教育王國
標題: 唔知點教ADHD, 請教過來人分享經驗 [打印本頁]
作者: elizawlp 時間: 15-9-15 09:24 標題: 唔知點教ADHD, 請教過來人分享經驗
我個仔今年確診ADHD, 佢比較偏向專注力失調那邊, 兩個月前開始俾佢食藥, 而家食長效12小時, 暫時可以應付到學校嘅功課, 但係藥力過後D情況出返晒嚟, 好似重嚴重咗, 而家日日早上同夜晚都要同佢角力, 朝早日日起身都要發脾氣, 叫極都唔著校服, 做咩都唔願做, 已經遲晒都仲要HEA係地度又唔著鞋, 又唔郁.......
夜晚唔使講, 食飯好似誓願咁, 我食完, 洗完, 沖埋涼佢仲可以係度食緊, 我明佢無咩胃口, 但都想佢食多D嘢, 我試過佢超時就收嘢, 但係佢真係好似唔餓咁, 你有你收, 佢有佢唔食, 唉.... 我可以點做? 你叫佢做咩佢都好似聽唔到咁, 要叫十幾, 廿次先郁一郁, 叫佢按時間表做嘢佢永遠都係咩都DELAY晒, 獎, 罰, 鬧都好似無晒佢符, 而家對我地D態度仲越來越差, 你鬧佢佢仲要嬉皮笑臉咁 "妙" 你
想請教過來人點樣去應付, 同有咩辦法教佢, 日日對住佢真係情緒低落 
作者: COE1205 時間: 15-9-15 10:14
本帖最後由 COE1205 於 15-9-15 10:17 編輯
你仔幾大? 我仔三年級
我仔都係adhd,但比較偏向過度活躍那邊,都係食咗藥2個月, 暑假期間只食4個鐘短效,到9月開始上午食8個鐘長效及下午放學4個鐘短效(呢粒醫生話可以唔食),我都有發現食藥初期一早一晚藥效過後,情況比之前嚴重,脾氣仲好大,但我仔早上問題大D, 所以而家全早少少叫佢起身,比多少少時間佢HEA, 而晚上反而問題少D, 可能我仔每星期都有好大運動量, 食飯方面只要藥力一過,基本上完全無影響!食飯方面, 我哋盡量唔會日日食飯,有時食麵(湯或炒),有時食粥,有時焗意粉或薯仔,刺激佢食慾
作者: lillymarie 時間: 15-9-15 11:23
本帖最後由 lillymarie 於 15-9-15 11:27 編輯
elizawlp 發表於 15-9-15 09:24 
我個仔今年確診ADHD, 佢比較偏向專注力失調那邊, 兩個月前開始俾佢食藥, 而家食長效12小時, 暫時可以應付到 ...
小朋友幾大個？有無同佢溝通過佢自己點解要食藥？
食飯： 我仔話我知有藥力時真係一D胃口都無。佢有次仲問我知唔知好飽仲要食野的感覺......我當時盡量讓他早餐食多些，晚上9點鐘等佢無哂藥力時給他食宵夜。另外，他亦明白如果體重唔夠就要減藥，他見到食藥前後的分別，所以好努力進食。阿仔講過好多次我知，其實無胃口夾梗食野係好辛苦的。
早上可能唔夠瞓好難起身。我平時要預起碼15分鐘給仔仔懶床，有時費事和他嘈，會幫他攞齊校服，甚至幫他著埋衫。晨早罵人會破壞所有人的心情，所以我儘量幫他。
ADHD孩童約有40%會同時有一個叫做ODD (oppositional defiant disorder)的問題，這個問題會好難搞，食藥都未必搞得掂，簡單講就係小朋友會玩對抗。家長要和小朋友保持良好溝通建立關係，避免孩子跌落這問題裏。
我個時成日問自己最重要是甚麼？是要他準時返學還是訓練他自理？要自理就要俾時間佢，要返學就不如幫佢手準備。
若要保持親密關係，不能點着太多火頭，一罵人就好傷感情了。
作者: elizawlp 時間: 15-9-15 11:24
我個仔今年升二年級, 一年級時佢科科都唔掂, 勉強升到二年級, 而家剛開學, 我都好擔心佢搞唔掂, 不過未煩學業問題前我要應付佢情緒同態度問題, 日日見住佢咁HEA態度個人好易忟, 到最後搞到大家唔開心
作者: elizawlp 時間: 15-9-15 11:31
回覆 lillymarie 的帖子
佢就係樣樣同你玩對抗, 搞到日日要同佢鬥, 以前細個你罰佢佢仲會怕, 但而家已經好似免疫咁, 你有你發癲, 以為食咗藥會好D, 但係都係咁, 都唔知用咩方法先得
作者: lillymarie 時間: 15-9-15 11:56
回覆 elizawlp 的帖子
其實要睇情況。總之個目的不是要他服從，而是要愛他幫助他。
例如早上我會摸摸他的額頭，親親他講聲早晨，又或者唱首歌，讓他知道媽媽好錫佢。然後俾時間佢起身食早餐。
不要和他鬥，問自己最重要是甚麼？每次俾三個選擇他，他若不願意，我會問他原因，是因為覺得好難？想先做其它事？還是只想不聽話？
這類孩子要用好多時間去教，不能心急的。有一次我煮緊飯都熄火唔煮，教仔緊要。
作者: 緣份的天空 時間: 15-9-15 12:10
回覆 lillymarie 的帖子
好明白.我仔仔也是這樣,自己放工返上樓時,自己都會同自己講,今日EQ要高D,盡量唔破壞大家感情.不過有時佢地態度又好差時,好難搞.
作者: lillymarie 時間: 15-9-15 12:15
我是撞板撞得多，知道打罵是沒用的。硬碰不行，唯有軟攻。
作者: elizawlp 時間: 15-9-15 12:30
回覆 lillymarie 的帖子
我是在職媽媽, 放工返去仲要煮飯, 做家務, 晚上時間真的好緊張, 又唔想佢太夜瞓, 所以樣樣都想佢快D做完, 成晚就係度哦佢快D, 快D, 自己都覺得煩, 佢試過食飯食到九點幾都未食完, 涼又未沖, 書包又未執, 你同佢解釋點解要善用時間, 你做唔到有咩後果, 佢都依然故我......
我同佢關係都算親密, 亦自問自己EQ尚算唔低, 但係對住佢而家好有無力感, 有時佢做得好少少俾獎勵佢, 佢又要同你討價還價, 但好多時獎完後做嘢又退步咗, 進一步又退三步, 對住佢真係要鬥智鬥力, 少D精神都唔得.
作者: lillymarie 時間: 15-9-15 14:50
我記得自己以前又是成日話：快d! 快d! 搞到有次我奶奶帶我兩個仔食下午茶時，大仔成日催佢地快d食完返屋企，驚無時間做野。我奶奶講呢件事講咗幾年，話孫仔好可憐，被阿媽嚇到食下午茶都唔安落。
我後來明白阿仔做野慢是有原因，我却誤會他態度差。
作者: rean_chau 時間: 15-9-15 18:59 標題: 回覆：唔知點教ADHD, 請教過來人分享經驗
如果係咁我會比佢夜啲先食飯，可能比佢睇一陣電視或者玩一陣先食。我仔都有ADHD, 佢食四個鐘頭既藥，而反應OK, 胃口睡眠各樣都理想，只係瘦。
作者: elizawlp 時間: 15-9-16 11:42
多謝各位媽咪的分享, 對住佢地真係要好高EQ, 我要向你地多多學習
作者: 麥兜MaMa 時間: 15-9-16 14:49
我仔岩上小1. 佢早上起身, 返學都OK.
但做野甩甩漏漏. 老師話佢肯努力, 但有時走回頭HEA 哂.
最慘是話悶, 無心機做功課. 唔明點解要做.
病完幾日回校, 白雲似的夢遊, 詞語簿都冇抄.
為要佢自己負責, 唔問同學家長, 任佢交白簿.
作者: lillymarie 時間: 15-9-16 14:50
我發現好多時阿仔出現對抗情緒或行為，是因為他心裏有好多焦慮，驚自己做唔到，於是表現得好強硬。
例如小學放學遲遲都唔肯開始做功課，日日都要哭鬧半個鐘才肯開工。我初初唔明白，以為佢唔聽話。後來才知道他是想到做功課要做好耐，做極都會錯，會被媽媽罵，心裏好驚，於是唔敢開始做。就算媽媽唔罵，D字改完又改，改極都有錯，真是非常挫敗！
作者: 麥兜MaMa 時間: 15-9-16 14:55
lillymarie 發表於 15-9-16 14:50
我發現好多時阿仔出現對抗情緒或行為，是因為他心裏有好多焦慮，驚自己做唔到，於是表現得好強硬。
例如小 ...
係有, 佢一有唔明便停下唔再做
呢個我地亦傾左. 決定唔好要佢全對.
有錯老師給回再改.
作者: lillymarie 時間: 15-9-16 15:25
我仔當時情況都幾嚴重，就算是改正的功課都會再錯，結果學校本身四五樣功課再加兩三樣改正，就變成日日有好多功課要做。錯一個字改正要抄三次，我最後選擇即時幫他改哂功課，盡量唔好有改正。
有次老師執著於筆劃，我都幫唔到阿仔，唯有不停地被打回頭，直到老師接受阿仔係做唔到，停止逼迫佢。
阿仔有福氣，藥物對他好有效。食咗藥之後，做功課的問題改善了90%。他不再怕做功課，對抗的情緒亦減少了好多。
作者: lillymarie 時間: 15-9-16 15:33
我仔食藥最大的副作用是無哂胃口。做媽媽的要聽好多說話。和家人朋友一起食飯，他們會留意到阿仔無食野，立即好緊張地問佢做乜唔食野。我要幫阿仔解畫：「係呀，佢呢個時間無乜胃口，由得佢啦！」。有時朋友家人見到他，亦會滿懷關心地問他為何那麼瘦，叫我煮多D有營養的食物給他，又給我好多建議。
我心諗食藥無計啦。後來連阿仔都留意到自己瘦到不得了，自己話要增肥。好在現在轉咗藥，胃口好咗好多了。
作者: elizawlp 時間: 15-9-16 16:14
回覆 lillymarie 的帖子
咁佢以前食邊隻, 而家又轉咗邊隻呀? 我個仔其實未食藥之前都唔係幾好胃口, 食完藥之後更差
作者: lillymarie 時間: 15-9-16 16:18
回覆 elizawlp 的帖子
他由 concerta （12小時）開始食，後來轉 Ritalin LA (8小時）。因為出現焦慮現改服strattera啦。但strattera是二線藥，胃口好咗，情緒亦平穏咗，但專注力方面就無Ritalin控制得咁好囉。
作者: elizawlp 時間: 15-9-16 16:27
回覆 lillymarie 的帖子
我仔而家都食緊concerta, 醫生都有介紹過strattera, 不過佢話如果試咗concerta 同Ritalin 唔得先轉, 藥費會唔會平D?
作者: 麥兜MaMa 時間: 15-9-16 17:18
lillymarie 發表於 15-9-16 15:25
我仔當時情況都幾嚴重，就算是改正的功課都會再錯，結果學校本身四五樣功課再加兩三樣改正，就變成日日有好 ...
剛問左老師, 好在佢冇咩情緒(既使呢幾日食緊腸胃,傷風藥), 但係呆呆甘,成日心不在然.
拎筆又找唔到, 又玩文具 
執書包又論論盡盡. 上星期有D改好, 之後又倒退.
作者: lillymarie 時間: 15-9-16 18:08
麥兜MaMa 發表於 15-9-16 17:18
因仔似太依賴大人教, 先要佢為自己甩漏負責.
剛問左老師, 好在佢冇咩情緒(既使呢幾日食緊腸胃,傷風藥), 但 ...
仲有，我發現最好是他自己執自己的東西，咁樣搵到的機會大些。有次佢去camp，我幫他放好毛巾手刷之類的物品在喼。他回來說自己無沖涼，因為「無帶毛巾」！明明係有帶，但佢搵唔到就話無。自那次，佢自己執野我唔理佢。
一切都是一個過程，我仔year 10了。今日我都仲要提住佢去練琴。佢地ADHD還有個問題叫做procrastination，練琴對他來說辛苦，就遲遲唔去練，就算練，都會彈彈下彈咗其它歌，練琴變咗玩琴。話佢話得多，又會回我一句：「咩事呀！」好言相勸都唔得時，我自己唯有祈禱。
作者: elizawlp 時間: 15-9-17 09:16
回覆 lillymarie 的帖子
我個仔學琴同練琴永遠都好似拉牛上樹咁, 試過學學吓時係咁踢個琴, 或者係咁郁腳, 有時又扮瞓著, 個老師教咗兩年, 最近都唔再教佢, 我都唔知要搵咩老師嚟教佢好, 佢學咩樂器都係咁, 其實我地覺得佢唔係冇能力, 只係冇耐性去重複練, 我地好想佢可以學習堅持同毅力, 但樣樣佢都係半途而廢
作者: lillymarie 時間: 15-9-17 12:57
elizawlp 發表於 15-9-17 09:16
回覆 lillymarie 的帖子
我個仔學琴同練琴永遠都好似拉牛上樹咁, 試過學學吓時係咁踢個琴, 或者係咁郁腳, ...
我大仔好喜歡音樂的，所以我相信他沒專心練琴是他力不從心。無論食Ritalin或是Strattera, 能否專心練琴是一個最先睇到夠唔夠藥力的地方。每次覆診，當我告訴醫生他練琴時無法專心，醫生加藥，情況立即改善！
作者: COE1205 時間: 15-9-17 14:56
adhd要搵一樣佢有興趣嘅體/藝去學真係好難,因為只要重覆去做同一樣野(每日練習),佢哋就會覺得係苦差!
我仔都學了2年大提琴,但今年終於放棄了,因為跟本唔係佢嘅興趣,但最近發現佢喜歡捉棋,而家試下向呢方面發展!
另還好是阿仔尚有2樣體育的算係可以維持(因為教練們真係好好
),已經學咗3-4年,希望可以持續啦!
作者: lillymarie 時間: 15-9-17 18:32
回覆 COE1205 的帖子
有興趣已不容易，無興趣更難了。
作者: linglingsam 時間: 15-9-17 21:57 標題: 引用：+本帖最後由+lillymarie+於+15-9-15+11:27+
原帖由 lillymarie 於 15-09-15 發表
本帖最後由 lillymarie 於 15-9-15 11:27 編輯
作者: linglingsam 時間: 15-9-17 22:44 標題: 引用：回覆+elizawlp+的帖子
他由+concerta+（12
原帖由 lillymarie 於 15-09-16 發表
回覆 elizawlp 的帖子
他由 concerta （12小時）開始食，後來轉 Ritalin LA (8小時）。因為出現焦慮現改服 ...
作者: lillymarie 時間: 15-9-18 04:55
回覆 linglingsam 的帖子
說來慚愧，我呢幾日心情唔好成日罵仔，搞到阿仔都好燥，態度轉差。他大個仔，叫我控制下自己的情緒。
我發現有一招幾好，就是事先告訴他我心情不好需要安靜，叫他不要在我面前彈來彈去。以前阿仔見我面黑黑，以為我嬲他，會成日走來纒我，又以為我不愛他，他跟住唔開心，做出來的行為令我更火滾。當我話佢知唔係嬲佢，而是我在外面遇到一些令我不開心的事，唔關佢事，叫他自己做野，不要和我講話，讓我安靜，阿仔真的自己做野唔煩我。隔一陣走來問我：媽媽，妳安靜完未？
作者: lillymarie 時間: 15-9-18 06:26
linglingsam 發表於 15-9-17 22:44
請問一線、二線葯，有咩分別？
二線藥是一些被發現對某些ADHD問題有效的藥，這些藥相對新，未知長遠有何影响，所以一般是一線藥沒效時，才考慮使用。
作者: linglingsam 時間: 15-9-18 13:47 標題: 引用：Quote:linglingsam+發表於+15-9-17+22:44+
原帖由 lillymarie 於 15-09-18 發表
一線藥是Ritalin, Ritalin LA, Concerta (同一種成份，時效不同），效果最好，用得最耐，醫生對此藥了解相 ...
作者: S-Kwok 時間: 15-9-18 22:38 標題: 引用：我發現好多時阿仔出現對抗情緒或行為，是因
原帖由 lillymarie 於 15-09-16 發表
我發現好多時阿仔出現對抗情緒或行為，是因為他心裏有好多焦慮，驚自己做唔到，於是表現得好強硬。
例如小 ...
另外想請教吓，點樣可以令小朋友記得要喺寫文章時留意grammar, 如大細楷、s後要用are. 我好肯定仔係知幾時用，單寫一句句子係無問題，但一寫文章就好容易出易問題，試過寫之前提唔得，讚、罰、獎都試過，請賜教。
作者: lillymarie 時間: 15-9-19 04:46
本帖最後由 lillymarie 於 15-9-19 04:57 編輯
S-Kwok 發表於 15-9-18 22:38
我仔都係好憎改，每次要擦字，佢都會鬧自己，咁睇可能係因為挫敗感。
另外想請教吓，點樣可以令小朋友記得 ...
凡是這些大意錯，我投降。他受ADHD影响，自己都控制不了，尤其是當有時間壓力時就更加明顯。唯有是耳提面命，叫他做慢些，小心點。如果份功課可以讓他自己先做改正才交，就盡量學習proof reading.
我仔前幾日先話他做數學卷，可以開頭寫＋，中間寫－ ，最後寫返＋，他自己都唔知點解。好在他的老師唔執着這些，只看他是否識。
有時，要他們覺得肉赤才會努力去注意的。都話係專注力不足嘛，要專心，對他們來說是加倍的努力才做到。我都講到今年仍然講緊佢： 小心D啦，錯呢D好無謂架！
但我心裏接受咗阿仔係咁。他今年準備考鋼琴8級，學咗咁耐琴，無論練得幾熟，可以完全無誤地彈哂成首歌的次數一隻手數得哂。這是他的限制。
從我好多撞板經驗體會到，若集中火力在孩子做不到的事情上，回報率太低，大家都感到很挫敗。相反集中去培育他有能力做得好的地方，他自信增強了，就會自己去努力處理其它問題。所以我唔同佢個病鬥。
作者: linglingsam 時間: 15-9-19 10:04 標題: 引用：+本帖最後由+lillymarie+於+15-9-19+04:57+
原帖由 lillymarie 於 15-09-19 發表
本帖最後由 lillymarie 於 15-9-19 04:57 編輯
作者: lillymarie 時間: 15-9-19 17:26
linglingsam 發表於 15-9-19 10:04
請問你的小朋友多大？有無話幾多歲會好D？小兒而家先8歲……受藥物影響下，學習能力高左，但藥物一過氣，立 ...
藥氣過後，盡量不要管他太多，不要有太多要求和限制，讓他休息。這樣大家可能會好些。有甚麼重要的功課，最好是趁有藥力的時候處理。
另外，我發現如果我個心是相信阿仔不是態度差，只是有心無力，我對他有多點體諒，他亦少些對抗。有時叫他做一件事，他說NO，我體諒他的難處不再逼他，隔一會兒他見我不逼他，竟然靜靜地走去做。
作者: S-Kwok 時間: 15-9-19 21:49 標題: 引用：+本帖最後由+lillymarie+於+15-9-19+04:57+
原帖由 lillymarie 於 15-09-19 發表
本帖最後由 lillymarie 於 15-9-19 04:57 編輯
作者: linglingsam 時間: 15-9-19 22:04 標題: 引用：Quote:linglingsam+發表於+15-9-19+10:04+
原帖由 lillymarie 於 15-09-19 發表
我仔8歲確診，今年15歲了。
藥氣過後，盡量不要管他太多，不要有太多要求和限制，讓他休息。這樣大家可能會 ...
作者: SAMLAU 時間: 15-9-19 22:58 標題: 引用：Quote:linglingsam+發表於+15-9-19+10:04+
原帖由 lillymarie 於 15-09-19 發表
我仔8歲確診，今年15歲了。
藥氣過後，盡量不要管他太多，不要有太多要求和限制，讓他休息。這樣大家可能會 ...
作者: 麥兜MaMa 時間: 15-9-22 11:26
S-Kwok 發表於 15-9-19 21:49
多謝你嘅分享，睇嚟首先要做嘅係媽媽要睇得開先。
作者: external 時間: 15-9-22 13:07
lillymarie
常見到你的分享, 獲益良多.
想請教你如何建立一個好的獎罰計劃?
有時小朋友常常以自己的進步和好行為來要求打機/買玩具....
你是怎樣處理的? 
謝謝你
作者: zoebear 時間: 15-9-22 17:12
我個仔都有ADHA偏向專注力不足，有對抗性行為，有時我都控制唔到情緒，一火到就鬧，阿仔成日都話我唔愛佢，攪到個心UP到死…對住佢真係首先自己要睇得開，明白阿仔自己都控制唔到自己，阿仔都係好辛苦，啱升上小一，適應新環境、功課壓力、阿媽俾的壓力，佢都好慘…所以要俾多啲耐性，要求降低啲，咁樣大家都好啲…大家一齊努力啦！
作者: lillymarie 時間: 15-9-22 18:38
external 發表於 15-9-22 13:07
lillymarie
常見到你的分享, 獲益良多.
想請教你如何建立一個好的獎罰計劃?
我仔無胃口食野，所以食物對他無意義。佢進步或有好行為，多數只是講些讚賞的說話。
其實不同人有不同的表達方式，你一定會找到一個你接受而小朋友亦喜歡的奬勵方法的。
作者: IvyPluto 時間: 15-9-22 22:00
回覆 external 的帖子
其實要他們聽話，定一個只奬不罰的計劃最有較，如果有兄弟姊妹，一齊做更好。我會用格仔紙寫下六七樣其實亞仔能力做得到但唔多願意自動自覺去做的事情或者我希望他做到的事情，他們同意便簽名作實。
每做到一項有一個印，集齊50個印便有一顆星，每顆星可以換一件他希望做的事情。
印仔要每日結算，要很認真的告訴他們，你所給的每個印的原因。
以下是我今期定的事項，要按小朋友的能力定一些他是可以做得到的事情：
1）每日不用催也能七點前出門返學 （這個在執行初期可以善意提醒現在是幾點鐘或者還有幾耐便七點）
2）晚飯前做完所有功課和洗澡 （同上，可提醒一下時間但是不催促他們）
3）一個星期寫齊手冊而且沒有欠交欠帶東西 （可以改每天一個印俾細一些的小朋友）
4）在媽媽規定的時間內完成任務 （這個是剎手撊，例如for練琴，溫習最好用）
5）不大叫、不駡人、不鬧交 (其實是不發脾氣但形象化一些）
6）默書80分以上
7）琴老師俾8分或以上
成功與否是定這些要求的時候不能太易沒有挑戰性，不能太難做唔到，而且所得的星是真的能換來一個願望，可以換什麼便由孩子自己提出，你又同意和做得到的。
作者: linglingsam 時間: 15-9-22 22:44 標題: 引用：回覆+external+的帖子
其實要他們聽話，定
原帖由 IvyPluto 於 15-09-22 發表
回覆 external 的帖子
其實要他們聽話，定一個只奬不罰的計劃最有較，如果有兄弟姊妹，一齊做更好。我會用 ...
作者: elizawlp 時間: 15-9-23 09:13
想請問大家嘅小朋友是否讀傳統學校? 我諗緊幫阿仔轉去直資, 雖然佢而家呢間唔係十分多功課, 但係始終要應付呈分試, 日常測驗, 默書都頻繁, 對佢來講都真係唔易應付, 可以日日完成晒功課無甩漏已經偷笑, 要日日為佢學業大家搞到嗌晒交真係傷感情, 但見佢樣樣都唔掂, 成績又差, 越讀只會越辛苦, 個人又無自信, 我都唔知點好!
作者: S-Kwok 時間: 15-9-23 13:17 標題: 引用：想請問大家嘅小朋友是否讀傳統學校?+我諗緊
原帖由 elizawlp 於 15-09-23 發表
想請問大家嘅小朋友是否讀傳統學校? 我諗緊幫阿仔轉去直資, 雖然佢而家呢間唔係十分多功課, 但係始終要應付 ...
作者: external 時間: 15-9-23 13:30
回覆 elizawlp 的帖子
坦白說, 如果媽媽和學校能夠接納孩子, 即使讀傳統學校都沒有問題, 我的小朋友班裡有位成績很差的同學, 跟她媽媽閒談, 發現她很正面和接納自己的小朋友, 所以小朋友在班中都自我感覺良好, 很值得學習
Mourn the child you wanted, accept the child you have.
作者: noel2010 時間: 15-9-25 00:29
見到你們這樣，我過了6年這種地獄式生活，簡直想死。中一，二我就放手些，但他都未曾做過功課及拾過書包。現在16歲，已沒有這問題，關係好了，問他以前小學這樣，他覺得細路一定坐唔定，唔覺得自己有問題。慶幸當時沒有給他食藥，反而他同學自小食藥，已不見效。雖然食藥的時間可專心做功課，為的是考好中學。
希望各家長努力，終有一日見到轉變的他。
作者: linglingsam 時間: 15-9-26 13:56 標題: 引用：見到你們這樣，我過了6年這種地獄式生活，
原帖由 noel2010 於 15-09-25 發表
見到你們這樣，我過了6年這種地獄式生活，簡直想死。中一，二我就放手些，但他都未曾做過功課及拾過書包。 ...
作者: noel2010 時間: 15-9-27 01:31
呀仔小一出問題，我都捱得好辛苦。好漫長...., 所以告訴你們，慢慢長大自然定下來，努力加油。
作者: joy321 時間: 15-10-3 23:07
提示: 作者被禁止或刪除 內容自動屏蔽
作者: mypineapple 時間: 15-10-17 22:37 標題: 回覆：唔知點教ADHD, 請教過來人分享經驗
我孩子係疑似adhd, 仍未確診， 佢學習無問題， 溫習默書都full mark, 但行為問題多。 老師亦開始話佢上堂唔專心， 好多小動作。其實我抗拒食葯， 可以唔食而處理到行為問題嗎？
作者: IvyPluto 時間: 15-10-18 10:45
回覆 mypineapple 的帖子
你指什麼樣的行為問題？
作者: mypineapple 時間: 15-10-18 12:49 標題: 回覆：IvyPluto 的帖子
做事馬虎， 提了多次都照做， 動作很大， 容易有脾氣
作者: IvyPluto 時間: 15-10-18 21:14
其實只要你包容到佢又唔構成生活上的阻礙，為什麼要吃藥呢！
作者: S-Kwok 時間: 15-10-21 22:24 標題: 回覆：唔知點教ADHD, 請教過來人分享經驗
當中要包容佢上堂會聽唔老師叫佢做咩功課、有默書測驗? 唉…
作者: fatjaimama 時間: 15-10-23 00:01
可以上青田網站找"理盧幼*"的講座聽下, 她每年11月才由美國回港一次. 理論加實踐, 非常有用.
2015年理盧幼慈(Norma)教授香港、澳門之旅
公開講座及課程消息
日期 ： 2015年10月23日 (星期五) 9:15a.m – 4:00 p.m 親子關係技巧 家長一日課程
課程 ： 如何為成長中的注意力散渙症(ADHD) 孩子準備青少年期
主辦機構 ： Morning Glory Treatment Center for Children (美國), 青田教育中心協辦
地點 ： 基督教香港信義會 - 九龍油麻地窩打老道50A號信義樓5樓禮堂
查詢／報名： 電話 2304 0355 (青田教育中心 梁小姐)
請按此下載報名表格
日期 ： 2015年10月25日 (星期日) 10:00a.m - 12:30p.m
講題 ： 「如何培養子女品學兼優」
主辦機構 ： 香港防止虐待兒童會
地點 ： 新界屯門安定邨東華三院鄧肇堅小學禮堂
查詢／購票 ： 電話 2450 2244 (Joseph Wong)
日期 ： 2015年10月31日及11月1、2日(星期六、日、一)
課程 ： 指導式遊戲治療三日訓練課程
主辦機構 ： Morning Glory Treatment Center for Children (美國)
地點 ： 基督教香港信義會 - 九龍油麻地窩打老道50A號信義樓5樓禮堂
查詢課程 ：[email protected](李小姐)
報名 ：電話 2304 0355 (梁小姐‧青田教育中心)
請按此下載報名表格
日期 ：2015年11月7日 (星期六) 2:30p.m– 5:30p.m
講題 ：「為孩子立界線，如何成為恩威並重的家長」
主辦機構 ：觀塘浸信會
地點 ：觀塘浸信會一樓禮堂 -九龍觀塘功樂道83號
查詢／購票 ：電話 2303 0460(關小姐)/ 2343 6745(鄞傳道)
請按此下載報名表格
日期 ：2015年11月9、10日 (星期一、二) 9:15a.m–5:00p.m –
兩日課程(在職老師及駐校社工，獲優先取錄)
課程 ：活用指導式小組遊戲治療程序技巧在學習態度及情緒社交上
幫助有特殊需要的學童(SEN)
主辦機構 ：Morning Glory Treatment Center for Children (美國),
青田教育中心協辦
地點 ：基督教香港信義會 - 九龍油麻地窩打老道50A號信義樓5樓禮堂
查詢／報名 ：電話 2304 0355 (青田教育中心 梁小姐)
請按此下載報名表格
日期 ： 2015年11月12日 (星期四) 7:00p.m – 9:30p.m
講題 ：「怎樣從小培養孩子的良好品行及管教方法」
主辦機構 ： 聖公會聖士提反堂
地點 ：香港西環般咸道71號
(香港大學對面‧MTR港島線西營盤站C般含道出口右轉直行)
查詢／報名 ：電話 2546 1212 ( 冼牧師)
日期 ： 2015年11月13日(星期五) 9:00a.m – 4:30p.m
講題 ：「教導有學習及讀寫障礙(Dyslexia)子女的竅門」
主辦機構 ： 東華三院沙田賽馬會沙田綜合服務中心
地點 ： 沙田麗豪酒店3樓紫荊廳 (沙田大涌橋路34-36號)
查詢／報名 ： 電話 2699 4100 (張先生)
請按此下載報名表格
日期 ：2015年11月14日(星期六) 1:30p.m– 4:30p.m
講題 ：「子女發脾氣和行為不當時，父母處理態度及說話技巧」
主辦機構 ：青田教育基金會有限公司(香港政府註冊公共性質慈善機構)
地點 ：香港灣仔洛克道3號小童群益會一樓禮堂
(港鐵灣仔站C駱克道出口左轉步行7分鐘)
備註 ：孩子常常奢望別人事事順己意，稍不如意便大哭、發脾氣。父
母往往為了子女的安全、健康、學業、時間、經濟上等等問題
而要作出限制。成人堅決的態度及果斷的說話，能夠矯正孩
子不當的行為，正確的管教方法不但能教會孩子當行的路，
更能增強親子關係；反之，父母模稜兩可的育兒態度，孩子
只會對成人不信任、不尊重。這個重要父母之道，是值得夫
婦二人共同出席講座學習。
費用 ： 青田會員$50、非會員$60
(一人一票，憑券入座，大小同價，四歲以下兒童恕不招待。
敬請家長合作)
誠意邀請您們蒞臨上述講座，劃線支票(抬頭寫「青田教育基金會有限公司/Greenfield Educational Fund Ltd.」)及回郵信封，寄九龍荔枝角青山道696號時采中心1樓1室，本會將門券寄上。
查詢／報名 ： 電話 2304 0355 (青田教育中心 梁小姐)
日期 ：2015年11月15日 (星期日) 澳門‧家長講座
專題 ：10:00am – 1:00pm：「孩子情緒及行為管理」
2:30pm – 5:30pm：「如何提升孩子解決問題能力技巧」
主辦機構 ：澳門聖公會專業培訓中心
地點 ：澳門蔡高中學(暫定)
查詢／報名 ：電話 (853) 2835 3449 (劉先生)
作者: jz1677 時間: 15-11-25 10:15 標題: 回覆：唔知點教ADHD, 請教過來人分享經驗
我都學習中，但過程絕對痛苦，尤其是自已屬於EQ低。仔仔今年小一，由九月到現在我有九成時間每日以淚洗面。服藥兩個月，略有好轉，但對抗性行為加劇。返學打人，畫花同學既書。鬧完又繼續做，同學仔當住我面前話佢曳，唔鐘意佢，其實自已心裡極至難受，個种心痛，無人會明，好唔開心。但在仔仔面前，就話：唔緊要，人地唔鐘意你，你要忍住，行開自已玩。但唔可以郁手。
作者: lillymarie 時間: 15-11-25 22:05
回覆 jz1677 的帖子
我知仔仔有好多挫敗感，所以刻意話佢知我好錫佢，他是我的寶貝。即使我好唔鍾意他的行為，仍然愛他。這些話常常講。
另外，管他的時候，話佢知我是愛他才管他，為他好，就算他嬲我，我也要管。
他做錯事，我不打他，反而要他自己負責任，要他想法補救。
我發現阿仔好受，越來越合作。
作者: ayany 時間: 15-11-26 20:27 標題: 引用：我都學習中，但過程絕對痛苦，尤其是自已屬
原帖由 jz1677 於 15-11-25 發表
我都學習中，但過程絕對痛苦，尤其是自已屬於EQ低。仔仔今年小一，由九月到現在我有九成時間每日以淚洗面。 ...
作者: jz1677 時間: 15-11-26 22:36 標題: 回覆：ayany 的帖子
又要面對家長，老師，同學，好辛苦。見到所有人都忍唔住爆喊。
作者: Gary_family 時間: 15-11-27 12:53 標題: 引用：回覆+lillymarie+的帖子 佢就係樣樣同你玩
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |