教育王國

標題: 19個月BB唔識講野，有自閉傾向 [打印本頁]

作者: Loretta529 時間: 15-9-9 17:27 標題: 19個月BB唔識講野，有自閉傾向

仔仔19個月，唔識講野，淨係BB話。BB 話就講好多！單字係好有心情先會講"PAPA""DADDI"" mummi"
其他咩都唔識！

我地問"where is your tongue"佢識得伸出黎
where is your nose，都有時可以指到
touch your head?間中OKAY

1) 一D唔順心就發脾氣，訓地下，大叫，尖叫
2)除左鍾意玩LEGO,疊野，好多玩具都唔太玩，以前3－5個月前鍾意玩車轆，或者會轉既野，同埋鍾意玩玩具背底，直接ANNOYED玩具本身。
3)鍾意自轉
4)唔鍾意同小朋友玩，自己可以跑足個幾鐘，重覆玩一樣野，樓梯上上落落會令佢好開心
5)同人有眼神接觸，但唔耐。平時叫佢唔係好應。就算你行到埋去叫佢都唔望你，自己有自己玩。
6)有時會自己傷受自己，放上車仔上面，如果唔俾佢落車會勁向後CHOK個頭，好似唔痛一樣。
7)打針都唔會點喊，最多叫幾聲，但叫係唔係怕痛而係我地按住左佢，佢唔鍾意人地掂佢。
8)最近開始識得叫人抱佢，但唔抱又顛過！

9)家住離島，好少出去市區，但都日日同佢落會所玩，1,3,5返playgroup.
平時我地都要返工，得姐姐同佢一齊。但姐姐日日都教好多野，我地覺得佢好多野都識，但又唔肯表達。
10)唔係好識指住想要既野，淨係發脾氣，跟住都係訓地下，尖叫。日日如是
11)日日都爬SOFA，爬台，愈危險愈做。
12)平時唔鍾意睇書，倒晒落地下就有。

13)我問工人姐姐，佢係學校都唔同朋友仔玩，STORYTIME唔會JOIN，唱歌DANCING就自己企埋一邊跳。

一向打針去開私人醫生打，無去開健康院。
同家人提出佢既問題，但人人都覺得我太緊張，來來回回話大D會好D。99 話佢3歲先講野，同埋DADDY細個都有相似既behaviours，但今日都好出色無咩要擔心。但我覺得唔可以咁樣比較，老人家以前唔識而且30幾年前都唔普遍，加上中國人傳統心理，小朋友靜D係好事，所以唔發現又唔出奇。

同私人醫生提出，佢話再等多半年、2歲可能會更明確。我其實係好接受自己個仔係咁，但想早D知道可以安排好少少。

大家覺得我係OVERREACTIVE定係真係有自閉呢？其實佢應該同時有ADHD＋AUTISM
一向住多倫多，唔係好熟HK CHECK呢D既程序，都係睇大家D POST先叫知少少。
thanks everyone

作者: sasasumsum 時間: 15-9-9 20:04 標題: 回覆：Loretta529 的帖子

Please check you inbox

作者: DENNIS201 時間: 15-9-9 22:02

小朋友有對數字同英文字母有特別興趣?
有無重覆行為?如不停開關門/櫃門?
有無排列玩具?肯唔肯戴帽?玩沙?
自轉/向後CHOK個頭係感統有問題,做相關訓練可改善

作者: sasasumsum 時間: 15-9-9 22:34 標題: 回覆：DENNIS201 的帖子

我小朋友宜家20個月無鍾意數字無排列無chok頭無固執行為脾氣仲好好但上個月都diagnose左係asd level 1。每個小朋友既特徵也唔同但樓主小朋友應該要盡快去評估

作者: funghon 時間: 15-9-9 23:01 標題: 引用：我小朋友宜家20個月無鍾意數字無排列無chok

原帖由 sasasumsum 於 15-09-09 發表
我小朋友宜家20個月無鍾意數字無排列無chok頭無固執行為脾氣仲好好但上個月都diagnose左係asd level 1。每 ...

咁你小朋友咩特徵係ASD?

作者: 營養多多 時間: 15-9-9 23:02 標題: 回覆：19個月BB唔識講野，有自閉傾向

2,3,4,5,7,10
呢幾項我囝都有，淨係自轉，玩車轆，玩玩具底，已經建議去排定評估先

作者: 營養多多 時間: 15-9-9 23:15 標題: 回覆：19個月BB唔識講野，有自閉傾向

1,10,11我仔亦有
1,10主要係因為佢唔識表達所以發脾氣
而11，會有好多原因引發，我仔由識爬開始到依家4歲，由爬圍欄到依家壁虎功，日日如是，照顧上要好費心費力。
都係果句，早d排定評估，早d開始訓練。

作者: 奀珠 時間: 15-9-9 23:21 標題: 回覆：Loretta529 的帖子

唔係想嚇你，不過真係似似哋ASD，不過呢度無人可以答到你，始終我們唔係專業人士，19個月都可以去做評估㗎喇。

作者: sasasumsum 時間: 15-9-9 23:41 標題: 回覆：funghon 的帖子

唔同小朋友玩包括我個女即係佢家姐唔指野咩都拖人手去拎去做眼神接觸少唔玩玩具唔識玩模仿遊戲叫佢名唔應。佢興奮時會fing手評估時我有問點先算係重覆性佢話如果評估其間出現兩三次已經算
上左幾堂個別訓練眼神接觸進步左會追物件追人眼神大家都繼續努力啦💪💪💪

作者: Loretta529 時間: 15-9-10 19:46 標題: 引用：小朋友有對數字同英文字母有特別興趣?有無

原帖由 DENNIS201 於 15-09-09 發表
小朋友有對數字同英文字母有特別興趣?
有無重覆行為?如不停開關門/櫃門?
有無排列玩具?肯唔肯戴帽?玩沙?

鍾意numbers,一入電梯就望數字
唔鍾意我幫佢帶帽，會發脾氣，但佢自己有時會自己帶

作者: Loretta529 時間: 15-9-10 20:03 標題: 回覆：19個月BB唔識講野，有自閉傾向

今日學校打黎同playgroup老師傾左一陣。佢地對我個仔既問題話無問題，可能係國際學校老師係外藉人仕，對我個仔比較包容。佢叫我俾多幾個月時間再睇睇，但我同大家諗法一樣，如果不幸係我只想早d安排唔係怕肉酸失禮人。早d訓練早d有成效。

我同老師講晒佢平時既行為，語言我明白男仔係會遲d,佢話我個仔係好主動講晒，只係未tune到岩既語言，又話學校同佢同月份既男仔都係未識講野。
大叫，佢唔係班上唯一一個咁，其他鬼仔比佢叫得多
不過老師都留意到佢好鍾意玩玩具背底，但佢好專心睇，覺得無問題

你叫佢，佢間中應，但如果你手拎住零食佢會即時走去，所以唔覺得佢係

但係我自己心裡知道，佢唔中自閉都中感統問題。我下個月帶佢去睇醫生做評估。
多謝大家支持，好感激

作者: Loretta529 時間: 15-9-10 20:21 標題: 引用：小朋友有對數字同英文字母有特別興趣?有無

原帖由 DENNIS201 於 15-09-09 發表
小朋友有對數字同英文字母有特別興趣?
有無重覆行為?如不停開關門/櫃門?
有無排列玩具?肯唔肯戴帽?玩沙?

沙，有玩呀
玩門，都有不會唔係勁玩
自轉仍然有

作者: DENNIS201 時間: 15-9-10 22:05

回覆 Loretta529 的帖子

YES 評估完再行下一步

作者: yiyi0401 時間: 15-9-20 00:06 標題: 引用：我小朋友宜家20個月無鍾意數字無排列無chok

原帖由 sasasumsum 於 15-09-09 發表
我小朋友宜家20個月無鍾意數字無排列無chok頭無固執行為脾氣仲好好但上個月都diagnose左係asd level 1。每 ...

我想問你去邊到評估架？謝謝
我仔係早產b,依家21個月大，我都有d擔心

作者: yiyi0401 時間: 15-9-20 00:11 標題: 引用：唔係想嚇你，不過真係似似哋ASD，不過呢度

原帖由奀珠於 15-09-09 發表
唔係想嚇你，不過真係似似哋ASD，不過呢度無人可以答到你，始終我們唔係專業人士，19個月都可以去做評估㗎 ...

我仔係早產，都有類似既points中左，而對上見兒一個兒科醫生，佢都話我仔似係，但果次我唔識叫佢寫轉介信俾我，第2次覆診見第2個醫生，佢同我仔玩左5分鐘左右，之後就話唔覺得我仔係，而且依家20個月大仲細，等佢再大d睇定d先啦(當時覆診係20個月大)。。。咁同我講的，究竟應該幾多歲去做評估？

作者: 奀珠 時間: 15-9-20 09:05 標題: 引用：Quote:原帖由+奀珠+於+15-09-09+發表唔係想

原帖由 yiyi0401 於 15-09-20 發表
我仔係早產，都有類似既points中左，而對上見兒一個兒科醫生，佢都話我仔似係，但果次我唔識叫佢寫轉介信俾 ...

醫生話18個月已經可以做評估，就算去私家做評估都唔係即刻有得做，唔好等喇。

作者: 奀珠 時間: 15-9-20 09:09 標題: 回覆：奀珠的帖子

一般兒科醫生未必對ASD好有認識，我仔睇開嘅兒科醫生都睇唔出我仔係ASD, 仲話佢eye contact幾好添，吹漲！

作者: unfunny 時間: 15-9-20 11:01 標題: 回覆：奀珠的帖子

請問你幾時發現仔仔有問題？有咩特徵？最後係cac評估是嗎？

作者: Loretta529 時間: 15-9-24 23:10 標題: 引用：請問你幾時發現仔仔有問題？有咩特徵？最後

原帖由 unfunny 於 15-09-20 發表
請問你幾時發現仔仔有問題？有咩特徵？最後係cac評估是嗎？

其實佢最近又無咩之前個d問題，叫佢會應我。正常eye contact都多返，佢返學又終於肯join同學仔，自己會食飯，都有大叫但明顯有原因。但感統問題仍然有，本身好鍾意打千秋，但突然一次就唔鍾意，野仍然都係bubble language ,醫生話佢係遲d但係developing,所以想再睇多4個月先，我預左要做訓練個d，不過醫生勸我等多一陣，唔好太心急。

作者: Loretta529 時間: 15-9-24 23:21 標題: 引用：請問你幾時發現仔仔有問題？有咩特徵？最後

原帖由 unfunny 於 15-09-20 發表
請問你幾時發現仔仔有問題？有咩特徵？最後係cac評估是嗎？

我12個月左右就覺得佢怪怪地，叫佢唔多理會，好似deaf一樣，就算你用手係佢面前揮手都唔應。好鍾意玩車轆，零件，背底。唔鍾意玩玩具。15個月開始講bubble language,仲唔識copy大人講野，對痛反應不大，打針都唔叫。無咩eye contact,好執著，如果佢玩係lego 但跌低晒，佢會顛，大叫，狂喊。到而家快20個月仍然唔識講。佢好多情況係介付有但又唔似，無又唔食，所以醫生話再等。我無去協康會，因為有朋友去過，覺得麻麻地。我直接搵左兒童心理學家，一小時2000，見左1.5小時。約左半年後再去。醫生話佢係感統有問題，要多d同佢去公園玩，有幫助

作者: mslala 時間: 15-9-25 00:15 標題: 引用：唔同小朋友玩包括我個女即係佢家姐+唔指野

原帖由 sasasumsum 於 15-09-09 發表
唔同小朋友玩包括我個女即係佢家姐唔指野咩都拖人手去拎去做眼神接觸少唔玩玩具唔識玩模仿遊戲叫佢名 ...

我想問如果小朋友有模仿大人玩嘅行為，例如教佢會模仿餵BB食野同煮飯仔，咁有冇自閉嘅可能？

作者: DENNIS201 時間: 15-9-25 04:01

回覆 mslala 的帖子

唔可以用呢樣野介定
要睇其他主要範疇例如眼神接觸,溝通等情況

作者: dictor 時間: 15-9-25 07:57 標題: 回覆：sasasumsum 的帖子

請問可以pm我上堂的資料嗎?

作者: Loretta529 時間: 15-9-25 15:06

mslala 發表於 15-9-25 00:15
我想問如果小朋友有模仿大人玩嘅行為，例如教佢會模仿餵BB食野同煮飯仔，咁有冇自閉嘅可能？

...

一般都無

作者: Loretta529 時間: 15-9-25 15:08

可能我BB讀國際學校，包容性高D，同埋好多鬼仔都係咁，學校唔覺得我個仔20個月都未識講單字係有問題。佢班上有同學24個月都未識講。

作者: beautytiny 時間: 15-9-25 22:40 標題: 引用：小朋友有對數字同英文字母有特別興趣?有無

原帖由 DENNIS201 於 15-09-09 發表
小朋友有對數字同英文字母有特別興趣?
有無重覆行為?如不停開關門/櫃門?
有無排列玩具?肯唔肯戴帽?玩沙?

小朋友有對數字同英文字母有特別興趣?非常是
有無重覆行為?如不停開關門/櫃門?有時
有無排列玩具? 有
肯唔肯戴帽? 不肯

我仔是否自閉？好擔心

歡迎光臨教育王國 (/)