教育王國

標題: 幼稚園老師對小朋友的評價 [打印本頁]

作者: LuckyFish 時間: 15-9-16 14:53 標題: 幼稚園老師對小朋友的評價

幼稚園老師話覺得小朋友若讀心儀地區一線學校會吃力，家長一定會避開心儀學校嗎？三歲一定已定80? 還是小孩有無限可能? 男仔一般起步較遲? 請問有冇家長係小孩小學成績ok但幼稚園時老師評價唔ok?

P.s.小孩有每天閱讀中英文書習慣。

作者: picture 時間: 15-9-16 15:28 標題: 引用：幼稚園老師話覺得小朋友若讀心儀地區一線學

原帖由 LuckyFish 於 15-09-16 發表
幼稚園老師話覺得小朋友若讀心儀地區一線學校會吃力，家長一定會避開心儀學校嗎？三歲一定已定80? 還是小孩 ...

問清楚老師具體問題在那裏。
會不會是功課做得到，做得好，但太慢？

可以好多原因。

作者: pickballboy 時間: 15-9-16 15:31

提示: 作者被禁止或刪除內容自動屏蔽

作者: LuckyFish 時間: 15-9-16 15:59 標題: 引用：Quote:原帖由+LuckyFish+於+15-09-16+發表

原帖由 picture 於 15-09-16 發表
問清楚老師具體問題在那裏。
會不會是功課做得到，做得好，但太慢？

K2老師話佢遇到無興趣就唔專心，無創意，轉數慢。咁今年k3我就每日鼓勵佢返學要專心，咁佢都一路進步緊。佢係一個好誠實嘅孩子，若果果日自己有邊個部分唔專心而比老師話，佢都會如實話我知。佢多多少少知道老師對佢評價所以感覺佢因此欠缺自信心。佢參觀過幾間學校，佢自己都鐘意該地區一線學校。我自己就咁諗，佢咁細個又係男仔，可能遲起步啫，再者，佢有個細佬跟尾，我都想佢入到間好嘅帶埋細佬入去。我想知嘅係，有冇家長有經驗如此，即幼稚園老師評價麻麻，但之後小學甚至中學小孩成績又ok呢？

作者: kp_sin2001 時間: 15-9-16 16:14

咁細嗰, 誰人估到將來會如何呢! 小時叻, 大時做賊又有, 小時蠢, 大時取科學家奬亦有..無人會知, 只知信心和鼓勵比任何事都更重要, 唔好比任何事情影響, 覺得對就要堅持, 父母要人做好榜樣最真

作者: superhard 時間: 15-9-16 16:25

回覆 picture 的帖子

樓主是否有一線學校offer? 如果有，讀唔掂再轉其他一線以外嘅學校應該唔難，何必自尋煩惱？

作者: LuckyFish 時間: 15-9-16 17:15 標題: 引用：回覆+picture+的帖子樓主是否有一線學校o

原帖由 superhard 於 15-09-16 發表
回覆 picture 的帖子

樓主是否有一線學校offer? 如果有，讀唔掂再轉其他一線以外嘅學校應該唔難，何必自尋 ...

我哋無報任何直私，所以未有offer,只係20分好大機會入到該校，諗緊應唔應該報該校。

作者: picture 時間: 15-9-16 17:23 標題: 引用：Quote:原帖由+picture+於+15-09-16+發表問

原帖由 LuckyFish 於 15-09-16 發表
K2老師話佢遇到無興趣就唔專心，無創意，轉數慢。咁今年k3我就每日鼓勵佢返學要專心，咁佢都一路進步緊。佢 ...

創意同轉數……我都覺傳統學校應該唔太着重。有係bonus，,冇但乖同勤力至係佢地中意的。

作者: picture 時間: 15-9-16 17:27 標題: 引用：Quote:原帖由+LuckyFish+於+15-09-16+發表K

原帖由 picture 於 15-09-16 發表
創意同轉數……我都覺傳統學校應該唔太着重。有係bonus，,冇但乖同勤力至係佢地中意的。

...

表達得唔好……

學校老師comments 全面，除了成績、品格、態度都注意係好的。佢可能想你有D心理準備小一辛苦。

不用嬲、亦不用太担心。

作者: AgapePa 時間: 15-9-16 17:32

LuckyFish 發表於 15-9-16 15:59
K2老師話佢遇到無興趣就唔專心，無創意，轉數慢。咁今年k3我就每日鼓勵佢返學要專心，咁佢都一路進步緊。佢 ...

除非小朋友有學習障礙, 否則無需避開一線小學.
而且你的K2老師很權威嗎? 一般幼稚園老師其實不太熟小學情況. ( 除非老師自己有仔女讀緊 )

作者: simonwan 時間: 15-9-16 17:48

緊系報啦！就憑你最后個句（喜歡看書），我覺得無問題。
甘細個，未知實力去到邊，先上第一班，第時真係唔掂，再慢慢降班；
相反，要升班，轉一綫學校唔系甘易。

降班容易升班難。

作者: atari 時間: 15-9-16 17:50

如果你真的認為小朋友有無限可能,三歲不能定80,咁係咪讀一線小學真係咁重要?

與其上黎問我地呢D閒人,聽完一堆人亂UP,不如問下小朋友意見?

「爸爸媽媽好想你讀某某小學,因為可以學到多D野.不過可能會辛苦少少.雖然爸爸媽媽對你好有信心,認為你有能力應付得到,不過都想知道你點諗?」

書,係你小朋友去讀,雖然好多人認為小朋友年紀太細唔識諗,但我又覺得佢地遠比我地想像中更叻.

老師比得呢個評語總有佢既原因,與其尋求否定佢說法既意見,不如問清楚佢提出呢個意見既原因. 叫佢舉下D事例黎說明一D情況.

P.S.敢提出呢種意見既老師,我個人十分尊重及認同.

作者: LuckyFish 時間: 15-9-16 18:06 標題: 引用：Quote:原帖由+picture+於+15-09-16+發表創

原帖由 picture 於 15-09-16 發表
表達得唔好……

學校老師comments 全面，除了成績、品格、態度都注意係好的。佢可能想你有D心理準備小一辛 ...

唔該你呀，講真，開頭不太接受，有唔開心，但後來想通了，老師都係實話實說佢嘅感受，咁我早啲知道問題所在咪仲好，所以我真係無嬲。再者，孩子點樣都好都係自己嘅孩子，我教養好佢嘅的責任都唔會變。只係就快選校，想問多些意見，唔該晒你:>

作者: LuckyFish 時間: 15-9-16 18:07 標題: 引用：咁細嗰,+誰人估到將來會如何呢!+小時叻,+大

原帖由 kp_sin2001 於 15-09-16 發表
咁細嗰, 誰人估到將來會如何呢! 小時叻, 大時做賊又有, 小時蠢, 大時取科學家奬亦有..無人會知, 只知信心和 ...

多謝鼓勵

作者: LuckyFish 時間: 15-9-16 18:08 標題: 引用：Quote:LuckyFish+發表於+15-9-16+15:59+K2

原帖由 AgapePa 於 15-09-16 發表
除非小朋友有學習障礙, 否則無需避開一線小學.
而且你的K2老師很權威嗎? 一般幼稚園老師其實不太熟小學情況 ...

佢正正就係有個小朋友讀緊該校，佢意思係佢小朋友都辛苦，我小朋友會更吃力

作者: LuckyFish 時間: 15-9-16 18:11 標題: 引用：緊系報啦！就憑你最后個句（喜歡看書），我

原帖由 simonwan 於 15-09-16 發表
緊系報啦！就憑你最后個句（喜歡看書），我覺得無問題。
甘細個，未知實力去到邊，先上第一班，第時真係唔 ...

唔該你呀，你所講嘅都係我嘅想法，降易升難，應該一試。

作者: LuckyFish 時間: 15-9-16 18:17 標題: 引用：如果你真的認為小朋友有無限可能,三歲不能

原帖由 atari 於 15-09-16 發表
如果你真的認為小朋友有無限可能,三歲不能定80,咁係咪讀一線小學真係咁重要?

與其上黎問我地呢D閒人,聽完 ...

唔該你，我都好尊重該老師，我囝都好鐘意佢。我也有跟她詳談多次，深入分享。也問過囝囝，他也很喜歡該校。只係臨近選校，我想聽多啲意見幫手分析，唔係要搵人幫手推返老師意見。

作者: bobbob 時間: 15-9-16 18:35

LuckyFish 發表於 15-9-16 18:08
佢正正就係有個小朋友讀緊該校，佢意思係佢小朋友都辛苦，我小朋友會更吃力

...

有可能係個老師高估咗自己仔女實力啫

你不如索性問個老師攞啲功課sample，再睇下程度啱唔啱再作打算

作者: LuckyFish 時間: 15-9-16 20:53 標題: 引用：Quote:LuckyFish+發表於+15-9-16+18:08+佢

原帖由 bobbob 於 15-09-16 發表
有可能係個老師高估咗自己仔女實力啫你不如索性問個老師攞啲功課sample，再睇下程度啱唔啱再作打算 ...

作者: HaYi 時間: 15-9-17 15:39

不過有時幼稚園的老師接觸小朋友多，　對小朋友有一Ｄ特質會幾敏感，尤其是看上去很靜的小朋友, 如果學習能力不同, 較難在幼稚園時發現, 因為學的一般都淺. 反而一入左小學會明顯左, 也許現在的幼稚園老師已發現左些特別之處. 　我覺得樓主不用只在意個別老師的評估, 可以問多幾個不同的老師，例如課外活動的，　在如有差不多的comment時, 可能要留心些,

作者: mansum92 時間: 15-9-17 15:52 標題: 回覆：幼稚園老師對小朋友的評價

我仔幼稚園都發夢，老師都覺得佢唔專心，冇創意。實情係佢太有創意，所以一路上堂一路天馬行空，但不懂表達。入一線小學後，積極參與數學，科學and lego比賽，創意無限。佢睇好多書，但表達弱，要訓練語文及表達能力。

作者: bongbongpatty 時間: 15-9-24 11:17 標題: 引用：Quote:LuckyFish+發表於+15-9-16+15:59+K2

原帖由 AgapePa 於 15-09-16 發表
除非小朋友有學習障礙, 否則無需避開一線小學.
而且你的K2老師很權威嗎? 一般幼稚園老師其實不太熟小學情況 ...

反而應該由家長去衡量
自己小朋友
適合吾適合
應該自己最清楚

作者: fc926 時間: 15-9-24 21:00 標題: 回覆：幼稚園老師對小朋友的評價

小朋友未遇到伯樂啫，未開竅就好似一舊飯，開左竅就fit曬，慢慢試下唔好咁快認輸，仲有漫漫長路

作者: LuckyFish 時間: 15-9-25 13:33 標題: 引用：不過有時幼稚園的老師接觸小朋友多，　對小

原帖由 HaYi 於 15-09-17 發表
不過有時幼稚園的老師接觸小朋友多，　對小朋友有一Ｄ特質會幾敏感，尤其是看上去很靜的小朋友, 如果學習能 ...

多謝你嘅建議

作者: LuckyFish 時間: 15-9-25 13:35 標題: 引用：我仔幼稚園都發夢，老師都覺得佢唔專心，冇

原帖由 mansum92 於 15-09-17 發表
我仔幼稚園都發夢，老師都覺得佢唔專心，冇創意。實情係佢太有創意，所以一路上堂一路天馬行空，但不懂表達 ...

但我仔玩lego都唔見得好有創意，佢最鐘意玩機械人，玩起上嚟可以專注幾個鐘

作者: LuckyFish 時間: 15-9-25 13:36 標題: 引用：Quote:原帖由+AgapePa+於+15-09-16+發表除

原帖由 bongbongpatty 於 15-09-24 發表
反而應該由家長去衡量
自己小朋友
適合吾適合

都係，最後我都交咗表去地區一線

作者: LuckyFish 時間: 15-9-25 13:36 標題: 引用：小朋友未遇到伯樂啫，未開竅就好似一舊飯，

原帖由 fc926 於 15-09-24 發表
小朋友未遇到伯樂啫，未開竅就好似一舊飯，開左竅就fit曬，慢慢試下唔好咁快認輸，仲有漫漫長路

...

多謝你鼓勵

作者: NatalieBaby 時間: 15-9-25 23:16 標題: 回覆：LuckyFish 的帖子

有時唔同老師會有唔同看法, 有d小朋友係late boomer.

作者: NatalieBaby 時間: 15-9-25 23:21 標題: 引用：Quote:原帖由+bongbongpatty+於+15-09-24+

原帖由 LuckyFish 於 15-09-25 發表
都係，最後我都交咗表去地區一線

試咗先囉有d小朋友遲發力. but善意提醒, 重有1年上小學, 趁現在每天練少少寫字, 简單+-数. 因不少小一生寫字慢手册都抄唔切, . 讓小朋友早点習慣到升小一會自信些.

作者: LuckyFish 時間: 15-9-25 23:28 標題: 引用：Quote:原帖由+LuckyFish+於+15-09-25+發表

原帖由 NatalieBaby 於 15-09-25 發表
試咗先囉有d小朋友遲發力. but善意提醒, 重有1年上小學, 趁現在每天練少少寫字, 简單+-数. 因不少小一生寫 ...

寫字同加減數就日日功課都有，anyway,多謝你提醒

歡迎光臨教育王國 (/)