教育王國

標題: 大K獎學金培養政治人才 [打印本頁]

作者: elbar 時間: 15-9-15 08:59 標題: 大K獎學金培養政治人才

■大K（右三）同牛津大學校長賀慕敦教授（右四）以及今年嘅獎學金得主一齊交流吓。

「郭氏學者協會」啱啱喺上周六即係9.11，首度安排郭氏學者聚首一堂，同人稱大K嘅協會創辦人、新鴻基前主席郭炳湘以及牛津大學校長賀慕敦教授交流。其實呢個協會係「郭炳湘基金」資助下嘅相關獎學金受惠者嘅交流平台，基金去年仲同英國牛津大學合作推出「牛津大學郭氏本科生獎學金」，每年全額資助兩個香港或中國內地卓越學生，喺牛津讀書嘅本科學費同生活費，主修PPE（哲學、政治及經濟）及其他與公共事務有關嘅課程。

據知大K喺會上話呀，年輕人越嚟越關心政治，社會對政治人才亦有需求，期望獎學金有助為香港及內地培養人才；賀慕敦就話好開心見到與會嘅年輕人，提出唔少富挑戰性嘅見解，強調呢個係佢想見到牛津畢業生嘅表現。

李八方

歡迎光臨教育王國 (/)