教育王國

標題: 大學生淪窮忙族　香港點會有運行（東方日報功夫茶） [打印本頁]

作者: elbar 時間: 15-7-29 09:31 標題: 大學生淪窮忙族　香港點會有運行（東方日報功夫茶）

近年有個新興名詞叫「窮忙族」，意思係即使有工作，收入都好低，永遠得個忙字，簡單講就係在職貧窮咁解。窮忙族愈來愈年輕化，唔止成為社會問題，更加成為政治危機添。

有團體研究發現，過去廿年本港大學畢業生嘅薪金不增反減，一九九三年起薪中位數超過一萬三千一百元，二○一三年竟然降至一萬零八百六十元，跌咗接近兩成；而近十年來嘅大學畢業生，薪酬累積加幅亦遠低於以前嘅大學生。不可不知，過去十年本港GDP每年平均增加百分之四點五，累計大約增加咗五成，即係話蛋糕做大咗，大學生反而分少咗，你話係咪有問題吖？

學者係咁講嘅，大學名額增加，導致學歷貶值，影響大學畢業生嘅薪金，加上香港產業結構單一，高技術職位不足，青年社會流動性下降。其實計功夫茶話齋，大學生愈來愈多，學歷嘅含金量固然冇以前咁高，但呢個並唔係主要原因，大學生收入下降主要係因為產業結構單一，香港一直獨沽金融地產，唔係炒股，就係炒樓，其餘選擇唔多，根本冇機會向上流動，大學生收入又點可能增加吖。

呢，早前有項調查發現，七成受訪青年認為好難搵到一份有前景又穩定嘅長工，近四成認為自己屬於在職貧窮，一成受訪者估計自己永遠無法脫貧添。試諗吓，年輕人既不滿現狀，更睇唔到前景，有乜法子唔怨聲載道呢？學者警告，港府再唔諗辦法解決青年就業及社會流動問題，好可能再次引發大型社會運動。

冇錯嘞，近年青少年問題多多，有啲人淪為街頭鬥士，愈來愈激進，咪就係因為對現實不滿囉，尤其係舊年嘅佔領之亂，可以講係深層次矛盾嘅一次大爆發。有人認為港府可能會失掉整代年輕人嘅支持，雖然有啲誇張，但照目前嘅形勢發展落去，前景一啲都唔樂觀。須知香港衣食住行樣樣難，房屋更係一個大問題，好多年輕人連一個安居之所都成為奢望，唔激氣就假。

正如梁啟超話齋，少年強則國強，少年智則國智。年輕人係社會嘅未來，依家青少年問題多多，未來香港會係點，估都估到喇。早前港府承認青年工作做得唔夠，諗住亡羊補牢，喺扶貧委員會設立專責小組討論青年向上流動問題，講就好聽喇，但究竟做唔做得到，仲要睇過至知。

講到底，港府冇能力推動經濟多元發展，提供向上流動嘅機會，青少年問題就冇可能解決，而青少年問題解決唔到，香港就冇可能有運行。

作者: elbar 時間: 15-7-29 09:42

大學畢業生起薪　比廿年前仲少$2300　薪酬大貶值　1.3萬變1萬

近年大學生不再是天之驕子。有機構研究顯示，20年來大學生的收入明顯貶值，起薪中位數較20年前相差2,300元；即使精英大學生畢業的起薪點也每況愈下，工作15年後差距更明顯，反映其上流速度減慢，新世代或更堪虞。有專家認為大學生人數增加，令學位貶值。

新青年論壇聯合新世紀論壇研究發現，不同年代大學生在起薪點或向上流速度均明顯下降。1993至2013年間，20年來通脹累計升幅達51.4％，但按通脹調整後，2013年大學生起薪中位數僅10,860元，比20年前的13,158元少2,300元，不升反跌。

尖子打滾15年工資增幅少$8000

另外，20年前大學生工作五年，便可由1.3萬升至1.9萬，升幅達45％；惟2008年入職、工作五年，薪酬僅由1.2萬升至1.5萬，升幅降至25％。

至於收入最高的10％精英大學生，1998年投身職場，工作15年後薪金僅由20,115元升至54,648元，增幅比1993年入職者打滾15年後的66,462元少約1.2萬元。研究亦顯示，20年間大學生勞動人口增加近70萬，而2013年約有13萬大學生從事毋須大學學歷的工作。

環球管理諮詢有限公司董事總經理李漢祥指，連同自資課程及海外大學，現時每年中學畢業生中約22％可升大學，大學生供應增加惟需求不變，薪酬自然下降。當中以四大會計師樓見習會計師情況最明顯，「20年前起薪約1.3萬，現時仍是1.3萬。」

合眾人事顧問公司總經理蘇偉忠指，從事非專業界別，如文員的大學生較多出現薪酬貶值，因市場有大量人才可填補空缺。

專家：人數增加專業職位不足

經濟學家關焯照亦指，20年前大學較少，故不少公司以理想待遇招攬精英畢業生。但現時除八所資助大學，還有私立學校，大學畢業生人數增加，但市場無足夠專業性職位，「地盤工月薪可達三、四萬，比大學生更好。」

工資減少購買力遠遜從前

補習名師張欣欣93年大學畢業，他指當年畢業生月薪約1.3萬至1.4萬元。當年他畢業後任職大學助教，月入約1.4萬元，但當時購買力與現時相距甚遠，「以前午飯20多元一餐、遠程地鐵車費僅10元，至少可儲錢」，反觀現時大學生月入僅1.1萬至1.2萬元，一餐午飯已花50、60元，扣除開支已所餘無幾，認為「年輕一代比我們活得辛苦」。

新青年論壇召集人鄧咏駿建議年輕人向外尋機遇，如到大中華區工作，把握隨內地經濟起飛帶來的機會；亦應多遊歷、探索世界，發展人際網絡，將有助創業，「有人把香港的小食雞蛋仔帶到台灣、深圳，自己做老闆。」政府現時亦有創業基金，年輕人應把握科技發展帶來的優勢。

以前大學較少，不少公司以優厚條件招攬精英。

經濟學家關焯照

張欣欣認為現時年輕人的生活，比20年的他辛苦。

歡迎光臨教育王國 (/)