教育王國

標題: 計劃下讀N班 [打印本頁]

作者: JNF 時間: 15-8-11 11:30 標題: 計劃下讀N班

大家好:我係新手媽媽好多野唔識，想開始幫仔仔計劃下讀N班既野。請問一下一般N班會讀到幾大上K1?
如果學校唔近自己屋企(但近照顧者-親友屋企)會唁會難入d?
應該返半日定全日好?
仲有咩我要留意準備~
謝謝大家!

作者: HauMiranda 時間: 15-8-11 13:01 標題: 引用：大家好:我係新手媽媽好多野唔識，想開始幫

原帖由 JNF 於 15-08-11 發表
大家好:我係新手媽媽好多野唔識，想開始幫仔仔計劃下讀N班既野。請問一下一般N班會讀到幾大上K1?
如果學校 ...

請問你小朋友幾多月出世？因幾時讀N幾時升k1視乎你小朋友幾月出世，係大b定細b. 有學校當然希望收住得近既小朋友，出發點都係為小朋友好，但也有學校唔睇住址，收住得遠既小朋友。報幼稚園不需住址證明，你可報照顧者既住址。小朋友番半日班全日班各有好處。有些父母上班家中沒有人照顧小朋友又想訓練小朋友自理能力，會報全日班，也有些父母想小朋友多留在家下課後自由活動就報半日，但留意唔係好多幼兒園有全日班，而且位好少。

作者: JNF 時間: 15-8-11 14:40 標題: 回覆：HauMiranda 的帖子

3月出世呀謝謝你！

作者: HauMiranda 時間: 15-8-11 15:54 標題: 引用：3月出世呀謝謝你！ +

原帖由 JNF 於 15-08-11 發表
3月出世呀謝謝你！

3月出世，就會2歲6個月讀PN (9月開學，有些會8月開學），讀一年，3歲6個月讀k1. 雖然話就話2歲可以讀PN, 2歲8個月可以讀k1, 咁睇你小朋友好似遲左讀書，不過大b (1-3月b) 係咁，我建議順其自然，跟同年小朋友一起入學，無須過早插班☺️

作者: JNF 時間: 15-8-11 16:43

回覆 HauMiranda 的帖子

THANKS!!但如果我唔想佢太大先讀K1，係咪可以11月以2歲8個月身份插班?
哪N班就早8個月前以插班形式?

作者: HauMiranda 時間: 15-8-11 17:19 標題: 引用：回覆+HauMiranda+的帖子 THANKS!!但如果我

原帖由 JNF 於 15-08-11 發表
回覆 HauMiranda 的帖子

THANKS!!但如果我唔想佢太大先讀K1，係咪可以11月以2歲8個月身份插班?

其實2歲6個月先讀PN、3歲6個月先讀K1, 唔係你小朋友太大，而係跟同年出世既小朋友一起讀書而已。假設你小朋友係2014年出生，跟2014年出生既小朋友一起讀書係最正常不過，但如果你2歲8個月插班k1, 就變左同2013年出生既小朋友一起讀書，本來係大b, 變成細b, 大小肌肉發展不及同班的同學的。加上插班位係少既，你小朋友插班又會係細b, 所以唔易搵到學位架。最後，即使俾你插到班，你會早同齡小朋友k3畢業升小一，到時九月你小朋友未足5歲8個月，自行分配學位會冇左適齡嗰10分，變左要repeat k3先可以攞番10分架。所以唔駛急於入學，跟正常年份入學便可，如果想早啲「讀書」，可以報playgroup輕輕鬆鬆咁玩一個兩個鐘！學海無涯，唔會太遲入學。（我大女10月b, 仔4月，細女2月）

作者: JNF 時間: 15-8-11 18:32 標題: 回覆：HauMiranda 的帖子

好詳細唔該你呀

歡迎光臨教育王國 (/)