教育王國

標題: 金巴倫幼稚園 [打印本頁]

作者: Princess999 時間: 15-9-2 16:38 標題: 金巴倫幼稚園

想問下呢間幼稚園好唔好？Happy school?老師好嗎？

作者: maniris 時間: 15-9-6 00:16 標題: 回覆：Princess999 的帖子

參考如下

1)報名時學費話每月$3300，讀K1時變咗$3800，讀K2加到$4300，唔知下年要幾多。即每年每月加$500，每年加15%

2)話比選擇買定唔買要定唔要。其實要攪一大餐，才比唔要，例如先收錢，後退錢。

3)用課堂設加錢補習班

4)比想像多功課

5)校車費較別的同區去九龍塘貴

6)約17-18元一餐茶点

作者: helenmail421 時間: 15-9-6 07:47 標題: 回覆：金巴倫幼稚園

所以荼點自備，自己接送，校服唔買校褸，慳返d

作者: kiki826 時間: 15-9-6 15:51 標題: 回覆：金巴倫幼稚園

除左費用，學術同師資好嗎？

作者: JCMW 時間: 15-9-7 00:27 標題: 回覆：金巴倫幼稚園

我已報左名！

作者: dinling 時間: 15-9-7 07:59 標題: 回覆：金巴倫幼稚園

雜費半年幾錢？

作者: cathleenli_0704 時間: 15-9-7 09:25 標題: 回覆：金巴倫幼稚園

我是用家，小朋友今年讀k 1....我覺得師資好好，我個仔讀pn時無主動拎功課出黎做但金巴倫令佢可自動自覺！！仲有普通話老師都比我預期中好，小朋友學左好多普通話同不抗拒普通話(pn係超唔鐘意)最後，net teachet 英文方面都教得比較深，囝囝返左差不多一個月，認識左好多生字，同整句表達!因為佢地每日星期都會帶件物品返去進行show and tell....每日都有功課，但唔算好多，學校著重親子做功課。。我覺得你想讀有返禁上下既學校，依d價錢係正常！！！當然我開頭俾錢都覺得貴，但之後讀落物有所值！！！但茶點黎緊都自己帶

ps:我不是打手

作者: maniris 時間: 15-9-7 09:30 標題: 回覆：dinling 的帖子

K1第一個學期$1800，K2第一個學期$2800，沒有說明多了$1000原因，只叫家長交錢先，待家長交完錢才發現對比同期多了$1000向學校詢問，才話因今年多了三樣嘢，其中一項是蒙特利教具。
最初話此教具要留在學校用，但K2完卻不會給家長，於是學校在家長和教署壓力下才正式再出一份正式$2800的詳細内容(不包括每項價錢，及用英文字眼為那教具是在家用)，和寫明每項可自由選擇，但其實錢已交，學校再出退錢支票給有關家長。勁煩!

用課堂時間加插加錢補習班。過份!

校長囡入侵學校行政，有較多新嘢攪，

K1有好多老師走了(包括兩個外藉老師，當回三新外藉老師，加仍有兩個舊外藉老師)

作者: maniris 時間: 15-9-7 09:44 標題: 回覆：kiki826 的帖子

學術0K嘅!

作者: billying 時間: 15-9-7 09:44

回覆 maniris 的帖子

用課堂時間加插加錢補習班?
唔係放學之後再上多1個鐘?

作者: ozduckie 時間: 15-9-7 10:04 標題: 引用：K1第一個學期$1800，K2第一個學期$2800，沒

原帖由 maniris 於 15-09-07 發表
K1第一個學期$1800，K2第一個學期$2800，沒有說明多了$1000原因，只叫家長交錢先，待家長交完錢才發現對比 ...

又係你，你由報名金巴倫，到面試，到依家K2都不停鬧金巴倫，其實點解你唔轉校呢？定根本轉唔到校被迫留低繼續讀又繼續鬧？
請問學校邊有用課堂時間上收費補習班？請提供証據！學校的所有課外活動都係上午班放學後和下午班上課前上的，完全冇影響過正常上課時間，亦冇強迫性參加！

作者: AJH 時間: 15-9-7 10:45 標題: 回覆：maniris 的帖子

兩年前由報名收表嗰日開始已經有睇過你嘅post, 兩年後你都仲鬧緊學校種種不是，所以想請教吓學校有咩優勢，令你到今時今日仲未替你小朋友轉校？

作者: daisylhn 時間: 15-9-7 11:02 標題: 回覆：金巴倫幼稚園

作為用家，感想如下：
good：
1. 不計派位，這幾年考直私同叩門都不錯，計番百分比不差過名幼！聽老師講，沙田某一名津，10個叩門位有5個比了SN學生！

2.今年開始學校是（好似美國）註冊的蒙特梭利教育學校，雜費相信有一大部分用了來增添這方面教材和老師訓練。蒙氏教育花費不少雖不是全蒙，但見學校這方面做多了，其實很欣賞。

3.學校大部分老師都很好、有愛心，K2一班都仍是20人左右，分四組，我覺得人數比例合適。

4. 英文不錯，家無英文語境，但小朋友會講些句子、唱Phonics歌

5.校長積極進取，和一些較受歡迎的小學合作交流，相信對小學叩門和考小一有幫助。

room to be improved:
1. 最多是和錢有關--學費加得太快，由申請入學$33XX到第一年交$38XX到第二年交$43XX，意想不到加得咁多

2.雜費多：不計校服，今年雜費半年$2800、未計旅行、聖誕聯歡、畢業活動等等使費。

3. 校車安排：相信好多間幼在這方面都麻麻，今年加價兩成幾

其他意思：
1.功課：K1每日一版，假期2-3版；下學期開始寫字；每學期尾有評估，家長日時會派番成績表和評估卷，大概知小朋友進度。
K2每日2-3版，但無堂課時間，要家長在家教小朋友寫字。

2.中文相對谷的幼是較淺，功課量不算多（K1一版就6個字、K2上學期約10個字）

3. 有好多課外活動、教材、講座，可選擇會否參加。今年加了由英及普老師教的補習班，由上午至下午都有，話就話在空堂教，但有擔心用了平日上堂的時間。

4. 校長個女上緊位，相信來緊課程會有變動

作者: ozduckie 時間: 15-9-7 11:12 標題: 引用：K1第一個學期$1800，K2第一個學期$2800，沒

原帖由 maniris 於 15-09-07 發表
K1第一個學期$1800，K2第一個學期$2800，沒有說明多了$1000原因，只叫家長交錢先，待家長交完錢才發現對比 ...

雜費方面，我想講下個真實情況。
今年雜費比去年的確多左$1000，原因係多左Cambridge 故事書計劃、假期作業、一盒蒙特梭利教具和一些上課時要用的物品。因為這些係學校覺得對小朋友的學習有幫助的。
但由於費用加左，就引起一班家長不滿，所以學校就提供雜費的明細表。大部分家長睇完明細表知道係因為項目多左而加價就再沒有意見。但仍有少部分家長堅持覺得雜費上的某些物品自己唔喜歡or 自己覺得冇用而堅持唔買。校長為平息這少部分家長的不滿就同意家長可以自己考慮減除部分項目，學校逐一退款。

作者: 99dogdog 時間: 15-9-7 11:18 標題: 引用：Quote:原帖由+maniris+於+15-09-07+發表K1

原帖由 ozduckie 於 15-09-07 發表
又係你，你由報名金巴倫，到面試，到依家K2都不停鬧金巴倫，其實點解你唔轉校呢？定根本轉唔到校被迫留低繼 ...

我由報SN前開始都有睇過佢啲post, 不停重覆鬧鬧鬧，我身邊有用家所以知道完全唔係果回事，佢係將個少少弱點（每間學校都有強弱地方）無限放大！我去過SN open day同interview, 感覺好好，雖然我最後選了另一間，但呢間都係我心水選擇！如果咁唔鍾意，點解要讀落去「貼錢買難受」？
利申：唔係SN家長亦唔係打手

作者: maniris 時間: 15-9-7 12:16 標題: 回覆：99dogdog 的帖子

既然你選擇唔响金巴倫讀，就唔知内部情況，我只想學校有好善才反映，如果盲目地支持愛佢反以害佢，唔信我，可以入去九龍城區->金巴倫幼稚園->現用家意見睇睇吧! 我都想人哋一聽我仔在那裏讀，投而羡慕眼光呢!、

作者: billying 時間: 15-9-7 12:16

daisylhn 發表於 15-9-7 11:02
作為用家，感想如下：
good：
1. 不計派位，這幾年考直私同叩門都不錯，計番百分比不差過名幼！聽老師講， ...

3. 有好多課外活動、教材、講座，可選擇會否參加。今年加了由英及普老師教的補習班，由上午至下午都有，話就話在空堂教，但有擔心用了平日上堂的時間。

請問點解你覺得會用左平日上堂時間? 好擔心........

作者: daisylhn 時間: 15-9-7 12:31 標題: 引用：Quote:daisylhn+發表於+15-9-7+11:02+作為

原帖由 billying 於 15-09-07 發表
3. 有好多課外活動、教材、講座，可選擇會否參加。今年加了由英及普老師教的補習班，由上午至下午都有，話 ...

因佢個補習時間由上午11點幾、12點幾、1點幾2點幾都有⋯⋯2-3人一班，前後成6-8個時段，好難唔令人擔心⋯⋯

作者: billying 時間: 15-9-7 12:35

回覆 daisylhn 的帖子

我以為11點幾D時間係比下午班咋..........我小朋友返上午班, 我報左12:15-1:15班比佢

作者: ozduckie 時間: 15-9-7 12:42 標題: 引用：Quote:原帖由+billying+於+15-09-07+發表3.

原帖由 daisylhn 於 15-09-07 發表
因佢個補習時間由上午11點幾、12點幾、1點幾2點幾都有⋯⋯2-3人一班，前後成6-8個時段，好難唔令人擔心⋯⋯ ...

係用英文老師的空堂時間教，不是用小朋友的空堂時間，小朋友返學得三小時邊有空堂時間？另外學校請左位男外籍老師專教呢個補習班的。

作者: daisylhn 時間: 15-9-7 13:16 標題: 引用：回覆+daisylhn+的帖子我以為11點幾D時間

原帖由 billying 於 15-09-07 發表
回覆 daisylhn 的帖子

我以為11點幾D時間係比下午班咋..........我小朋友返上午班, 我報左12:15-1:15班比 ...

學校是話用空堂時間，但唔知佢一個時段會開幾班，學校NET又唔係多，先有咁嘅擔心。

作者: JCMW 時間: 15-9-8 21:22 標題: 引用：Quote:原帖由+maniris+於+15-09-07+發表K1

原帖由 ozduckie 於 15-09-07 發表
又係你，你由報名金巴倫，到面試，到依家K2都不停鬧金巴倫，其實點解你唔轉校呢？定根本轉唔到校被迫留低繼 ...

我都想講，佢係紅人，新手都知😂😂！

作者: MissMusic 時間: 15-9-8 23:08 標題: 引用：Quote:原帖由+ozduckie+於+15-09-07+發表又

原帖由 99dogdog 於 15-09-07 發表
我由報SN前開始都有睇過佢啲post, 不停重覆鬧鬧鬧，我身邊有用家所以知道完全唔係果回事，佢係將個少少弱點 ...

Sn幾時會有open day ga?i want to go...

作者: 99dogdog 時間: 15-9-9 04:40 標題: 引用：Quote:原帖由+99dogdog+於+15-09-07+發表我

原帖由 MissMusic 於 15-09-08 發表
Sn幾時會有open day ga?i want to go...

去年和今年都係五月頭

作者: MissMusic 時間: 15-9-9 07:12 標題: 引用：Quote:原帖由+MissMusic+於+15-09-08+發表S

原帖由 99dogdog 於 15-09-09 發表
去年和今年都係五月頭

Thanks.

作者: hippoo 時間: 16-3-18 21:11

用課堂時間加插加錢補習班。過份!

作者: lamhoilam 時間: 16-3-18 22:07 標題: 引用：Quote:原帖由+billying+於+15-09-07+發表回

原帖由 daisylhn 於 15-09-07 發表
學校是話用空堂時間，但唔知佢一個時段會開幾班，學校NET又唔係多，先有咁嘅擔心。

...

就咁聽（唔知有冇理解錯），用老師空堂時間，教收學費的班，學校都用得老師幾盡下。啲老師會否太勞累，影響正常上課質素？

作者: HappyCheerBaby 時間: 16-3-18 22:53

maniris 發表於 15-9-6 00:16
參考如下

1)報名時學費話每月$3300，讀K1時變咗$3800，讀K2加到$4300，唔知下年要幾多。即每年每月加$500 ...

點解間學校攪到咁商業味度咁重呢？

作者: crystalupala 時間: 16-3-20 18:33 標題: 回覆：金巴倫幼稚園

我係用家，講返個中肯意見，初初來interview係感覺良好，校長又好似同好多小學有良好關係咁，到返左學都覺得課程同程度都幾適中，優點：小班、日日有NET教英文、內地人老師教普通話、用Montessori教具教自理同數學。但無可否認，學校係俾人撿財既感覺，成日搞好多野係要收費，當然你可以唔參加，但通常都會想小朋友可以同同學仔一齊參與，都係會參加，如在酒店辦聖誕Variety Show連自助餐，每位收費$380，小朋友都要買飛，都明既，計返cost佢都應該唔算食水深，但有無需要咁樣晌酒店搞呢？又話搵左製作公司錄影成個show，訂果隻DVD又百幾蚊。又例如於3個星期六舉行Montessori工作坊，教家長用教具，我覺得好，亦想學，方便了解小朋友在學校學左咩，返屋企都可以跟返俾佢練習，$300一堂，即是$900三堂，唔緊要，上堂要交學費都合理。上堂果日見都好多家長報，點知教既係學校自己老師（正確係課程發展總監，係佢開始推Montessori), 咁就令人覺得有點那個囉！

作者: crystalupala 時間: 16-3-20 18:33 標題: 引用：Quote:原帖由+daisylhn+於+15-09-07+發表學

原帖由 lamhoilam 於 16-03-18 發表
就咁聽（唔知有冇理解錯），用老師空堂時間，教收學費的班，學校都用得老師幾盡下。啲老師會否太勞累，影響 ...

我有覺得chur得老師幾盡

作者: Lindytiger 時間: 16-3-21 16:01 標題: 回覆：crystalupala 的帖子

剛剛路過見到呢個topic, 想分享小小。我因為工作關係同好多幼稚園、小學有往來，平心而論呢間學校真係好睇重金錢、利潤。而佢地既Montessori 教學暫時都唔稱得上專業。非喜勿插

作者: crystalupala 時間: 16-3-21 17:40 標題: 引用：剛剛路過見到呢個topic,+想分享小小。我因

原帖由 Lindytiger 於 16-03-21 發表
剛剛路過見到呢個topic, 想分享小小。我因為工作關係同好多幼稚園、小學有往來，平心而論呢間學校真係好睇 ...

所以我作為用家唔係覺得間學校唔好，小朋友都返得開心，但就確係幾撿財囉～至於Montessori, 佢的確唔係一間Montessori school, 只係有融入Montessori元素，同用教具教數學、幾何、生活技能等，咁我作為家長覺得幾好既，坦白講，全Montessori幼稚園晌香港未必最適合既。我相信家長幫小朋友報得呢間學校都應該唔係為左Montessori approach

作者: aa1014 時間: 16-3-25 00:36 標題: 回覆：Princess999 的帖子

提示: 作者被禁止或刪除內容自動屏蔽

作者: angie0828 時間: 16-3-28 21:02 標題: 引用：想問下呢間幼稚園好唔好？Happy+school?老

原帖由 Princess999 於 15-09-02 發表
想問下呢間幼稚園好唔好？Happy school?老師好嗎？

好耐冇睇post, 因大女已p2，细仔k2，我大女是用家，我認為sn的老師們十分十分好，對小朋友十分關愛，小女十分喜愛學校老師，十分有歸屬感，程度方面我覺得很不錯，起碼現在小女在九龍塘可能算B1小學也可以名列前茅(雖然冇名次，但一定知佢約莫位置)，缺點一定是較商業！但作為現今社會咁利益，付出了$有幾多回報先，我覺得回報好合理！總括而言，付出左是值得，除非你有其他一線kG offer可再考慮！不過也是幸福的煩惱

祝好運

作者: 新人物 時間: 16-3-30 05:59 標題: 引用：回覆+daisylhn+的帖子我以為11點幾D時間

原帖由 billying 於 15-09-07 發表
回覆 daisylhn 的帖子

我以為11點幾D時間係比下午班咋..........我小朋友返上午班, 我報左12:15-1:15班比 ...

唔好意思，我想問下你小朋友幾點開始食午餐？

因為我個小朋友放12:00，返得屋企都差不多1:00先開始食，你仲要返到1:15⋯⋯

作者: Ee2012 時間: 16-4-9 11:12 標題: 回覆：金巴倫幼稚園

我有金巴倫男仔全新夏季校服。有意請pm

作者: hebe2010 時間: 16-4-13 20:12 標題: 引用：想問下呢間幼稚園好唔好？Happy+school?老

原帖由 Princess999 於 15-09-02 發表
想問下呢間幼稚園好唔好？Happy school?老師好嗎？

唔happy. 呢二年要谷上位深左，
好多開支要俾，幾重皮，聽聞有謝師宴添

作者: 大埔之友 時間: 16-4-13 21:41 標題: 引用：Quote:原帖由+Princess999+於+15-09-02+發

原帖由 hebe2010 於 16-04-13 發表
唔happy. 呢二年要谷上位深左，
好多開支要俾，幾重皮，聽聞有謝師宴添

...

雜費幾多錢?

作者: puichingforsure 時間: 16-4-14 10:20

提示: 作者被禁止或刪除內容自動屏蔽

作者: Cutekillq 時間: 16-4-15 00:13 標題: 引用：Quote:Lindytiger+發表於+16-3-21+16:01+剛

原帖由 puichingforsure 於 16-04-14 發表
Would you mind using your professional knowledge to give us some ideas which kindergartens or even p ...

有朋友sn用家分享，sn 生日會家長已提供蛋糕，各小朋友亦自攜零食，但雜費單仍收取一筆生日會費

另外蒙教具其實可學校share用，但就要求每學生一份（木條）....

歡迎光臨教育王國 (/)