教育王國

標題: 見學校同叩門,証書同獎狀係咪好緊要?有無小朋友乜都無? [打印本頁]

作者: yw710 時間: 15-7-23 13:11 標題: 見學校同叩門,証書同獎狀係咪好緊要?有無小朋友乜都無?

見學校同叩門,証書同獎狀係咪好緊要?
有無小朋友乜都無,都入到心儀學校?
有無咩証書各位覺得係必要?

作者: tkinwong 時間: 15-7-24 08:06 標題: 回覆：見學校同叩門,証書同獎狀係咪好緊要?有無小朋友乜都無?

無人有看法？

作者: zanezane 時間: 15-7-24 08:14

本帖最後由 zanezane 於 15-7-24 08:26 編輯

面試表現最重要

但一份有heart的portfolio，若俾學校注意到，排waiting或會前d. (弊, 好似d公司咁賣廣告?

)

eg俾學校知家庭教育理念，呢6年點行呢個理念。

我有落証書，一張，係家長義工証書，和在學校刊物刊登過的文章

我教小朋友自己寫信俾校長爭取取錄機會，自己無幫佢寫cover letter

我扣門唔係首輪入, 說實在, 學校一定會收面試最sharp果d先, 第一輪唔得, 我就請小朋友寫thank you letter, 及promise在哪裡也要努力讀書,(我連回郵方法都無提.....), 隔幾日就收到call.
學校應因信而搵返portfolio睇, 先再考慮阿女.

作者: mrschoy 時間: 15-7-24 23:43 標題: 回覆：見學校同叩門,証書同獎狀係咪好緊要

我仔冇乜證書，叩門兩間，兩間都收阿仔，同樣，唔係第一輪叩門收。不過，我覺得小朋友面試最重要。我有準備portfolio ，裡面有生活照，家庭照，學校生活咁。只有一張賣旗獎狀和參與心儀小學活動的參與證書。

作者: flower9 時間: 15-7-25 08:38

提示: 作者被禁止或刪除內容自動屏蔽

作者: zanezane 時間: 15-7-25 08:45

本帖最後由 zanezane 於 15-7-25 08:45 編輯

有無証書唔重要, 最重要係你點培養小朋友.

唔拎証書唔代表唔洗特別訓練小朋友

唔拎証書都要好好想下點樣令小朋友有扣門的實力, 對答力, 性格怎能人見人愛..... 都要自己做好多野先令學校選你的小朋友.

作者: wister 時間: 15-7-25 09:31 標題: 回覆：yw710 的帖子

我覺得唔係太重要，當年我囡囡扣門時我覺得啲老師無睇過，反而係睇小朋友當時表現

歡迎光臨教育王國 (/)