教育王國

標題: 仔仔剛評為自閉症譜系(中度），今個月生第二胎了好擔心！ [打印本頁]

作者: newsky 時間: 15-9-4 12:48 標題: 仔仔剛評為自閉症譜系(中度），今個月生第二胎了好擔心！

請問各位媽咪自閉症譜系(中度)係咪都好嚴重？我仔仔兩歲半了仲未識講嘢！只會叫爸爸其他係BB語！唔肯望人十問九唔應！唔聽指令脾氣大時會咬人訓地下！我好擔心佢大個左唔識自理！但醫生話未評估到佢的智力！各位媽咪有無正能量俾到我！第二胎又快出世了！而家壓力好大，各種擔心！前路好迷惘！

作者: T96 時間: 15-9-4 14:05

newsky 發表於 15-9-4 12:48
請問各位媽咪自閉症譜系(中度)係咪都好嚴重？我仔仔兩歲半了仲未識講嘢！只會叫爸爸其他係BB語！唔肯望人 ...

陳錦鴻對兒子從不放棄

http://hk.apple.nextmedia.com/entertainment/art/20150621/19192113

作者: newsky 時間: 15-9-4 15:18

回覆 T96 的帖子

多謝你！希望仔仔會有進步！

作者: DENNIS201 時間: 15-9-4 21:21

排左位未?盡快搵社工安排I,E,S位
兩歲半仲細可以追得好快
但一定要有相關服務加父母每日家居訓練

作者: newsky 時間: 15-9-4 23:40

回覆 DENNIS201 的帖子

排了S位等緊政府其他訓練應該要等幾個月希望快啲排到言語治療！

作者: money82 時間: 15-9-5 00:13 標題: 回覆：newsky 的帖子

如果經濟許可，可以找私人課程上。S位基本要年半。排到都4歲了，錯失了很多黃金時期。

作者: 奀珠 時間: 15-9-5 16:08 標題: 引用：如果經濟許可，可以找私人課程上。S位基本

原帖由 money82 於 15-09-05 發表
如果經濟許可，可以找私人課程上。S位基本要年半。排到都4歲了，錯失了很多黃金時期。

...

同意，我個仔兩歲半响私人機構做評估，要排S位，跟住一路訓練佢，最近去CAC評估，醫生覺得佢唔洗返S位，改排I位或E位(仍在考慮中）。
雖然現在都未識講嘢，但係起碼有intention用言表達(主要係詞語)。
同你情況差不多，當時7個月肚，肚入面嘅又係仔，所以都幾擔心，當時帶阿仔睇醫生做生物療法，醫生叫我食魚油，諗住魚油無壞就照食，有無用就唔知。Anyway，細仔已經6個月，肥肥白白好可愛，不過就唔敢同佢打針，諗住遲啲先算。

作者: newsky 時間: 15-9-5 16:51

回覆奀珠的帖子

請問你俾仔仔食邊隻牌子的魚油？

作者: 奀珠 時間: 15-9-5 17:09 標題: 回覆：newsky 的帖子

阿仔食呢隻，我食呢隻牌子嘅capsule

圖片附件: myphoto.jpg (15-9-5 17:09, 75.55 KB) / 下載次數 9
/forum.php?mod=attachment&aid=NTYxNTR8ZWQ3ZmM5Zjl8MTcyNzE2MDQ5Nnww

作者: rainbow_6 時間: 15-9-5 21:39 標題: 回覆：newsky 的帖子

我個仔2歲，同你仔差唔多。又係唔識講嘢，會咬人訓地，排S同E位。

作者: newsky 時間: 15-9-5 21:52

回覆 rainbow_6 的帖子

有無去做訓練？有進步嗎？一齊加油！

作者: rainbow_6 時間: 15-9-5 22:03 標題: 回覆：newsky 的帖子

評估到而家只係1個月多少少，所有訓練都係排緊隊。而家係上下playgroup，同老婆上BK睇完人哋做乜，自己又跟住做下。

作者: EEFF 時間: 15-9-5 22:22 標題: 引用：Quote:原帖由+money82+於+15-09-05+發表如

原帖由奀珠於 15-09-05 發表
同意，我個仔兩歲半响私人機構做評估，要排S位，跟住一路訓練佢，最近去CAC評估，醫生覺得佢唔洗返S位，改 ...

請問你睇生物療法淨你食魚油? 冇其他補充劑? 咁需唔需要排毒呀?

作者: EEFF 時間: 15-9-5 22:44 標題: 引用：請問各位媽咪自閉症譜系(中度)係咪都好嚴重

原帖由 newsky 於 15-09-04 發表
請問各位媽咪自閉症譜系(中度)係咪都好嚴重？我仔仔兩歲半了仲未識講嘢！只會叫爸爸其他係BB語！唔肯望人 ...

越細個training應該越有作用, 所以盡快揾d堂比小朋友上, 我當時生细妹, 哥哥只有一歲八個月, 又未做評估, 只是自己和老公都開始有少少懷疑佢有d自閉特徵........到佢差不多足两歲時, 評估真的是自閉譜系, 當時日喊夜喊, 失眠,食唔落飯........但諗諗下咁都幫唔到個仔。所以重新出發, 做得幾多就幾多....而家個仔两歲9個月, 雖然仍未識講句子, 但起碼聽得明我講嘅野, 與同齡比較係差好多, 但和佢自己幾個月前比較已經進步左好多。妹妹也剛滿一歲, 精靈可愛, 所以唔洗担心咁多, 照顧身體和快出世嘅BB, 大家一齊加油啦 !!

作者: vincelo29 時間: 15-9-6 01:12 標題: 引用：Quote:原帖由+newsky+於+15-09-04+發表請問

原帖由 EEFF 於 15-09-05 發表
越細個training應該越有作用, 所以盡快揾d堂比小朋友上, 我當時生细妹, 哥哥只有一歲八個月, 又未做評估, ...

我想了解下你兒子現在識講什麼？排緊什麼位？你給予什麼治療？我兩個兒子都係評估為言語社交緩慢，慢同齡9個月，我兒子2歲10個月了，評估時就是2歲半，我亦同你一樣，喊及擔心，不過最後都要努力，否則錯過黃金期

作者: legolas625 時間: 15-9-6 09:33

我仔岩岩3歲，但未到歲半已評估，故走前左你好多步，過來人經驗，自己喊完就要起番身振作，擔心都無用，要盡力幫小朋友，愈快愈好。

作者: newsky 時間: 15-9-6 09:55

回覆 EEFF 的帖子

多謝你！我會努力的！我而家打算生完細B後坐完月, 就全部時間放喺大仔度，如果到時政府治療未排到，唯有揾私家訓練了！各位媽咪有無好介紹？

作者: EEFF 時間: 15-9-6 14:10 標題: 引用：Quote:原帖由+EEFF+於+15-09-05+發表越細個

原帖由 vincelo29 於 15-09-06 發表
我想了解下你兒子現在識講什麼？排緊什麼位？你給予什麼治療？我兩個兒子都係評估為言語社交緩慢，慢同齡9 ...

我仔而家識講嘅野仍然好少, 主要係唔肯主動講, 想要的想做的會拖我埋去嗰樣野度, 但點都唔肯講。但英文字母大小階佢又全部識講又分得出, 亦肯主動講出黎, 我真係冇佢辦法。講英文生字唔知點解會冇哂d尾音, 如mouth, mouse, 佢都會講"mou", kiss佢會講"ki"..........等等。由剛两歲開始在非牟利機構做密集式訓練, 舌針, 和最近两個月開始自己實行介小麥,蛋和奶。

作者: EEFF 時間: 15-9-6 14:11 標題: 引用：Quote:原帖由+EEFF+於+15-09-05+發表越細個

原帖由 vincelo29 於 15-09-06 發表
我想了解下你兒子現在識講什麼？排緊什麼位？你給予什麼治療？我兩個兒子都係評估為言語社交緩慢，慢同齡9 ...

我仔排S位

作者: newsky 時間: 15-9-6 14:15

回覆 EEFF 的帖子

甘你仔仔進步都好大！你仔仔評估嗰陣係咪咩都未識講？真係好想聽個仔叫我一聲媽媽！已經好滿足了！

作者: rainbow_6 時間: 15-9-6 16:43 標題: 回覆：EEFF 的帖子

我都幫個仔介咗奶同旦，小麥未介得清。而家等緊IGg報告。老婆在家訓練佢著衫徐衫等日常自理。你响屋企仲有咩training比小朋友？

作者: vincelo29 時間: 15-9-6 22:46 標題: 引用：回覆+EEFF+的帖子甘你仔仔進步都好大！你

原帖由 newsky 於 15-09-06 發表
回覆 EEFF 的帖子

甘你仔仔進步都好大！你仔仔評估嗰陣係咪咩都未識講？真係好想聽個仔叫我一聲媽媽！已 ...

你仔仔幾多歲？未識叫爸媽？

作者: vincelo29 時間: 15-9-6 22:46 標題: 引用：我都幫個仔介咗奶同旦，小麥未介得清。而家

原帖由 rainbow_6 於 15-09-06 發表
我都幫個仔介咗奶同旦，小麥未介得清。而家等緊IGg報告。老婆在家訓練佢著衫徐衫等日常自理。你响屋企仲有 ...

命左蛋，奶及小麥有什麼幫助？

作者: 奀珠 時間: 15-9-6 23:15 標題: 回覆：EEFF 的帖子

我淨係食魚油，我個仔當然唔只魚油喇。

作者: newsky 時間: 15-9-6 23:48

回覆 vincelo29 的帖子

兩歲半淨係識叫爸爸！

作者: vincelo29 時間: 15-9-7 00:18 標題: 引用：回覆+vincelo29+的帖子兩歲半++淨係識叫

原帖由 newsky 於 15-09-06 發表
回覆 vincelo29 的帖子

兩歲半淨係識叫爸爸！

唔使太擔心，我亦是同路人，我兩個仔仔都係2歲半評他們言語社交緩慢，遲同齡9個月，當時連爸媽都唔識叫，連要，食，我，等字句都無，我都有傷心擔心過，講真到今日為止我都有喊，不過喊完要再安排治療訓練，唔好錯過黃金期，我即搵私人言語治療師治療，回家自己訓練，不斷同他們講野，形容週圍物件，再安排早期啟導課程，又回家訓練，鼓勵他們重讀n班，與學校配合，他們現在已進步一點點，只是訓練左3個幾4個月的時間，他們已識主動叫爸媽，無當我們的手指係工具，自己手指指，識主動問我們取水，麵包，奶，識自己食飯，玩完玩具自己拾起收埋，帶去廁所識如廁，識同人打招呼及說再見，識穿鞋除鞋除襪，用杯飲水等，所以你唔使灰心，俾心機訓練，許可的話與家人齊齊訓練，加油

作者: rainbow_6 時間: 15-9-7 07:48

回覆 vincelo29 的帖子

奶就想佢介好耐，覺得阿仔都食大人飯，咁就咪鬼食奶。
阿仔之前幾次肚痾睇醫生，都話佢可能消化唔到乳糖。我自己都唔係好飲得奶。
BK好多人都話A仔對呢3寶敏感，嚴浩D書都有叫人介。咁咪試下有冇幫助。只係介咗幾個禮拜，都唔知係咪WORK.

作者: newsky 時間: 15-9-7 09:58

回覆 vincelo29 的帖子

多謝你的分享！甘正面的例子, 的確讓我安心多了！媽媽你好叻，仔仔進步甘大！一齊加油！

作者: vincelo29 時間: 15-9-7 11:51 標題: 回覆：仔仔剛評為自閉症譜系(中度），今個月生第二胎了好擔心！

今日我們去左領思做職業治療評估，治療師話小肌唔係好差，不過需要做感統訓練！

作者: rainbow_6 時間: 15-9-7 12:34 標題: 回覆：newsky 的帖子

加油，你都可以的。
我仔評估前差唔多乜都唔識。
而家老婆教到識用手指指要的東西，識用開口杯飲水，自己食飯，除鞋放返好等。

作者: faichai2001 時間: 15-9-7 18:52 標題: 回覆：仔仔剛評為自閉症譜系(中度），今個月生第二胎了好擔心！

我囝今日啱啱去完兒童評估中心，現在2歳4個月，醫生評估話有自閉症，不過無講咩程度，只糸話程度去到一歲😭
只糸間中叫爸爸，嗲嗲，識飛吻，間中講拜拜，要攞野時只識捉住我地隻手拖我地去攞，唔識指。但我哋同佢講野，大部分明白，不過有時聽指令，有時唔聽。
醫生叫我地排住特殊幼兒教育，聽到已經眼涙流出左。以及叫我哋俾錢出去做訓練。
我囝剛剛返左幾天PN班，依家真系好驚好無助又晤知點算，
另外，請問什麼糸A仔？什麼糸S位&I位
由於對自閉症認識唔多，真糸請見諒

作者: newsky 時間: 15-9-7 20:17

回覆 faichai2001 的帖子

一個月內應該有醫務社工搵你！到時會幫你安排S位 S位係特殊幼兒中心我仔仔都係S位！但一般要等一年以上所以有能力最好揾私家訓練！因為政府治療都要等幾個月！我八月尾見左社工、而家都等緊！我其實一開頭都好擔心！但現階段唯有調整好自己的心情去接受呢個事實！呢度好多同路人睇多啲正面的例子心情會放鬆啲！一齊加油！

作者: HopeLJ 時間: 15-9-7 22:42 標題: 回覆：仔仔剛評為自閉症譜系(中度），今個月生第二胎了好擔心！

如有經驗能力，去私人密集訓練開始，起碼有個方向，同谷各方面不同問題。有口碑的包括邁步丶樂天、領思。約8-9000一月，半天星期一至五。之後再慢慢研究不同治療，傳統如針灸又有，另類如生物治療又有。

作者: HopeLJ 時間: 15-9-7 22:42 標題: 回覆：仔仔剛評為自閉症譜系(中度），今個月生第二胎了好擔心！

經濟能力（不是經驗能力，打錯了不好意思）

作者: vincelo29 時間: 15-9-7 22:47 標題: 引用：我囝今日啱啱去完兒童評估中心，現在2歳4個

原帖由 faichai2001 於 15-09-07 發表
我囝今日啱啱去完兒童評估中心，現在2歳4個月，醫生評估話有自閉症，不過無講咩程度，只糸話程度去到一歲&# ...

我十分明白你現在的感受，我四個月前同你一樣，仔仔當時2歲半，行為與你的小朋友一樣，我仲擔心過你，我係孖仔，兩個都係咁，真係好傷心，好不知所措，不過真係有能力去搵私人言語治療師訓練，在家自己要多訓練，若學校能接受的話，可以與學校商量，互相配合，醫生有沒有給你們傷殘資助？可以幫補下！

作者: lkube 時間: 15-9-7 23:17 標題: 回覆：faichai2001 的帖子

Dr有冇批津貼俾你地？

作者: lkube 時間: 15-9-7 23:21 標題: 回覆：仔仔剛評為自閉症譜系(中度），今個月生第二胎了好擔心！

照計批s位應該會批埋津貼，挈補下好過冇，上堂全部都係錢錢錢

作者: w_love_J 時間: 15-9-8 22:43 標題: 回覆：仔仔剛評為自閉症譜系(中度），今個月生第二胎了好擔心！

我仔而家3歲，20個月時被評自閉傾向，排e位。其實當時心理學家有話如果跟評估結果係排s的，因為佢唔合作，但後黎傾過都係排e先，再睇下li年有冇進步。

其實咁早發現個仔有問題係因為佢情況都幾worse。當時唔識講野（只叫爸爸波波，其餘bb話）、唔望人、成日發脾氣、固執、唔理小朋友、有人搶佢野會咬人...自己諗番都覺得好嚴重。

但傷心過後就回歸現實，要處理問題。我私人評估完即刻正苦排位，排協康密集、搵私人3T, 返N班，針灸，每個星期六日去街玩接觸多d世界...時間同金錢負擔到既我都會試同做，因為我唔想錯過黃金時間。

一年多時間過去，今日3歲既佢同普通小朋友依然有距離，但進步左好多。大小肌同同年齡差不多，語言落後3個月至半年，有少少對答，表達到自己喜惡（用句子）、睇圖卡講到一句既內容；認知方面，唱數唱到100，counting就做到1-20，顏色識十幾種，中文字認到大約15個，高矮大小多少形狀無問題；自理方面識自己著/除褲、鞋襪，衫就識除；自己用杯飲水、自己食飯...

連本身俾我排到協康既密集，3T老師都話佢唔需要了，只需keep住3T訓練就可以。

當然，社交、固執行為同適應力都仲未得，仲有好長既路要去跟，唯有俾佢接觸多d小朋友去學習。

我想講既係，小朋友可變空間好大，要相信佢地既能力，佢地需要既係父母既幫助，唔好令到自己後悔！老實講我都唔知邊樣野先係真正最有效，但我相信每樣野都有佢既幫助喺當中，一齊努力！

作者: 奀珠 時間: 15-9-8 23:57 標題: 回覆：EEFF 的帖子

我自己無食其他supplement, 阿仔就梗係N咁多隻喇。未開始排毒。

作者: vincelo29 時間: 15-9-9 07:29 標題: 引用：我仔而家3歲，20個月時被評自閉傾向，排e位

原帖由 w_love_J 於 15-09-08 發表
我仔而家3歲，20個月時被評自閉傾向，排e位。其實當時心理學家有話如果跟評估結果係排s的，因為佢唔合作， ...

你的分享令我有信心繼續訓練我兩個仔仔，多謝你，你仔仔返n班係全日制？你排到e位未？

作者: rainbow_6 時間: 15-9-9 11:54 標題: 回覆：w_love_J 的帖子

你個仔好叻，他長大會知道你的苦心。加油。希望大家的兒女都有這樣的進步。

作者: wingrio 時間: 15-9-9 12:56

回覆 EEFF 的帖子

點解要介奶??

作者: ping0808 時間: 15-9-10 09:52 標題: 回覆：newsky 的帖子

我的情況同你差不多，哥哥二歲幾（一路排政府 / 一路去耀能上堂密集式訓練，每天三小時）
哥哥之後排到兼收位，到現在升小一。各方面都進步不少。如果有能力，去揾有關機構比佢上堂一路等政府支援，真的越細個做訓練越好。
最好父母有時間都可以陪上堂。去學習埋教導方法。家裡也一齊訓練更加好。

我嗰時跎細佬都有擔心，但見哥哥唔發脾氣時又好可愛，之後都冇諗咁多。（細佬冇嘢）
其實我家細佬脾氣仲臭又硬頸，仲難教😣😣
我覺得，教小朋友有冇自閉都要耐性及愛心。

小孩打人發脾氣，有很大原因喺因為表達唔到。試下下次發生時，找找原因。找到原因再教導佢正確的表達方法。久而久之，你會發現佢發脾氣次數減少。

加油呀！

作者: ping0808 時間: 15-9-10 10:07 標題: 引用：我的情況同你差不多，哥哥二歲幾（一路排政

原帖由 ping0808 於 15-09-10 發表
我的情況同你差不多，哥哥二歲幾（一路排政府 / 一路去耀能上堂密集式訓練，每天三小時）
哥哥之後排到兼收 ...

評估後本來係排ES位，排左一年及上左差唔多一年密集式課程，老師及治療師都覺得唔係咁差，所以寫信去申請轉 I位，之後就入咗兼收位。

作者: newsky 時間: 15-9-10 11:59

多謝各位靚靚媽咪的分享！希望仔仔們都會有進步！條路仲好漫長…… 生完呢一胎, 要專注喺大仔訓練度！一齊加油！

作者: apple~y 時間: 15-9-10 13:41

本帖最後由 apple~y 於 15-9-10 13:41 編輯

放心,我大仔係a仔番特殊學校
細囡捱捱下今年4age了,活潑精靈,有點小聰明
仲教番哥哥講野

作者: w_love_J 時間: 15-9-10 13:57 標題: 引用：Quote:原帖由+w_love_J+於+15-09-08+發表我

原帖由 vincelo29 於 15-09-09 發表
你的分享令我有信心繼續訓練我兩個仔仔，多謝你，你仔仔返n班係全日制？你排到e位未？

...

我仔返半日N班，其他時間就去訓練、針灸同上少少興趣班。至於e位，到而家佢36個月都未排到

，所以父母可既一定要搵方法自同佢訓練！

作者: vincelo29 時間: 15-9-10 15:08 標題: 引用：我的情況同你差不多，哥哥二歲幾（一路排政

原帖由 ping0808 於 15-09-10 發表
我的情況同你差不多，哥哥二歲幾（一路排政府 / 一路去耀能上堂密集式訓練，每天三小時）
哥哥之後排到兼收 ...

我都係兩歲半評估有言語社交緩慢，慢9個月，我排緊i位，我沒有給予密集式訓練，我自己安排每天去訓練半日，返半日n班，這幼稚園就幾來的i位，等他們易適應，他們訓練了4個月，前天去私人機構評估又唔係好差，只是安排感統！

作者: faichai2001 時間: 15-9-11 14:52 標題: 引用：我仔而家3歲，20個月時被評自閉傾向，排e位

原帖由 w_love_J 於 15-09-08 發表
我仔而家3歲，20個月時被評自閉傾向，排e位。其實當時心理學家有話如果跟評估結果係排s的，因為佢唔合作， ...

什麼叫3T訓練？謝謝

作者: T96 時間: 15-9-11 15:49

faichai2001 發表於 15-9-11 14:52
什麼叫3T訓練？謝謝

OT 是職業治療
PT 是物理治療
ST 是言語治療

作者: faichai2001 時間: 15-9-11 23:51 標題: 引用：Quote:faichai2001+發表於+15-9-11+14:52+

原帖由 T96 於 15-09-11 發表
OT 是職業治療
PT 是物理治療
ST 是言語治療

Thanks

作者: Jcat 時間: 15-9-18 12:58

好明白你, 我都差不多, 在細B出世後就發現大仔有自閉的徵狀, 當時佢未夠兩歲.
佢初初都係要做言語, 職業和社交training (一路排政府, 一路自己私家機構train). 現在升小一了, 讀主流都無問題.
所以你都要加油呀, 孩子咁早識別, 就可以把握到黃金時期, 事半功倍架. 佢地會進步得好快. 加油!

作者: Lingyau1221 時間: 15-11-9 12:53 標題: 回覆：newsky 的帖子

其實識叫爸爸已經是識講嘢，你要珍惜佢

歡迎光臨教育王國 (/)