教育王國

標題: 自閉症兒童會鐘諗攬人，錫人嗎？ [打印本頁]

作者: yiyi0401 時間: 15-9-19 23:55 標題: 自閉症兒童會鐘諗攬人，錫人嗎？

我仔係早產b,一直所有發展都慢，依家已經21個月，但評估左只係1歲大既bb,而且仲未識講野，仲係bb話，叫佢唔鍾意望人，鍾意轉野玩(但我教佢玩其他野，例如入錢箱，佢會肯入)

見過一個兒科醫生，聽到我仔既情況咁，話佢好大機會有自閉症，叫我再大小小去搵專家評估，因為依家仲細，未知，但因早產，出世後 10個月大已經照過晒腦既mri,腦電圖， etc ，話佢完全無問題，咁究竟會唔會係後天影響？

但等2次覆診，見另一個兒科醫生，我問一問佢可否轉介下想幫阿仔做評估(因為上次兒科醫生話佢有機會係自閉)，醫生聽完我講，就同阿仔簡單咁玩左一陣，就話我仔唔似，又話佢所有發展都慢，又唔係單一方面慢，所以唔似，但我都希望係咁，只怕佢唔想寫封信幫我轉介，而錯過左。。

另外，我仔每次見到其他小朋友都會好開心，好想去攬人，錫人，哩點我就覺得佢唔似，我都想了解多d,想幫到我小朋友。

謝謝大家! 歡迎大家可以給我意見嗎？謝謝

作者: DENNIS201 時間: 15-9-20 00:57 標題: 回覆：自閉症兒童會鐘諗攬人，錫人嗎？

首先唔好盡信普通兒科醫生，普通傷風感冒或其他兒童病佢地就識，自閉症譜系既特徴同情況佢地未必熟，要盡快搵合資格既兒童心理專家評估，萬一有問題都可以盡快排位等服務

作者: DENNIS201 時間: 15-9-20 01:06 標題: 回覆：自閉症兒童會鐘諗攬人，錫人嗎？

我仔歲半時父母覺得唔對路，叫名唔應，自轉，玩車輪，尖叫，唔識手指指同分享，但去到健康院見姑娘話佢唔似，因為會同姑娘互動玩又有望，結果無任何轉介。好在我地之後搵私人評估，再拎住份報告周圍搵服務

作者: yiyi0401 時間: 15-9-20 01:13 標題: 引用：我仔歲半時父母覺得唔對路，叫名唔應，自轉

原帖由 DENNIS201 於 15-09-20 發表
我仔歲半時父母覺得唔對路，叫名唔應，自轉，玩車輪，尖叫，唔識手指指同分享，但去到健康院見姑娘話佢唔似 ...

我岩岩講果兩個醫生係政府醫院入面既兒科醫生。。。唔係普通診所果d家庭醫生呀

同樣兩個都係一間醫院既，見兩次兩個唔同講法。。。。

另外一個話我仔有d似既係醫院入面既職業治療師呀。。。

作者: yiyi0401 時間: 15-9-20 01:17 標題: 引用：我仔歲半時父母覺得唔對路，叫名唔應，自轉

原帖由 DENNIS201 於 15-09-20 發表
我仔歲半時父母覺得唔對路，叫名唔應，自轉，玩車輪，尖叫，唔識手指指同分享，但去到健康院見姑娘話佢唔似 ...

明白，我都有d咁既感覺，第2次見果個醫生就係咁，我話我仔玩轉既野，佢話我係到睇唔到有喎，我話佢唔講野，佢話我仔發展慢，係一個1歲左右既bb,俾多d時間關心佢，教佢啦。。。咁岩佢俾左個野我仔玩，醫生話係屋屋，我仔咁岩就用bb話回應佢，所以佢覺得我仔表現好好，又嘗試表達，其實係想講野。。。。

我都好想出去搵人評估下，可以及早幫到阿仔，但我唔識，唔知可以點做

作者: DENNIS201 時間: 15-9-20 01:28 標題: 回覆：自閉症兒童會鐘諗攬人，錫人嗎？

我仔兩歲三個月，等左九個月第一次CAC評估，結果寫有自閉症徴狀加排I位，好彩我九個月前已經私人評估完，排位早左，宜家已經番左I位幼稚園半個月了！

作者: DENNIS201 時間: 15-9-20 01:33 標題: 回覆：自閉症兒童會鐘諗攬人，錫人嗎？

就算CAC高級兒科醫生我都覺得唔夠，除非小朋友嚴重到好多野非常明顯，例如入到房只叫喊同訓地，又唔肯坐住同你做桌上活動，完全唔理人只沈迷玩某些野之類

作者: yiyi0401 時間: 15-9-20 08:00 標題: 引用：就算CAC高級兒科醫生我都覺得唔夠，除非小

原帖由 DENNIS201 於 15-09-20 發表
就算CAC高級兒科醫生我都覺得唔夠，除非小朋友嚴重到好多野非常明顯，例如入到房只叫喊同訓地，又唔肯坐住 ...

明白，但我想問自閉症兒童會鐘意小朋友嗎？會鐘意主動咁攬小朋友？錫小朋友嗎？

作者: yiyi0401 時間: 15-9-20 08:04 標題: 引用：我仔兩歲三個月，等左九個月第一次CAC評估

原帖由 DENNIS201 於 15-09-20 發表
我仔兩歲三個月，等左九個月第一次CAC評估，結果寫有自閉症徴狀加排I位，好彩我九個月前已經私人評估完，排 ...

好好呀，咁快排到i位，因為我仔已經21個月，一早見左Cac,但因為佢係早產，一早評左佢所有野發展慢，追唔到實際年齡，更加未到達到更正年齡，但無再評其他野，因為當時只得10個月大，但好似問題依家先出黎，我都唔知應該點，返兒科覆診，醫生又幫唔到，問醫生又只答官腔說話。。。

作者: money82 時間: 15-9-20 15:01 標題: 回覆：yiyi0401 的帖子

早產幾多？幾多周出世？出世時有冇缺氧情況？你先吾好向自閉方向諗，發展遲緩有很大機會。你要向醫生要求評估再做排位，因為不論自閉和發展遲緩都需要I，E，S位的幫助。早D介入，希望可以持續進步。

作者: LeeCC 時間: 15-9-21 07:10

亞氏小朋友中意同人玩，但吾識點同人相處，遇到以為系朋友的人，會攬，甚至會錫，我個仔幼稚園時會錫同學，現在小學，仍會攬同學，一見同學不分男女，都熱情地拖人地，不懂與人的距離，貼住人地塊面講嘢，每次都要提醒他，保持距離

作者: 球星媽咪 時間: 15-9-21 09:10 標題: 回覆：yiyi0401 的帖子

會，過份熱情，我囝間中都係咀，佢番緊e位

作者: 琪寶 時間: 15-9-21 13:03 標題: 回覆：自閉症兒童會鐘諗攬人，錫人嗎？

我朋友的兒子是典型自閉症小朋友，佢好鍾意攬人錫人，唔會理人地鐘唔鐘意，總知佢想攬就揽，想錫就錫

作者: yiyi0401 時間: 15-9-21 23:41 標題: 引用：會，過份熱情，我囝間中都係咀，佢番緊e位 +

原帖由 球星媽咪 於 15-09-21 發表
會，過份熱情，我囝間中都係咀，佢番緊e位

Ic,請問e位是什麼呀？

作者: yiyi0401 時間: 15-9-21 23:42 標題: 引用：我朋友的兒子是典型自閉症小朋友，佢好鍾意

原帖由琪寶於 15-09-21 發表
我朋友的兒子是典型自閉症小朋友，佢好鍾意攬人錫人，唔會理人地鐘唔鐘意，總知佢想攬就揽，想錫就錫

...

因為成日聽自閉症係唔會鍾意同人玩，所以我以為係唔會有熱情既一面。。。。

作者: yiyi0401 時間: 15-9-21 23:49 標題: 引用：早產幾多？幾多周出世？出世時有冇缺氧情況

原帖由 money82 於 15-09-20 發表
早產幾多？幾多周出世？出世時有冇缺氧情況？你先吾好向自閉方向諗，發展遲緩有很大機會。你要向醫生要求評 ...

我仔係30週出世，一直都發展遲媛，10個月大左右到cac評估，發展delay好多，所以就安排排早訓，岩岩有得上啦，但只安排職業治療和幼兒，無言語治療俾我仔，佢地聽我講左d情況，再同我仔上左兩堂就話有小小中自閉症特徵。
但因為之前cac已評估過，我依家唔知點先可以有人幫我仔評估下，我好擔心阻礙我仔日後發展。。。

作者: yiyi0401 時間: 15-9-21 23:49 標題: 引用：亞氏小朋友中意同人玩，但吾識點同人相處，

原帖由 LeeCC 於 15-09-21 發表
亞氏小朋友中意同人玩，但吾識點同人相處，遇到以為系朋友的人，會攬，甚至會錫，我個仔幼稚園時會錫同學， ...

哦。。。明白，謝謝你分享

作者: Jcat 時間: 15-9-22 09:49

會，特別係亞氏保加症的小孩（現在都係歸納入自閉譜系）．
我仔上年ｋ３都仍然在校攬人錫人，好彩今年暑假我不停教佢，暫時佢升小一幾星期都無被投訴，哈哈．

作者: Jcat 時間: 15-9-22 09:51

本帖最後由 Jcat 於 15-9-22 09:52 編輯

政府的評估係排好耐，家長可以去協康會或耀能排期做評估，　仲有大口環兒童醫院的私家症，不過唔平架（大約６０００－７０００），而且好似都要排一個月．

作者: helenchanz 時間: 15-9-22 10:08

Jcat 發表於 15-9-22 09:49
會，特別係亞氏保加症的小孩（現在都係歸納入自閉譜系）．
我仔上年ｋ３都仍然在校攬人錫人，好彩今年暑假 ...

亞氏保加症係咪都係正常咁讀幼稚園架? 如果比幼稚園知有亞氏保加症會唔會被踢出校架?而家K1, 老師叫我地去健康院CHECK 下, 話佢同同齡社交有問題, eye contact比較弱(但呢樣我唔覺). 同埋話佢唔識表達, 出手快過出口,但老師又話佢語言冇問題, 有D唔專心但問番佢又識...同埋又係過分熱情, 對同學仔會攬人錫人.
因老師話家校合作, 如果健康院CHECK到有問題可能去上下堂咁, 但我擔心比老師點, 如果CHECK 到係亞氏保加症唔比佢讀落去.

作者: Jcat 時間: 15-9-22 12:37

本帖最後由 Jcat 於 15-9-22 12:38 編輯

放心, 唔會踢出校的. 相信老師, 老師都愛小孩, 想幫助佢.
家長唔逃避問題, 才是對孩子成長最好.

作者: LeeCC 時間: 15-9-22 17:04

helenchanz 發表於 15-9-22 10:08
亞氏保加症係咪都係正常咁讀幼稚園架? 如果比幼稚園知有亞氏保加症會唔會被踢出校架?而家K1, 老師叫我地去 ...

視乎邊間幼稚園囉，有愛心的學校就唔會，仲好好關顧
無愛心的，注重學術的咪會囉，我識一個K1被逼走

作者: skytammy 時間: 15-10-3 11:47 標題: 引用：我仔兩歲三個月，等左九個月第一次CAC評估

原帖由 DENNIS201 於 15-09-20 發表
我仔兩歲三個月，等左九個月第一次CAC評估，結果寫有自閉症徴狀加排I位，好彩我九個月前已經私人評估完，排 ...

請問你去邊間私人做評估？可否pm 我謝謝

作者: 小白C 時間: 15-10-7 12:37

邊間私人做評估及費用可否pm?

作者: yiyi0401 時間: 15-10-9 11:08 標題: 引用：邊間私人做評估及費用可否pm?

原帖由 小白C 於 15-10-07 發表
邊間私人做評估及費用可否pm?

我都想知，follow,thanks

作者: Jolly 時間: 15-10-19 19:01

yiyi0401 發表於 15-9-20 08:00
明白，但我想問自閉症兒童會鐘意小朋友嗎？會鐘意主動咁攬小朋友？錫小朋友嗎？

...

自閉小朋友五花八門，個個唔一樣的。我個隻仔好喜歡親近人。只要佢覺得你好佢就去親近你。眼神接觸係弱，但對住我就唔弱，仲會留意我換左乜耳環，髮色，會來讚我。對其他小朋友佢都主動埋堆追追逐逐，但玩follow rules嘅游戲就未跟到。

作者: yiyi0401 時間: 15-10-19 20:29 標題: 引用：Quote:yiyi0401+發表於+15-9-20+08:00+明白

原帖由 Jolly 於 15-10-19 發表
自閉小朋友五花八門，個個唔一樣的。我個隻仔好喜歡親近人。只要佢覺得你好佢就去親近你。眼神接觸係弱，但 ...

Oh...咁專家basic d 咩去評估架？
你小朋友幾大？謝謝

作者: sum311 時間: 15-10-19 21:29 標題: 回覆：yiyi0401 的帖子

自閉症係有三大問題，社交、溝通和固執性問題。
自閉症的小朋友一樣會錫人會攬人，有d仲好多野講，眼神都可以好好!但佢地就係社交技巧弱，唔知幾時攬得人，幾時唔得！幾時應該講，咩時候唔應該講，解讀別人心智弱，佢唔覺得自己社交有問題!

作者: Jolly 時間: 15-10-19 22:11

三個層面去評估。樓上姐妹講的一樣。

作者: Jolly 時間: 15-10-19 22:14

yiyi0401 發表於 15-10-19 20:29
Oh...咁專家basic d 咩去評估架？
你小朋友幾大？謝謝

我隻甜心剛八歲了。

作者: yiyi0401 時間: 15-10-19 22:33 標題: 引用：Quote:yiyi0401+發表於+15-10-19+20:29+Oh.

原帖由 Jolly 於 15-10-19 發表
我隻甜心剛八歲了。

Ic 咁你囡幾大去評估架？

作者: yiyi0401 時間: 15-10-19 22:35 標題: 回覆：sum311 的帖子

Wow....明白晒。。。咁依家d中心話兩歲就可以評估，兩歲會唔會太細，除非好嚴重，唔係咁早點判斷到呀。。。

作者: Jolly 時間: 15-10-20 14:11

yiyi0401 發表於 15-10-19 22:33
Ic 咁你囡幾大去評估架？

小女so called正常，沒有問題。為人傻大姐，十三點，正值青春期，有時激到我死。係好在讀書唔駛我担心，成績上游，我不用管她功課。小兒so called has autism，有佢嘅a仔特質，在生活上有時都有比一些挑戰我，但佢同時都比好多驚喜我，是一個時常讓我感受到他的愛的孩子。功課我就要跟實。佢要有個時間表去跟從。

作者: DENNIS201 時間: 15-10-21 06:23

回覆 Jolly 的帖子

2歲當時言語情況點架?講單字詞語?

作者: Jolly 時間: 15-10-21 21:22

DENNIS201 發表於 15-10-21 06:23
回覆 Jolly 的帖子

2歲當時言語情況點架?講單字詞語?

兩歲時講野一定有迉，會講單字片語但唔多講，又唔知佢幾時講，冇乜互動，我同佢講野佢唔多啋我，但會望住，眼神接觸我覺得還好。反而以後差左。到成四歲佢先多左講野，但還是短句。去私人醫生睇時先順便問下，為什麼未講句子，先寫referral. 先開始做治療生涯。
四年轉眼已過，我仔講野未及同年紀小朋友，但句子表達已冇問題，有問九十巴仙有答，閱讀幾好，理解尚可，讀書唔錯，係老師嘅小笑匠。會關心別人，有小朋友喊佢會好concern望住，想去安慰人。
沉迷，未有改變過的沉迷係電腦，電子產品，有改變過的沉迷有好多。早排偶遇微軟在星加坡高層人士，同人地「暢談」電腦，人地比咭片佢話如想參觀佢工作地方就打比佢。感覺好得意，天主自會安排合適嘅路比佢行。我地日担心，夜担心都冇用。

作者: helenchanz 時間: 15-10-28 13:09

本帖最後由 helenchanz 於 15-10-28 13:09 編輯

sum311 發表於 15-10-19 21:29
自閉症係有三大問題，社交、溝通和固執性問題。
自閉症的小朋友一樣會錫人會攬人，有d仲好多野講，眼神都可 ...

阿女3.5歲(K1), 去完健康院見醫生, 話正常, 所以冇得做評估. 因為佢同大人社交冇問題(同醫生對答), 係同同齡社交有問題 (太熱情ETC.), 但同老師講, 老師堅持係話佢有同齡社交問題, 覺得佢係高智(因上堂唔專心但老師問番佢又識答), 老師又話佢好叻睇人眉頭眼額. 另外, 自我控制情緒能力比較差.
所以我都唔知個原因係咩, 點好?

作者: 星星baby 時間: 15-10-28 16:33 標題: 回覆：yiyi0401 的帖子

我仔兩歲8月情形有d類似，識追逐同攬小朋友，但除此之外又似乎冇其他互動，感覺似淨係為左攬下咁，對阿爸阿媽都會咁，啱啱係邁步做完評估係中級自閉，跟住報左密集課程，但係係屋企點訓練佢我地仍然係好迷茫唔知由邊度落手。

作者: sum311 時間: 15-10-30 07:22 標題: 回覆：helenchanz 的帖子

如果智力正常，健康院又唔幫你做轉介，你可以等佢再大d，觀察下佢各樣發展。
除左自閉症...現今小朋友還可以有好多發展障礙，三歲半又未可以咁早評得出！
掉反轉講,好多小孩情緒在幼兒階段差d,但其實一切正常，如果受正確教導，小學又可以完全無野！
暫時可以做係你自己去上下講座，聽下點樣正面處理小孩子情緒。小朋友都可以去下中心上社交班，學習與人相處。
如果到五六歲都覺得有問題，再去健康院，唔係再出去私人機構全面評估一次都得！

歡迎光臨教育王國 (/)