教育王國
標題: 懇請高人指點：孖胎分開抽，多個機會嗎？ [打印本頁]
作者: cherishbaby 時間: 15-9-7 20:02 標題: 懇請高人指點：孖胎分開抽，多個機會嗎？
本帖最後由 cherishbaby 於 15-9-7 20:20 編輯
我對孖女，每人只有基本15分(兩人均有首名子女分), 本身唔係想入名校，只想多個機會抽中心儀首選小學。身邊朋友話孖胎分開抽可以多個機會，叫我將兩人全部排位相同(當然包括三條一，以備日後叩門), 如果好彩就兩個一齊入，一係就齊齊唔入，各散東西(當然要有依個最壞打算)｡ 如其中一個好彩入到首/較好志願(如：姐姐是幸運兒) ，就帶妹妹去叩門，因為家姐入咗，妹妹叩門成功機會較大。起碼好過兩個綑綁式大抽獎，一個唔好彩抽唔到，兩個一齊去叩門，要學校一齊收嘅機會好微。
或者，分開讀一年，下年妹妹再去考插班，因為姐姐讀緊，妹妹成功機會比小一叩門大啲。
以上諗法唔知有冇錯呢？ 懇請高人指點，萬分感激！
作者: smallyau 時間: 15-9-7 23:00 標題: 回覆：懇請高人指點：孖胎分開抽，多個機會嗎？
好似孖胎大抽獎要填一模一樣！其中一個入，另外一個就可跟住！即多一次機會！對嗎？有無人解答到？
作者: acharsiu 時間: 15-9-7 23:05
份表有個位俾你tick，同時有多於一名子女並填上申請編號，兩人當一人處理。
最好係直接打電話去教育局學位分配組問。
作者: Ryan_baba 時間: 15-9-7 23:17
smallyau 發表於 15-9-7 23:00 
好似孖胎大抽獎要填一模一樣！其中一個入，另外一個就可跟住！即多一次機會！對嗎？有無人解答到？
...
係有兩個選擇。
1）2人同用1個隨機编號抽，只填一份表，兩人選校選擇一樣，必定派同一學校。
2）2人獨立填表，選擇可以相同或完全不同，2人隨機编號唔一樣，有機會派到唔同學校，（正常龍鳯胎至會咁做）
作者: smallyau 時間: 15-9-7 23:49 標題: 引用：Quote:smallyau+發表於+15-9-7+23:00+好似
原帖由 Ryan_baba 於 15-09-07 發表
錯
係有兩個選擇。
作者: yauyingbb 時間: 15-9-8 00:06 標題: 回覆：懇請高人指點：孖胎分開抽，多個機會嗎？
選咗分開，就係分開黎抽。即係可能一個抽到，一個抽唔到。如一個抽到之後，你再去為另一個扣門，你要諗清楚點同學校解釋，點解唔一早一齊抽。
作者: dlee_ca 時間: 15-9-8 00:10 標題: 引用：Quote:原帖由+Ryan_baba+於+15-09-07+發表
原帖由 smallyau 於 15-09-07 發表
如獨立填表，大家填一樣，其中一個入到心儀，另一個唔係可跟住嗎？有錯請指教！thx！
...
作者: Tintin926 時間: 15-9-8 00:14
本帖最後由 Tintin926 於 15-9-8 00:15 編輯
smallyau 發表於 15-9-7 23:49
如獨立填表，大家填一樣，其中一個入到心儀，另一個唔係可跟住嗎？有錯請指教！thx！
...
若獨立便放棄連帶關係
這是同學年孖胎，不是兄姐已就讀的必收生
作者: smallyau 時間: 15-9-8 00:30 標題: 引用：+本帖最後由+Tintin926+於+15-9-8+00:15+編
原帖由 Tintin926 於 15-09-08 發表
本帖最後由 Tintin926 於 15-9-8 00:15 編輯
作者: smallyau 時間: 15-9-8 00:31 標題: 引用：Quote:原帖由+smallyau+於+15-09-07+發表如
原帖由 dlee_ca 於 15-09-08 發表
牛皮燈籠
作者: cherishbaby 時間: 15-9-8 08:54
非常感謝大家意見！其實我身邊不同朋友/同學仔家長都跟我講我孖胎"有著數"﹑多個機會，我一直唔明，點知最近去聽某區名校講座，跟該校主任傾，我話擔心如果兩個小朋友綑綁式一齊抽，結果抽得唔好，兩個一齊叩門，學校好難一齊收，個主任就話，如不幸要叩門，即使孖胎，都會獨立睇，未必一齊收。建議我可以考慮分開抽，即多個機會(每人獨立一個號碼、一個機會), 如果有一個入到，就帶另一個去叩門，佢話佢哋間學校多人爭未必一定收，但其他學校會有機會。
另外，亦可以分開兩個讀一年，第二年再考插班當中心儀/較理想嗰間小學，主任話到時因為有一個讀緊，考插班嗰個學校係"冇得唔收"(即一定要收)｡
我聽完先開始明，點解話孖胎有兩個機會。我都有再打電話問過教育局，孖胎可唔可以分開填(但選擇完全一樣) ，唔綑綁式(表格唔互填對方號碼), 起初職員唔明點解要咁做，佢亦認為冇特別好處，但我話咁會有多一個機會，佢就冇再出聲，只係提醒我，有機會叩門時要向學校解釋，點解唔一齊抽。。。。。。由於只係一間學校嘅主任咁講，唔知實際情况如何？所以希望有經驗人士指導一下。謝謝！
作者: Babyarsene 時間: 15-9-8 09:33 標題: 引用：非常感謝大家意見！其實我身邊不同朋友/同
原帖由 cherishbaby 於 15-09-08 發表
非常感謝大家意見！其實我身邊不同朋友/同學仔家長都跟我講我孖胎"有著數"﹑多個機會，我一直唔明，點知最 ...
作者: 小曳人 時間: 15-9-8 09:44
每件事決定之前，先考慮可承擔後果
option 1，一齊抽，有機會兩個都入唔到入儀學校，但機制下，你已得到兩個同校學位，無保証叩門會收哂兩個
option 2, 分開抽，有機會兩個都入唔到心儀學校，亦有機會一個入到，或兩個都入到，但不能同學校就讀嘅風險相對高得多，無保証叩門或插班要收另一個
如果各下認為一同上學係重要嘅，無可能會考慮2，但如果接受兩個唔同校(e.g. 龍鳳胎)，可以一試，但只怕無運行嗰個會唔開心...
作者: nkf 時間: 15-9-8 09:54
本帖最後由 nkf 於 15-9-8 09:54 編輯
cherishbaby 發表於 15-9-8 08:54
非常感謝大家意見！其實我身邊不同朋友/同學仔家長都跟我講我孖胎"有著數"﹑多個機會，我一直唔明，點知最 ...
唔明白 :
1) 「如果有一個入到，就帶另一個去叩門，佢話佢哋間學校多人爭未必一定收，但其他學校會有機會。」
講完等於無講，考叩門睇面試表現，會因為有孿生姐妹已經收左而機會大啲?
2) 「主任話到時因為有一個讀緊，考插班嗰個學校係"冇得唔收"(即一定要收)」考插班講成績實力，會因為有孿生姐妹在學就一定收?
實務問題，你要考慮點樣分配時間跟兩個小朋友在唔同學校唔同制度既功課/考試/活動問題。
作者: cherishbaby 時間: 15-9-8 10:06
謝謝大家意見！但如二人一齊抽，也有機會一齊抽得唔好，都係要一齊叩門。分開抽(但選校次序完全一樣) 亦有機會一齊中獎。。。。。。一切都係要睇二人運氣。。。做父母真難決定呀！
作者: cherishbaby 時間: 15-9-8 10:31
回覆 nkf 的帖子
(1) 該主任意思係，佢知道有某啲學校係會因為您有一個收咗，而收埋另一個。但佢嗰間係名校，多人爭，就唔會寫包單。
(2) 決定得分開抽，父母一定要承擔最壞後果，就係兩個分開讀，辛苦嘅後果必然要自負。朋友話當然如果大家抽到嘅分別都係較後志願嘅學校，大家一齊去返首志願(相同三條一嘅小學) 叩門又唔成功，就唯有去其中一個抽得較理想嘅學校為另一個叩門，起碼都有得揀，加上如果嗰間係一般嘅非熱門學校，未必會睇三條一，見到有一個收咗，好大機會會肯收另一個叩門，係轉折啲，但都有機會可以同校讀。
作者: cherishbaby 時間: 15-9-8 10:46
本帖最後由 cherishbaby 於 15-9-8 10:47 編輯
回覆 nkf 的帖子
補充一點，當日名校主任，話插班"一定要收", 我都好懷疑，但佢真係笑得好隱晦咁再次答我"我哋係冇得唔收！", 我諗插班當然一定要考試，但可能某程度上係要優先考慮，甚至必收。
後來，我亦去過另一間差不多Level 的小學聽講座，直接問校長，如有一個入咗，校長話另一個叩門就睇情况啦，至於第二年插班都係要考㗎，但佢就冇正面回答是否有較大機會被取錄。
作者: Sbaby 時間: 15-9-8 11:06 標題: 回覆：懇請高人指點：孖胎分開抽，多個機會嗎？
我都係孖。但我唔會分開抽。我一定唔想分開讀。咁可必攪咁多野又唔係一定。如果心態係一定一齊讀。就一齊抽吧。
作者: BBCOW2009 時間: 15-9-8 11:20 標題: 回覆：cherishbaby 的帖子
同意樓主分開抽，如一個好一個唔好，都起碼令唔好那相比其他叩門者多了少少優勢，如萬一叩唔到又真是好想一起讀，咁好那個去叩返另一個那間相對容易。
作者: ylmanhk 時間: 15-9-8 12:35 標題: 引用：同意樓主分開抽，如一個好一個唔好，都起碼
原帖由 BBCOW2009 於 15-09-08 發表
同意樓主分開抽，如一個好一個唔好，都起碼令唔好那相比其他叩門者多了少少優勢，如萬一叩唔到又真是好想一 ...
作者: Babyarsene 時間: 15-9-8 12:44 標題: 引用：+本帖最後由+cherishbaby+於+15-9-8+10:47+
原帖由 cherishbaby 於 15-09-08 發表
本帖最後由 cherishbaby 於 15-9-8 10:47 編輯
回覆 nkf 的帖子
作者: AgapePa 時間: 15-9-8 13:02 標題: 引用：回覆+nkf+的帖子 (1)+該主任意思係，佢知
原帖由 cherishbaby 於 15-09-08 發表
回覆 nkf 的帖子
(1) 該主任意思係，佢知道有某啲學校係會因為您有一個收咗，而收埋另一個。但佢嗰間係名 ...
作者: helenmail421 時間: 15-9-8 13:17 標題: 回覆：懇請高人指點：孖胎分開抽，多個機會嗎？
但你呢個case係因為細路叻而成功叩入定因為有兄弟派咗入去而收佢，who know? 博唔博由家長諗啦！
作者: babyaabb 時間: 15-9-8 13:20 標題: 引用：+本帖最後由+cherishbaby+於+15-9-8+10:47+
原帖由 cherishbaby 於 15-09-08 發表
本帖最後由 cherishbaby 於 15-9-8 10:47 編輯
回覆 nkf 的帖子
我識 twins 考直私（2線），1 個有 offer 另一個 reject , 連 2nd in 也沒有，寫信也冇用，現在真的要分開學校，阿媽啱啱開學睇通告睇到C ! 
作者: 已刪除用戶 時間: 15-9-8 13:30
如果果間學校個主任講到插班必收, 咁你可以搏下一個抽呢間, 一個抽另一間, 就真係兩個機會了
不過我唔認為好多學校有呢個"必收"機制呢
作者: little_yolky 時間: 15-9-8 13:41
cherishbaby 發表於 15-9-8 10:46
回覆 nkf 的帖子
補充一點，當日名校主任，話插班"一定要收", 我都好懷疑，但佢真係笑得好隱晦咁再次答我" ...
如果你唔綑縛, 有九成九既情況會係兩個派唔一樣既學校, 唔一定兩個都好, 或一個好一個唔好, 或兩個都好, 真係要睇運, 但結果大部份情況都係派校唔一樣, 其中一個要叩門。如果你同小朋友做好叩門既心理準備, 你就試試吧, 否則, 你要有心理準備升小一時要教兩份唔同既功課, 執兩個唔同校但同年級既書包, 準備兩個唔同既測考時間, 兩個校曆, 真係諗起都顛。
作者: Babyarsene 時間: 15-9-8 14:13 標題: 引用：Quote:原帖由+cherishbaby+於+15-09-08+發
原帖由 AgapePa 於 15-09-08 發表
我見過幾個孖胎叩門的case, 好似真係有優勢. 原因係兩個去考直資，大仔考到無得抽，另一個抽中地區一線尾， ...
作者: AgapePa 時間: 15-9-8 15:09
cherishbaby 發表於 15-9-8 10:31
回覆 nkf 的帖子
(1) 該主任意思係，佢知道有某啲學校係會因為您有一個收咗，而收埋另一個。但佢嗰間係名 ...
假設某一線津校抽中机會率是30%.
情况1. 兩個都中 : 30% x 30% = 9%
情况2. 一個中, 一個唔中, 要叩門 : 30% x 70% x 2 = 42%
情况3. 兩個都唔中 : 70% x 70% = 49%
如果簡間次熱,抽中机會率是40%.
情况1. 兩個都中 : 40% x 40% = 16%
情况2. 一個中, 一個唔中, 要叩門 : 40% x 60% x 2 = 48%
情况3. 兩個都唔中 : 60% x 60% = 36%
結論 "兩個都唔中" 机會率頗高
作者: ylmanhk 時間: 15-9-8 15:13 標題: 引用：Quote:cherishbaby+發表於+15-9-8+10:31+回
原帖由 AgapePa 於 15-09-08 發表
可以計下或然率睇吓博唔博
假設某一線津校抽中机會率是30%.
情况1. 兩個都中 : 30% x 30% = 9%
作者: yauyingbb 時間: 15-9-8 15:29 標題: 回覆：懇請高人指點：孖胎分開抽，多個機會嗎？
其實這只是作最壞打算去扣門的所謂優勢，事實又是否如此？
一個中，一個唔中，咪又係煩。
我上年都有人同我講孖嘅有著數，因為其他人只睇到好一面，抽到就2個入哂。但扣門對孖黎講係好高難度，除非2個小朋友都非常出色。否則，學校都想收個叻的。
作者: wonglily 時間: 15-9-8 18:00
yauyingbb 發表於 15-9-8 15:29
其實這只是作最壞打算去扣門的所謂優勢，事實又是否如此？
一個中，一個唔中，咪又係煩。
我上年都有人同我 ...
作者: nkf 時間: 15-9-9 09:41
本帖最後由 nkf 於 15-9-9 10:00 編輯
cherishbaby 發表於 15-9-8 10:31
回覆 nkf 的帖子
(1) 該主任意思係，佢知道有某啲學校係會因為您有一個收咗，而收埋另一個。但佢嗰間係名 ...
明白你既擔心憂慮。我個人覺得分開抽唔係一個聰明既做法，有啲捨本逐末，用粗疏計算方法計一計 (有錯指正):
2015年派首三志願有68.2%，參考呢段新聞，http://topick.hket.com/article/6 ... 6%E5%9B%9E%E5%8D%87
減番唔同校網、人口上升、派首二/三志願等等因素，斷估(真係斷估)2016年派首志願有5x%-6x%，我假設有56%，
捨本
A) 一齊抽，
結果可能係 (A1) 抽得好；(A2) 抽得唔好
(A1) 機會率 = 56%；
(A2) 機會率 = 44%
B) 分開抽，
結果可能係 (B1) 兩個都抽得好；(B2) 一個抽得好 + 一個抽得唔好；(B3) 兩個都抽得唔好
(B1) 機會率 = 56% * 56% = 31%
(B2) 或 (B3) 機會率 = 69%
結果係(B2) 或 (B3) 你都頭痕，頭痕機會極高。
結果就算係 (A2) / (B3)，我都覺得都比(B2)好。一齊叩門、一齊求學校收、一齊讀一間唔好既學校都叫做有伴，小朋友情緒問題少啲。
逐末
一個抽得好 + 一個抽得唔好，小朋友感情好一定問點解分開、點解派得差呢類問題，你要處理佢地情緒問題 ，仲要寄望叩門時，學校會有「潛規則」，酌情收埋派得唔好嗰個。仲有之後，跟功課、考試、課外活動呢啲....
如果你揀校排序排得好，唔好太進取，派到首志願再輕鬆啲去叩門，.....
作者: Babyarsene 時間: 15-9-9 11:24 標題: 引用：+本帖最後由+nkf+於+15-9-9+10:00+編輯+\
原帖由 nkf 於 15-09-09 發表
本帖最後由 nkf 於 15-9-9 10:00 編輯
作者: sissysze 時間: 15-9-9 11:32 標題: 回覆：懇請高人指點：孖胎分開抽，多個機會嗎？
二年前叩kln女校小一，1st in見有一對孖女，因為好活潑，好深印象。2nd in只見阿媽帶得一個嚟in, 最後據說應該二個都叩唔到。
作者: cherishbaby 時間: 15-9-9 16:17
非常感激各方意見和分析。由於我兩個小朋友性格好唔同，一個文静、一個活躍，綑綁式選校對佢哋亦未必係好事，加上如抽首志願失敗，相信想揾其他學校肯收晒兩個叩門機會唔大(因為面試都要講天時﹑地利、人和) ，所以我先有此憂慮。
作者: Babyarsene 時間: 15-9-9 17:11 標題: 引用：非常感激各方意見和分析。由於我兩個小朋友
原帖由 cherishbaby 於 15-09-09 發表
非常感激各方意見和分析。由於我兩個小朋友性格好唔同，一個文静、一個活躍，綑綁式選校對佢哋亦未必係好事 ...
我諗你已決定了，祝好運！
作者: cherishbaby 時間: 15-9-9 19:44
回覆 Babyarsene 的帖子
首先多謝您嘅寶貴意見與祝福。冇錯，我兩個小朋友性格好唔同，真係有朋友建議我應該因應佢哋性格分開選校、分開抽，我亦明白分開讀，父母會好辛苦，所以我一直希望揾間中融、唔好太谷，盡量能乎合二人需求嘅學校比佢哋一齊讀，其實我想首選嘅只不過係區內二線學校，聽聞動静皆宜，加上壓力唔算大，所以深得一批唔想太辛苦嘅區內父母垂青，所以即使係二線學校，亦唔一定中獎(因為去年都識人抽唔到) 。正因如此，亦可能我過份悲觀，加上又不懂各項選校數據分析，不懂命中率推算，所以才作以上"最壞打算", 並希望各位同路人/有經驗人事給予意見。
經大家意見分析，我會同老公好好考慮一下(仲有十幾日嘛
), 總之依家盡量走訪、參觀區內所有心儀/非心儀學校，將來即使抽唔中，又叩唔到門，都唔駛對間要入讀嘅學校一無所知。
作者: Babyarsene 時間: 15-9-9 20:30 標題: 引用：回覆+Babyarsene+的帖子 首先多謝您嘅寶貴
原帖由 cherishbaby 於 15-09-09 發表
回覆 Babyarsene 的帖子
首先多謝您嘅寶貴意見與祝福。冇錯，我兩個小朋友性格好唔同，真係有朋友建議我應 ...
希望之後收到你好消息！
作者: bb2 時間: 15-9-9 21:36
分開抽唔見得有咩好處?叩門同插班又唔係必收
....一個好一個唔好又煩,...兩個唔好仲煩....就算好彩兩個都抽得好但唔同學校咪又係煩....何必自尋煩惱
作者: 曲曲 時間: 15-9-11 12:14
提示: 作者被禁止或刪除 內容自動屏蔽
作者: mayyylai 時間: 15-9-11 12:19
回覆 曲曲 的帖子
連叩門機會都冇
作者: kitblack 時間: 15-9-11 13:57
Ryan_baba 發表於 15-9-7 23:17
錯
係有兩個選擇。
作者: Ryan_baba 時間: 15-9-11 15:35
kitblack 發表於 15-9-11 13:57
請問點解龍鳯胎先會咁做既?
作者: siuming23 時間: 15-9-11 16:58
唔明點解小二插班會一定收？
作者: cherishbaby 時間: 15-9-12 10:02
回覆 siuming23 的帖子
哈哈！我都想知，不過可能每間學校情况唔同，我問其他學校又無人咁"肯定式"答我，所以我諗都係因校而異，加上插班﹑叩門都要講天時、地利﹑人和，撞正小二學校冇插班位，就算有兄弟姐妹讀緊都冇用。
作者: mayyylai 時間: 15-9-12 12:08
回覆 cherishbaby 的帖子
我估孖生兄弟 / 姐妹插班入小二嘅機會率同其他人一樣，即係要考試，如果另一個考得唔理想，學校應該都唔收，插班唔同小入申請入學，小一就話有家姐 / 哥哥就必收，插班應該唔會囉，學校一定會揀個叻嘅小朋友，將來升中都有保證啲。
純粹個人諗法。
作者: 曲曲 時間: 15-9-12 12:47
提示: 作者被禁止或刪除 內容自動屏蔽
作者: krw 時間: 15-9-23 07:04
我覺得分開抽既好處係 如果一個抽得好 或者2個都麻麻
媽咪跟功課果陣可以教埋另一個 唔同既課本同notes, 甚至Curriculum可以互補不足
咁2個都可以有最好既education
作者: sissysze 時間: 15-9-23 07:39 標題: 引用：我覺得分開抽既好處係+如果一個抽得好+或者
原帖由 krw 於 15-09-23 發表
我覺得分開抽既好處係 如果一個抽得好 或者2個都麻麻
媽咪跟功課果陣可以教埋另一個 唔同既課本同notes, 甚 ...
作者: krw 時間: 15-9-23 20:01
回覆 sissysze 的帖子
咁兩間完全唔同就冇辦法啦
差唔多咪學深D 或者D NOTES整齊D果個囉
如果唔係 唔同學校既人交換NOTES黎做咩
出面有D補習社都係用呢個方法 俾D學生做多D練習 或者拎D好D既notes咋
不過又真係唔係個個家長都做到既
作者: 李慕白 時間: 15-9-23 21:16 標題: 回覆：cherishbaby 的帖子
提示: 作者被禁止或刪除 內容自動屏蔽
作者: Babyarsene 時間: 15-9-23 21:18 標題: 引用：借問聲，孖胎分開抽，應該係大孖有15分，細
原帖由 李慕白 於 15-09-23 發表
借問聲，孖胎分開抽，應該係大孖有15分，細孖只有10分，因為細孖係第二個，冇左首生既5分，係咪咁？
所以分 ...
作者: 李慕白 時間: 15-9-24 07:50 標題: 回覆：Babyarsene 的帖子
提示: 作者被禁止或刪除 內容自動屏蔽
作者: Naturedoo 時間: 15-9-24 08:33 標題: 回覆：懇請高人指點：孖胎分開抽，多個機會嗎？
我有個同事剛生左對孖女，佢就好搞笑，話俾佢地一個讀國際學校，一個讀津校，到時交替去對方度返學，將兩間學校d課程都學曬⋯我估實操性一定唔大，講笑就得
作者: BBCOW2009 時間: 15-9-24 08:46 標題: 引用：我有個同事剛生左對孖女，佢就好搞笑，話俾
原帖由 Naturedoo 於 15-09-24 發表
我有個同事剛生左對孖女，佢就好搞笑，話俾佢地一個讀國際學校，一個讀津校，到時交替去對方度返學，將兩間 ...
作者: Naturedoo 時間: 15-9-24 09:15 標題: 引用：Quote:原帖由+Naturedoo+於+15-09-24+發表
原帖由 BBCOW2009 於 15-09-24 發表
似樣嗎? 如似的話，不如玩盡啲，每人輪流返，咁國際local一定學哂。
作者: BBCOW2009 時間: 15-9-24 09:23 標題: 回覆：Naturedoo 的帖子
勁! 到時記住叫佢上來EK經驗分享
作者: gsrover 時間: 15-9-24 19:19
AgapePa 發表於 15-9-8 15:09
可以計下或然率睇吓博唔博
假設某一線津校抽中机會率是30%.
情况1. 兩個都中 : 30% x 30% = 9%
作者: fc926 時間: 15-9-25 11:55 標題: 回覆：懇請高人指點：孖胎分開抽，多個機會嗎？
雖然我數學考試成績都唔錯，但我當年就冇咁計算，只是一心一意幫孖女報最心儀嘅學校，一抽就中，齊齊入。
我另外認識一對孖女，佢地有個哥哥，因此孖女非首名子女，父母就幫佢地分開報，一個揀哥哥嘅小學（必收），另一個（據說較有實力）就考私小又抽名津校，最後中獎名津校，孖女分開讀。
| 歡迎光臨 教育王國 (/) |
Powered by Discuz! X1.5 |