教育王國

標題: 小一預準備班第三天後果 [打印本頁]

作者: Joystarter 時間: 15-8-25 22:47 標題: 小一預準備班第三天後果

早上2小時的課堂，原來真係好快打殘小朋友。
未到9點已攰c了Zzz...….。
未來小一常規生活一定會謝晒

作者: Yanamami 時間: 15-8-25 23:08

早睡早起好吖~小—生晚九瞓到朝七最好~

作者: MASAYA 時間: 15-8-25 23:10

預備班應該唔駛點聽書架喇喎

作者: Jane1983 時間: 15-8-26 07:27

一定要夠訓呀，吾係真係好痛苦。

作者: MrBeast 時間: 15-8-26 07:54

Joystarter 發表於 15-8-25 22:47
早上2小時的課堂，原來真係好快打殘小朋友。
未到9點已攰c了Zzz...….。
未來小一常規生活一定會謝晒 ...

有些校有夏令時間，好多尤其津校至少第一個term 都是honeymoon period，有備而戰是好事，對小朋友來說上小一是一個大改變，有good start之後條路易行好多，建議開始想想有乜eca 可以般到weekends.

作者: wan_sosin 時間: 15-8-26 08:29

從幼兒階段起建立好良好生活習慣,多運動有強健體魄,是跑呢埸學習長跑的有利條件,早睡早起,每天做適量運動,總比上堂累得睡著了好.

我仔上年小一的同學,常有上堂睡了的,老師都好明白,沒有怪責,只係叫同學叫醒那些同學.

作者: saramum 時間: 15-8-26 09:17

提示: 作者被禁止或刪除內容自動屏蔽

作者: MASAYA 時間: 15-8-26 10:53

Yanamami 發表於 15-8-25 23:08
早睡早起好吖~小—生晚九瞓到朝七最好~

我個係晚九朝七，但都唔係好夠，因為晚晚都發夢，睏得唔夠深

作者: marcoli8 時間: 15-8-26 11:39 標題: 引用：Quote:Joystarter+發表於+15-8-25+22:47+早

原帖由 MrBeast 於 15-08-26 發表
有些校有夏令時間，好多尤其津校至少第一個term 都是honeymoon period，有備而戰是好事，對小朋友來說上小 ...

夏令放幾點？Thks

作者: wan_sosin 時間: 15-8-26 12:02 標題: 回覆：小一預準備班第三天後果

幾點瞓才夠瞓，視乎小朋友，我仔上學期930瞓，下學期10點瞓，第二朝6:45起身，已好夠精神，但有D真係要瞓10個鐘先夠。

作者: karen55407 時間: 15-8-26 12:10 標題: 回覆：小一預準備班第三天後果

我仔小一開學真係九點半瞓，但一個星期後已十點瞓，再過多兩個月就十點半先瞓

作者: little_kid 時間: 15-8-26 23:25 標題: 引用：早睡早起好吖~小—生晚九瞓到朝七最好~

原帖由 Yanamami 於 15-08-25 發表
早睡早起好吖~小—生晚九瞓到朝七最好~

我小朋友七時已經上校車，正苦惱夜作息時間應該點好。
早上七點上校車，六點要起身。咁要夜晚八點瞓，六點就食晚飯。但我下午六點先放工返家，那有時間同佢睇功課，溫書呢？

作者: Yanamami 時間: 15-8-26 23:31

本帖最後由 Yanamami 於 15-8-26 23:32 編輯

little_kid 發表於 15-8-26 23:25
我小朋友七時已經上校車，正苦惱夜作息時間應該點好。
早上七點上校車，六點要起身。咁要夜晚八點瞓，六點 ...

阿女小—時，我从來唔睇功課(只make sure做齐)，考試前两星期先开始温書~小三直情唔再check做齐未，只簽手册同通告~

作者: little_kid 時間: 15-8-26 23:47 標題: 引用：+本帖最後由+Yanamami+於+15-8-26+23:32+編

原帖由 Yanamami 於 15-08-26 發表
本帖最後由 Yanamami 於 15-8-26 23:32 編輯

你小朋友很叻啊！

作者: Joystarter 時間: 15-8-27 00:07

今晚無前幾天甘攰，不過好多規矩要小朋友學，做媽咪睇住本模擬手册，睇小眼都唔掂。真係重新學習！

作者: awah112 時間: 15-8-27 01:28

提示: 作者被禁止或刪除內容自動屏蔽

作者: Yanamami 時間: 15-8-27 08:04

本帖最後由 Yanamami 於 15-8-27 08:05 編輯

趁而家仲係小—就开始不断灌輸：書係為自己而讀，係做学生既責任，唔係為父母而讀。

http://www.edu-kingdom.com/forum ... page=26#pid41424286

請看我在這个帖的回应#513.

作者: karen55407 時間: 15-8-27 09:51 標題: 回覆：Yanamami 的帖子

如果我少時能明白你這番見解，依家我的成就不止於此。那個父母不想孩子一方面如大人那麼懂事，一方面又保持孩童般天真漫爛。

作者: erniewellie 時間: 15-8-27 09:56 標題: 引用：+本帖最後由+Yanamami+於+15-8-27+08:05+編

原帖由 Yanamami 於 15-08-27 發表
本帖最後由 Yanamami 於 15-8-27 08:05 編輯

趁而家仲係小—就开始不断灌輸：書係為自己而讀，係做学生 ...

懂放手！

作者: Yanamami 時間: 15-8-27 10:12

karen55407 發表於 15-8-27 09:51
如果我少時能明白你這番見解，依家我的成就不止於此。那個父母不想孩子一方面如大人那麼懂事，一方面又保持 ...

我两个女都明白，所以我可以舒服d, 唔洗為做功課同温書嘈，小学養成好态度，上到中学更唔洗煩，等个細女升埋中，我真係可以退休了~

我覚得養成好态度係同養成阅讀習慣同样重要既事~

作者: karen55407 時間: 15-8-27 10:28 標題: 回覆：Yanamami 的帖子

作者: S-Kwok 時間: 15-8-27 11:23 標題: 回覆：小一預準備班第三天後果

我都會同阿仔講，讀書係佢嘅責任，佢有權玩得落力，亦有責任讀書讀得出力。依家做嘅係引導佢要點做，培養佢嘅責任、態度，要佢明白無論識/唔識都要努力。

作者: little_kid 時間: 15-8-27 12:28 標題: 引用：+本帖最後由+Yanamami+於+15-8-26+23:32+編

原帖由 Yanamami 於 15-08-26 發表
本帖最後由 Yanamami 於 15-8-26 23:32 編輯

我小朋友幼稚園時都會自己做功課，待我回家驗查。我係擔心上了小學佢唔識啲（例如唔識睇題目，唔識做閱讀理解之類）要等我回家教佢做。

作者: MASAYA 時間: 15-8-27 12:39

little_kid 發表於 15-8-27 12:28
我小朋友幼稚園時都會自己做功課，待我回家驗查。我係擔心上了小學佢唔識啲（例如唔識睇題目，唔識做閱讀理 ...

有基本閱讀能力就夠，唔駛擔心，同埋我反對學左先返學，即係幼稚園生就識小學課程個d，升小一發現學校教既野自己都識駛乜聽書，反而浪費左一年去學習「學習能力」既時間，預先學為乜？考靚小一個試，值得？
仲有樣我唔明，好似個個都覺得學校學唔到野，唔補習都要家長自己教，咁返學做乜？純粹考試？

作者: Yanamami 時間: 15-8-27 12:51

有工人姐姐？借电話，whatsapp问功課

作者: MASAYA 時間: 15-8-27 13:21

//Yanamami 尤係讀私校要交学費，学完先番学咪好蝕？發表於 3 分鐘前//

但呢d唔識又考唔上喎，點解咁吊詭？

作者: little_yolky 時間: 15-8-27 13:31

MASAYA 發表於 15-8-27 12:39
有基本閱讀能力就夠，唔駛擔心，同埋我反對學左先返學，即係幼稚園生就識小學課程個d，升小一發現學校教既 ...

學完至返學, 上堂留心就當溫書, 返屋企再溫書同預習, 即前後已經溫咗3次, 咁考試就唔駛再溫了。(我細個時係咁做的, 不過依家好似好少聽有人用呢個方法)

作者: HaYi 時間: 15-8-27 13:35

MASAYA 發表於 15-8-27 12:39
有基本閱讀能力就夠，唔駛擔心，同埋我反對學左先返學，即係幼稚園生就識小學課程個d，升小一發現學校教既 ...

我就同你持相反意見, 我讚成幼稚園早教, 就算早教都不可能識晒小一的, 因有些地方小朋友未發展到, 可能幼稚園時間早教左, 叫做有D印象, 到小學再學會易上手. 又有些小朋友是某方面較弱, 不會立即跟到小學的進度, 早教早知點加強.

我見其實都好多幼稚園的家長冇特別叫小朋友習慣串字, 又冇閱讀的習慣, 旨意由小學教就會OK, 又抽到地區一線的官津, 到開左學就要面對一堆野, 樣樣都做不成, 真是不知想點.

作者: MASAYA 時間: 15-8-27 14:16

HaYi 發表於 15-8-27 13:35
我就同你持相反意見, 我讚成幼稚園早教, 就算早教都不可能識晒小一的, 因有些地方小朋友未發展到, 可能幼稚 ...

我諗主要分歧在於「學」定「教」為主體，我唔清楚其他小朋友，但我自己細路我算係清楚，幼稚園時我只係教到佢有上小學需要既學習能力就夠，小學會教既野留返上小學先學，但小學唔會教既野，我盡量都畀佢接觸過，佢有興趣就會去學，想佢知道除左讀書仲有好多野可以學，我唔係唔重視成績，反而我係重視成績先係幼稚園預備好佢讀小學既能力，係小學準備佢讀中學既能力，但重視成績又唔等如要放棄其他方面，所以先小學時盡量橫向學習，唔駛重覆學習

作者: ksorange 時間: 15-8-27 15:28

仔仔返了四日升小適應班
希望早日適應小學的規則

作者: HaYi 時間: 15-8-27 18:06

MASAYA 發表於 15-8-27 14:16
我諗主要分歧在於「學」定「教」為主體，我唔清楚其他小朋友，但我自己細路我算係清楚，幼稚園時我只係教到 ...

其實準小學生上小學前要具備咩能力？　

我自己覺得應有：　

中文：　識寫十數字的四素短句，認讀中文字幾百個，懂ＰＴＨ拚音或運用。
英文: 懂基本拚音, 會寫十數字的短句, 留意大細楷用法, 慣串常用字. 能閱ORT level 5 以上的程度.
數學: 2位加減, 時鐘, 日曆, 錢, 及加減簡單文字題. 　

上了小一此些會延伸, 但基本都不識, 其實會好難pick up.

作者: ppmmbb 時間: 15-8-27 18:25 標題: 引用：Quote:MASAYA+發表於+15-8-27+14:16+我諗主

原帖由 HaYi 於 15-08-27 發表
其實準小學生上小學前要具備咩能力？　

我自己覺得應有：　

恐怕好多小二生都未得!

作者: NaughtyKids 時間: 15-8-27 18:59 標題: 引用：Quote:MASAYA+發表於+15-8-27+14:16+我諗主

原帖由 HaYi 於 15-08-27 發表
其實準小學生上小學前要具備咩能力？　

我自己覺得應有：　

這些應該是名小學的要求吧

作者: MASAYA 時間: 15-8-27 19:15

HaYi 發表於 15-8-27 18:06
其實準小學生上小學前要具備咩能力？　

我自己覺得應有：　

哈哈，我同你認為既能力完全唔同，真係各施各法
因為讀中小，所以中文閱讀能力要求較高，我冇用過認字卡，所以我都唔知佢小一前識幾多字，我只係K3下學期「讀」左半年故事書，之前一直係「講」故事，小一前只知足夠睇得明繪本既字，小一後已開始沉迷閱讀，要稍為限制

英文較遲開始，因為我係先中後英，中文較難，先英後中好易取易捨難，冇乜串字，識A-Z同a-z，但閱讀力都係ORT5左右，聽力稍高

兩科語言都只係準備聽得明同睇得明，冇準備output

數學識數數，簡單加減，時鐘日曆錢識睇，因為呢d係常識 (日常知識，唔係指常識科)，但未識計，小一前我冇理過文字題

咁小一前個六年時間做乜？玩，識得同人玩 (同人相處)，自己玩 (唔駛等指令先識郁)；自理，唔駛等人照顧，我覺得呢樣係關鍵，我識得一d父母，幼稚園畀小朋友學好多學術，但小一時應付唔到功課，因為好多時唔係唔識，係等到父母放工有人理佢先開始做

小一上學期教佢溫默書既方法，我買左套「字的家族」，有生字就查下個字點樣形成同要點樣用，下學期已經唔駛點溫默書，呢個係繁體字既好處，明白個字就會記得，例如「捉」字係用「手」，音「足」，唔駛死記；英文較麻煩，冇學phonics，但我都係教佢跟據拼音去拆字記，用左一年時間終於可以識讀就識串 (同中文一樣，識寫既字越多，越來越易記)，上左小學我就係教左呢兩樣，點樣溫中英文生字

常識基本上冇理，因為我覺得應該要識既常識，升小前都講過

宗教都冇乜理，因為我地有宗教信仰，小朋友自己有興趣，所以聽過就記得

總結：上堂聽得明老師講課，返屋企自己做功課，等如每日溫習一次當日課堂內容，有默書溫默書，小測冇溫，小測派卷睇下唔識邊d，考試前就溫個d同埋複習生字；但其實我都好忙，每日功課都會睇佢做成點，有冇唔明功課重點，有我會叫佢再諗下，如果都係錯我會睇下係小問題就由佢等老師改，如果有大問題我會用自己方法講解，希望另一個角度佢會諗通，不過小一始終簡單，冇乜大問題，係有次發燒冇返學，冇學到計錢個課，之後出街食飯同買野我會叫佢計下總同拎一堆錢出叫佢揀應該畀邊d錢同找幾錢，問題解決。原本我就覺得小學的事小學學，見到小一上學期同下學期由乜都唔識變成識得學識，靠自己進步，與其我餵知識畀佢 (我自己都餵唔到咁多)，不如佢自己去學，呢個暑假，我借左好多天文地理歷史偉人理財職業既書畀佢，等佢知道呢個世界有好多學問，我都重視成績架，我為中學時既成績鋪路

唔知點解打下打下打左咁多字... 冇乜組織諗到乜打乜...

作者: MASAYA 時間: 15-8-27 19:28

little_yolky 發表於 15-8-27 13:31
學完至返學, 上堂留心就當溫書, 返屋企再溫書同預習, 即前後已經溫咗3次, 咁考試就唔駛再溫了。(我細個時係 ...

我細個都會暑假派左新書未開學就睇晒，因為個陣冇其他書睇
咁我睇課本都係自發去睇，妳屋企人叫妳睇既咩？

都係主動同被動既問題

作者: siden 時間: 15-8-27 20:16 標題: 引用：Quote:MASAYA+發表於+15-8-27+14:16+我諗主

原帖由 HaYi 於 15-08-27 發表
其實準小學生上小學前要具備咩能力？　

我自己覺得應有：　

淨係你中文果項，已經係小一下學期臨考大考的能力。

放在準小一生身上，要求過高。

作者: S-Kwok 時間: 15-8-27 22:12 標題: 引用：Quote:HaYi+發表於+15-8-27+18:06+其實準小

原帖由 MASAYA 於 15-08-27 發表
哈哈，我同你認為既能力完全唔同，真係各施各法
因為讀中小，所以中文閱讀能力要求較高，我冇用過認字卡， ...

想指教會點為中學舖路

作者: Yanamami 時間: 15-8-27 23:15

HaYi 發表於 15-8-27 18:06
其實準小學生上小學前要具備咩能力？　

我自己覺得應有：　

四素句小—会教~時鈡同錢係小二？我女小学英教快—年数快半年~阿女幼稚園時只学过phonics同PTH拼音，乜都無啦~其他係游水呀跳舞呀禁……
小一我當佢係honeymoon period添. 家姐當年升中，都唔得閒理阿妹，有時成个星期唔記得簽手册，OK吖~~唔洗同佢搏鬥~~我成曰覚得讀私校比大部份津校輕鬆，起碼少功課，又無乜默書~

作者: MASAYA 時間: 15-8-27 23:21

本帖最後由 MASAYA 於 15-8-27 23:26 編輯

S-Kwok 發表於 15-8-27 22:12
想指教會點為中學舖路

就係之前講話借地理歷史科普書，等佢知道呢個世界有呢d野，然後去搵資料睇，書大家都會畀小朋友睇，我只係想佢睇得廣泛d，要深入，等中學佢有能力既時候再自己鑽研
我既諗法係：學校既知識只係建立一個書櫃 (最基本既概念)，裡面裝d咩書 (學問) 係靠自己係出面學返黎，所以我唔同意成績ok都補習 (花時間去雕琢個書櫃)，當然個書櫃唔穩陣都要諗辦法整好佢...

p.s. 所以我之前見你話小二教呢d覺得正，真心覺得正，我鍾意佢地學得廣泛d，深唔深真係睇點考

作者: S-Kwok 時間: 15-8-28 08:21 標題: 引用：+本帖最後由+MASAYA+於+15-8-27+23:26+編輯

原帖由 MASAYA 於 15-08-27 發表
本帖最後由 MASAYA 於 15-8-27 23:26 編輯

其實我覺得啲科目、題材係正㗎，不過我覺得學校要小朋友學跟自己比小朋友睇係有分別，可能因為當中牽涉有測考。另一方面，我真係會擔心小朋友會明什麼是辛亥革命（即使係好簡單）? 可能係我諗多咗

我自己都有要仔睇不同題材嘅書，目的係希望佢知多啲、認識這個世界，不過要我仔睇，真係要花啲時間、心機。而且時間有限，想仔睇/識嘅嘢又咁多，仲要花心機去揀。

作者: wan_sosin 時間: 15-8-28 08:36 標題: 回覆：小一預準備班第三天後果

升小預備，要識自理，食飯要半小時食完，自己學執書包，寫手冊，放好通告，習慣睇到自己個名的書簿物品才放書包，準時起床梳洗食早餐換校服，早上半小時要完成出到門口返學，清楚小學規則，學去認識新朋友，尊重老師，專心上堂，明白每天要認真做好家課。

作者: karen55407 時間: 15-8-28 09:28 標題: 回覆：wan_sosin 的帖子

作者: chloeyiyi 時間: 15-8-28 12:03 標題: 回覆：小一預準備班第三天後果

作者: kw_chi 時間: 15-8-28 12:13

回覆 HaYi 的帖子

讚成早教,打好基礎

作者: MariaTsui 時間: 15-8-28 13:32

little_kid 發表於 15-8-26 23:25
我小朋友七時已經上校車，正苦惱夜作息時間應該點好。
早上七點上校車，六點要起身。咁要夜晚八點瞓，六點 ...

當年囝囝讀小一,一邊

,一邊說唔夠

,結果頭兩個星期是8:30PM就

作者: HaYi 時間: 15-8-28 14:00

我提出的準小一standard, 其實是我看過幾間不同區一線小學的第一term 考試後得出的.

其實小一第一次考試好快在聖誕節前後, 番左只2-3個月小一, 小朋友的成績如果不是吃幼稚園老本是好難, 所以考得好的小朋友, 除非是學習能力好強, 否則如果幼稚園的底差太遠, 上了小學又要再應付其它野, 想輕鬆些都幾難.

我自己大的一個當時入小一前,  英文同數都超過此準則, 有的幼稚園學校教, 有的是自已教. 大部份是佢自己喜歡而學左先, 不是填鴨式.  但中文冇特別理會所以中文未有此水平, 尤其是作句之類更是算差. 上了小學就算是英小亦要追中文, 至今都追左3年.    所以慢慢了解左其它學校的水準,  細的個個, 我相信到時他英數都可達此, 我自己會放多時間在中文幫他.

基本自理就不需說, 好像自己洗澡吃飯換衣等, 在幼稚園平時己學要習慣, 不會在小一才來學做.

作者: little_yolky 時間: 15-8-28 15:29

wan_sosin 發表於 15-8-28 08:36
升小預備，要識自理，食飯要半小時食完，自己學執書包，寫手冊，放好通告，習慣睇到自己個名的書簿物品才放 ...

外加一項俾女仔, 要可以決定到個廁所如何是乾淨, 放心將個pat pat放上去, 同埋要識正確清理方法。

作者: karen55407 時間: 15-8-28 15:50 標題: 回覆：HaYi 的帖子

我自問我嘅兩個小朋友都未能做到你嘅標準

作者: wan_sosin 時間: 15-8-28 16:20 標題: 引用：Quote:wan_sosin+發表於+15-8-28+08:36+升

原帖由 little_yolky 於 15-08-28 發表
外加一項俾女仔, 要可以決定到個廁所如何是乾淨, 放心將個pat pat放上去, 同埋要識正確清理方法。 ...

多謝補充！女仔要較留意上洗手間的衛生！

作者: S-Kwok 時間: 15-8-29 10:16 標題: 引用：Quote:wan_sosin+發表於+15-8-28+08:36+升

原帖由 little_yolky 於 15-08-28 發表
外加一項俾女仔, 要可以決定到個廁所如何是乾淨, 放心將個pat pat放上去, 同埋要識正確清理方法。 ...

其實男孩子都要教定，萬一要poopoo, 要識得先清理廁所先好坐

作者: little_kid 時間: 15-8-29 11:19 標題: 引用：Quote:little_kid+發表於+15-8-26+23:25+我

原帖由 MariaTsui 於 15-08-28 發表
當年囝囝讀小一,一邊,一邊說唔夠,結果頭兩個星期是8:30PM就 ...

我諗我果個都要好早瞓先夠瞓。這星期嘗試夜晚8：30瞓，早上仍然8：00先起身

作者: MASAYA 時間: 15-8-30 01:30

HaYi 發表於 15-8-28 14:00
我提出的準小一standard, 其實是我看過幾間不同區一線小學的第一term 考試後得出的.

其實小一第一次考試 ...

嗯，大家方法唔同，但都係希望小朋友讀得好，我大女幼稚園係happy school，學術冇乜，教育方針就係培養學習能力，同我家理念一致，細女揀左另一間幼稚園，因為性格唔同，不過呢間更重視自學能力
我都比較過同區學校，我區龍頭初小不算深，鄰區龍頭就教快一年，不過唔係我區又唔係我杯茶，所以冇理，我區龍頭教學方法不適合我家小孩，所以選了一間一線尾的，加上我相信要抽到龍頭小學比將來自行升區內一線頭中學更難

基本自理其實唔係個個家庭會理，唔好講教，做都未必要佢地做，我老婆遇過一個band1A中一生 (學校肯定，年級靠估)，食飯係要屋企人餵，我自己見過一對兄弟約小二同小四，食完飯等阿媽抹咀，我家小孩要幫手做家務，洗碗摺衫鋪床拖地，除左為自己負責，都要為屋企負責

作者: MASAYA 時間: 15-8-30 11:16

//Yanamami 太嚇人！發表於半小時前//

妳指中一生同小二小四生? 之前分享過架喇, 大家見過d更恐怖架

作者: sexymami 時間: 15-8-30 13:02 標題: 引用：Quote:little_kid+發表於+15-8-27+12:28+我

原帖由 MASAYA 於 15-08-27 發表
有基本閱讀能力就夠，唔駛擔心，同埋我反對學左先返學，即係幼稚園生就識小學課程個d，升小一發現學校教既 ...

完全贊同你的理念！

我都係咁樣！

讀書幾時都係小朋友自己責任，要令佢地養成自動自覺的習慣好重要！

作者: cyhin 時間: 15-8-31 22:59 標題: 回覆：小一預準備班第三天後果

如果小學可以改返九点就好，對家長，學生，老師都好

作者: longlokma 時間: 15-8-31 23:04 標題: 引用：如果小學可以改返九点就好，對家長，學生，

原帖由 cyhin 於 15-08-31 發表
如果小學可以改返九点就好，對家長，學生，老師都好

返九点，你想放幾点？

作者: wan_sosin 時間: 15-8-31 23:49

cyhin 發表於 15-8-31 22:59
如果小學可以改返九点就好，對家長，學生，老師都好

如果學校返9點,同返工的一齊,相信日日因為塞車而要早多好多出門口.計返條數都應該差唔多.
如果可以行路返學嗰D,亦唔怕返8點啦.不過而家好多學生都要搭車返學.

作者: little_yolky 時間: 15-9-4 12:35

MASAYA 發表於 15-8-30 11:16
//Yanamami 太嚇人！發表於半小時前//

妳指中一生同小二小四生? 之前分享過架喇, 大家見過d更恐怖架 ...

今朝新鮮滾熱辣。食早餐時見到一名初中哥哥仔食扒餐, 阿媽幫佢將件扒切到細細粒, 咁都好普通, 好戲在後頭, 阿仔褲鍊火車未到站, 阿媽伸手幫佢拉好。

作者: little_yolky 時間: 15-9-4 12:37

cyhin 發表於 15-8-31 22:59
如果小學可以改返九点就好，對家長，學生，老師都好

緊係唔好, 遲咗返就遲咗放, 老師又要遲一個鐘至走得。其實只不過係將個生理時鐘調後一個鐘而已。

作者: MASAYA 時間: 15-9-4 12:39

little_yolky 發表於 15-9-4 12:35
今朝新鮮滾熱辣。食早餐時見到一名初中哥哥仔食扒餐, 阿媽幫佢將件扒切到細細粒, 咁都好普通, 好戲在後頭, ...

姨姨妳做乜唔迴避？btw, 早餐就食扒餐，目測幾多磅？

作者: little_yolky 時間: 15-9-4 12:43

MASAYA 發表於 15-9-4 12:39
姨姨妳做乜唔迴避？btw, 早餐就食扒餐，目測幾多磅？

咁精彩既鏡頭點可以迴避。我都好驚訝, 依家原來好多人早餐食扒的：雞扒啦、牛扒啦、豬扒啦。

作者: wan_sosin 時間: 15-9-4 15:38

little_yolky 發表於 15-9-4 12:43
咁精彩既鏡頭點可以迴避。我都好驚訝, 依家原來好多人早餐食扒的：雞扒啦、牛扒啦、豬扒啦。
...

可能怕d細路晏晝食得求其,早餐就食勁d!
同埋早餐個價錢抵食d,早餐同午餐其實差不多,但收貴好多.麥兜多年前已講出呢個道理.

d呀媽向來都驚仔女唔食嘢,就算出嚟做嘢都一樣,以前公司有個女同事帶飯,日日倒半個飯盒,自己帶飯,無理由因唔到份量,我覺得好浪費,於是問佢,佢話,佢呀媽驚佢突然有一日特別肚餓,帶多d就唔驚啦!我真係無言以對.

歡迎光臨教育王國 (/)