教育王國

標題: 你地會不會幫小朋友更改作文？ [打印本頁]

作者: smallmay 時間: 15-9-9 23:13 標題: 你地會不會幫小朋友更改作文？

女兒剛升小一，第一次做英文作文，見到佢寫得唔係幾好，好想教佢點寫，但記得家長會時，老師提過不要幫小朋友改功課，因為咁樣會唔知小朋友究竟識D咩唔識D咩！

我最終無幫佢改番好D，我想問大家平時會點做架？

作者: CALVEN 時間: 15-9-10 07:41

無,

因為有家長成日咁做,舊年中文老師定左作文在堂上寫完即收.

作者: Jane1983 時間: 15-9-10 07:55

你可以同佢傾吓點做，錯左或者吾知佢想講也，就提吓佢。功課一吾計分，二可以比老師知佢程度，幫佢預先改晒，無大意思。

作者: Yanamami 時間: 15-9-10 08:07

从來唔改~老師会教会改~

作者: joyce919 時間: 15-9-10 08:27

我地無作文功課,上堂作完即收,我見到嘅係派回已改的文章.

作者: cowboybaby 時間: 15-9-10 08:35 標題: 回覆：smallmay 的帖子

小一已經作文，英小嗎？題目是什麼呢？

作者: jaycee_mami 時間: 15-9-10 08:56

我地是在課堂上做, 做完即收, 無得拿回家做.

作者: 小時了了 時間: 15-9-10 10:47

本帖最後由小時了了於 15-9-10 10:49 編輯

smallmay 發表於 15-9-9 23:13
女兒剛升小一，第一次做英文作文，見到佢寫得唔係幾好，好想教佢點寫，但記得家長會時，老師提過不要幫小朋 ...

以前一直都唔會, 應該今年(小五)及出年(小六)呢兩年會, 因為呈分試.

其實最主要會改中文作文, 係因為我用咗暑假時間鑽研阿女小四時中文作文成績唔係幾好原因, 發現其中一個幾主要原因係小女中文作文平時功課完全無任何修辭手法(e.g. 比喻, 比擬, 排比 etc), 又無感觀運用, 只係用得小量四字詞語, 成語都唔係好覺有運用, 所以我打算小女作完後要佢運用以上的技巧寫好啲, 因為平日功課都唔寫又或者唔識寫, 試問測驗及考試點會寫得好呢?我係咁諗咋, 唔知正唔正確呀!

作者: 小時了了 時間: 15-9-10 10:57

本帖最後由小時了了於 15-9-10 10:59 編輯

Yanamami 發表於 15-9-10 08:07
从來唔改~老師会教会改~

我鑽研阿女小四中文作文, 我估中文老師有教 (e.g. 感觀寫作) 然後作一篇要有感觀寫作的作文, 但阿女一啲都無用到, 中文老師只係張中文作文紙評語寫類似無運用感觀寫作一句就完了. 如果我唔教及平日功課阿女唔嘗試運用及作好啲, 咁阿女中文作文點會有改進呢?

我唔想小五及小六阿女中文作文好似小四咁樣成績!!

作者: smallmay 時間: 15-9-10 11:19 標題: 引用：小一已經作文，英小嗎？題目是什麼呢？ +

原帖由 cowboybaby 於 15-09-10 發表
小一已經作文，英小嗎？題目是什麼呢？

咁又唔算係咩特別題目，只不過功課要佢地寫三個對新學校的感覺！

作者: cowboybaby 時間: 15-9-10 11:32 標題: 回覆：smallmay 的帖子

呀仔英文暫時係唱abc song, greeting e.g good morning etc, 所以見到話已經有英作，覺得原來其他學校咁快啦…

作者: little_yolky 時間: 15-9-10 13:42

cowboybaby 發表於 15-9-10 11:32
呀仔英文暫時係唱abc song, greeting e.g good morning etc, 所以見到話已經有英作，覺得原來其他學校咁快 ...

我哋同你差唔多。

作者: under_the_tree 時間: 15-9-10 14:09 標題: 回覆：smallmay 的帖子

我會mark低或photocopy佢錯什麼，若下次有類似，便作出更正

作者: gigi1227 時間: 15-9-10 22:44

smallmay 發表於 15-9-9 23:13
女兒剛升小一，第一次做英文作文，見到佢寫得唔係幾好，好想教佢點寫，但記得家長會時，老師提過不要幫小朋 ...

本身係屋企有時間，自己就係一個老師咁，會幫佢明白去運用。
我唔知算唔算幫佢改，但會引導佢不足處，要佢明白左自己改，從來唔會直接俾答案佢。

作者: smallmay 時間: 15-9-11 19:15 標題: 回覆：gigi1227 的帖子

因為我見有D小朋友的句子好通順，所以諗緊家長係咪有幫手

作者: Yanamami 時間: 15-9-11 20:33

smallmay 發表於 15-9-11 19:15
因為我見有D小朋友的句子好通順，所以諗緊家長係咪有幫手

睇長遠d, 長跑要留力既，—开波跑快dd無用~想作文好，从小多阅讀，多寫就好~或者你可以同佢養成寫日記周記既习慣~

作者: momama 時間: 15-9-11 20:58 標題: 回覆：你地會不會幫小朋友更改作文？

小一就作文？作得唔好係正常。利申：讀過兩間學校，起碼小三先作文，之前係仿句、作句。

作者: HaYi 時間: 15-9-12 13:32

如果我回家見到未作的文, 我是會教佢點寫, 因為老師一個改幾十人的, 單靠看老師的批注, 不一定能細緻地提議如何改他的弱處. 但如果他已寫左叫佢改, 佢一定老大不願意, 好難實行, 只可以少改錯字病句, 我覺得對佢的益處沒預先教大.

歡迎光臨教育王國 (/)