教育王國

標題: 5歲半兒童吾理人吾答人嘢，社交好差.... [打印本頁]

作者: djlove 時間: 15-7-6 09:43 標題: 5歲半兒童吾理人吾答人嘢，社交好差....

5歲半兒童吾理人吾答人嘢，社交好差...有冇辨法解決

作者: irenelwl 時間: 15-7-6 12:50

有無評估過?我仔快5歲，懷疑佢有自閉症，去醫院覆診時同醫院講，醫生問完我一堆問題，同觀察左佢一陣，問下佢野，都話我仔似係，5月時去左健康院排期。我仔都成日十問九不應同社交，情緒控制差。

作者: mirrorkwan 時間: 15-7-6 15:02 標題: 回覆：5歲半兒童吾理人吾答人嘢，社交好差....

我唸小小嘢！你咁遲先知？！

作者: djlove 時間: 15-7-6 19:08 標題: 回覆：5歲半兒童吾理人吾答人嘢，社交好差....

之前有自閉向，讀正常幼稚園排S位，但社交好差，諗緊s位有冇幫助....

作者: irenelwl 時間: 15-7-6 22:38

有無同佢上訓練, 社交堂, 情緒堂DD?

作者: djlove 時間: 15-7-6 22:40 標題: 回覆：irenelwl 的帖子

有上一部份....但要加強佢同人有交流....

作者: irenelwl 時間: 15-7-6 22:44

唯有不停教佢, 同埋上training, 我番去學校同老師講懷疑阿仔有自閉 (學校唔覺佢有問題的), 而家老師校長都好幫忙咁留意佢D細微地方, 例如有無正眼望人講野一, 要教佢表達不滿的方式
另外唔應人DD位, 有機會係感統問題影接收同表達, 有沒有見過職業治療師?好多SEN兒童都有感統問題, 我對仔女都有唔同程度的問題要處理丫><"

作者: djlove 時間: 15-7-6 23:44 標題: 回覆：irenelwl 的帖子

你仔言語有冇遲？有冇上言語治療？

作者: irenelwl 時間: 15-7-7 08:55

回覆 djlove 的帖子

有時我都怪自己疏忽左佢。佢比家姐遲講野，大約一歲9個月，一直有去健康院做發展監察，直到2歲半，佢地叫我地唔洗去，先無再去。未講野前個段時間我有驚過佢有自閉症，因我同事個仔係典型自閉。但我唔太認識自閉症原來都有分輕重，只接觸過典型自閉。因個仔係1歲9個月突然開籠雀咁，我地就無再為意。到上左幼稚園，覺得都大啦，點解教極都咁勞氣，驚佢有adhd,咁又同醫院醫生講，又叫我地跟老師一齊觀察多半年，點知個時個女因讀寫問題，檢查左有讀寫障礙，接觸多左ot這類專業人士，知多左唔同種類的sen兒童，覺得個仔都有唔妥，再去醫院檢查時再強調唔同的問題，咁當時醫生做左d測試同問問題，都覺得佢似係，所以我地都係剛排期等評估，大體上佢言語有無問題真係唔知。

作者: irenelwl 時間: 15-7-7 08:58

回覆 djlove 的帖子

你小朋友上小一未?

作者: djlove 時間: 15-7-7 10:04 標題: 回覆：irenelwl 的帖子

今年升k3

作者: irenelwl 時間: 15-7-7 13:02

回覆 djlove 的帖子

同我仔一樣呢，我下個月開始同佢做職業治療。

歡迎光臨教育王國 (/)