教育王國

標題: 自閉及ADHD新手分享 [打印本頁]

作者: 63628100 時間: 15-9-15 12:25 標題: 自閉及ADHD新手分享

仔仔5yrs剛7月被確診有自閉及ADHD

我地的確診過程好似同大家唔同

因為對自閉証認識唔夠, 仔仔的情況又唔係嚴重, 而學校只係覺得仔仔洩, 唔聽話, 唔專心, 坐唔定, 拒絕寫referral比佢見醫生, 叫我地比多d時間教佢!

後來有人提我地hightlight學校的學習評估內容, 請醫生寫referral (仔仔氣管敏感會定期見政府兒科), 再到聯合醫院排期. 期間聯合只須家長做一份問卷(不須學校做)交返醫院. 排期要1.5年. 起初仔仔情況好好, 差不多完全無任何問題, 我就以為自己緊張, 一心慢慢排期, 諗住見醫生只係close file令自己息疑. 但半年後又"洩"番, 我地見政府兒科時再請醫生寫referral, 最後排期一年就見聯合的醫生!

聯合的醫生的面見只有2小時, 其間醫生同小朋友傾計同玩.
過程中, 我自己都surprise, 見到仔仔:

1. 同醫生只有20%眼神接觸 (以前從未見過如此明顯)

2. 係房內不斷行只坐了10-15%時間 (以前從未見過如此明顯)

3. 每玩具同傾計只能為持幾分鐘, 連仔仔有興趣的都係(e.g. 吹波波)

醫生問了我好多問題, e.g.:

1.
目光交流 - 平時算不錯, 以前唔望人仲以為佢無禮貌, 會成日提點佢, 無諗過唔提會咁差

2.
回應 – 多數要叫幾次

3.
發脾氣 – 每日都會, 大家習慣了,以為係現今小朋友的通病

4.
鍾意玩可以轉的野
– 只限2yrs階段玩轉玩具碟, 不是過份沉迷

5.
排列 – a~z

6.
固執 – 對指定顔色, 指定英文字, 指定數目字

7.
大小肌肉, 學習能力 – 正常

2小時就確診有自閉及ADHD! 果刻真係……

醫生無提仔仔的情度, 我估係輕微.

確診初期好down, 因為0認識,唔知點算. 後來覺得係件好事, 起碼我對仔仔了解多左, 明白佢有時唔係洩、唔聽話, 而係需要人多d提點.自己都鬧小左, 放鬆左. 再者,確診後醫院可以安排d課程比佢, 都係好事!

仔仔下年9月小一, 依家要小心選校…頭痛中!

因為返工, 仔仔番全日制幼稚園, 未有安排仔仔接受任何訓練/上堂. 而醫院的要11月後先有support.

我新手一名, 希望大家提點!

大家要加油!

作者: DENNIS201 時間: 15-9-15 16:28

2歲時言語能力如何?有句子嗎?現在情況呢?

作者: 63628100 時間: 15-9-15 17:13

回覆 DENNIS201 的帖子

語言及大小肌肉都正常。
所以爸爸仲係半信半疑 ...

作者: 63628100 時間: 15-9-15 17:34 標題: 回覆：63628100 的帖子

其實係咪做得評估都會確診？
有冇朋友評估左係正常？

我老闆係外國人，見過我仔仔，又聽我講過佢情況，覚得佢好正常！佢話香港好特別，如果係外國，應該唔會被確診！

作者: DENNIS201 時間: 15-9-15 18:07

自閉最大問題係溝通
小朋友細時講野會明顯比同齡遲
人地講小量句子有問有答時
小朋友都可能只有單字甚至未開口

作者: Jcat 時間: 15-9-19 12:34

回覆 63628100 的帖子

唔係一定會確診的, 我朋友個仔就無確診, 但佢都係由K1開始政府評估和跟進的.

歡迎光臨教育王國 (/)