教育王國

標題: 成日話悶 [打印本頁]

作者: blackgarlic 時間: 15-9-4 23:50 標題: 成日話悶

我個仔間學校冇功課, 當唔駛上興趣又冇同其他小朋友玩時, 我個仔成日話悶. 佢已經睇好多書, 睇完書之後一無特別活動俾佢消磨時間的話, 佢就好似百無聊賴好悶咁. 我已經俾佢整野食, 間中用電腦, 連我地砌傢俬鑽牆都有叫佢幫手, 我實在冇咁多野可以俾佢做.

你地既小朋友有冇呢個問題? 你地會叫小朋友玩乜野?

作者: lillymarie 時間: 15-9-5 04:07

點解會是你們找事情給他做？讓他自己想想要做甚麼，然後再告訴你們吧。小朋友照計有很多主意的啊！

下次他說悶，你試試問他想做甚麼？問他覺得怎樣才不悶。

作者: celiakids2013 時間: 15-9-5 13:21 標題: 回覆：成日話悶

其實佢地自己好多主意，自己設計遊戲俾自己或俾我地玩，我屋企玩具放在當眼處，隨時可以玩，放假就多去公園，踩單車，游泳。

作者: MASAYA 時間: 15-9-7 11:39

lillymarie 發表於 15-9-5 04:07
點解會是你們找事情給他做？讓他自己想想要做甚麼，然後再告訴你們吧。小朋友照計有很多主意的啊！

下次他 ...

正解，識得自己解悶係人生重要技能，必需學

作者: 小曳人 時間: 15-9-7 16:09

本帖最後由小曳人於 15-9-21 17:33 編輯

我個仔一話佢無嘢做，即係佢想玩電話！

mouth:" />

作者: S-Kwok 時間: 15-9-8 06:52 標題: 回覆：成日話悶

如果佢話諗唔到，就等佢腦袋放空。佢地唔想悶，一定諗到嘢玩

作者: 四隻貓 時間: 15-9-11 16:13

我仔之前都成日話悶, 後來佢自己設計整左本迷宮書, 又狂砌Lego, 近來好少再話悶了.

作者: Radiomama 時間: 15-9-11 19:00 標題: 回覆：小曳人的帖子

哈哈，你真是阿仔肚裏條蟲。

作者: Radiomama 時間: 15-9-11 19:03 標題: 回覆：blackgarlic 的帖子

只有堅持給予空間，不要無端端給電子奶嘴和乜班乜班，他自然會搵事做。幫忙打掃也是好事。

作者: 四隻貓 時間: 15-9-11 23:31 標題: 回覆：Radiomama 的帖子

我仔近來好喜歡幫手抹地。雖然佢抹完塊地好濕，但我地都大力讚佢抹得乾淨，之後佢就更落力了！

作者: ooooohk 時間: 15-9-20 03:45

學樂器，一話悶就叫佢練習。當然要選擇佢自己喜歡的樂器。

作者: S-Kwok 時間: 15-9-21 16:36 標題: 引用：我仔近來好喜歡幫手抹地。雖然佢抹完塊地好

原帖由 四隻貓 於 15-09-11 發表
我仔近來好喜歡幫手抹地。雖然佢抹完塊地好濕，但我地都大力讚佢抹得乾淨，之後佢就更落力了！

...

地下更濕

作者: cocokan2004 時間: 15-9-24 00:20

他需要同伴, 朋友, 搵D人放左學同佢玩. 鄰居, 同學咩人都好, 他要"交流". 沒有老師指導, 只有同輩的互動, 遊戲.

作者: blackgarlic 時間: 15-10-4 00:51

多謝各位意見，我試過既都試左。

佢一星期有2日去上興趣班，其餘時間佢想約同學就去同學度玩。冇約人時佢想去踩單車的話，我同佢踩幾個鐘單車又去公園玩。佢要響花園掘個大窿玩泥我都由得佢，佢玩完之後填番好個窿就得。

佢話玩電腦睇電視就唔係次次有得玩，隔幾日至可以玩一陣電腦。不過次次我用電腦時佢實走埋黎睇我做乜，又用好多籍口去用電腦，不過我多數會拒絕。

佢寫字勁肉酸，叫佢練習寫字，佢好抗拒，有時發脾氣唔肯寫。有時詐諦黎用電腦，話揀字俾佢自己寫。叫佢睇書，佢話睇完.... 叫佢做家務，間中肯做，間中話做乜細佬整亂晒d 野但係要佢執（事實係佢兩個都要執，家務量大家一樣）。

叫佢自己諗野去做，唔好成日望住我用電腦（工作）。佢成日話唔知有乜好做，有時呆坐，有時左右騰黎騰去一陣之後會去玩 lego，細佬響度咪撩細佬鬧交。

上星期放學後我話一齊搭巴士去銀行同埋去玩，佢突然勁發脾氣，喊晒咁掉過書包埋黎話唔想去，之後一支箭咁走左去匿埋喊，攪好耐佢至冷靜番。

唔俾野佢做又唔係，俾又唔係。

作者: lillymarie 時間: 15-10-4 05:51

回覆 blackgarlic 的帖子

另一個可能性，是他想你陪他玩。不是他陪你去做你設計的，而是你去陪他玩他想玩的。
有些人喜歡自己做事，但有些人就喜歡常常有人為伴。

或者試下，下次他對你說悶時，看看有沒有辦法抽時間陪他玩15－30分鐘。忙工作時，就告訴他你正忙著，請他等等，和他約定幾點一齊玩。又或者，攬實他，和他傾下計。

悶，可以有好多意思。可以是無聊，可以是寂寞，可以是心有難過唔開心。

作者: 964000 時間: 15-10-25 09:00 標題: 引用：多謝各位意見，我試過既都試左。佢一星期有

原帖由 blackgarlic 於 15-10-04 發表
多謝各位意見，我試過既都試左。

佢一星期有2日去上興趣班，其餘時間佢想約同學就去同學度玩。冇約人時佢 ...

似有野吾開心想你陪，好似好restless咁

作者: vienchan 時間: 15-11-8 09:42

提示: 作者被禁止或刪除內容自動屏蔽

作者: blackgarlic 時間: 16-1-21 02:24

多謝大家意見，我用盡晒d 方法。

我任佢揀佢鍾意既遊戲一齊玩，佢又話悶或者唔駛我同佢玩。

我唔得閒時叫佢等一等，佢就一pat 野都響梳化度訓，我扮唔理佢佢就照攤響度等時間過，我叫佢自己試諗野玩佢又好似冇動力咁。

佢成曰想玩電腦，又鍾意響我同老公傾正經事時插咀或睇我地d 工作文件。

就算去餐廳，佢見到遊戲角d 遊戲後爆喊，話d 野太簡單唔o岩佢玩。

唔通真係要曰曰安排唔同既興趣班俾佢去消磨時間？

作者: lillymarie 時間: 16-1-21 07:46

回覆 blackgarlic 的帖子

他可能需要一些富挑戰性的活動，一些持續性competitive的活動
例如運動球會、比賽，棋類比賽之類

作者: piglet0529 時間: 16-1-21 10:18 標題: 引用：我個仔間學校冇功課,+當唔駛上興趣又冇同其

原帖由 blackgarlic 於 15-09-04 發表
我個仔間學校冇功課, 當唔駛上興趣又冇同其他小朋友玩時, 我個仔成日話悶. 佢已經睇好多書, 睇完書之後一 ...

我仔睇完書, 會自己畫寫一系列書, 可以提議他

作者: vienchan 時間: 16-1-21 13:49

提示: 作者被禁止或刪除內容自動屏蔽

作者: Pauline_CC 時間: 16-1-21 14:07

本帖最後由 Pauline_CC 於 16-1-21 16:52 編輯

他的數學如何？喜歡奧數嗎？如果喜歡就容易了. 叫他看高一年啲書,如果他識, 再給他看高二年級,..我小朋友便是這樣自學的. 當然有些小朋友會在學校覺得更悶,所以這方法在我小朋友行得通, 在別的可能有反效果.

歡迎光臨教育王國 (/)