教育王國

標題: K3仔仔讀緊兼收位,報小一問題 [打印本頁]

作者: freeapple 時間: 15-9-16 12:14 標題: K3仔仔讀緊兼收位,報小一問題

仔仔K3, 今年終於輪到兼收位(2歲半時評估為言語及認知都delay了),現在要報明年入讀小一,但未收到電話返去做評估,咁報小一的申請表上,是否要填特殊需要? 若要填,是否按2歲半時的評估填呢?

麻煩有經驗的媽媽指教一下!

作者: kittychau0919 時間: 15-9-17 12:45

我覺得唔好講住, 睇定D先

作者: methy 時間: 15-9-17 13:29 標題: 引用：仔仔K3,+今年終於輪到兼收位(2歲半時評估為

原帖由 freeapple 於 15-09-16 發表
仔仔K3, 今年終於輪到兼收位(2歲半時評估為言語及認知都delay了),現在要報明年入讀小一,但未收到電話返去做 ...

我照填，我問過教局職員，講過完全不會&不可能影響派位結果.

如果你明白小一派位機制，第一輪是計數，第二輪是大抽獎只講運氣。即使填左都唔影響個分數或攪珠。

但唔填呢，入到小一原來有困難，但學校唔知你小朋友曾經有服務，於是重新由評估開始，只會浪費時間。

作者: aquarius721 時間: 15-9-17 13:30

methy 發表於 15-9-17 13:29
我照填，我問過教局職員，講過完全不會&不可能影響派位結果.

如果你明白小一派位機制，第一輪是計數，第二 ...

agree. 我地都有填

作者: lambk 時間: 15-9-17 14:40 標題: 回覆：aquarius721 的帖子

要填，除非你認為小朋友升小學後不須支援。

作者: fishcowcow 時間: 15-9-17 15:05

自行階段巳經要填, 至於填邊個編號, 可同學校I位老師傾下

作者: fishcowcow 時間: 15-9-17 15:06

仲有, CAC首先會寄左問卷黎俾你同學校填左先, 佢地覺得有需要先會CALL你返去評估, 你知政府資源既野喇, 不是每個小朋友在小一前都要返去評估的

作者: hnh_mami 時間: 15-9-17 16:44 標題: 引用：自行階段巳經要填,+至於填邊個編號,+可同學

原帖由 fishcowcow 於 15-09-17 發表
自行階段巳經要填, 至於填邊個編號, 可同學校I位老師傾下

我家附近有間支援幾好既小學，如果揀左有特殊學習需要，會否派到機會大啲呢(大抽獎)?

作者: lambk 時間: 15-9-17 18:37 標題: 回覆：hnh_mami 的帖子

無關係的

作者: methy 時間: 15-9-17 22:46 標題: 引用：Quote:原帖由+fishcowcow+於+15-09-17+發表

原帖由 hnh_mami 於 15-09-17 發表
我家附近有間支援幾好既小學，如果揀左有特殊學習需要，會否派到機會大啲呢(大抽獎)?

...

自行階段係計分，非熱門校自行階段收唔爆，就易入，同填唔填「特殊」無關係；統一派位（大抽獎）純計運氣，一樣同填唔填，或填邊類「特殊需要」無關。

我相信一間主流學校係唔會好想收SEN的，但你選擇佢，又被派到入去，間學校就要收。

作者: BKVIP 時間: 15-9-22 17:26 標題: 回覆：K3仔仔讀緊兼收位,報小一問題

填唔填係要根據小朋友能力同選校策略，一失足成千古恨，填左未必真係好。你問i位老師，一定10個10個叫你填，試問佢做得呢個位佢都唔想咩飞。

即使唔填，小一12月份一樣會有小一適別，到時先舉手俾report 學校一樣有服務，只係遲少少，但豈碼入到心儀小學先。無錯第一第二輪的確唔睇你係咪sen, 但呢几年咁多適齡學同，派到心儀越黎越難，你填左叩門一定唔駛諗，除非你小朋友能力真係好唔得，連叩門機會你都唔想俾。

另外我對第一輪自行生抽籤有保留，有學校係由學校抽再交教育局，邊個敢話無閉門造車。

作者: Grace1212 時間: 15-9-23 14:53

請問阿仔讀兼收位之前係唔係返普通幼稚園？囡囡都係發展遲緩

歡迎光臨教育王國 (/)