教育王國

標題: 亞氏小朋友適唔適合有細佬妹？ [打印本頁]

作者: aazz 時間: 15-8-27 14:47 標題: 亞氏小朋友適唔適合有細佬妹？

本帖最後由 aazz 於 15-8-27 15:00 編輯

囡囡就快升K3，最近check到她屬於高功能自閉。
學術我唔需擔心的太多，但性格真是好自我好固執。

原本打算再生多個，但現在需要再考慮清楚。

想請問亞氏的小朋友适合有細佬妹嗎？同細佬妹相處會不會都有問題。
亦或有細佬妹會她有幫助，可以幫助改善他們的交際？

另外亞氏小朋友都需要更多關顧，唔知夠唔夠精力再湊多個。。。

作者: Activehealth 時間: 15-8-27 17:07

根據美加2011年硏究指出，自閉症兒童有兄姊同樣有自閉症的比率比其他”正常”（neuro-typical)的兒童高18.7%。

硏究指出遺傳可能是其中一個因素（不是直接遺傳）。
研究不是鼓勵父母不再生育，而是若有自閉兄姊的幼孩，被發現有自閉傾向就必須多加留意，預早檢查及接受治療訓練。

話說回來，大吉利是講句，若下個也跟囡囡差不多，你們接受到嗎？

作者: yannietimb 時間: 15-8-27 19:29 標題: 回覆：亞氏小朋友適唔適合有細佬妹？

不知道你囡囡亞氏是否比較嚴重，還是只輕微，我姨甥女都係呢類小朋友，但不算嚴重的，係有焦慮同固執，有弟弟絶對能幫到佢社交，兩姊弟雖然都成日打鬧，但又真係好愛對方，btw, 細佬一樣有焦慮同有感統，家姐好叻，細佬就。。。

作者: 小曳人 時間: 15-8-28 13:46

你諗下，點解你想生多個先？

我就好簡單，想佢一生人都有個伴，多個親人，特別當我覺得大仔好自我，社交能力弱，我就更堅決要生多個！

作者: hinhei 時間: 15-8-29 11:50 標題: 回覆：亞氏小朋友適唔適合有細佬妹？

我個亞氏有一弟一妹。
佢係怪怪地，但細佬妹巳接受佢係咁。

相處不太差，我覺得有細佬妹對佢有幫助，因始終屋企有堆有係了解佢。

一個無亞氏，一個有啲啲傾向。

作者: 甜芋 時間: 15-8-29 19:31 標題: 回覆：aazz 的帖子

我那大衰鬼有一妹妹～佢會厭妹妹太嬌嗲,會帶妹妹去圖書館.但回家後虚脫咁滯.間唔中會同妹玩幻想遊戲.相處好時係親人,佢心情唔靚變仇人.妹放學去中學部探佢,諗住送D錢買野食,妹怕佢肚餓.但反而俾佢趕走.好在妹脾氣好,了解佢咋.不解妹妹溫柔都有嘅.真係正衰鬼.家庭表現唔錯咁啦,家務煮野捉蛇蟲鼠蟻佢包辦.所以,有細佬妹都學到野架.加油！教養係好有趣的～見佢地有時D對白好搞笑,前排爭緊做狼狽.大衰鬼已14歲.都有男人款嘅～

作者: aazz 時間: 15-8-31 10:49

多謝大家的意見，原來遺傳機會都算高的。我就是最怕再生一個都會有相同問題，touchwood，我諗我真係搞唔掂。

作者: 964000 時間: 15-8-31 15:27 標題: 引用：+本帖最後由+aazz+於+15-8-27+15:00+編輯+\

原帖由 aazz 於 15-08-27 發表
本帖最後由 aazz 於 15-8-27 15:00 編輯

囡囡就快升K3，最近check到她屬於高功能自閉。

都係搏一搏，因為有機會第二個也有亞氏，亦有機會兩個相處得好/不好。見過電視訪問一個媽媽，生了三個仔，兩個自閉，最後個發展遲緩，比其他人可能會癲左。

作者: picture 時間: 15-8-31 19:07 標題: 引用：+本帖最後由+aazz+於+15-8-27+15:00+編輯+\

原帖由 aazz 於 15-08-27 發表
本帖最後由 aazz 於 15-8-27 15:00 編輯

囡囡就快升K3，最近check到她屬於高功能自閉。

其實5崴才被發現和证實是亞氏係咪即是非常非常之咁輕微。？？

好多小孩2,3歲就已好明顯。

如果係好輕微，又不用別的therspy,咁我覺得生多果好D。

作者: aazz 時間: 15-9-1 09:34

我又唔識分是不是嚴重，囡囡一路都讀主流學校。K1時老師就話佢好聰明但不守紀律，講野好寸冇禮貌。但到K2時換左個老師之後就成日打電話來投訴，話佢游雲，上堂唔專心，同小朋友相處亦好差，非常之自我，要我們帶她去健康院。。
最近終于排到期，見左心理學家之後給我們的報告是屬於亞氏，轉介去兒童精神科，但又同我們講左一句問題不大，唔知咩意思。。
另外我有爬文見到I位，S位之類。。請問什麽叫I位，S位？是講自閉症的嚴重程度嗎？

作者: blackgarlic 時間: 15-9-4 23:37

睇你搏唔搏... 生小朋友唔係為大b 而生, 主要睇你地想唔想.

我大仔有時太堅持同固執, 細佬妹或朋友唔聽佢果套時佢會好嬲, 嬲完喊完之後佢又冇野. 佢地有時會玩得好埋又好夾.

作者: babyhelen 時間: 15-9-5 15:15 標題: 回覆：aazz 的帖子

早幾個月係TVB睇RTHK《鏗鏘集》入面有一個家庭，阿媽係台灣嫁過來香港嘅。大仔係自閉症，之後生多個都係自閉症，佢俾咗好多心機去湊兩個仔。之後佢同佢老公商量仲要唔要生番個，結論係要，佢哋話如果再生多個都係自閉症都唔緊要，已經有曬經驗知道點樣去照顧喇。點知細仔生出來就果然唔係自閉症，而係發育遲緩。佢有一句說話我記得好清楚，佢話「覺得係上天知道我有呢個能力（去照顧），所以先俾咗呢個任務我」。
講呢個係想講，生唔生多個都好，無論有咩事，最緊要think positive。

歡迎光臨教育王國 (/)