教育王國

標題: 在英國讀護士是否在港不承認？ [打印本頁]

作者: akina1230 時間: 15-8-7 09:32 標題: 在英國讀護士是否在港不承認？

出國讀護士是否要在港重申考過？而且合格率偏低對嗎？

作者: brother4 時間: 15-8-7 10:24 標題: 回覆：在英國讀護士是否在港不承認？

是認可，但難註冊，原因同英國讀醫生—樣

作者: db7mu23 時間: 15-8-7 13:10 標題: 回覆：在英國讀護士是否在港不承認？

學生L與媽媽參加表姐嘅BB女一歲生日會，未夠下午一點，就要告辭，問佢星期六放假趕去邊，拍拖乎？學生L話：「去教琴呀！」哦，學生L拉得一手小提琴，早已考獲演奏級，正好學以致用，教番一兩個小學生幫補吓私立大學嘅學費。學生L本想入中大讀護士，點知文憑試考最有把握嘅化學科影響總分數，慘遇滑鐵盧，只好入咗私立大學讀商科，但最近得到好消息，澳洲有大學收佢讀護士，農曆年後就南下墨爾本入學，左丁山此日得知後恭喜學生L之餘，又為佢擔心：「畢業後，返唔返得嚟做註冊護士㗎，咪又長留澳洲噃？」學生L話：「會返嚟香港嘅，要考試囉，不過及格率有五成以上，到時應該可以考到啩。唔似得外國醫科畢業生回港考試，及格率只得一成左右，或甚至更低。」

節錄GG細語
🍎日報
2014/01/22

作者: brother4 時間: 15-8-7 14:12

本帖最後由 brother4 於 15-8-7 14:14 編輯

全年只有五人通過海外讀護士回港執業

海外升讀護理學系，需慎防花數百萬元後卻無法回港當護士。護士管理局公布註冊護士執業試合格率，去年「插水」跌至僅百分之四點九五，全年只有五人通過全部考核試，取得本港註冊護士資格。此項考試的合格率一直偏低，尤其實習試，平均僅兩至三成合格率。過去四年共有五百多人應考，只有約百人實習試合格，「五個只能活一個」。
考生質疑考官標準不一移民澳洲港人Melissa，在澳洲已當護士六年，由於父母在港，她希望考取資格回港工作。她去年順利通過筆試，但兩次考實習試均「肥佬」。護管局規定，三次「肥佬」者，除非得該局准許，否則喪失考試資格。她只剩一次機會，感覺無奈。她說，與來自其他國家的護士考生討論，發現不同院校的考官對同一醫療程序可能有不同要求，令考生無所適從。
護管局回應，所有實習試在已刊憲的註冊護士學校舉行，考官由護管局轄下教育委員會任命。該局認為，合格率低，反映普遍考生的臨場表現未能達到該局要求的既定水平。
前護管局主席汪國成強調，不論任何試場及考官都按同一套考核準則，否認不公平，估計海外護士不適應本港考試制度。護士協會主席李國麟亦為考試護航，認為有標準打分指引。
http://orientaldaily.on.cc/cnt/news/20150714/00176_017.html

作者: db7mu23 時間: 15-8-7 15:20 標題: 引用：+本帖最後由+brother4+於+15-8-7+14:14+編

原帖由 brother4 於 15-08-07 發表
本帖最後由 brother4 於 15-8-7 14:14 編輯

全年只有五人通過海外讀護士回港執業

咁就真係凍過水！

作者: nintendo 時間: 15-8-7 15:40 標題: 回覆：在英國讀護士是否在港不承認？

個個都覺得自己會係 pass 那一個。

作者: db7mu23 時間: 15-8-7 17:53 標題: 引用：+本帖最後由+brother4+於+15-8-7+14:14+編

原帖由 brother4 於 15-08-07 發表
本帖最後由 brother4 於 15-8-7 14:14 編輯

全年只有五人通過海外讀護士回港執業

點解唔俾任考，好似考警員，肥佬咗，半年後可以再投考。

三次機會，好大壓力。

作者: brother4 時間: 15-8-7 17:58 標題: 回覆：在英國讀護士是否在港不承認？

不能供放的秘密(山頭XX)

作者: brother4 時間: 15-8-7 18:00 標題: 回覆：在英國讀護士是否在港不承認？

是不能共開的秘密(山頭XX)

作者: 亮燈 時間: 15-8-7 18:18

brother4 發表於 15-8-7 18:00
是不能共開的秘密(山頭XX)

四阿哥好野，講出重點。表面係山頭主義，實際係寡頭壟斷、保護主義。醫生、律師......等，點解睇醫生咁貴？試想想，以前英聯邦醫生可來港執業，依家唔得，以前中三、中五畢業可做學護，依家要讀完大學仲要讀果科先得，咁唔通以前D護士唔識做野？如果醫生、律師、護士.....等可讓英聯邦國家國民來執業，有競爭才有進步，收費至會合理。保護主義只會令社會退步。

作者: samsam123321 時間: 15-8-8 03:50

都唔知成日想返香港做咩，係外國讀就外國做拉。

作者: lu-ka 時間: 15-8-8 10:38 標題: 回覆：在英國讀護士是否在港不承認？

咁就反映香港醫院人手不足其中一個原因……

作者: 亮燈 時間: 15-8-8 11:21 標題: 引用：咁就反映香港醫院人手不足其中一個原因……

原帖由 lu-ka 於 15-08-08 發表
咁就反映香港醫院人手不足其中一個原因……

人手不足主要原因：1)老懵懂當年取消護士學校，做護士要讀完大學先得！2)醫療壟斷，拒絕外國人才入港。

歡迎光臨教育王國 (/)