教育王國

標題: 想轉英文小學，但要重讀 [打印本頁]

作者: Happy小米 時間: 15-8-24 17:16 標題: 想轉英文小學，但要重讀

想問下各位家長意見。

我仔正在津校讀小三，成績中間。

其實教小一時，我同老公一路想佢讀直資但唔收，現在巳三年級。佢都唔算鐘意返學。做功課温習又是被動型。。好似是一池死水。。

今年想轉一間英文小學，學習模式比較活動，全英語教學。我地覺得可能适合阿仔多些。

点知剛收到學校通知，話收佢，但因為佢英文水平未達學校的，怕全英語教佢會太吃力，跟唔上，所以只收佢讀番小三。

好困惑，究竟轉唔轉校好?

唔轉的話，津校的英文水平升英中應該比較吃力。如佢中等成績，又冇咩特別叻的課外活動，考唔考到英中都成問題。

轉，又要遊說佢，唔知得唔得，又唔知佢開心否。其實自己內心都有少少hard feeling.

雖然長遠，至少應該可提升佢英語水平。

(註，朋友女在該英文小學讀，話讀得開心。)

作者: HaYi 時間: 15-8-24 17:32

本身在中小的英文是否好?

以我阿仔讀英小的經驗, 佢在英小現升P4, 英文程度比官津的高2年, 尤其是常識等用字較多, 不習慣的會花較多時間在此. 如習慣的就如魚得水.

作者: MASAYA 時間: 15-8-24 17:40

本帖最後由 MASAYA 於 15-8-24 18:20 編輯

津中小全港佔大部份，上到英中適應冇問題既學生通常都唔會係只靠學校，如果擔心小朋友升英中因語言問題跟唔上，而家轉英小，其實係將個問題提前面對，但重點係你未有解決辦法，只係提前面對，我相信你擔心既情況只會提前發生

另外，呢間直資英小係直上英中？如果唔係，萬一成績跟唔上到升中入左中中，咁呢幾年特登轉入英小其實完全冇意義...

如果真係好想轉呢間英小，repeat一年，年紀比其他小朋友大，理解力比較好，集中改善英文能力，如只看英文書只睇英文電視電影，應該都可行既，但如只靠學校改善英文，我諗就行唔通

升小四已經係高小，黎緊帶佢參觀中學開放日，希望佢搵到間中學好想入，以此為主動學習既動機

作者: bbforever 時間: 15-8-24 18:12

回覆 Happy小米的帖子

專登申請間英小插班，如英文能力不逮repeat一年好平常，唔好因為repeat這個因素而放棄…

作者: gisoleung 時間: 15-8-24 22:09 標題: 回覆：想轉英文小學，但要重讀

比我會轉英文小學！

作者: Happy小米 時間: 15-8-24 22:57 標題: 引用：本身在中小的英文是否好?+以我阿仔讀英小的

原帖由 HaYi 於 15-08-24 發表
本身在中小的英文是否好?

以我阿仔讀英小的經驗, 佢在英小現升P4, 英文程度比官津的高2年, 尤其是常識 ...

ic 我仔英文唔錯架，佢都有看英文書。但同英小或國際學校學生，當然差好多。

作者: Happy小米 時間: 15-8-24 23:00 標題: 引用：+本帖最後由+MASAYA+於+15-8-24+18:20+編輯

原帖由 MASAYA 於 15-08-24 發表
本帖最後由 MASAYA 於 15-8-24 18:20 編輯

津中小全港佔大部份，上到英中適應冇問題既學生通常都唔會係 ...

其實佢本身理解力唔差，中文小學冇点温習，就考中間。只是覺得原校多功課，津校較死板咁。

作者: Happy小米 時間: 15-8-24 23:01 標題: 引用：回覆+Happy小米+的帖子專登申請間英小插

原帖由 bbforever 於 15-08-24 發表
回覆 Happy小米的帖子

專登申請間英小插班，如英文能力不逮repeat一年好平常，唔好因為repeat這個因素而 ...

謝謝你，原來好平常。。

我今日有些hard feeling添。

作者: momama 時間: 15-8-24 23:05 標題: 回覆：想轉英文小學，但要重讀

咁呢間英小多唔多功課？

作者: Happy小米 時間: 15-8-24 23:12 標題: 引用：咁呢間英小多唔多功課？ +

原帖由 momama 於 15-08-24 發表
咁呢間英小多唔多功課？

少過原本果間

作者: Happy小米 時間: 15-8-25 00:02 標題: 回覆：Happy小米的帖子

同仔傾左，佢都想轉，又唔介意讀番小三

作者: bbforever 時間: 15-8-25 00:42

回覆 Happy小米的帖子

小朋友都唔介意，就好喇

實情點解我話平常，係我朋友仔由一間英文直資轉國際學校都要repeat一級，但我朋友仔本身英文唔係差㗎…

作者: Happy小米 時間: 15-8-25 08:09 標題: 引用：回覆+Happy小米+的帖子小朋友都唔介意，

原帖由 bbforever 於 15-08-25 發表
回覆 Happy小米的帖子

小朋友都唔介意，就好喇

原來係咁，我都覺得仔英文唔差，所以開頭都有些難受。。。

作者: longlokma 時間: 15-8-25 08:11 標題: 引用：想問下各位家長意見。我仔正在津校讀小三

原帖由 Happy小米 於 15-08-24 發表
想問下各位家長意見。

我仔正在津校讀小三，成績中間。

首先，唔係津校的英文水平上英中就代表会比較吃力，好多津小學生的英文係好好，比一般直私小學英文更好。

其實孩子語文能力7成靠家庭/校外培養，3成才靠學校教育。要搅清楚，香港英小英中唔等同国際学校，入去唔会所有人变哂外國人同你講英文，除了部分科目書由中文轉為英文外，整个外圍環境根本一样，呢d英小老師大部分自身的英文能力呢…………嘿嘿………………莫說英小，連唔少英中老師d英文都嚇死人！

所以，要孩子英文或語文能力好，別天真的以為轉去本地所謂英小学校便會突飛猛進，家長唔做任何野而只靠本地学校，轉去边都冇用！

作者: Happy小米 時間: 15-8-25 08:30 標題: 引用：Quote:原帖由+Happy小米+於+15-08-24+發表

原帖由 longlokma 於 15-08-25 發表
首先，唔係津校的英文水平上英中就代表会比較吃力，好多津小學生的英文係好好，比一般直私小學英文更好。

...

謝謝你的意見，其實除左英文，教學模式係我地想轉校的最大原因。。

我自知阿囝除左學術唔差，其他冇outstanding之處，所以唔敢去報出名的直資。

如果轉左英文語境強的學校又少啲功課，我地就有時間同佢加強下學習。

作者: MrBeast 時間: 15-8-25 08:35

回覆 bbforever 的帖子

我也有is fd 話不少由local 插入要repeat 一年bcos of lev of eng. 不知樓主講緊是否類似cky or ifs 那類

作者: MrBeast 時間: 15-8-25 08:46

Happy小米發表於 15-8-24 22:57
ic 我仔英文唔錯架，佢都有看英文書。但同英小或國際學校學生，當然差好多。

...

相信都要看什麼英小和父母support. 我個只是中小，但小一已有人看harry potter (不過我唔知佢係咪只係攞住本書練臂力）

作者: Happy小米 時間: 15-8-25 08:59 標題: 引用：回覆+bbforever+的帖子我也有is+fd+話不

原帖由 MrBeast 於 15-08-25 發表
回覆 bbforever 的帖子

我也有is fd 話不少由local 插入要repeat 一年bcos of lev of eng. 不知樓主講緊 ...

阿囝又唔係名列前茅，邊敢報插這些出名學校吖。

只是小區小校，學費勁貴，我估計先至相對少人争。

作者: Happy小米 時間: 15-8-25 09:01 標題: 引用：Quote:Happy小米+發表於+15-8-24+22:57+ic+

原帖由 MrBeast 於 15-08-25 發表
相信都要看什麼英小和父母support. 我個只是中小，但小一已有人看harry potter (不過我唔知佢係咪只係攞住 ...

嘻嘻…

唔會同人比較，什麼勁人都有，只是比昨日的自己進步巳經好滿足。

作者: karen55407 時間: 15-8-25 09:32 標題: 回覆：Happy小米的帖子

咁就好啦！

歡迎光臨教育王國 (/)