教育王國
標題: 3歲先開始培養閱讀會不會太遲？ [打印本頁]
作者: LenaWong 時間: 15-7-15 19:46 標題: 3歲先開始培養閱讀會不會太遲？
之前因為懶，加上自己一人湊百厭女，自己身體差成日都好攰咁，所以無點陪女兒睇書，如果以家開始會不會太遲？點可以令我女喜歡閱讀？上星期試帶圖書館，我講故仔，我女聽左三本之後好快咁趕住翻書翻最後一頁，之後催我走。。。我考慮緊係米應該買Oxford path 3-5歲嘅書同點讀筆吸引佢先會好d？但來緊9月開學係米其實會無時間用到Oxford path?希望有媽媽幫到我，thanks a lot
作者: ilikecoolcase 時間: 15-7-16 15:36
回覆 LenaWong 的帖子
我覺得有心不怕遲! 她肯聽你講3本已經不錯了. 我最初是每天看10分鐘內講完的繪本故事, 而且有趣及內容生動一些故事他們會記得而且很集中的. 每晚如是, 習慣左就追住你講多本講多本......
最初我也是有圖書館度借返屋企慢慢看的, 當中如發現小朋友好鍾愛邊類書或邊本才去書局買回家.
加油呀!
作者: maggiemomC 時間: 15-7-16 17:30
提示: 作者被禁止或刪除 內容自動屏蔽
作者: LenaWong 時間: 15-7-17 21:45 標題: 回覆：ilikecoolcase 的帖子
明白，多謝你的鼓勵，我會嘗試，希望成功啦，吾想我女太貪玩
作者: LenaWong 時間: 15-7-17 21:49 標題: 引用：點讀筆其實幾好,+我小朋友都好中意,+你咪慢
原帖由 maggiemomC 於 15-07-16 發表
點讀筆其實幾好, 我小朋友都好中意, 你咪慢慢試下用點讀筆吸引左佢既興趣先, 大小小再俾其實書佢睇 ...
作者: phoebewong123 時間: 15-7-17 23:22 標題: 引用：Quote:原帖由+maggiemomC+於+15-07-16+發表
原帖由 LenaWong 於 15-07-17 發表
我就怕我女三分鐘熱度，因就算買3-5歲個pack聽講要成萬五蚊，自己經濟麻麻，分期付款幾百我都ok, 我問出面d ...
反而帶佢去書局任佢揀書仲好。
作者: bluenicole2010 時間: 15-7-18 11:37 標題: 回覆：3歲先開始培養閱讀會不會太遲？
我女3歲半，上左Lorna Whiston 英文班半年，每次可以借書兩本。D書老師會跟著佢程度比佢揀，佢返來就即刻打開睇，而家有好多簡單字已經自己認得。
作者: LenaWong 時間: 15-7-20 06:00 標題: 回覆：bluenicole2010 的帖子
你講的playgroup太遠了，anyway, thx for your information
作者: LenaWong 時間: 15-7-20 06:01 標題: 回覆：phoebewong123 的帖子
我前兩日帶我女去，似乎她對Oxford reading tree少字個d有興趣，我諗我考慮從呢方面入手
作者: bluenicole2010 時間: 15-8-1 22:52 標題: 回覆：3歲先開始培養閱讀會不會太遲？
你可以睇吓 Mo Willems 系列d書，幾得意， 我買左幾本比啊女，佢可以讀哂D對白岀來。扮吓Gerald又扮吓Piggie （書裏人物），好搞笑
作者: s.andp 時間: 15-8-2 02:29 標題: 回覆：3歲先開始培養閱讀會不會太遲？
提示: 作者被禁止或刪除 內容自動屏蔽
作者: YeungSai 時間: 15-8-2 11:27
提示: 作者被禁止或刪除 內容自動屏蔽
作者: torunpoland 時間: 15-8-2 17:43 標題: 回覆：LenaWong 的帖子
永不太遲！
作者: kimib 時間: 15-8-3 12:21
我見過小朋友六歲已經拎住大大本harry potter去飲茶, 佢daddy係法官, 是遺傳, 訓練, 定係家長影響? 好想知係點做得到.
作者: 貝珠 時間: 15-8-3 13:54 標題: 回覆：3歲先開始培養閱讀會不會太遲？
遲架。3歲先培養比起從孩提時培養當然事倍功半，但閱讀既然咁重要，當然一定要努力，要犧牲一d防礙閱讀的生活習慣，倒如電視，iPad
作者: Shangrila 時間: 15-8-3 22:45 標題: 回覆：3歲先開始培養閱讀會不會太遲？
3歲唔遲！比心機加油！可由睡前一同閱讀開始！如果覺得困難，由3分鐘一路加上去囉！唔好只諗住培養閱讀興趣而一定要佢睇晒本書，咁會有壓力！親子閱讀應該係大家都覺得開心嘅過程！抱佢坐喺你大脾到一齊睇！到佢慣咗再慢慢加長時間，俾佢自己揀鍾意嘅書或，你同佢每人揀一兩本...好多方法！得閒睇書或上網睇吓其他人有咩方法以下網址供參考:
http://www.edb.gov.hk/tc/curriculum-development/major-level-of-edu/primary/materials/parent-child-reading/index.html
作者: ^GGmami^ 時間: 15-8-4 08:59 標題: 回覆：3歲先開始培養閱讀會不會太遲？
唔遲, 我小朋友4歲我都未開始 不過我自己都上到小學先自己瘋狂睇書, 我覺得最重要係佢有興趣。講真, 你陪佢睇得幾多本? 我自己小學果時, 小息就入圖書館睇書, 唔洗靠大人讀真係好有滿足感! 最重要唔好比壓力佢, 亦唔好比壓力自己
作者: elmostoney 時間: 15-8-4 11:15
本帖最後由 elmostoney 於 15-8-4 11:16 編輯
有心唔怕遲, 反而要諗下, 佢上左小學, 仲有時間睇書咩? 又或者學校鼓勵讀書量, 而非質, 有朋友的學校要學生一個學年睇80本書寫報告, 於是小朋友當交功課, 目標揀最短的書睇, 睇完寫幾句就叫報告, 對故事冇物理解同感想. 最後當然打殘哂閱讀興趣. 所以大家不妨諗下呢個課題如何解決.
作者: moondream3003 時間: 15-8-4 12:40 標題: 回覆：3歲先開始培養閱讀會不會太遲？
淘寶 ort 好平。
作者: wan_sosin 時間: 15-8-5 12:26 標題: 引用：我見過小朋友六歲已經拎住大大本harry+pott
原帖由 kimib 於 15-08-03 發表
我見過小朋友六歲已經拎住大大本harry potter去飲茶, 佢daddy係法官, 是遺傳, 訓練, 定係家長影響? 好想知 ...
父母總希望小朋友語文能力高，但以6歲要看懂harry potter為目標，似乎不需要！
作者: MASAYA 時間: 15-8-7 08:54
遲又點唔遲又點，反正返唔到轉頭，最緊要坐言起行，再講都未開始只會更遲
不過三歲開始閱讀一d都唔遲，孩提時伴讀我都唔會要佢地睇字，事實上K3下學期我才伴讀時照字讀，之前一直用口語講故事，小一上學期可以自己睇書，下學期已經變得瘋狂睇書，到左一個我需要限制既情況
點解孩提時唔教佢地認字，因為我唔心急，唔需要同人比較，我相信兩歲前要小朋友睇字對眼睛傷害很大，唔值得為早兩三年認得字而用影響一世既近視散光去換，6歲睇harry potter需要戴眼鏡未？未既話咁7歲呢？8歲？
另外，除非target英小，否則建議先開始睇中文後睇英文，唔駛相差太耐，半年至一年即可，因為英文比中文簡單太多，小朋友一開始從英文書得到滿足感，要佢地之後睇中文書難度大得多，先中後英比較容易平衡中英文能力，加上，上中小，解決中文閱讀能力，除左英文，其他科可以唔駛點理，解決埋英閱讀能力，上小學已經可以自動波，數感差既另計
作者: piglily55 時間: 15-8-7 18:01
phoebewong123 發表於 15-7-17 23:22 
我認為不需要特別買Oxford path
反而帶佢去書局任佢揀書仲好。
多D 親子共讀... 或者SIT D 得意的貼子, 小零食落本書, 等佢自己睇下睇下覺得睇書原來幾得意...有驚喜...慢慢愛上閱讀仲好....
"書中自有黃金屋"
作者: elmostoney 時間: 15-8-7 20:49
我兩個小朋友, 個人發現, 有D可以培養, 有D係唔得. 兩個細路我都有讀書比佢地聽, 細個個醒D學野快D, 但睇書麻麻, 只係睇好窄的題目. 大個個簡直係瘋狂睇書, 但細個時佢學習自主閱讀係遲過細個個, 所以真正鍾意睇書嘅, 遲早非問題.
作者: babyjk2013 時間: 15-8-14 18:01 標題: 引用：我兩個小朋友,+個人發現,+有D可以培養,+有D
原帖由 elmostoney 於 15-08-07 發表
我兩個小朋友, 個人發現, 有D可以培養, 有D係唔得. 兩個細路我都有讀書比佢地聽, 細個個醒D學野快D, 但睇書 ...
有d人係迫唔到lor
問下你自己有無閱讀興趣先！
我女而家2歲 我無刻意陪佢睇
只係有一定數量既書比佢 佢成日話睇
睇一陣又走左去😰
really want to seek jms' advice on how to catch my girl's reading attention.
作者: lok1211 時間: 15-8-19 10:33
我们一岁多开始一起看书，我每念到一句就用手指点到字，让他认识，仔六岁了，也很喜欢讲故事，已认识很多字
作者: nccnatalie 時間: 15-8-25 14:14
我响佢3個月時用4皮幾買左oxford path, 哈, 講真買完我都有啲後悔, 其實坊間都好多點讀筆嘅書, 無需要買噤貴~
| 歡迎光臨 教育王國 (/) |
Powered by Discuz! X1.5 |