教育王國

標題: 想認識有過度活躍症的媽咪?想減壓同認識更多此症症狀。 [打印本頁]

作者: 鄧豆豆 時間: 15-7-4 21:01 標題: 想認識有過度活躍症的媽咪?想減壓同認識更多此症症狀。

我囡雖然仲細未能確診但佢脾氣大到同埋無時停我好擔心

作者: lillymarie 時間: 15-7-5 19:34

鄧豆豆發表於 15-7-4 21:01
我囡雖然仲細未能確診但佢脾氣大到同埋無時停我好擔心

幾多歲？

作者: 麥兜MaMa 時間: 15-7-6 14:47

如果細,說話不清, 別人不理解,trouble 2, 心急都會脾氣大.

作者: 鄧豆豆 時間: 15-7-6 20:07 標題: 引用：Quote:鄧豆豆+發表於+15-7-4+21:01+我囡雖

原帖由 lillymarie 於 15-07-05 發表
幾多歲？

我囡15m 但餐餐食野都喊不停掉玩具落地唔能夠安坐超過1分鍾出街坐巴士係hipseat內不停爬出黎又大叫平時隻手腳已經不受控制甘郁動行街佢坐住hipseat 都可以拍到踢到前面既人坐車會搞下鄰座的連係lift都會撩人講bb話總之就嘈同坐唔定要拎既野好心急一定要拎到

作者: 鄧豆豆 時間: 15-7-6 20:08 標題: 引用：如果細,說+話不清,+別人不理解,trouble+2,+

原帖由 麥兜MaMa 於 15-07-06 發表
如果細,說話不清, 別人不理解,trouble 2, 心急都會脾氣大.

我就係擔心現在未到trouble 2已經好麻煩

作者: 鄧豆豆 時間: 15-7-6 20:16 標題: 引用：Quote:原帖由+麥兜MaMa+於+15-07-06+發表如

原帖由 鄧豆豆 於 15-07-06 發表
我就係擔心現在未到trouble 2已經好麻煩

佢13個月有次發脾氣發到蜈蚣彈 bb床震哂我真係覺得好驚究竟有過度活躍症既小朋友幼年係點同埋佢聽指令好差比野飛吻都未得講更加未識任何字

作者: lillymarie 時間: 15-7-6 21:05

我大仔有ADHD，但他歲幾無走來走去，只是要我們抱着他行來行去睇野。無法參加playgroup，因為circle time時，他哭着要去其它地方玩。但食野好乖，坐定定在high chair，10分鐘就食完。但食完就一定要落地玩。語言發展遲緩和眼神接觸差。

你有無帶囡囡返健康院見姑娘醫生？他們見好多小朋友，會大概知道一般小朋友的發展進度。建議你到健康院約個時間見一見醫生，如果醫生有懷疑，會轉介你囡囡再進一步評估。

作者: wan_sosin 時間: 15-7-7 00:08

鄧豆豆發表於 15-7-6 20:16
佢13個月有次發脾氣發到蜈蚣彈 bb床震哂我真係覺得好驚究竟有過度活躍症既小朋友幼年係點同埋佢聽指令好 ...

聽落有D似我仔細個,又係手腳唔停,朋友都唔敢幫我抱佢,因為佢不停用力踢,放佢high chair就一定會企返起身,安全帶都扣佢唔住,試過跌咗落地,後來同佢著件安全背心綁住佢.

但我仔會聽指令!會明白大人意思,我反而在意你囡囡唔聽指令呢樣嘢多D,你詳細d同健康院講下,如果佢話仲係太細的話,你都要過一排追問下,尤其唔聽指令的問題.

我仔都遲講嘢,接近兩歲先有清晰字詞表達,但之後說話能力好好.

而家佢7歲,ADHD踩界,有係精神科跟進,心理學家話佢正正係條界上面.

作者: 鄧豆豆 時間: 15-7-7 13:32 標題: 引用：我大仔有ADHD，但他歲幾無走來走去，只是要

原帖由 lillymarie 於 15-07-06 發表
我大仔有ADHD，但他歲幾無走來走去，只是要我們抱着他行來行去睇野。無法參加playgroup，因為circle time時 ...

我囡好細個已經講bb話 d人估佢會好快識講野但現在接近14m喇仲未識講野所以我好擔心加上佢好hyper 大叫無時停我完全唔能夠面對面坐定教佢野上兩星期打佐去健康院提早覆診護士話仲細睇唔到係米活躍但我同身邊識既bb比較覺得佢真係食得差脾氣差好活躍

作者: 鄧豆豆 時間: 15-7-7 13:37 標題: 引用：Quote:鄧豆豆+發表於+15-7-6+20:16+佢13個

原帖由 wan_sosin 於 15-07-07 發表
聽落有D似我仔細個,又係手腳唔停,朋友都唔敢幫我抱佢,因為佢不停用力踢,放佢high chair就一定會企返起身, ...

健康院姑娘總係話細但我日日受哂佢既脾氣咩都發一餐同埋覺得佢好似溝通唔到叫佢執返d野比我都唔識都唔知係米細去pg會心急到爬上枱想拎老師既顏色唔鐘意做個d 執手教佢都唔做喊
佢都唔比人抱會郁黎郁去落地行更加唔比人拖都唔知佢有性格自我d 定真真係活躍
我係姑娘度講到口到臭佢地都只話再等下先

作者: lillymarie 時間: 15-7-7 14:25

如果係我個仔，我會要求見醫生。因為我想知道的是小朋友有沒有發展遲緩，而不是有否活躍症。聽你形容，囡囡需要由醫生評估一下，看看發展是不是正常。

作者: wan_sosin 時間: 15-7-7 14:37 標題: 引用：Quote:原帖由+wan_sosin+於+15-07-07+發表

原帖由 鄧豆豆 於 15-07-07 發表
健康院姑娘總係話細但我日日受哂佢既脾氣咩都發一餐同埋覺得佢好似溝通唔到叫佢執返d野比我都唔識都 ...

你有無睇開的兒科醫生？你去搵醫生寫紙你去CAC評估，咁就唔需要經健康院了，我覺得你囡囡有機會有其他情況，當然我只係睇你講嘅嘢，無見過你囡囡，但小朋友成長，緊張咗好過唔緊張，事實14個月大未講嘢，唔叫得有問題，但要排期check的話，排得嚟差唔多了。

作者: 鄧豆豆 時間: 15-7-7 22:30 標題: 引用：如果係我個仔，我會要求見醫生。因為我想知

原帖由 lillymarie 於 15-07-07 發表
如果係我個仔，我會要求見醫生。因為我想知道的是小朋友有沒有發展遲緩，而不是有否活躍症。聽你形容，囡囡 ...

護士已經ban佐我仲話係我抑鬱影響緊張佐佢覺得等18個月先都得但護士唔明我係因為擔心到抑鬱求助無援

作者: lillymarie 時間: 15-7-8 05:40

本帖最後由 lillymarie 於 15-7-8 07:01 編輯

回覆鄧豆豆的帖子

咁自己評估一下，協康會網站有簡單講幼兒的發展，妳可以先自己對一下。

協康會出咗本書給家長和教師：
http://www.heephong.org/webprod/cht/publication/assessment_tools_and_training_packages/261

網站亦有簡單講幼兒發展的里程碑
http://www.heephong.org/webprod/cht/child-development-and-training/developmental-stages

睇下囡囡做到幾多先，除了你自己的觀察，也請其他家人一起觀察囡囡，這樣就客觀些，不怕有人說是受你情緒影響。其他和囡囡一起生活的家人又怎樣看囡囡？他們有沒有担心？

的確見到孩子好像有些問題，會令人depressed，但當人depressed時亦會不自覺地將問題放大，結果惡性循環。現在最能夠幫到孩子的第一件事，是好好照顧你自己。你健康快樂，才能夠幫到囡囡。

Happy parents, happy child!

作者: belau8009 時間: 15-7-8 07:34 標題: 回覆：想認識有過度活躍症的媽咪

有ADHD的胎動會比較多無時停（近年睇佐一篇外國文章，好多媽咪都回想返胎動係比較多和勁），出世後要抱住瞓唔好難放得落床，三四個月左右腳仔不停咁撐（職業治療師講有AD的仔女腦部欠缺一些物質令他們不停去躍動）唔肯坐車仔，唔多肯學爬好快學行（爬行可令腦部平衡發展得更好），二歲幾表達和言語能力都未清晰，生活/玩/上堂較難專注容易分神和離位，就算係喜歡的事情都唔會停留好耐……由於每個小朋友都係獨特的如有問題最好做評估，可以叫相熟的私家醫生寫信排智能評估中心或兒童精神科，頭6年係黃金時間找到問題可改善小朋友!（知道有問題家庭成員盡快接受學習如何管教為重要）
以上係我自己照顧仔女得出的經驗希望幫到手!

作者: 鄧豆豆 時間: 15-7-8 13:20 標題: 回覆：lillymarie 的帖子

我睇過健康院既書同協康個網頁因為都係寫1至2yr應識咩個差距都大所以佢現在好多唔得但我見同月好多都得雖然唔係比較但差得太遠時都驚呀

作者: wan_sosin 時間: 15-7-8 15:38 標題: 引用：我睇過健康院既書同協康個網頁+因為都係寫1

原帖由 鄧豆豆 於 15-07-08 發表
我睇過健康院既書同協康個網頁因為都係寫1至2yr應識咩個差距都大所以佢現在好多唔得但我見同月好多都得 ...

咁你快D去搵醫生寫紙啦。

作者: lillymarie 時間: 15-7-8 16:45

鄧豆豆發表於 15-7-8 13:20
我睇過健康院既書同協康個網頁因為都係寫1至2yr應識咩個差距都大所以佢現在好多唔得但我見同月好多都得 ...

咁樣，1-2歲可以差好遠，你囡囡若15個月大，應該看11個月大BB已做到的事她做不做得到。因為一般若是遲6個月仍算可以接受。個個BB都唔同，可能好早識行路，但唔識講野，即是有些快點，有些遲一點。最緊要唔好落後超過半年。
例如喜歡將玩具從枱上拋落地，你執上來給他，他又再丟到地上的，好多BB去到11個月大就會有此表現。飛吻和wave bye bye，一般9個月大學懂，單字最遲18個月會講。

你若要查看囡囡發展是否正常，主要是看1歲或以下的里程碑她是否9成都做到。健康院姑娘叫你等她18個月才再回去檢查都可行，你看看她有沒有一些1歲BB已學懂的而她未做到，尤其是社交方面，未來這三個月努力教她，看看到時有沒有進步。

如果你發現有好多1歲BB都做到的她做不到，就趕快帶她見醫生評估一下。

另外，BB會好受你的情緒影响，你越煩燥她就越扭計。試下多點E起排牙對住她笑，或者會發現她有較好反應。

我大仔14個月識自己行路，大肌肉正常。18個月講單字，剛剛合格，2歲半講句子（一額汗！）。但8歲做評估才發現當時他的小肌肉發展只有4歲，社交發展受ADHD影响亦遲了。

嘗試按着協康的發展表觀察囡囡，看看她做到甚麼做不到甚麼，落後的地方嘗試加強訓練。醫生姑娘見她幾分鐘，不及你清楚她的情況，如果你可以做一個觀察記錄，見醫生姑娘時都可以講得明白些。

作者: 曲曲 時間: 15-7-20 15:34

提示: 作者被禁止或刪除內容自動屏蔽

作者: 麥兜MaMa 時間: 15-7-20 15:59

belau8009 發表於 15-7-8 07:34
有ADHD的胎動會比較多無時停（近年睇佐一篇外國文章，好多媽咪都回想返胎動係比較多和勁），出世後要抱住瞓 ...

我仔出生時好好湊. 唔一定要抱住瞓, 反而愈大愈無時停, 次人瞓 (怕黑).

作者: belau8009 時間: 15-7-23 14:49 標題: 回覆：麥兜MaMa 的帖子

有機會係安全感唔够，我之前學佐小小遊戲治療技巧，我透過同小朋友玩時了解多佐他的想法和喜好，我們的關係加強佐好多!當習慣用呢個技巧時應用在日常就算和他有嗌交都好快平穩到關係!可以試試……😌

作者: belau8009 時間: 15-7-23 14:51 標題: 引用：Quote:belau8009+發表於+15-7-8+07:34+有AD

原帖由 麥兜MaMa 於 15-07-20 發表
我仔出生時好好湊. 唔一定要抱住瞓, 反而愈大愈無時停, 次人瞓 (怕黑).

有機會係安全感唔够，我之前學佐小小遊戲治療技巧，我透過同小朋友玩時了解多佐他的想法和喜好，我們的關係加強佐好多!當習慣用呢個技巧時應用在日常就算和他有嗌交都好快平穩到關係!可以試試……😌

作者: 麥兜MaMa 時間: 15-7-23 16:47

回覆 belau8009 的帖子

佢份人係敏感D,多野諗. 曾因看左韓國沉船新聞怕左坐船. 愈大愈怕黑.
不過整體來說係個開心單纯的小朋友.

作者: 鄧豆豆 時間: 15-7-23 18:34 標題: 回覆：麥兜MaMa 的帖子

你囝情況點

作者: 麥兜MaMa 時間: 15-7-24 11:45

回覆鄧豆豆的帖子

經過左3年KG, 仔情況唔係好嚴重果D. 我估係marginal果D.

老師及同學家長都有讚佢既進步.

依十佢都可以定時定侯做下功課. 只是一邊做一邊會郁身郁勢, 有時話悶及問點解, 但幸好已經漸漸成習慣. 主要係看眼頭眼額差D, 成日貪玩人令人唔開心, 唔知或唔理. 同有時會固執D.

為佢選happy school, 希望佢順利過渡小學.

作者: desmond100104 時間: 15-7-30 19:53 標題: 回覆：麥兜MaMa 的帖子

我仔情況同你仔好似呀，我仔升k3，咁請問你仲有無排精神科？同埋知唔知邊啲學校包容性高啲？

作者: 麥兜MaMa 時間: 15-7-31 08:41

回覆 desmond100104 的帖子

因為我地提前左找CAC跟進, 佢地幫我地寫左信排, 排到P1 下學期應見得.

作者: 麥兜MaMa 時間: 15-7-31 09:07

CAC, 講座的醫生都說過, 要看小朋友上課及學習情況決定用藥如否.
如能延續幼稚園時多鼓勵多支持. 如功課上跟到, 有可能不用藥.

作者: Esther_mama 時間: 15-8-3 04:57 標題: 回覆：lillymarie 的帖子

妳好！我仔19個月大。由出世到依家我們都覺得他是聰明寶寶。一個月已跟我們有眼神交流，所有的發展都屬快的一群。但最近開始有D擔心！怕他是過度活躍，其實19個月會知道未？謝謝妳的意見！

歡迎光臨教育王國 (/)