教育王國

標題: 沙田一缐小學想轉校，那間較活動教學？ [打印本頁]

作者: FiFi618 時間: 15-8-14 00:05 標題: 沙田一缐小學想轉校，那間較活動教學？

小兒現讀沙田一缐小三想轉校，那間小學較活動教學？較淺？只想孩子開心。
不想每天只追趕功課，週末就溫書預習！又要課外活動學一體一藝冇時停！都唔為乜？小孩子要咁繁忙！好太辛苦了！！

不要普教中，用普通話默中文實在太痛苦！課文咁多一聽唔清楚就溫咗書都會低分。我真係身心都受傷，

作者: juliso 時間: 15-8-14 08:02 標題: 回覆：FiFi618 的帖子

活動教學不＝淺,只是用活動方式去吸引小朋友思考，再引導他們去尋找知識，去吸收。

在EK講淺，可能引起好大回響。

沙田有直資，都可以試試。

有人說宝校不想入、，不過我信只要有老師和家長的鼓勵，宝校都一定有優秀的學生。

你的孩子真有福了，媽媽是為孩子著想。

作者: karen55407 時間: 15-8-14 08:49 標題: 回覆：FiFi618 的帖子

都就嚟開學，咁遲先轉？

作者: FiFi618 時間: 15-8-14 09:15 標題: 引用：活動教學不＝淺,只是用活動方式去吸引小朋

原帖由 juliso 於 15-08-14 發表
活動教學不＝淺,只是用活動方式去吸引小朋友思考，再引導他們去尋找知識，去吸收。

在EK講淺，可能引起好 ...

多謝你提醒，我明白活動教學不等於淺，因我孩子較活潑，數學可以拿9x多分，就是默書花了很多時間溫習，仍經常不合格！真是非常頭痛，還要記普通話發音。每星期都為此事跟孩子搏鬥！而我亦不認同每星期花太多時間去背誦去死記，實在沒意義！將來的世代要頭腦靈活，比起強記死背更重要！

我不介意入人家所謂的"寶"校！我相信每間學校有用心教導的老師便是好學校。甚麼升中派位差就叫人家做寶校太無知！太不專重！我有時想就算入到受歡迎的小學又如何？你拿85分也只是排在後面，你能派一缐中學嗎？活在競爭激烈對手強勁底下！受壓力受苦的只有孩子！
我要孩子開心！我要小班教學！我不要拔苗助長，不要教深！但我明白在香港要找這樣的學校很.....很困難，現在連直資私少都給家長投訴教得太淺，難以銜接，而改到一年深過一年，我不要這樣的生活，我要孩子有開心的童年！

請願諒我可能用詞太直接不喜勿插！

作者: juliso 時間: 15-8-14 09:44 標題: 回覆：FiFi618 的帖子

加油！雖然臨近開學，只要有決心，可以打去學校問下。

作者: S-Kwok 時間: 15-8-14 09:53 標題: 回覆：沙田一缐小學想轉校，那間較活動教學？

加油

作者: little_yolky 時間: 15-8-14 11:10

FiFi618 發表於 15-8-14 09:15
多謝你提醒，我明白活動教學不等於淺，因我孩子較活潑，數學可以拿9x多分，就是默書花了很多時間溫習，仍經 ...

其實响沙田除咗一線同寶校, 都仲有好多選擇, 不過, 就係都係谷的, 係程度既差異而已。你咁遲至搵, 都怕幾難了。努力。

你可以話自己小朋友唔適合一線勁谷學校, 各人有各人既理念, 但唔可以話人哋唔想入寶校, 因為升中派位差, 話人膚淺。當你小朋友向寶校考級10, 都比唔上一線催谷學校考級50既學生, 到時就會覺得好唔抵了。其實寶校級10係唔係真係差過一線級50? 可能只係中學校長自行時選學生, 比較信任名校的往績而已。點計, 响一線考級50, 點都易過响寶校考級10。寶校仲有好多寶校既問題, 唔係你諗得咁簡單只係升中派位差而已。

不過, 沙田仲有好多二線或無咁谷的, 努力, 希望你成功跳船。

作者: quiqui 時間: 15-8-14 12:01

本帖最後由 quiqui 於 15-8-14 12:02 編輯

FiFi618 發表於 15-8-14 09:15
多謝你提醒，我明白活動教學不等於淺，因我孩子較活潑，數學可以拿9x多分，就是默書花了很多時間溫習，仍經 ...

對, 小朋友全面的發展才是最重要, 我認識很多在名校教書的老師, 他們也不會讓自己的子女入讀很谷的學校. 因為他們接觸過太多沒思想沒主見的學生, 問學生有什麼興趣, 喜愛什麼科目, 也答不出來, 因為從小到大, 都是媽媽作主, 讀什麼玩什麼也沒權話事. 現今香港的小朋友太辛苦了, 很欣賞你真心為小朋友著想, 加油!!

作者: FiFi618 時間: 15-8-14 12:16 標題: 回覆：quiqui 的帖子

我知道9月轉校是太急，但我都想打去一試，就算今年唔得，下年亦可以。我朋友個女小五轉咗去國際學校。

想請教沙田大圍新翠村的白普理好唔好？有冇讀緊高小的家長？去過簡介會睇過不錯的老師校長很有愛心，用心教導！不知讀緊的如何？

作者: 小曳人 時間: 15-8-14 12:36

試試張煌偉，應該啱你要求

作者: 洋蔥頭媽咪 時間: 15-8-14 14:08 標題: 引用：小兒現讀沙田一缐小三想轉校，那間小學較活

原帖由 FiFi618 於 15-08-14 發表
小兒現讀沙田一缐小三想轉校，那間小學較活動教學？較淺？只想孩子開心。
不想每天只追趕功課，週末就溫書 ...

樓主，如果你小朋友在一線學校已經付出好大努力但仍然不合格，相信呢間小學未必適合你兒，其實坊間活動教學學校一般都係初小嘅多，高小相對較小，而且亦並非間間一線學校都勁谷嘅，現今世代響競爭社會無論求學或將來工作都一定會有壓力，只是多與小嘅問題啫，就算轉去沒有成績壓力嘅學校，亦不能保証將來冇其他壓力問題 ...恕直言，睇番樓主舊帖你兒子似乎雖要部份支援，現讀學校可能並不適合，襯小朋友年紀還小盡快轉校，如不介意查實信義同聖華都會係唔錯嘅選擇。

作者: KittyMelody1 時間: 15-8-14 14:37

小曳人發表於 15-8-14 12:36
試試張煌偉，應該啱你要求

咁橋, 我都想起呢間......呢間程度相對一般谷既小學教淺, 因佢地部份用既書較淺....默書同考試較淺, ..識有家長話同K3程度差唔多, 較輕鬆.....校長老師有愛心...但聽聞 (只聽聞) 較多學障學生入讀..呢點睇你介唔介意...

作者: FiFi618 時間: 15-8-14 14:43 標題: 引用：Quote:原帖由+FiFi618+於+15-08-14+發表小

原帖由 洋蔥頭媽咪 於 15-08-14 發表
樓主，如果你小朋友在一線學校已經付出好大努力但仍然不合格，相信呢間小學未必適合你兒，其實坊間活動教學 ...

多謝你寶貴意見！大囝冇特別問題，細囝就仍在幼稚園係小肌肉較弱。兩個情況不一樣，亦不打算給細囝入哥哥的一缐小學，不是學校唔好，只係唔適合小兒。

作者: FiFi618 時間: 15-8-14 14:50 標題: 引用：Quote:小曳人+發表於+15-8-14+12:36+試試張

原帖由 KittyMelody1 於 15-08-14 發表
咁橋, 我都想起呢間......呢間程度相對一般谷既小學教淺, 因佢地部份用既書較淺....默書同考試較淺, ..識有 ...

多謝你，張煌偉好像不錯！等我再去了解多些先。轉校對媽媽來講真不是一件容易決定的事，必須了解多些學校真實情況，以免揀錯。

其實我都在比較新翠白普理及張煌偉這兩間，比較多人提及是較輕鬆的教學。

作者: karen55407 時間: 15-8-14 15:11 標題: 回覆：little_yolky 的帖子

樓主理念清晰，只可惜是三年前神拖鬼㧬去錯一線學校也！

作者: MASAYA 時間: 15-8-14 16:08

升小三定升小四？

http://www.cwwps.edu.hk/announce/2014/G1415438.pdf

張煌偉小三分全普班同非全普班，默書都係用普通話，不過非全普班會用廣東話輔助，高小就唔清楚喇，樓主可以打去學校問下

作者: Pigbaby 時間: 15-8-14 16:19 標題: 回覆：沙田一缐小學想轉校，那間較活動教學？

陳元喜比沙田一線輕鬆嗎？

作者: FiFi618 時間: 15-8-14 19:24 標題: 引用：樓主理念清晰，只可惜是三年前神拖鬼㧬去錯

原帖由 karen55407 於 15-08-14 發表
樓主理念清晰，只可惜是三年前神拖鬼㧬去錯一線學校也！

哈哈！人就係咁唔試過唔熄！
有小朋友可以3小時溫完默書架，但唔係我個囝囉，我嗰個溫3日3小時都未得呢

但我唔明佢唔駛死記嘅數學又高份喎，有9x！
可惜其他三科都要記呢。拉完分都係差！

作者: karen55407 時間: 15-8-14 19:33 標題: 回覆：FiFi618 的帖子

我個大嘅温默書係要温足一個星期，仲要遂段遂段嚟，考試前三個星期前就要開始温習，人緊有長短，只要小朋友肯盡力，家長肯支援，而又學到知識就足夠了！

作者: 洋蔥頭媽咪 時間: 15-8-14 20:08 標題: 引用：Quote:原帖由+karen55407+於+15-08-14+發表

原帖由 FiFi618 於 15-08-14 發表
哈哈！人就係咁唔試過唔熄！
有小朋友可以3小時溫完默書架，但唔係我個囝囉，我嗰個溫3日3小時都未得呢:nau ...

男仔通常係語文弱，數理強，樓主仔仔溫極都唔識，有冇嘗試找出問題所在？？係唔識寫？無心記？定係全因普通話聽唔清楚問題？如果你唔揾出問題，就算轉校都未必一定能解決。

作者: chymama2 時間: 15-8-14 20:34 標題: 引用：Quote:原帖由+FiFi618+於+15-08-14+發表哈

原帖由 洋蔥頭媽咪 於 15-08-14 發表
男仔通常係語文弱，數理強，樓主仔仔溫極都唔識，有冇嘗試找出問題所在？？係唔識寫？無心記？定係全因普通 ...

作者: RiboMM 時間: 15-8-14 21:57 標題: 引用：Quote:原帖由+洋蔥頭媽咪+於+15-08-14+發表

原帖由 FiFi618 於 15-08-14 發表
多謝你寶貴意見！大囝冇特別問題，細囝就仍在幼稚園係小肌肉較弱。兩個情況不一樣，亦不打算給細囝入哥哥的 ...

可以试试王锦辉中小学，据说活动教育快乐教育。

作者: S-Kwok 時間: 15-8-14 22:41 標題: 引用：Quote:原帖由+FiFi618+於+15-08-14+發表多

原帖由 RiboMM 於 15-08-14 發表
可以试试王锦辉中小学，据说活动教育快乐教育。

王錦輝係普教中，學校只可以講英/普。

作者: FiFi618 時間: 15-8-14 23:50 標題: 引用：Quote:原帖由+FiFi618+於+15-08-14+發表哈

原帖由 洋蔥頭媽咪 於 15-08-14 發表
男仔通常係語文弱，數理強，樓主仔仔溫極都唔識，有冇嘗試找出問題所在？？係唔識寫？無心記？定係全因普通 ...

有嘗試找出問題架！就係你講的～樣樣齊！坐唔定，冇心機，記性差，縱使花咗成星期溫習，仍然是錯別字扣十分，聽唔清楚普通話扣十分，粗心大意扣十分，太難嘅字唔識又十分！un seen又扣下咁就冇咗一半分。

總之迫咗佢幾年，一年差過一年，因默書範圍越來越大，期中考默重一次默七至八課，之前溫嗰D又俾返晒你，我簡直有默書恐懼症。

作者: karen55407 時間: 15-8-15 00:06 標題: 回覆：FiFi618 的帖子

可能要check下會唔會係SEN

作者: LeeCC 時間: 15-8-15 08:42

甘情況持續，學校無轉介或建議評估有無學習困難嗎？

作者: sankymak 時間: 15-8-15 13:17

Hi!
我仔仔係張煊昌讀, 該校正是廣東話教中文. 仔仔讀得很開心, 冇太大壓力. 教師都很有愛心.校長好有心想攪好學校. 好多活動.
你可以試試!

作者: Sanmic 時間: 15-8-15 15:06

泰伯

作者: Charlotte_mom 時間: 15-8-15 16:25 標題: 回覆：沙田一缐小學想轉校，那間較活動教學？

我仔都係sen仔，同你情況一樣，每次中默就好似打仗。好彩量唔多，我早幾星期就慢慢溫。普教反而不是問題（你問我：默書多+廣教vs 默書少+普教，我一定揀黎者）。我仔細個有語障，k3 5月至開始學拼音都pickup到。最緊要多練，跟得貼。可惜對沙田學校唔熟，幫你唔到。希望小朋友早日搵到岩心水的學校

作者: peggy8422 時間: 15-8-29 20:13

你可以考慮一下王賜豪呀!佢有測驗有默書，但係唔會計在成績表上，而且考試範圍唔多，考試時只要溫習返測卷，就ok。佢哋只有精英班先會用普教中，所以又不用担心普通話默書。老師好有愛心，而校長也好有heat，你可以考慮一下。

作者: fc926 時間: 15-8-29 20:20 標題: 回覆：沙田一缐小學想轉校，那間較活動教學？

世界花園附近好似有間類似國際學校，早兩年前有媽咪也是臨開學前轉入此校都得，聽講小朋友讀得幾開心，你可試下

作者: 852kk 時間: 15-9-4 12:09 標題: 回覆：little_yolky 的帖子

請問邊間冇咁谷？

歡迎光臨教育王國 (/)