教育王國

標題: 知道係排s位就唔收…… [打印本頁]
作者: kemmyleung    時間: 15-8-5 17:42     標題: 知道係排s位就唔收……

今日突然有間幼稚園打俾我話有位，就叫我8號去註冊。
我就同拒老實地講我個仔係排s 位嘅小朋友
個老師就話要同校丈報告下 再打電話俾我吖， 然後當然就打俾我就話拒地資源有限所以都希望我明白……
好！我好明白嘅  但我當初搵依間學校嘅原因係因為拒地係有E 位嘅  希望老師有經驗處理
唉……都好嘅俾我知道咩係好學校好老師



作者: legolas625    時間: 15-8-5 18:59

本身是i位? 呢d學校咁做，我聽過唔少。
作者: lulumelody    時間: 15-8-6 00:01     標題: 回覆：知道係排s位就唔收……

唔好以為有i為幼稚園會包容D，很多因為現在收生唔難，唔係好包容。



作者: pinkdoll    時間: 15-8-6 00:47

kemmyleung 發表於 15-8-5 17:42
今日突然有間幼稚園打俾我話有位，就叫我8號去註冊。
我就同拒老實地講我個仔係排s 位嘅小朋友
個老師就話 ...

早啲知都好, 好過收咗你個仔, 然後不停向你投訴, 又或者由得你個仔自生自滅.
作者: cyriliris    時間: 15-8-6 08:45     標題: 回覆：知道係排s位就唔收……

我想問呢d情況在小學都會發生嗎



作者: kemmyleung    時間: 15-8-6 10:12     標題: 回覆：pinkdoll 的帖子

係呀  我都係禁唸  而家知道仲好



作者: legolas625    時間: 15-8-6 13:24

此處不留人，自有留人處。

我仔在S位出來，我的感受係，歧視反而是來自呢D為學障兒童提供服務的機構。
作者: carmenkmlo    時間: 15-8-6 19:16     標題: 引用：今日突然有間幼稚園打俾我話有位，就叫我8

原帖由 kemmyleung 於 15-08-05 發表
今日突然有間幼稚園打俾我話有位，就叫我8號去註冊。
我就同拒老實地講我個仔係排s 位嘅小朋友
個老師就話 ...
建議按政府S位個list來找相關幼稚園。
其實，我都試過等到1間有i位的幼稚園告知有學位(之前個別普通申請)。

我跟她們說了我小朋友問題(弱聽+言語遲緩)。
過2日主任回覆，坦白說她們學校不合適小朋友，因為只有一個開放課室，而且她們過往也沒有收過弱聽小朋友。
(弱聽小朋友不適合在嘈雜環境下學習)

我也理解明白她們的難處。
幸好她們也如實告知。

樓主，不要灰心。我相信會有一間有愛心的幼稚園適合小朋友。加油




作者: kemmyleung    時間: 15-8-7 12:52     標題: 回覆：carmenkmlo 的帖子

多謝 ：大家一齊加油！



作者: carolksw    時間: 15-8-12 18:23     標題: 引用：今日突然有間幼稚園打俾我話有位，就叫我8

原帖由 kemmyleung 於 15-08-05 發表
今日突然有間幼稚園打俾我話有位，就叫我8號去註冊。
我就同拒老實地講我個仔係排s 位嘅小朋友
個老師就話 ...
你在那一區？我仔又係咁，本來已做好註冊加校服被舖都買埋，校長一知道排S位，已經話唔收得我仔。好彩阿仔歳半開始返托兒所，開始追到小小，然後用托兒所的進度報告俾社工，社工再俾醫生，轉兼收位，好彩有一間開多咗兼收位，即時收咗，今年9月返N班。校長仲好好，俾阿仔在托兒所7日的暑假用暫托位俾阿仔適應，阿仔返第三日已可返9：00-3：00。



作者: kemmyleung    時間: 15-8-13 23:01     標題: 引用：Quote:原帖由+kemmyleung+於+15-08-05+發表

原帖由 carolksw 於 15-08-12 發表
你在那一區？我仔又係咁，本來已做好註冊加校服被舖都買埋，校長一知道排S位，已經話唔收得我仔。好彩阿仔 ...
我住九龍灣呀！恭喜你呀  搵到間好嘅



作者: carolksw    時間: 15-8-14 20:56     標題: 引用：Quote:原帖由+carolksw+於+15-08-12+發表你

原帖由 kemmyleung 於 15-08-13 發表
我住九龍灣呀！恭喜你呀  搵到間好嘅
真係無諗過D普通邨校都唔收，仲要係基督教學校，亦有做兼收位。



作者: cherryyau1209    時間: 15-8-16 16:51     標題: 回覆：carolksw 的帖子

想問可否話我知邊間幼稚園？正幫小朋友搵緊有愛心幼稚園



作者: KCHK    時間: 15-8-16 22:43     標題: 回覆：知道係排s位就唔收……

樓主， 點呀， 你找到幼稚園未呀？你有無試下讀下午班個d 幼稚園呀? 我住四順個邊的, 舊年都係差不多開學前一星期先轉學校, 因為原本讀緊n 班的幼兒園我覺得不太適合佢， 因為收生太多了， 老師真係照顧唔到， 而且我仔上午當時逢一、二四會去協康上社交班， 所以膽粗粗問其他附近學校， 估唔到一間我覺得無咩可能會收的學校話可以interview 左先, 見完就收左了, 仲要我覺得環境好好， 有學劵，完全唔需要補學費，只比好小茶點費， 下午班好小人讀， 個班得6個同學（因為佢仲有上午班同全日班）， 如果你想試下就PM我啦。我仔係呢間都讀得好開心， 現在剛剛入左s位了。當然你唔好要求佢係學校學到野，同今年情況又未必同舊年一樣。



作者: Littlecatta2013    時間: 15-8-17 09:51

回覆 KCHK 的帖子

請問可唔可以PM我邊間幼稚園﹖﹖
作者: KCHK    時間: 15-8-17 10:43     標題: 回覆：知道係排s位就唔收……

PM 左你了



作者: kemmyleung    時間: 15-8-18 20:51     標題: 回覆：KCHK 的帖子

我搵到了  保x局嘅k1 校長好好  知道呀B 係s 位都收Thankyou  all



作者: KCHK    時間: 15-8-18 22:24     標題: 回覆：知道係排s位就唔收……

咁就好了



作者: legolas625    時間: 15-8-19 09:18

恭喜!!
作者: yl88    時間: 15-8-19 20:51     標題: 引用：今日突然有間幼稚園打俾我話有位，就叫我8

原帖由 kemmyleung 於 15-08-05 發表
今日突然有間幼稚園打俾我話有位，就叫我8號去註冊。
我就同拒老實地講我個仔係排s 位嘅小朋友
個老師就話 ...
不是經政府派的位，佢地唔會收到資助金額，當然唔收



作者: pandafood    時間: 15-8-20 13:27     標題: 回覆：知道係排s位就唔收……

唔好唔開心，再接再厲。上兩年我仔都係咁，唔讀好過讀呀呢啲學校。 我嗰陣都以為係間好有愛心學校，又有兼收位；應該識處理啦。 點知讀左大半年都係不停想辦法勸退你。 一樣係基督教學校～



作者: jcflower    時間: 15-9-8 16:05

回覆 kemmyleung 的帖子

唔好意思，我想問下，排緊S位都要另外自己再找幼稚園的嗎?
作者: long107    時間: 15-9-8 19:48     標題: 回覆：jcflower 的帖子

因未知幾時派到S位，如已適齡入學，就要找幼稚園讀住先啊！



作者: jcflower    時間: 15-9-9 17:53

唔好意思，想問多個問題，如果未派到S位，又找到幼稚園讀住先，咁系讀緊的途中，收到通知派到S位，那是不是要退學轉S位呢?

唔好意思，太多問題，因我唔太清楚要點做
作者: Cathy9929    時間: 15-9-9 21:57

回覆 kemmyleung 的帖子

請問係邊間保良局?仔都係排緊位，揾緊九龍灣k1
作者: kemmyleung    時間: 15-9-11 10:25     標題: 回覆：Cathy9929 的帖子

我反觀塘保良，我入學前有同校方講過呀B 排緊s位  拒地都照收 校長仲話有教無類。  差D 喊左出妮！而家反有一星期到老師都好好 唔會只話小朋友點點點，老師比較多講我知係呀B學習情緒同呀B同其他人嘅互動




作者: lulumelody    時間: 15-9-11 11:23     標題: 引用：我反觀塘保良，我入學前有同校方講過呀B+排

原帖由 kemmyleung 於 15-09-11 發表
我反觀塘保良，我入學前有同校方講過呀B 排緊s位  拒地都照收 校長仲話有教無類。  差D 喊左出妮！而家反有 ...
校長講得出“有教無類“，依D才是從事教育工作的人，真係有心教育小朋友，而唔係當教育係件商品。不過，香港真係越來越少，特別係當你小朋友有特殊需要，你分外感受得到。



作者: kemmyleung    時間: 15-9-11 11:28     標題: 回覆：lulumelody 的帖子

講得真啱！



作者: kuen_1114    時間: 15-10-7 14:38     標題: 回覆：kemmyleung 的帖子

可否pm 學校資料給我，我小朋友都是發展遲緩，來緊找k1,我都好擔心找不到學校.謝謝！



作者: kemmyleung    時間: 15-10-7 19:37     標題: 回覆：kuen_1114 的帖子

我係觀塘區你近嗎？如 ok  就pm 我吖



作者: wendysnoopy    時間: 15-11-16 13:31

KCHK 發表於 15-8-16 22:43
樓主， 點呀， 你找到幼稚園未呀？你有無試下讀下午班個d 幼稚園呀? 我住四順個邊的, 舊年都係差不多開學前 ...

想問你排S位排左幾耐?邊區? 謝
作者: vincelo29    時間: 15-11-16 15:00     標題: 引用：我搵到了++保x局嘅k1+校長好好++知道呀B+係

原帖由 kemmyleung 於 15-08-18 發表
我搵到了  保x局嘅k1 校長好好  知道呀B 係s 位都收Thankyou  all
保x局真係有教無類，我仔排緊i位，，校長老師十分有愛心



作者: vincelo29    時間: 15-11-16 15:02     標題: 引用：我反觀塘保良，我入學前有同校方講過呀B+排

原帖由 kemmyleung 於 15-09-11 發表
我反觀塘保良，我入學前有同校方講過呀B 排緊s位  拒地都照收 校長仲話有教無類。  差D 喊左出妮！而家反有 ...
你仔仔什麼問題要排s位？我仔就社交言語緩慢及自閉傾向



作者: Linchu    時間: 15-11-17 11:14     標題: 引用：我係觀塘區你近嗎？如+ok++就pm+我吖 +

原帖由 kemmyleung 於 15-10-07 發表
我係觀塘區你近嗎？如 ok  就pm 我吖
Can pm me ma ?



作者: BonusBo    時間: 15-12-9 22:47     標題: 引用：我反觀塘保良，我入學前有同校方講過呀B+排

原帖由 kemmyleung 於 15-09-11 發表
我反觀塘保良，我入學前有同校方講過呀B 排緊s位  拒地都照收 校長仲話有教無類。  差D 喊左出妮！而家反有 ...
Jm你好，我有kwun tong保良局n班的校服和書包，請問你有需要嗎？



作者: miss_u    時間: 16-1-21 00:31     標題: 引用：此處不留人，自有留人處。我仔在S位出來，

原帖由 legolas625 於 15-08-06 發表
此處不留人，自有留人處。

我仔在S位出來，我的感受係，歧視反而是來自呢D為學障兒童提供服務的機構。 ...
我呢幾個月就係面對咁既問題！我真係真心覺得好sad 明明係有呢d支援既 但佢偏偏就話空間有限 ok 我明白或者我小朋友會加重佢地負擔



作者: legolas625    時間: 16-1-28 11:06

你試多幾間，我坦白時花了好大勇氣，因為怕被拒絕，但為了小朋友，努力啊。

呢個世界總有肯包容的學校。
作者: KCHK    時間: 16-1-30 11:25     標題: 引用：Quote:KCHK+發表於+15-8-16+22:43+樓主，+

原帖由 wendysnoopy 於 15-11-16 發表
想問你排S位排左幾耐?邊區? 謝
Wendysnoppy 唔好意思, 之前睇唔到你問題，我由2014年2月排的, 最後入左柴灣環翠2015年大派位時派到的,如果問我點解要去咁遠, 係因為官塘同黃大仙都要等耐d ， 況且我娘家在柴灣







歡迎光臨 教育王國 (/) Powered by Discuz! X1.5