教育王國

標題: 如何評估學校適唔適合自己小朋友？ [打印本頁]

作者: Pinki508 時間: 15-9-12 11:05 標題: 如何評估學校適唔適合自己小朋友？

請問家長們會如何評估學校適唔適合自己小朋友？同班小朋友的學習進度都可能有快有慢，如果發現學校的教學進度較慢，你地會點？

作者: sakbbjaijai 時間: 15-9-12 11:49 標題: 回覆：如何評估學校適唔適合自己小朋友？

其實，如果你小朋友日日返學都喊，成日唔想返學，你都應該估到間學校未必適合佢。

作者: MissMusic 時間: 15-9-12 12:52 標題: 引用：其實，如果你小朋友日日返學都喊，成日唔想

原帖由 sakbbjaijai 於 15-09-12 發表
其實，如果你小朋友日日返學都喊，成日唔想返學，你都應該估到間學校未必適合佢。

...

即係入學後先知。

咁入學前點揀?成日話無最好的學校，只有最適合的學校。

作者: soso3509 時間: 15-9-13 03:52 標題: 回覆：如何評估學校適唔適合自己小朋友？

了解下學校用咩教學/ 程度方法..再對比下自己小朋友日常係點去評估..

如果比較好動活潑..你去d 要坐定硬谷既已經唔合適..
若然慢熱..如果學校要學生好active又未必合適..

例如我仔比較活躍..我就選間比較活動空間大..就算到坐定上堂..但都有較大空間比佢發揮, 同多活動比佢參與

作者: soso3509 時間: 15-9-13 04:00 標題: 引用：請問家長們會如何評估學校適唔適合自己小朋

原帖由 Pinki508 於 15-09-12 發表
請問家長們會如何評估學校適唔適合自己小朋友？同班小朋友的學習進度都可能有快有慢，如果發現學校的教學進 ...

我仔而家返左一星期多學..我反而覺得小朋友返學係睇佢鐘唔鐘意..鐘意上課模式的話你會覺得快..唔鐘意/ 特別深你就會覺得佢慢..

所以都要有所配合...

同埋快慢真係要比時間了解..可能初初課程唔深..之後慢慢深..如否未適應等等..但一般學校都會有一定的進度...除非你小朋友特別資質聰穎 ^^

我識有家長佢小朋友而家三歲半..但數學程度/ 認知已有5歲的才能..佢就出去上關於數學既課程keep住佢個進度

因為好難要一間學校去配合你小朋友..由其個別科目..希望你明白

作者: edconcheung 時間: 15-9-13 08:46

回覆 Pinki508 的帖子

報幾間唔同方式教學既幼稚園，面試時觀察小朋友鍾唔鍾意間學校，家長說睇下老師點in學生。如：小朋友面試時冇反映，有啲學校老師識引導，小朋友識回應老師，呢間學校比較合適小朋友。

作者: Pinki508 時間: 15-9-13 09:06 標題: 回覆：soso3509 的帖子

啱啱開學唔係好耐，我會再觀察下先，多謝你意見

作者: Potato001 時間: 15-9-16 21:51 標題: 回覆：edconcheung 的帖子

同意，另外亦可以喺返學放學時間去學校，睇下啲小朋友開唔開心，返學時間可以同其他家長傾下，好多會睇一陣至走，放學傾唔到但可以睇下小朋友會唔會好攰、好冇精神。

開放日可以睇到幼稚園用咩書，係咪合你要求。我女讀學券幼稚園，N班只係玩，數下123, 認下形狀和顏色，k1才開始教ABC和認簡單中文字

歡迎光臨教育王國 (/)