齡兒童（10分）+父/母是教職工/校董（20分）=30分
十足把握：按照計分準則，若學童的父母任何一方，是學校的全職教職工或校董，會被錄取。

作者: hkpapa852 時間: 15-9-22 09:49

elbar 發表於 15-9-22 09:42
相片來源：經濟日報資料室撰文 : TOPick 編輯小一自行收生階段今天（21日）展開，家長可為子女到心儀學 ...

佢本身既資料OK, 但個"Topick"表, 絶對係誤導兼錯漏百出

20分仲有另一類(父/母, 兄/姐為舊生)又唔講, 30分既解釋亦有問題.

其實, 應該係可以計到35分添, 點解唔出埋?

作者: conniemar 時間: 15-9-22 10:05 標題: 回覆：小一名校收生分數如何計　花3000萬置業有無機？

出呢個表個作者應該冇仔女或者未玩過呢個遊戲。ek是旦一個資深會員都寫得詳細過佢

作者: 奥脫福 時間: 15-9-22 10:13

elbar 發表於 15-9-22 09:42

D.30分
計分組合：適齡兒童（10分）+父/母是教職工/校董（20分）=30分
十足把握：按照計分準則，若學童的父母任何一方，是學校的全職教職工或校董，會被錄取。

聽聞某名校今年改選ＩＭＣ，有去年家教會小一媽咪委員今年（仍然係小一）競逐
家長校董。

照計今年仔仔將會「水深火熱」，ＦＴＭ應全力幫手「護級」，點會仲有心力入Ｉ
ＭＣ呢？咦？校董兩年一任、校董有３０分。。。棄車保帥乎？

作者: Jane1983 時間: 15-9-22 10:20

自行排頭位去報，即係夠高分，咁使也花3000萬置業搏抽獎呀！？

吾明wor。

作者: 奥脫福 時間: 15-9-22 10:24

提示: 該帖被管理員或版主屏蔽

作者: mayyylai 時間: 15-9-22 10:25

回覆 Jane1983 的帖子

佢應該唔夠分喎，報導都冇話佢係舊生，只係講佢花幾多幾多錢去旅行、栽培個小朋友。

作者: Jane1983 時間: 15-9-22 11:03

回覆 mayyylai 的帖子

15分報黎都無用，仲要早起排頭位！吾通搏上鏡

作者: gattermond 時間: 15-9-22 11:24

動新聞見佢一口流利普通話喎
其實得15 分 , 點解要o徒張 form , 報其他仲實際
唔計早兩年 25 分入唔唒 , 近十年 20 分抽到又得幾多人...
仲要未買佢層二,三千萬豪宅 ......殼

作者: karen55407 時間: 15-9-22 11:34 標題: 回覆：gattermond 的帖子

好多本地人都仲以為用15分可以搏，難怪內地人唔知嘅！

作者: polarbearlee 時間: 15-9-22 11:39

希望佢住紅磡抽得中喇沙:dadday:

作者: B.BB 時間: 15-9-22 12:01 標題: 回覆：小一名校收生分數如何計　花3000萬置業有無機？

通常呢啲都係見下報，之後得個桔！其實係唔係舊生都好，如果真係明白個遊戲點玩，根本唔會戇居居晨早七點幾去排隊！或者將來叩門交 portfolio 時，其中一頁係呢段排頭位新聞的剪報，仲要放大佢，大打感情牌！

作者: 奥脫福 時間: 15-9-22 12:07

polarbearlee 發表於 15-9-22 11:39

希望佢住紅磡抽得中喇沙

哈，咁佢大抽獎仲少左一間可以簡！

作者: Kailey 時間: 15-9-22 12:22 標題: RE: 小一名校收生分數如何計　花3000萬置業有無機？

B.BB 發表於 15-9-22 12:01
或者將來叩門交 portfolio 時，其中一頁係呢段排頭位新聞的剪報，仲要放大佢，大打感情牌！

作者: alyk 時間: 15-9-22 12:27

阿李生係咪排錯隊, 一個月可以用1萬培養個仔係咪要去拔拔唔係沙沙

作者: B.BB 時間: 15-9-22 12:42 標題: 引用：阿李生係咪排錯隊,+一個月可以用1萬培養個

原帖由 alyk 於 15-09-22 發表
阿李生係咪排錯隊, 一個月可以用1萬培養個仔係咪要去拔拔唔係沙沙

應係聖喇拔大包圍

作者: 晴晴小B 時間: 15-9-22 13:42 標題: 引用：Quote:Jane1983+發表於+15-9-22+10:20+自行

原帖由 奥脫福 於 15-09-22 發表
夠高分就哽係飲啖茶食埋個包至去交表啦！朝早七點幾走去排隊？
邊有咁Ｘ蠢的ＬＳ仔架！

果個係另一家長，唔係排頭位果位仁兄

作者: hkpapa852 時間: 15-9-22 14:09

晴晴小B 發表於 15-9-22 13:42
果個係另一家長，唔係排頭位果位仁兄

有25分需然唔係必入, 但世代都係LS仔, 流程應該好清楚, 使乜咁早去?
食完個靚早睇陣報紙雜誌到11:00左右先去, 可能隊都唔駛排添

作者: 小曳人 時間: 15-9-22 14:13

本帖最後由小曳人於 15-9-22 14:15 編輯

hkpapa852 發表於 15-9-22 14:09
有25分需然唔係必入, 但世代都係LS仔, 流程應該好清楚, 使乜咁早去?
食完個靚早睇陣報紙雜誌到11:00左右先 ...

唔得！收表時間：
9-11am
2-4pm

我估pm去會少人d但要出位就當然係Day 1嘅9點啦！

作者: gattermond 時間: 15-9-22 14:17

hkpapa852 發表於 15-9-22 14:09
有25分需然唔係必入, 但世代都係LS仔, 流程應該好清楚, 使乜咁早去?
食完個靚早睇陣報紙雜誌到11:00左右先 ...

11:00am 去會摸門釘...

作者: 奥脫福 時間: 15-9-22 14:30

晴晴小B 發表於 15-9-22 13:42

果個係另一家長，唔係排頭位果位仁兄

Jane1983（我估係）同我都係講緊呢位仁兄喎！

排頭位的李先生，清晨約7時半已到校，他指自己是長居於北京的香港人，從事文化產業工作，今年打算舉家搬回港，認為香港的教育好，喇沙小學在內地有名氣，希望兒子能「搏入」該校。

育有兩子的他，對兒子期望高，月花1萬元為他安排鋼琴、口才訓練及敲擊樂班等，他又透露曾與兒子暢遊歐洲十多國，現擬花2,000至3,000萬元於41校網置業。

作者: Soundervolt 時間: 15-9-22 14:55 標題: 回覆：小一名校收生分數如何計　花3000萬置業有無機？

究竟學十八般武藝及周遊列國同抽獎有乜關係呢？

作者: ozduckie 時間: 15-9-22 15:08 標題: 引用：Quote:晴晴小B+發表於+15-9-22+13:42+果個

原帖由 奥脫福 於 15-09-22 發表
Jane1983（我估係）同我都係講緊呢位仁兄喎！

呢位爸爸究竟明唔明依家報緊乜野？打算置業，即係未買啦？甘即係不是41網，即係靠自行計分！斷估佢連宗教分都最多得20分，點中呀？

作者: cherryme 時間: 15-9-22 15:16 標題: 回覆：小一名校收生分數如何計　花3000萬置業有無機？

請問我是圖中的4，5，8，是20分還是25分，謝解答

作者: cattz288 時間: 15-9-22 15:18

奥脫福發表於 15-9-22 14:30
Jane1983（我估係）同我都係講緊呢位仁兄喎！

佢知唔知41區唔夠位, 會派左去黃大仙區??

作者: cherryme 時間: 15-9-22 15:18 標題: 回覆：cherryme 的帖子

我是圖中的4，5，8，請問是20還是25分

圖片附件: myphoto.jpg (15-9-22 15:18, 103.03 KB) / 下載次數 13
/forum.php?mod=attachment&aid=NTcyNzl8ZDE1ZDBkNDh8MTc2OTQ4MjczMXww

作者: cattz288 時間: 15-9-22 15:19

cherryme 發表於 15-9-22 15:16
請問我是圖中的4，5，8，是20分還是25分，謝解答

20咋, 父母舊生果10分同第一名仔女既5分係二揀一架咋

作者: cherryme 時間: 15-9-22 15:23

回覆 cattz288 的帖子

謝解答

作者: B.BB 時間: 15-9-22 16:19 標題: 引用：究竟學十八般武藝及周遊列國同抽獎有乜關係

原帖由 Soundervolt 於 15-09-22 發表
究竟學十八般武藝及周遊列國同抽獎有乜關係呢？

報紙佬係要咁寫來交差嘛，根本個報紙佬都唔知係無關係

作者: mayyylai 時間: 15-9-22 16:28

回覆 B.BB 的帖子

咁講又啱喎，嗰位先生可能係成篇報導裏冇講過任何嘢。

作者: Soundervolt 時間: 15-9-22 18:57 標題: 引用：Quote:原帖由+Soundervolt+於+15-09-22+發

本帖最後由 Soundervolt 於 15-9-22 18:58 編輯

原帖由 B.BB 於 15-09-22 發表
報紙佬係要咁寫來交差嘛，根本個報紙佬都唔知係無關係

話時話都唔係好明點解報紙每年都去喇小做埋呢啲訪問，仲要一年報導幾次（自行>抽獎結果>叩門）寫埋啲千奇百怪嘅報導。其實可以去隔離女校採訪，起碼影張相個背景都靚好多啦！

作者: mcl203 時間: 15-9-22 19:17 標題: 引用：阿李生係咪排錯隊,+一個月可以用1萬培養個

原帖由 alyk 於 15-09-22 發表
阿李生係咪排錯隊, 一個月可以用1萬培養個仔係咪要去拔拔唔係沙沙

有不少名津生每月洗費係過萬嫁，（未計飯錢＋車費），要補中英數常＋幾樣興趣班，讀津校都可以洗得好精采

作者: Soundervolt 時間: 15-9-22 19:27 標題: 引用：Quote:原帖由+alyk+於+15-09-22+發表阿李生

原帖由 mcl203 於 15-09-22 發表
有不少名津生每月洗費係過萬嫁，（未計飯錢＋車費），要補中英數常＋幾樣興趣班，讀津校都可以洗得好精采 ...

呢啲額外使費跟讀乜野學校全冇關係，學校係唔會要求家長為子女報讀任何興趣班或補習，呢啲只係個人需要及決定。有人冇補習、只參加校內課外活動一樣成績標炳，可以有多姿多彩嘅校園生活。

作者: mcl203 時間: 15-9-22 19:35 標題: 引用：Quote:原帖由+mcl203+於+15-09-22+發表有不

原帖由 Soundervolt 於 15-09-22 發表
呢啲額外使費跟讀乜野學校全冇關係，學校係唔會要求家長為子女報讀任何興趣班或補習，呢啲只係個人需要及決 ...

呢個當然，只係回應下Ｄ網友，讀津校一樣可以洗成皮野一個月

又咁講，部份學校興趣班都係要自己俾錢既，午餐未必係免費

作者: Soundervolt 時間: 15-9-22 19:38 標題: 引用：Quote:原帖由+Soundervolt+於+15-09-22+發

原帖由 mcl203 於 15-09-22 發表
呢個當然，只係回應下Ｄ網友，讀津校一樣可以洗成皮野一個月

又咁講，部份學校興趣班都係要自己俾錢既，午 ...

好心就唔好亂咁嚇其他新手家長啦！

作者: mcl203 時間: 15-9-22 19:41 標題: 引用：Quote:原帖由+mcl203+於+15-09-22+發表呢個

本帖最後由 mcl203 於 15-9-22 23:27 編輯

原帖由 Soundervolt 於 15-09-22 發表
好心就唔好亂咁嚇其他新手家長啦！

講真喎，眼見既事例，８成人補習＋每人起碼３兩樣活動，入門級既價錢

當然豐儉由人，自己ＯＫ可以唔使理人

作者: B.BB 時間: 15-9-22 22:10 標題: 引用：+本帖最後由+Soundervolt+於+15-9-22+18:58

原帖由 Soundervolt 於 15-09-22 發表
本帖最後由 Soundervolt 於 15-9-22 18:58 編輯

採訪通常都係喇沙、女拔，近年加埋北區學校，係咁咦影下啲新相，捉一兩個愛出風頭的某某問幾句，然後搵番舊年份新聞紙出來抄寫一番⋯⋯稿費袋袋平安，讀者繼續每年譁然⋯⋯

作者: Jane1983 時間: 15-9-22 22:14

而家記者水平真係低，由港聞、到娛樂都好求其。有時我做讀者，都清楚過記者，真係簁氣

作者: ok3 時間: 15-9-23 14:01

宜家D報紙仲邊有公信力!? 求其睇下個標題, 內文都費事睇......!

作者: alyk 時間: 15-9-23 15:01

mcl203 發表於 15-9-22 19:17
有不少名津生每月洗費係過萬嫁，（未計飯錢＋車費），要補中英數常＋幾樣興趣班，讀津校都可以洗得好精采 ...

你誤會我的意思了, 既然用到咁多錢, 照計個小朋友都曉飛啦, 係咪要去考D直/私先? 起碼大家鬥本事.
津校; 自行又唔夠分, 派位又只講運氣, 話之我舊係 "义燒" 有運就派到, 曉飛都冇用.

作者: Soundervolt 時間: 15-9-23 15:09 標題: 引用：Quote:mcl203+發表於+15-9-22+19:17+有不少

原帖由 alyk 於 15-09-23 發表
你誤會我的意思了, 既然用到咁多錢, 照計個小朋友都曉飛啦, 係咪要去考D直/私先? 起碼大家鬥本事.
津校; 自 ...

個人認為用幾多錢去投資落小朋友嗰道同會唔會曉飛係冇直接關係，我識人揾咗個據說城中好出名補習英文，成千五大元一小時嘅Auntie乜乜幫小朋友One on One補英文，成績都仲係好十分一般。

作者: mcl203 時間: 15-9-23 15:20

alyk 發表於 15-9-23 15:01
你誤會我的意思了, 既然用到咁多錢, 照計個小朋友都曉飛啦, 係咪要去考D直/私先? 起碼大家鬥本事.
津校; 自 ...

唔使咁深究箇中原因....太多因素...我都只係口多多....分享下所見所聞姐
又事實係....有D受熱捧既津校學生...不少係放棄直/私位入讀津校
直私未必一定係家長最有優勢既選擇.....尢其係有直屬B1A中學果幾間
使幾多$去為去考某某小學...報紙佬刻意吹大姐...唔通佢地唔去考直私咩...只為沙沙一間

作者: mcl203 時間: 15-9-23 15:21

Soundervolt 發表於 15-9-23 15:09
個人認為用幾多錢去投資落小朋友嗰道同會唔會曉飛係冇直接關係，我識人揾咗個據說城中好出名補習英文，成千 ...

又係事實噃....俾左水都未必飛得起

作者: alyk 時間: 15-9-23 15:24

Soundervolt 發表於 15-9-23 15:09
個人認為用幾多錢去投資落小朋友嗰道同會唔會曉飛係冇直接關係，我識人揾咗個據說城中好出名補習英文，成千 ...

用一萬元去培養一個小朋友, 只要冇用錯方向, 而個小朋友有中上的資質冇乜理由表現不濟, 以你朋友的例子只可以話資質末能被體現.

如果2個資質相等的小朋友, 一個月用一萬, 對一個只在家發牛豆, 短期根本冇得輸, 但長遠又未必.

作者: Soundervolt 時間: 15-9-23 15:29 標題: 引用：Quote:Soundervolt+發表於+15-9-23+15:09+

原帖由 mcl203 於 15-09-23 發表
又係事實噃....俾左水都未必飛得起

其實學語文要講整體條件，唔係單單搵個什麼勁人返嚟修修補補就會有好效果，如果父母對小朋友自小能夠放啲心機培養到閱讀習慣，提供到多啲中外語言生活環境，效果會好好多，將來亦可以慳返唔少去補習嘅錢。

作者: Soundervolt 時間: 15-9-23 15:34 標題: 引用：Quote:Soundervolt+發表於+15-9-23+15:09+

原帖由 alyk 於 15-09-23 發表
用一萬元去培養一個小朋友, 只要冇用錯方向, 而個小朋友有中上的資質冇乜理由表現不濟, 以你朋友的例子只 ...

我冇話唔用使錢投資落小朋友，使錢用資源當然要使得其所。但有好多家長以為使得愈多對小朋友嘅培養就會愈好，但方向錯哂。

作者: B.BB 時間: 15-9-23 15:51 標題: 引用：Quote:原帖由+alyk+於+15-09-23+發表用一萬

原帖由 Soundervolt 於 15-09-23 發表
我冇話唔用使錢投資落小朋友，使錢用資源當然要使得其所。但有好多家長以為使得愈多對小朋友嘅培養就會愈好 ...

好多家長的確係咁以為，報紙佬居功至偉！強大的互聯網亦功不可抹。

作者: mcl203 時間: 15-9-23 16:04

Soundervolt 發表於 15-9-23 15:34
我冇話唔用使錢投資落小朋友，使錢用資源當然要使得其所。但有好多家長以為使得愈多對小朋友嘅培養就會愈好 ...

心態係...唔使一定會輸...使左心安理得

我都曾分享過...曾跟一好友家長談及..."老師建議唔好補習"
回應係...帶怒地 "我會質問佢...個個都係咁補中英數常...佢叫唔補...我小朋友上唔到中學係咪佢負責"

所以...補習同資質係無關係既

作者: retriever 時間: 15-9-24 00:09

回覆 elbar 的帖子

可能受訪人在國內成長生活多年，沾染唔少'大'氣。。。
對媒體高調講有幾大手畢，可能在國內搵門路係司空慣見。。。

但對投考香港天主教津校係咪正能量？

歡迎光臨教育王國 (/)