教育王國
標題: AFS國際文化交流-交流生 [打印本頁]
作者: bero 時間: 15-7-10 22:37 標題: AFS國際文化交流-交流生
請問有無家長聽過或俾仔女參加此組織, 一年際交流生, 俾D意見, 唔該!
http://cn.afs.hk/about-afs/about-hong-kong/
作者: Radiomama 時間: 15-7-11 10:20 標題: 回覆：bero 的帖子
歷史悠久，我讀書年代已有同學參加。
作者: bero 時間: 15-7-11 22:09
Radiomama 發表於 15-7-11 10:20 
歷史悠久，我讀書年代已有同學參加。
謝謝回覆, 因我女學校今年跟AFS聯繫咗, 我很想女兒能夠出外見識吓, 但身邊無咩人聽過此團體.
作者: bplus 時間: 15-7-14 11:22
回覆 bero 的帖子
如果仔女性格外向, 獨立, 係一次唔錯經驗, 不過係付上一年可以話係停學的代價, 所以玩完一年後點打算? 要考慮及準備, 當年有同學返哩香港去考 asso, 比人恥笑係讀書唔成走去玩 exchange, 其實 AFS 揀人唔係睇成績, 係考慮學生性格, 獨立能力, 一年 exchange 的確係學到書本以外的人生經驗, 不過, 並不是個個學生都係成功個案, 聽聞間唔中都有人要 early return
作者: bero 時間: 15-7-14 11:58
本帖最後由 bero 於 15-7-14 12:29 編輯
bplus 發表於 15-7-14 11:22
回覆 bero 的帖子
如果仔女性格外向, 獨立, 係一次唔錯經驗, 不過係付上一年可以話係停學的代價, 所以玩完 ...
謝謝回覆.
唔好意思, 想問多少少問題: 以你所知AFS的支援OK嗎? 因我聽講座時, 話在當地有義工支援學生各方面, 例如生活上, 學校及同寄宿家庭相處問題等.
我女就係比較慢熱同不主動, 獨立能力同成績都係一般, 又未至於港孩, 係屋企都會做吓家務識煮飯煮麵咁. (中三升中四)
因為我有親人在當地, 我想如果我女喜歡, 而又能適應倒果邊校園生活, 同人溝通得倒古, 想俾佢繼續讀上去.
作者: bplus 時間: 15-7-14 13:25
bero 發表於 15-7-14 11:58
謝謝回覆.
唔知你講當地係那個國家, 不過好似係住 host family 期間, 唔准家人哩探, 而且 host family 通常唔係大城市
F3-F4 話細唔細, 大唔大, HKCEE 年代都係讀完 F5 先去exchange, 我覺得比較適合, 如果計劃留係當地升學, 個 exchange visa 應該 cover 唔到, 返哩香港再簽過?
其實個計劃最得著係人際關係, 如果主動, 投入, 一定識到好朋友, exchange 之後同 host family 仍然有聯絡大有人在, 有 d 仲哩香港見面
作者: bero 時間: 15-7-14 13:51
bplus 發表於 15-7-14 13:25
支援是否ok 係睇 appoint 比你個 AFS 義工有幾投入, 不過做得義工, 佢地都係ex-AFS 學生 or host family, ...
其實我都仲心大心細報唔報, 佢7/15-2/16接受報名, 係去就9/16開始, 到時我女應該升中五, 不過最緊要睇佢對學習上面有無改善, 佢而家就係D懶懶閒, HEA住返學嘅人!
作者: vet 時間: 15-7-14 23:27 標題: 回覆：bero 的帖子
我二十年前去美國交換一年，AFS, 個人認為好值，尤其打算繼續留美升大學，呢個program係塊平靚正的踏腳石，去完一年英文一定流利好多，美國的public 中学唔收留学生，只有交换生，呢一年差不多冇機會講中文，當然亦係好好的磨練。如果要返來考D S E就可能分左心
作者: vet 時間: 15-7-14 23:39 標題: 引用：+本帖最後由+bero+於+15-7-14+12:29+編輯+\
原帖由 bero 於 15-07-14 發表
本帖最後由 bero 於 15-7-14 12:29 編輯
唔同area的交换生有定期活动聚會，約一年3～4次，有一次要坐domestic flight去另一State, 你個女內向可能難D適應。
呢一年唔可以返HK，父母唔會探，冇同聲同氣的同學，住和返學的地方在遍遠地區，和一般去英美留學的學生唔同的。
作者: bero 時間: 15-7-15 11:02
vet 發表於 15-7-14 23:27
我二十年前去美國交換一年，AFS, 個人認為好值，尤其打算繼續留美升大學，呢個program係塊平靚正的踏腳石， ...
睇完你回覆, 我又對AFS的信心大D了, 因為自己無出外留學經驗, 真係咩都一知半解, 唔想貿貿然同亞女報咗, 又無咩得著返來. 我想問吓你提及美國PUBLIC中學不收留學生是什麼意思? 即只有私校中學才收對嗎?
我有親人在美國, 佢地都有問過我會否安排亞女過去讀書, 因為而家AFS同我女學校聯繫咗, 係可以留返學位一年後可繼續升讀, 我就係怕我女如果一開始就過去讀(不是交流生)而又不適應再返港搵中學就好煩了.
作者: vet 時間: 15-7-16 02:02 標題: 回覆：bero 的帖子
交換生入讀的學校唔會有普通外國留學生。
作者: vet 時間: 15-7-16 02:05 標題: 回覆：bero 的帖子
你女去讀year12, 考SAT入美大學？SAT唔易考，最好用2年時間準備，她去讀一年，未必能取得好成绩入好的大學。
作者: bero 時間: 15-7-16 09:48
vet 發表於 15-7-16 02:05
你女去讀year12, 考SAT入美大學？SAT唔易考，最好用2年時間準備，她去讀一年，未必能取得好成绩入好的大學 ...
其實我都唔知點安排好, SAT係香港考? 還是在當地考呢?
作者: vet 時間: 15-7-16 11:38 標題: 引用：Quote:vet+發表於+15-7-16+02:05+你女去讀y
原帖由 bero 於 15-07-16 發表
我女如果係去, 就係在港讀埋中四去, 我估以佢英文程度, 去到可能只係讀YR9/YR10(即HK的中三/中四)吧.
作者: vet 時間: 15-7-16 11:41 標題: 回覆：bero 的帖子
見到你話囡囡慢熱唔主動，請考慮吓她的性格適唔適合做交換生。
作者: bero 時間: 15-7-16 15:01
vet 發表於 15-7-16 11:41
見到你話囡囡慢熱唔主動，請考慮吓她的性格適唔適合做交換生。
佢個性格, 不是活躍份子, 係學校都好少參與活動, 主要係懶, 唔係OUTGOING嘅人.
作者: vet 時間: 15-7-16 20:40 標題: 回覆：bero 的帖子
如果她想出外見識可以apply, interview都會access她適合否。
如果她不夠主動開朗，喺學校可能會較難交朋友，會孤單要頗長時間去適應。
作者: bero 時間: 15-7-17 09:17
本帖最後由 bero 於 15-7-17 09:17 編輯
vet 發表於 15-7-16 20:40
如果她想出外見識可以apply, interview都會access她適合否。
如果她不夠主動開朗，喺學校可能會較難交朋友 ...
多謝晒你的寶貴意見, 會同亞女講你的提議, 報不報睇佢自己決定, 當然報咗都未必一定收, 我會同佢講埋等佢有心理準備!
作者: csy_ma 時間: 16-1-23 04:19
本帖最後由 csy_ma 於 16-1-23 04:38 編輯
bero 發表於 15-7-16 09:48
我女如果係去, 就係在港讀埋中四去, 我估以佢英文程度, 去到可能只係讀YR9/YR10(即HK的中三/中四)吧.
唔好意思！最近好少上EK，好遲至發現呢個POST
我囡去年參加咗AFS交流，去咗意大利。佢係S3升S4時去，因為香港一般既中學，S4-S6既一條龍教育，都係為DSE考試而設。
據知，去到當地入讀乜學校同乜班，都係當地AFS安排既。以我囡去年為例，有成20人到意大利交流，分布在全國南北意。北意係商業同文化中心，南部則多半陽光海灘，更有度假感覺？
當我囡去年年頭成功通過面試後，就要立即着手下一步，由佢自己、家長、學校以及最多三位長輩撰寫推薦/介紹信，學校仲要有按AFS的表格填寫既成績證明（統一格式，所以不用看成績表）。佢究竟搵到邊區乜學校，主要看當地AFS如何推銷佢既資料（其實不過係根據佢遞交既資料配對）。正如香港既AFS一樣，當地基本上都有一批已合作開既學校，成績好或不好的學校皆有，一般係大校先接受交流生，但也不一定。學制不嚴既偏遠地區，也一樣會接收交流生。
通常，學生有學校揀中，先至會替佢搵寄住家庭。寄住家庭好唔好，都幾講運，亦都睇去交流既學生有乜互動。意大利的AFS搞得不錯，所以好多人參加佢個交流計劃。通常，意大利家庭都係住屋仔既，地方大，假如佢屋企有子女參加過外地交流既話，就會較願意做接待家庭。我囡既接待家庭就係咁：
佢地先接待咗一位土耳其女孩寄住一年
然後家姐去咗瑞典半年
跟住又接待我個囡至今年暑假。
因為寄住家庭有經驗，因此阿囡寄住既日子非常愉快。香港孩子較直腸直肚既外國孩子「識做」，相處應該唔係太大問題。去之前我在網上搜集資料時，見過有大陸學生真係會被強行遣返，但香港學生未試過。我囡話，佢屋企果對姊弟，一如佢自己響香港屋企咁，都冇乜幫手做家務，但佢就會每晚幫手執枱，放入廚房洗碗機，所以佢媽咪都幾錫佢。佢阿爸仲錫，阿囡曾經講過，有次佢阿爸因工作時下屬唔聽話，回家時有情緒，聽到阿囡講句唔鹹唔淡既意大利文，就笑返晒。
AFS呢個交流計劃，重點不在學業，而在擴闊視野，促進文化交流。我囡在意大利，因為只上半日學，所學科目又可以自己揀，用意大利文上既學科老師，對佢既要求一般不高，而當地既英文程度普遍較香港差，所以學業對我囡沒有造成很大困擾，可謂十分「他條」。
（其實，這要看學生既自我要求。例如，香港中學既數學程度普遍較歐美高，但係，教既方法唔同。香港係填鴨式，教得好快，但不問情由，只要記。在意大利，一條公式會用唔同既角度反覆去教，主要教你點樣去思考，而唔係點樣盡快利用公式去答對答案。我囡話，意大利教既公式雖然已學過，但因唔同教法，加上用意大利文學，都係幾吃力既。不過，數學老師畀佢既分數就十分慷慨。而物理，意大利學既係角度計算，類似香港既幾何，對佢黎講都有方法跟到；但好似化學咁，佢就完全聽唔明，係放棄狀態，所以下學期會換科。
在意大利，中學分四種，一種係類似香港既理科，另一種係較注重藝術，尤其視藝（作為設計大國，佢地小學同初中係人人都要學素描既），其餘兩種，都係著重語言，一種係修現代通行既歐洲語言，英文係必修，另外揀法、德、西之類），另一種，除現代通行語言外，還要學古拉丁文，據聞都幾難。我囡讀果間係大校，包含除視藝外其他三項選科。不過交流生，除非你有其他外語基礎，否則都係修理科較易上手？）
要再強調一次，學業，唔係出去交流既重點。在九月至十二月，AFS規定佢必須一個星期有兩日要去附近既大城市，同其他來自各地既交流學生學基礎意大利文（AFS付學費和交通費，因為係買月票，佢去其他附近既城市玩亦變相不用付交通費），除此之外，佢仲學返在香港考完二級就冇繼續學落去既鋼琴（自費，請意大利媽媽代找老師），仲打算付月費去跟媽咪做gym，同考慮學跳舞（佢在港有學開）或畫畫（佢打算S4修視藝）。
除咗英文同意大利文，在香港佢成日唔合格既普通話亦流利咗好多，又學會少少日文同泰文。因為個意大利基礎班有來自山西、日本、泰國、巴西、葡萄牙等地既學生，因一個星期會見兩次，課後亦會相約繼續遊玩，反而係最熟（平日在學校，沒有午飯時間，放學同學就急急腳走，加上當地學生英文水平不高，不易建立友誼）。
響意大利，AFS既區會分得好細，佢果區就得果七個人，加埋鄰近區都係十幾個（佢係威尼斯附近，不過聽講米蘭就多好多人），所以每人都要在分享會中講野，亦都要響另一個show到介紹自己既文化……總之，有好多必須要出黎講野既機會，亦都要響地區聚合既三日兩夜宿營中同唔同國家既交流生溝通（類似既宿營至現時有兩次，一次剛到，在羅馬集中，另一次在山上）。我囡本身在香港都有好多出黎講野既機會，不過，假如係代表學校講野既，老師會叫佢寫咗講稿，同埋會同佢地練習好多次；響意大利，就任佢自己發揮。佢最初三個月唔夠就要參加分享會（幫當地AFS做宣傳，每個交流生都要出黎講，對象係當地人），意大利文不靈光，特別請佢媽咪幫佢翻譯咗篇英文講稿，佢標音照讀，自己都可能唔係好清楚講咗D乜，不過反應就好好。
響香港，因為太填鴨、太忙，中學生往往冇太多空間想自己係一個乜人，或者，想自己將來成為乜人。就算有時間（我囡鍾意響學校做功課，一放學就返屋企，又好少溫書，閒暇相對較多），亦都冇機會同渠道探索。在一個新地方，當你碰上陌生既事情時怎反應，會對乜特別感興趣，零用錢冇皇管後通常會花係邊……等，通通有助青少年了解同面對自己。當然，處於青春期，一個人在外，亦好大可能有拍拖機會？不過，因AFS規矩都幾嚴，且交流生圈子通常都集體活動，「出事」機會應唔高。既然咁空閒，來個異地初戀，然後無疾而終，都係一生中美好既回憶？
作者: csy_ma 時間: 16-1-23 04:42
仲有一點想講既係：香港既李寶椿聯合國際書院，好鍾意收去過AFS交流既學生。如果讀完中四至出去，交流既同時不妨考李寶椿既兩年制IB課程？
李既IB成績向來不錯，好多名校既學生到升中五會投考過檔，升大既往績都唔錯？
作者: daone053 時間: 16-1-23 20:19
我女女有frd舊年去咗俄羅斯 其實人都係好friendly既 但語言就一開始難啲 遲啲聽得明識講就ok
只不過係翻香港要“留一年班” 睇下小朋友接唔接受 翻到黎同以前既舊同學又唔同班
ps佢建議去唔係講英文既國家，可以最快學習一種新語言
作者: hktwun 時間: 16-3-4 23:58
csy_ma 發表於 16-1-23 04:42
仲有一點想講既係：香港既李寶椿聯合國際書院，好鍾意收去過AFS交流既學生。如果讀完中四至出去，交流既同 ...
作者: YauMum 時間: 16-3-5 07:30
bplus 發表於 15-7-14 11:22
回覆 bero 的帖子
如果仔女性格外向, 獨立, 係一次唔錯經驗, 不過係付上一年可以話係停學的代價, 所以玩完 ...
作者: bero 時間: 16-3-11 11:36
csy_ma 發表於 16-1-23 04:19
唔好意思！最近好少上EK，好遲至發現呢個POST
我囡去年參加咗AFS交流，去咗意大利。佢係S3升S4時去 ...
唔好意思, 我都係隔咗好耐上來才見你詳細介紹, 真係好多謝你回覆.
我女而家中四, 都係一般港孩, 玩手機多過食飯, 情緒商唔好又易喊, 所以我希望佢有個機會出外見識吓外面世界同接觸多D人, 就算無咩學倒回來也不緊要, 在外起碼學倒待人接物及自己照顧自己.
聽完你講解, AFS都唔係咁易收生, 我會將你的分享俾亞女睇睇, 等佢有個準備去面試, 以及調節吓自己個心態, 因為以佢的情況未試過自己出外, 而家一去就一年, 這也是我最擔心的一環, 因現今港孩就欠缺就係與人溝通.
想問問當初為何會選意大利? 你女女是否有少少意大利文的底子?
作者: bero 時間: 16-3-11 11:41
hktwun 發表於 16-3-4 23:58
亞女剛被AFS取錄，今年12月咪出席唔到李寶椿既"SELECTION DAY" ?
可否講講你女女選那個國家?
作者: hktwun 時間: 16-3-13 22:33
回覆 bero 的帖子
http://www.afs.hk/news-and-events/article/?article_id=184 for Info Session
我女由申請到取錄，大約要三個多月。 由於AFS面試係由義工(AFS Returnees) 進行，不可一概而論。
作者: hktwun 時間: 16-3-13 22:51
IMF head Christine Lagarde都係 AFS alumna.
作者: bero 時間: 16-3-14 09:52
hktwun 發表於 16-3-13 22:33
回覆 bero 的帖子
作者: bero 時間: 16-3-14 09:52
hktwun 發表於 16-3-13 22:51
IMF head Christine Lagarde都係 AFS alumna.
作者: kiu_bb 時間: 16-3-14 14:24
亞女一月in完，3月頭收到通知取錄，但佢地好多國家已經full左冇位，特別係歐洲國家，所以如果想9月去讀，真係唔多選擇~
作者: bero 時間: 16-3-14 16:29
kiu_bb 發表於 16-3-14 14:24
亞女一月in完，3月頭收到通知取錄，但佢地好多國家已經full左冇位，特別係歐洲國家，所以如果想9月去讀，真 ...
作者: kiu_bb 時間: 16-3-14 17:07
回覆 bero 的帖子
佢分好多期in,越早報名，越早in~雖然佢收左亞女，但佢心儀的國家，已經full左，所以仲15 16中，好唔好照去其他國家~
作者: bero 時間: 16-3-14 17:24
kiu_bb 發表於 16-3-14 17:07
回覆 bero 的帖子
佢分好多期in,越早報名，越早in~雖然佢收左亞女，但佢心儀的國家，已經full左，所以仲15 ...
作者: hktwun 時間: 16-3-14 22:53
回覆 kiu_bb 的帖子
去左家長INFO DAY 未？ 好多野要填寫！ 我在努力中！
作者: kiu_bb 時間: 16-3-15 16:42
回覆 bero 的帖子
亞女想去法國，但已經Full左~加拿大好似唔見有一年交流~
美國好似仲有位，但要另外考多個試~
瑞士已經Full左，同聽之前講座，話瑞士比較難申請同嚴謹~
或者你去聽左講座先，多些了解下~
作者: kiu_bb 時間: 16-3-15 16:45
回覆 hktwun 的帖子
昨晚已經去左聽，真係超多資料要攪同交~估唔到要禁趕~
你報倒心儀國家嗎？去邊個國家？
作者: bero 時間: 16-3-16 09:17
kiu_bb 發表於 16-3-15 16:42
回覆 bero 的帖子
亞女想去法國，但已經Full左~加拿大好似唔見有一年交流~
我女想去美國, 瑞士或加拿大, (加拿大有架)
法國都咁快FULL...
作者: bero 時間: 16-3-24 09:43
kiu_bb 發表於 16-3-15 16:45
回覆 hktwun 的帖子
昨晚已經去左聽，真係超多資料要攪同交~估唔到要禁趕~
作者: kiu_bb 時間: 16-3-27 22:26
回覆 bero 的帖子
其實而家先報，好似都趕唔倒暑假去，因都好多手續要攪~或你問下遲一年去，最早可以幾時申請~
你之前起學校聽講座，佢都應該有講，越早報名，就越可以容易，選倒心意國家~
作者: hktwun 時間: 16-3-28 23:10
本帖最後由 hktwun 於 16-3-28 23:10 編輯
Your answers can be found in info session : www.afs.hk
作者: hktwun 時間: 16-3-28 23:15
kiu_bb 發表於 16-3-15 16:45
回覆 hktwun 的帖子
昨晚已經去左聽，真係超多資料要攪同交~估唔到要禁趕~
作者: bero 時間: 16-3-29 11:04
kiu_bb 發表於 16-3-27 22:26
回覆 bero 的帖子
其實而家先報，好似都趕唔倒暑假去，因都好多手續要攪~或你問下遲一年去，最早可以幾時 ...
作者: kidslover 時間: 16-4-16 15:29
AFS 話一般最熱門的國家是 奧地利, 瑞士和德國, 但因近期歐洲恐擊事件, 各國會著緊交流生審核, 想去這幾個國家就要早D申請
作者: hktwun 時間: 16-4-16 22:39
或者考慮吓呢一年做Host Family，接待一個交流生係屋企。
作者: p25258955 時間: 16-4-18 23:20
仔仔今年會去意大利，有同行嗎
作者: csy_ma 時間: 16-4-20 16:57
p25258955 發表於 16-4-18 23:20
仔仔今年會去意大利，有同行嗎
作者: csy_ma 時間: 16-4-20 17:00
hktwun 發表於 16-3-4 23:58
亞女剛被AFS取錄，今年12月咪出席唔到李寶椿既"SELECTION DAY" ?
作者: csy_ma 時間: 16-4-20 17:53
本帖最後由 csy_ma 於 16-4-20 17:58 編輯
bero 發表於 16-3-11 11:36
HI CSY_MA:
唔好意思, 我都係隔咗好耐上來才見你詳細介紹, 真係好多謝你回覆.
我都唔好意思，超遲覆
當初點解會選意大利？
佢鍾意《達芬奇密碼》，所以第一志願法國，第二意大利，第三係瑞士。正如您們所知一樣，法國得兩三個位，早已滿。意大利近年交流規模都比較大，單香港，去年都有約20人，全世界有過千人去。而且，意大利既規則比較彈性，去年到上機果日未到15歲既申請人，一樣收。
我地本來驚意大利既治安，提議佢換德國，但德國要滿16歲至收，我囡今年返港時都未到言16。。。
至於瑞士，學術要求較高，位亦少。據去年替我打聽既校長話，AFS同佢講，申請瑞士既要排名10內，所以若想去瑞士，就要努力d了。
後來，女兒在剩下的選擇中，亦揀咗比利時（因為朱古力）同捷克，咁因為意大利有位，又係佢最初既第二志願，就順理成章。不過都好彩，法國同比利時去年都有恐襲，假如個囡去咗，就驚餐死
AFS收佢去意大利後，有個網上課程要佢起碼完成某個level，如上機日都未能完成，好似要罰50歐羅之類。就算去到，個網上練習都一樣要繼續做，另外每周兩次去上課。不過，據囡囡講，原來其他城市既意大利文堂係上好耐既，佢地就只係上到12月底。新年後就要自費上，雖然學費大家分擔後都唔係好貴。
女兒也訴苦，話佢間學校都要求交流生在學術上有一定表現（個host都係，上學期見到視藝老師俾佢既評價唔好，直到操上學校同老師理論，搞到英文唔好既視藝老師都要應酬阿囡，畀功課佢做），佢唔可以好hea，失咗交流生既「特權」。但我覺得佢其實已十分hea了
係勒，上次我原來報錯料：響意大利，因為地方大，係搵咗寄住家庭至搵學校既，以免住地離學校太遠。我囡到達之前已換咗一次家庭，之前果個仲近威尼斯，後來個單親家庭縮沙，換成而家果個，佢就同家姐細佬上同一間學校。同校另外有個葡萄牙交流生，後來因同寄住家庭唔夾，個女囝又想家，都提早返咗家鄉。香港既交流生倒好少有咁既情況，歐洲學生比較自我，據我所知，今年都有個來港既意大利男生，因為屢次犯規，提早遺返。
我囡話，香港交流生都有同寄住家庭唔夾，而要換家庭既情況，結果同第二個家庭（通常係曾有接待經驗既）相處愉快，放下心頭石。
去意大利既唔好處係，意大利管得比較嚴，其他去歐洲既AFSers，復活節假通常都全歐洲週圍去，意大利既就唔得，除非係host帶。搞到我地德國既朋友想接佢去玩都唔得，特登去探佢既契媽，都要自己先遊北歐，再搵佢。
但意大利在五六月期間有個交流週，可以揀一個意大利其他地方去一個星期，我囡就啱啱去完羅馬附近。
如有其他問題請提出好了，去年我囡出發前也是相當忐忑，好在Annie40給了我很多貼士，現在作回饋，也是應當的。
作者: p25258955 時間: 16-4-20 18:23
csy_ma 發表於 16-4-20 17:53
我都唔好意思，超遲覆
當初點解會選意大利？
請問可吾可以分享一下意大利嘅消費，諗緊要點比錢佢同要帶幾多
作者: csy_ma 時間: 16-4-22 02:48 標題: 回覆：p25258955 的帖子
除12月買禮物大破慳囊外，我女每月大概用千來二千港元，包括4百多元學琴費、4百多港元火車月票（最初須每周兩次去威尼斯學意大利文時，由AFS提供）、零食、文具、出去學意大利文時和其他AFSers吃晚飯和朋友的生日禮物等。
我囡除初到的9月買了很多冬衣外（只在意大利人認為最平宜的H&M買，但較香港的H&M貴，而host父母又堅持要送最貴的鞋+外褸近千元），絕少買衣服。但我聽說有到意大利交流的女孩以每月都有party為由（我女未去過），每月都買裙子，而一條就近千。所以，其實也主要看個人喜好。
我們只叫女兒到埗後告訴我們預計每月要用多少，她自己每月給我們一個excel，詳列收支明細。吃飯通常要過百，禮物看交情，給弟弟的過6百，一般朋友約2百，其餘細項皆是朱古力、雪糕、熱狗等零食，都4歐內很平宜，但小數長計也多。我不覺得女兒太節儉，也不奢侈就是了。
有朋友出差威尼斯幫我當信差，回來跟我說我女很踏實，要我放心......我問，從何見得？她說，女兒陪ee由威尼斯去米蘭火車那十多分鐘，就講了十多次很貴，所以如此評價
花歐羅確實貴，男孩子，沒那麼嗜甜，也沒有什麼服裝花費，會平宜些？我跟女兒說，去一趟意大利，趁換季大減價買件意大利製造的冬衣回港吧？她去看了一下，說最低也過2千港元......所以女孩就難講了......
作者: p25258955 時間: 16-4-22 18:34
本帖最後由 p25258955 於 16-4-22 18:37 編輯
回覆 csy_ma 的帖子
感謝，心裡有個譜了。你囡的host family確實不錯！afs還未通知我host的資料呢，真是很期待
作者: ACE2126 時間: 16-5-17 01:13
提示: 作者被禁止或刪除 內容自動屏蔽
作者: csy_ma 時間: 16-5-27 07:19 標題: 引用：Quote:csy_ma+發表於+16-4-20+17:00+對於在
原帖由 ACE2126 於 16-05-17 發表
多謝寶貴分享
如果返來，無國際學校收，會在原校留級嗎？
另，如已確定會出去交流，趁長洲搶包山完後，最好掃定d如平安包之類香港特色既小禮物。阿囡曾要求我們寄幾十個過去，以備佢臨別派畀同學，因我們很忙，最後要求佢自己搞掂。香港既明信片都要備d。
去年，我們準備了茶具和茶葉、筷子等中國餐具予寄住家庭，聖誕則寄絲巾同刺繡袋，其實可以早d準備帶去。
作者: hktwun 時間: 16-5-27 22:01
本帖最後由 hktwun 於 16-6-26 23:59 編輯
csy_ma 發表於 16-5-27 07:19
對，已獲通知未能通過李寶椿的網上面試，會回校續唸中四。
多謝分享!
我都好驚亞女返港後無國際學校收，不過就一定唔會返去原校唸中四。
作者: hktwun 時間: 16-5-30 20:50
昨天去了AFS出發前講座，有LPC代表出席上台發言。
今年LPC入學申請當中，有20份係來自AFS學生。LPC都會好睇重校內成績同校長推薦信。
作者: suemei 時間: 17-2-12 17:27
今年有無EK家長子女報左呢個計劃，需要自行提早學定當地語言嗎？
作者: suemei 時間: 17-2-15 18:25
回覆 suemei 的帖子
朋友的朋友兒子派意大利，被安排去ㄧ個較(文静)家庭，佢地無乜outing，個位交流生用左半年先適應倒。他的家長諗返應該早D學。
| 歡迎光臨 教育王國 (/) |
Powered by Discuz! X1.5 |