教育王國

標題: 梁家榮出名學生殺手　狠評功課垃圾寫廢話 [打印本頁]

作者: elbar 時間: 15-8-7 09:16 標題: 梁家榮出名學生殺手　狠評功課垃圾寫廢話

唔少曾經畀梁家榮教過嘅中大舊生，噚日都話當年，更加搵返當年嘅功課出嚟，上面寫有榮總墨寶，部分經佢批改嘅功課，都寫有「廢話」兩字嘅評語。

【明報專訊】政府噚日出稿宣布，委任資深傳媒人梁家榮（榮總）擔任廣播處長，輿論唔算太負面，但Emily就見唔少當年做過榮總學生嘅中大新聞與傳播學院舊生，紛紛喺facebook話當年，講番當年榮總上堂經歷，似乎大家都覺得榮總教書都幾harsh，皆因佢毫不客氣，鍾意喺同學嘅功課寫上「垃圾」、「廢話」等評語，仲有人話畀佢嘅功課10分只拎到0.5分！

「如果你係我伙記早就炒咗你！」

榮總前幾年喺中大教廣播新聞同新聞翻譯兩課程，相信唔少讀新聞嘅學生都有上過。當年榮總出名係「殺手」，唔係點派好grade畀學生，而佢上翻譯堂，就不時講吓中東等國際新聞同背景，而學生每堂都要翻譯外電，但得番嚟嘅評論都幾狠。

有上過佢堂嘅學生話，10分滿分嘅功課試過拎2分，中間夾雜「廢話」同「舊聞」等評語，有同學更留言話，拎過榮總畀嘅0.5分或者1分。有人就話畀人評過功課係「怪中文」同「垃圾」。有做過佢學生嘅現職記者仲話，當年畀榮總狠批過，「如果你係我伙記，我早就炒咗你！」

學生電郵指其錯獲回覆道謝

另一個舊生就話，當年榮總曾經指正佢話台灣「蒜」字係指蠢，學生唔服氣，寫電郵同榮總解釋並唔係咁解，獲得榮總回覆道謝，仲話「所有在我人生中教導過我新知識的，都是我的老師」。

唔知榮總接管港台，又會唔會做魔鬼老細，用「垃圾」呢類評語回應下屬呢？

作者: ANChan59 時間: 15-8-7 10:55

嚴師出高徒 ....

要睇睇篇野 ... 先知是否垃圾級 ....

作者: JustAParent 時間: 15-8-7 12:03

他是否學生殺手我其實無興趣知, 反正他不是去大學做教授. 但一個連自己新聞部編輯自主都守護不了的人升做廣播處長, 依靠他守護香港新聞自由還真令人擔憂. 最有趣的是香港人, 只要不是周融不是袁志偉, 任何人做處長都收貨, 可能希望他再次錯報另一人死訊吧.

作者: Artie 時間: 15-8-7 12:52

ANChan59 發表於 15-8-7 10:55
嚴師出高徒 ....
要睇睇篇野 ... 先知是否垃圾級 ..

十分好奇，那些同學寫了些甚麼，可以被形容為垃圾。如果佢地唔怕瘀，應該成篇文章 post 出來比大家評評理。

作者: torunpoland 時間: 15-8-7 13:02 標題: 回覆：JustAParent 的帖子

條線降到咁低，都算悲。

作者: erictungcc 時間: 15-8-7 16:15

JustAParent 發表於 15-8-7 12:03
他是否學生殺手我其實無興趣知, 反正他不是去大學做教授. 但一個連自己新聞部編輯自主都守護不了的人升做 ...

始終當日他是打工, 不是不去守護, 可能是不能守護. 始終上面有老闆, 而且知道報流料都立即辭職, 算係咁~~

作者: goodenough 時間: 15-8-7 16:41

希望這位梁生不要被那位梁生罵垃圾、講廢話。相反，還要夠吉屎向偽術語言罵廢話，向真正垃圾的人罵垃圾。

作者: JustAParent 時間: 15-8-7 17:41 標題: 引用：Quote:JustAParent+發表於+15-8-7+12:03+他

原帖由 erictungcc 於 15-08-07 發表
始終當日他是打工, 不是不去守護, 可能是不能守護. 始終上面有老闆, 而且知道報流料都立即辭職, 算係咁~~
...

第一，他當日非立刻辭職，只因事發兩月事件越鬧越大；第二，他今日上面老板更多吧。Anyway, 都與教育無關，再講會被封貼

歡迎光臨教育王國 (/)