教育王國
標題: 唔想去補習 但又做功課好慢 點攪？ [打印本頁]
作者: jswailam928 時間: 15-9-17 16:16 標題: 唔想去補習 但又做功課好慢 點攪？
我女小三 一向做功課都好慢 成續中上 全級2x名 但一講到功課就鬧交 日嘈夜嘈咪送佢去補習社囉 補習老師都頂佢唔順 成日寫手冊話佢慢慢慢 又不願在校做功課 我又唔明 補習社要求學生在校做功課 我心諗在校肯做我駛嘜比錢去補習社做丫 好啦！我就鬧女 女話因為回家無人同佢玩 獨女 所以要起在校玩晒先 我而家唔知點做 應該同佢轉補習社 定過番以前晚晚做到10，11點既生活 做到咁夜又投訴無自由時間 真係煩 但功課又唔係唔識做 可以自己完成 真係好慢慢慢慢慢。
作者: acharsiu 時間: 15-9-17 16:29
jswailam928 發表於 15-9-17 16:16 
我女小三 一向做功課都好慢 成續中上 全級2x名 但一講到功課就鬧交 日嘈夜嘈咪送佢去補習社囉 補習老師都頂 ...
睇你小朋友，係返屋企好悶，所以留晒時間在學校玩？冇好玩既野吸引，所以好慢？
最好有野令佢自己想快Ｄ做完。
作者: MASAYA 時間: 15-9-17 16:36
順住佢講既去調整，佢話學校有人同佢玩所以要玩盡，屋企冇人同佢玩就應該要專心做功課，冇人同佢玩都唔專心做功課，咁講咩學校可以同人玩就要玩晒先0者，佢自己咁講唔係屈佢啦
作者: tammytamtam 時間: 15-9-17 17:02 標題: 回覆：jswailam928 的帖子
我覺得你要讓女兒明白到，完成功課係佢責任，唔好比佢覺得你仲急過佢。佢唔做功課自然有老師教訓佢。只要佢養成自律完成功課的習慣，你便不用再操心。
作者: jswailam928 時間: 15-9-17 17:15 標題: 回覆：tammytamtam 的帖子
重點 佢係可以完成功課 但好慢又唔係唔肯做 總之佢一響屋企做 我就成日吹佢快d啦快d啦 我真係好怕佢食完飯8，9點仲做緊功課 我就會火都黎 呢個問題已經困擾我二年 好啦 去補習 又比老師鬧 仲要連我都鬧埋 我企響到比補習老師話左我五分鐘 番屋企兩母女都一齊喊 補習老師話都唔明你個女係比較細過 轉數慢d 佢話個個都響學校做晒功課黎補習係溫書 佢話一係就加時一係就退錢比你 我心諗已經補三個鐘 仲加時真係唔駛番屋企 神經病 一d愛心耐性都無
作者: Yanamami 時間: 15-9-17 17:28
經驗之談~慢呑吞係天生，加上应該無目標~
我大女小学時慢到呢……唔知拍爛幾多把间尺、快d啦講到—日不下千次~親子关係十分差｡但升上中学又識自己搞掂哂(又或者我全部放手，所以唔知佢快定慢)｡
性格黎，要佢知自己有問題先会改~~
作者: jswailam928 時間: 15-9-17 17:41 標題: 回覆：Yanamami 的帖子
對 天生因為佢爸爸都係咁 慢吞吞 
作者: marytsang28 時間: 15-9-17 17:52
回覆 jswailam928 的帖子
下？補邊間會鬧埋個家長？邊區？
作者: yanyan6 時間: 15-9-17 18:04
係講定鬧 ，好大分別 ，鬧就係重語氣加搞住佢做生意咁 ，傾就係想你知個囡情況，同級其他的比較，想你知同人地的分別
作者: HaYi 時間: 15-9-17 18:23
我個仔小四, 之前佢多課外活動, 回家近6:00, 可能是做其它野先, 食飯, 沖涼, 上網之類, 叫不聽, 做功課一份份其實不慢, 又識做, 不過拖拉, 有時要到我回家(9點) 先肯開始正式做.
依家上左小四幾天, 居然做晒回來, 說在校用時間做, 可能一來新開學功課未來, 又在校未開始活動, 可以用到做功課時間多左, 二來人大左會認真想想點先可以在家更多時間玩. 所以在家有更多自由時間可能是一個最大的誘因. 如果樓主個發現去補習社可以幫他做到此, 會合作D ?
作者: jswailam928 時間: 15-9-17 18:25 標題: 回覆：yanyan6 的帖子
唔講邊區啦
佢都唔憂無學生 串過碼頭咕喱
作者: jswailam928 時間: 15-9-17 18:29 標題: 回覆：HaYi 的帖子
有時覺得好唔抵 自己個女又唔係成續差 我成日同佢講 三千幾蚊送比人就係去果到做功課 一年幾萬蚊
作者: HaYi 時間: 15-9-17 18:38
我朋友做補習社, 佢就說最怕個D拖拉之人, 不懂可以教, 拖拖拉拉的就真係死細胞要佢快都難, 我教自己個都是, 煩到死. P1去過一個月補習社, 都是放棄, 如果有補習社代勞到其實我都覺得值俾, 人地都用晒氣, 不用自己回家爆炸已好好.
作者: yanyan6 時間: 15-9-17 18:42
三千幾蚊功課班 應該吾淨止做功課 一般果d 二千都算偏貴 比我如用3000一定是專科 功課吾值比三千啦
作者: jswailam928 時間: 15-9-17 18:53 標題: 回覆：yanyan6 的帖子
3050一個月一星期四天 每天三個鐘
但我都試過搵其他 其他都係差不多價錢
2800-3000
話就話功課班加溫習 做完會比練習佢做
但我女咁慢邊會有額外練習做丫
作者: kentmac 時間: 15-9-17 21:38 標題: 引用：3050一個月一星期四天+每天三個鐘 但我都試
原帖由 jswailam928 於 15-09-17 發表
3050一個月一星期四天 每天三個鐘
但我都試過搵其他 其他都係差不多價錢
2800-3000
作者: PP媽媽 時間: 15-9-17 21:39
回覆 jswailam928 的帖子
我完全身同感受!我個女又係三年級一樣超慢! 上年二年級唔知幾時開始好執著D字要好靚! 自己D小肌肉又差過人所以成日擦擦改改,成日擦到功課穿晒洞!火都來!!寫10個詞語要1個鐘,真係想死!!!!
不過我個女仲哀,佢考試都慢,成日做唔晒,12頁無做2-3頁,緊緊合格所以成績好差,其實老師都話佢語文基礎好好,只是寫得慢,真係灰爆!!你個女點解考試又可以快呢?
佢都有去補習班,但去傾計多過做,她實在控制不了自己....話時話你個補習社服務態度好差....比我實ZX佢!
作者: yuenyuenkids 時間: 15-9-17 22:14
回覆 PP媽媽 的帖子
我覺得與其花錢在功課輔導上，不如報讀專科班，對小朋友仲有用
作者: coco_cocopig 時間: 15-9-17 22:29 標題: 回覆：jswailam928 的帖子
提示: 作者被禁止或刪除 內容自動屏蔽
作者: coco_cocopig 時間: 15-9-17 22:30 標題: 回覆：yuenyuenkids 的帖子
提示: 作者被禁止或刪除 內容自動屏蔽
作者: momama 時間: 15-9-17 22:35 標題: 回覆：唔想去補習 但又做功課好慢 點攪？
其實所謂慢吞吞，係每一筆都慢、定係寫一筆發一次夢？我大女就係做做吓就喺枱底攞本書出嚟睇，所以做得慢，大d就好d。
作者: PP媽媽 時間: 15-9-17 22:53
回覆 momama 的帖子
佢係兩樣都有先死! 每一筆慢,做做下發夢或者八卦人地!! 點算好?
作者: jswailam928 時間: 15-9-17 23:31 標題: 回覆：momama 的帖子
其實都不是什麼名牌補習社 只係屋村補習社 似係開左十幾廿年又補開區內果幾間學校，我怕我女有童年陰影 miss講野非常涼薄 再諗一諗計 佢可以三個鐘做三本功課 亞呆咁囉 又唔係唔識做 我再賞試同佢傾下 唔去功課班 去專科中文算了 樓上媽媽問點解考試可以做得晒 我真係唔知道 其實佢中文唔得咋 起呢到補可以又唔合格補到有9x中文 所以對呢間野又愛又恨 佢考中文前得會提佢做快些啦 因為真係試過唔合格 佢知衰掛
作者: kentmac 時間: 15-9-17 23:48 標題: 引用：其實都不是什麼名牌補習社+只係屋村補習社+
原帖由 jswailam928 於 15-09-17 發表
其實都不是什麼名牌補習社 只係屋村補習社 似係開左十幾廿年又補開區內果幾間學校，我怕我女有童年陰影 mis ...
作者: vincent1332 時間: 15-9-18 00:33
提示: 作者被禁止或刪除 內容自動屏蔽
作者: 二二三 時間: 15-9-18 01:43 標題: 引用：有時覺得好唔抵+自己個女又唔係成續差+我成
提示: 作者被禁止或刪除 內容自動屏蔽
作者: momama 時間: 15-9-18 07:12 標題: 回覆：唔想去補習 但又做功課好慢 點攪？
其實咁大個，問佢想喺屋企做定係補習社；跟住就死忍唔出聲，由得佢慢，冇得睇電視，佢要瞓就瞓，做唔做得哂唔理，睇吓會點囉。
作者: jswailam928 時間: 15-9-18 08:52 標題: 回覆：二二三 的帖子
二二三 不排除呢個可能性
實有呢d家長既
作者: jswailam928 時間: 15-9-18 08:53 標題: 回覆：momama 的帖子
都試過啦 佢無嘜感覺 不過得都賞試停下先 比佢在家自己做番功課
作者: mwfwinnie 時間: 15-9-19 21:29
jswailam928 發表於 15-9-17 16:16
我女小三 一向做功課都好慢 成續中上 全級2x名 但一講到功課就鬧交 日嘈夜嘈咪送佢去補習社囉 補習老師都頂 ...
相信你係用補習社功課輔導班 . 佢地要求學生在校做功課，其實唔難明 . 一班通常7-8個 ， 如果全部都未做過一份功課，7-8個學生去到補習社先開始做 (通常學生都係放學後，直接上補習社)，補習老師就唔可以對到功課，同學同一時間問問題，比功課個導師對，點教同點對得切功課. 學生做唔晒功課，又夠鐘要走 ... 家長又覺得點解咁耐係補習社都攪唔掂 .
如學生本身性格係慢, 無論去邊間補或一對一補，都改變唔到 . 呢d唔係錢就可以解決到既問題 .
作者: jswailam928 時間: 15-9-20 10:36 標題: 回覆：mwfwinnie 的帖子
我問過我朋友在小學做老師 根本在校好難做到功課加上我個女本生咁慢雖然有三個小息加導修堂 有時老師鬧下人排隊唔好再排過有時又用小息時間改下正咁其實我都唔贊成小息時間做功課小朋友上兩堂先有得小息同d同學傾下計食下野都得掛社交都好重要加上我同個女做乜唔做功課佢話睇圖書又係唔知點鬧佢.......唉！mwfwinnie你既分析分得好好因為果間測係一對十照顧唔到咁多學生就咪鬼收咁多人啦！
作者: S-Kwok 時間: 15-9-20 11:17 標題: 回覆：唔想去補習 但又做功課好慢 點攪？
會唔會係阿女專心唔到? 阿女考試測驗做得切係因為無嘢令佢分心? 人人專心做卷、環境清靜。
其實可唔可以揾日陪住阿女做（用意係留意下點樣可以改善佢、佢分心時提佢要專心），幫佢每份功課計時，然後等佢知道，專心係可以做得好快
作者: Soundervolt 時間: 15-9-20 11:33 標題: 回覆：唔想去補習 但又做功課好慢 點攪？
如果小朋友唔係先天問題令做功課做得慢，可能係跟專注力或自我時間管理問題有莫大關係，而呢兩方面都係自身行為上問題，係應該自幼小由家庭內做起，而補習社只會幫助到課本上嘅問題，喺做功課慢吞呑呢方面，補習社係幫唔到樓主。
作者: Yanamami 時間: 15-9-20 12:21
jswailam928 發表於 15-9-20 10:36
我問過我朋友在小學做老師 根本在校好難做到功課加上我個女本生咁慢雖然有三個小息加導修堂 有時老師鬧下人 ...
作者: jswailam928 時間: 15-9-20 12:49 標題: 回覆：Soundervolt 的帖子
我已經陪我女做功課已經年半先比佢去補習社做功課 計時試過 去健康院排睇小肌都睇埋 同老師已經傾過點樣幫佢 心都十五十六左好耐先比佢去補習班 十萬個唔想佢去補習班 不過我都決定左去埋呢個月都唔去 同女傾好左回來做功課 再一次試下 屋企既環境係最好
作者: Yanamami 時間: 15-9-20 13:57
http://www.edu-kingdom.com/forum ... &extra=page%3D1
作者: mwfwinnie 時間: 15-9-20 20:35
jswailam928 發表於 15-9-20 10:36
我問過我朋友在小學做老師 根本在校好難做到功課加上我個女本生咁慢雖然有三個小息加導修堂 有時老師鬧下人 ...
而家D 小學生好勁架啦, 有 WHATSAPP 群組 , 根本唔會影響社交 . 佢地都寧願利用學校空餘時間做功課 , 放學之後齊齊用 WHATAPP 交流 .
大部份都係收 7 - 8 個 , 如果收 10 個真係點睇到咁多 ... 因為學生去補習社的黃金時間係 4:00 - 6:30 , 可能有D想收多D學生, 收入多D . 如減一班人數少D , 都係羊毛出在羊身上 , 補習費相對貴 D , 家長又會覺得點解咁貴 .
多謝 . 只係有時代入人地個處景去諗 , 就會明白
作者: Yakult1124 時間: 15-9-21 00:16
回覆 Soundervolt 的帖子
非常同意！Exactly！我的大女都有同一問題。我用了六年去處理這問題,試過無數次大大小小的argument ,用過種種不同方法,計時器丶set target,獎勵等,成效不太明顯。,過程相當痛苦。但不要放棄，到最終需要他長大一些時，不斷提點及講解，到現在她六年班，才開始領悟了一些。只有父母才會付出那麼多，相信沒有補習老師能擔此重任。努力！
作者: sukiwongsk 時間: 15-9-21 10:02
我仔小四仍是, 做功課慢到呢...........每到下午4點我就要打電話提佢做功課(因佢回家實係睇卡通片), 但很多時我回到家約6:45分仍是未做哂, 食完飯又繼續做, 每天快則9點可完成, 慢則10-11點, 我都好激心, 原本自己在暑假時想要佢去補習社做完功課才能回家, 但佢又好慘苦苦求我說不想去, 話會做快d, 但現在開學了3星期咪一樣是我日日提提提住佢去做.............我都好辛苦呀!
作者: jswailam928 時間: 15-9-21 12:03 標題: 回覆：sukiwongsk 的帖子
激到噴火
改善唔到亞女 唯有改變自己
作者: jswailam928 時間: 15-9-21 12:06 標題: 回覆：jswailam928 的帖子
諗番起我細過 拿拿地做完就玩啦 有時仲趁亞媽唔響屋企仲邊睇卡通片邊做功課 其實我一直都唔like番全日 唔知邊個提議小朋友要番全日學囉
作者: purplesheep 時間: 15-9-22 11:18
本帖最後由 purplesheep 於 15-9-22 11:19 編輯
回覆 jswailam928 的帖子
轉補習社，要學時間管理。
作者: rainrain613 時間: 15-9-22 17:25 標題: 引用：重點+佢係可以完成功課+但好慢又唔係唔肯做
原帖由 jswailam928 於 15-09-17 發表
重點 佢係可以完成功課 但好慢又唔係唔肯做 總之佢一響屋企做 我就成日吹佢快d啦快d啦 我真係好怕佢食完飯8 ...
作者: eva_lym 時間: 15-9-25 22:55 標題: 回覆：jswailam928 的帖子
我女都是讀小三，都係慢，都係獨女。
不過你比我幸運，因今年暑假我決定找私家心理學家評估佢，結果是專注力不足。
開學後我安排佢去一間補習社，我將佢情況講晒出來，佢地安排小女在人小的時間來，就著佢的情況和我合作，算係咁。（請不要問我是那間補習社，因為自私D唸，寫了出來便太多人去）
重點係找補習社要留意是「功課輔導」為主還是「溫測考默」為主，也要先講清自己要乜。希望幫到你。
作者: 小星兒 時間: 15-9-26 23:48 標題: 回覆：唔想去補習 但又做功課好慢 點攪？
我正面對同樣的問題，好頭痛，放學做功課都做了幾小時，根本再無精神準備「溫測考默」。
作者: jswailam928 時間: 15-9-27 16:49 標題: 回覆：小星兒 的帖子
作者: whitesheep10066 時間: 15-9-27 19:30
提示: 作者被禁止或刪除 內容自動屏蔽
作者: canies 時間: 15-9-29 16:08 標題: 回覆：唔想去補習 但又做功課好慢 點攪？
如果每個月要成3000蚊
點解唔考補習老師上門跟會好d呢
主要不是教功能而係教佢時間管理
作者: jswailam928 時間: 15-9-29 17:47 標題: 回覆：canies 的帖子
因為那間補習社專補區內果幾間小學 熟識晒學校既模式 上門無呢個效果，另有上門補英文
作者: buddyfish 時間: 15-9-30 00:03
提示: 作者被禁止或刪除 內容自動屏蔽
作者: PP媽媽 時間: 15-10-1 22:32
小星兒 發表於 15-9-26 23:48
我正面對同樣的問題，好頭痛，放學做功課都做了幾小時，根本再無精神準備「溫測考默」。
...
好像今天假期,阿女有10樣功課, 其實已經是不停做有時發下夢,都做足一日! 
我就快精神崩潰!有位媽媽話6年班至好少少,死啦有排捱!!
作者: jswailam928 時間: 15-10-1 22:37 標題: 回覆：PP媽媽 的帖子
放一日有十三本功課做，做到而家都未做完
作者: b2226 時間: 15-10-2 08:07
我有時的做法是先温默書和測驗考試，後做功課，功課最後佢點都死掂比你（其,实大多數是他們拖住嚟做)。
温左書先(大约半小時),再做用腦啲功課(如數學),最後做抄寫(功課我沒有要求完美)。
作者: chris79 時間: 15-10-2 09:20 標題: 回覆：唔想去補習 但又做功課好慢 點攪？
和小朋友一齊訂立時間表
每份功課限定時間内完成，以貼紙作記錄，每個星期日可以用貼紙數量，換他想玩的活動/小禮物/圖書等。
看電視之前完成温習及功課，超時過了時間表訂立的不能看。(如能嚴格跟足時間表，將來中學會比較輕鬆！)
作者: iceicelamlam 時間: 15-10-2 22:52
一係轉補習社， 一係請私人補習老師跟功課(80蚊一個鐘 都同你係補習社補差唔多價錢)
的確係補習社可以好快完成到功課，但以我所知原因只係因為老師見佢錯左，解都唔解釋，就直接寫正確答案比個小朋友。雖然係好快做哂功課返到屋企，但個小朋友係學唔到野
作者: carchu12 時間: 15-10-6 13:13
小女都係，三年級，好多時都係拖長做。今日先被我罰小息無零食。我覺得佢係依賴，有人先會做，自己就唔想做。所以如果去補習社，根本幫唔到幾多。因補習老師唔會時時捉佢、問佢做完未。
性格慢係一個因素，依賴亦都係。
我都好努力，但真好好激氣。
作者: ylmanhk 時間: 15-10-6 13:19 標題: 引用：我女小三+一向做功課都好慢+成續中上+全級2
原帖由 jswailam928 於 15-09-17 發表
我女小三 一向做功課都好慢 成續中上 全級2x名 但一講到功課就鬧交 日嘈夜嘈咪送佢去補習社囉 補習老師都頂 ...
作者: Haz-mama 時間: 15-10-9 14:35
set定一個時間要佢完成，未完成的話都要收起d功課，等佢知道，做功課慢，就要知道個後果。有個同學仔媽咪就係咁，因為個小朋友未能在指定時間內完成，最後抽起所有功課，翌日全部功課欠交！
作者: 哈利媽 時間: 15-10-9 16:06
我嗰個又係做功課呢部份勞氣到死, 佢係唔自律埋位做, 係都要人响屋企先開工做, 其實已經同佢SET哂時間表, 亦都禁止佢做完功課前玩同睇電視, 不過佢係都要拖, 唯一好彩係如果佢一埋位做就好快攪掂, 上星期五晚竟然自動自覺不停地做哂成8-9樣功課喎, 我依為佢大一年真係開始轉變啦, 仲勁開心讚佢 
, 點知今個星期又打回原形, 總之就咩都要叫幾十次先做啦!!!
作者: mypineapple 時間: 15-10-10 14:08 標題: 回覆：tammytamtam 的帖子
請問點樣教孩子養成做功課自律？
作者: MASAYA 時間: 15-10-10 14:22
mypineapple 發表於 15-10-10 14:08
請問點樣教孩子養成做功課自律？
但大方向都係首先佢要知做功課讀書係佢既責任, 後果要自己承受, 小朋友點會自律去做人地既事
然後係要令佢產生做功課既動機, 但最好唔係物質利誘, 呢樣要你睇返自己小朋友情況
最後係建立習慣同自信, 有呢兩樣之後基本上可以自動波讀書
作者: mypineapple 時間: 15-10-10 14:28 標題: 回覆：MASAYA 的帖子
我都訓練緊孩子， 自己都要好好學習
作者: MASAYA 時間: 15-10-10 14:37
本帖最後由 MASAYA 於 15-10-10 14:39 編輯
mypineapple 發表於 15-10-10 14:28
我都訓練緊孩子， 自己都要好好學習
小一係適應期, 建立好習慣同態度就夠, 當然唔係完全唔理成績, 但唔好將重心放係分數上, 佢自己努力返黎既成績先係佢既, 你幫佢考100分又好考第一又好, 扣返你幫佢既成分, 你覺得佢佔幾多分?
| 歡迎光臨 教育王國 (/) |
Powered by Discuz! X1.5 |