教育王國

標題: 亞仔1歲唔應人 [打印本頁]

作者: jazz_ks 時間: 15-7-3 14:14 標題: 亞仔1歲唔應人

本帖最後由 jazz_ks 於 15-7-3 14:15 編輯

我亞仔一歲，一路唔鍾意望人，會避眼神，byebye 拍手乜都唔識，但有求於你，會望住你叫同笑，理佢之後又唔應你，佢好鍾意睇tv, 會對住tv 入面d 人笑，但係如果你同佢玩躲貓貓，佢又同你玩，會等，同大笑，但我驚佢係有自閉，活係自己世界，有無jm 有類似經驗，我好擔心

作者: DENNIS201 時間: 15-7-3 14:57

首先唔好急,好多小朋友都係咁
留意有否以下情況

叫佢名有無應你?
有無用食指指向想要或想分享既野?
有無沈迷玩車輪?
將物件排列?
有無腳尖行?
尖叫?拍頭?撞頭?
重覆開關門?
原地自轉?
同年紀相若小朋友有否交流?會否抗拒?
對英文同數字有否強烈興趣?

如有以上行為就要進一步去評估

作者: jazz_ks 時間: 15-7-3 15:14

本帖最後由 jazz_ks 於 15-7-3 15:15 編輯

你講的大部份都有，叫佢從不應，唔識用食指指向想要嘅野，用食指篤下d 野就有，車輪近排玩親學行手推車都番轉玩車輪，不過玩兩野又玩其他，唔識排列物件住，成日興奮尖叫，好大脾氣，一發脾氣會扯頭髮；自轉就無，好間中就無啦啦自己會搖頭；唔鍾意小朋友or bb, 唔望佢地；佢鍾意睇書ga

作者: DENNIS201 時間: 15-7-3 19:14

佢要處理一件事,例如打開個餅盒
會唔會拿去你手上示意叫你開?

作者: jazz_ks 時間: 15-7-3 20:01

唔會，或者佢未知有得開，或想去開，只會張個盒掉來掉去

作者: DENNIS201 時間: 15-7-3 20:05

一歲確實比較細就算去評估都唔會太準
因為當你一歲評估左係咩都好
兩歲已經可以完全唔同世界
宜家可以做既係多d陪伴同教佢野
同健康院既姑娘講

作者: jazz_ks 時間: 15-7-3 20:06

佢好鍾意撕爛d 紙，同麵包

作者: jazz_ks 時間: 15-7-3 20:08

咁幾大先可以評估，比佢番playgroup 見多d 小朋友有無幫助架？

作者: DENNIS201 時間: 15-7-3 20:52

至少20個月先評估
因為小朋友變化好大
我仔歲半乜都唔識
2歲已經識好多野

作者: bubibubibuuu 時間: 15-7-3 23:06 標題: 回覆：亞仔1歲唔應人

我囝16個月大，同你囝一樣，睇咗兩個兒科專睇自閉嘅醫生都話佢自傾，其他科嘅醫生話太細，叫我唔好咁緊張，話起碼三歲先可以確診
不過而家同佢開始做訓練都冇壞，加油

作者: jazz_ks 時間: 15-7-4 10:41

回覆 bubibubibuuu 的帖子

咁你仔仔係邊做訓練呀？

作者: bubibubibuuu 時間: 15-7-4 23:01 標題: 引用：回覆+bubibubibuuu+的帖子咁你仔仔係邊做

原帖由 jazz_ks 於 15-07-04 發表
回覆 bubibubibuuu 的帖子

咁你仔仔係邊做訓練呀？

暫時揾咗上門幼兒訓練同出去社區言語治療中心做言語治療

作者: bubibubibuuu 時間: 15-7-4 23:02 標題: 引用：回覆+bubibubibuuu+的帖子咁你仔仔係邊做

原帖由 jazz_ks 於 15-07-04 發表
回覆 bubibubibuuu 的帖子

咁你仔仔係邊做訓練呀？

但你小朋友咁細唔會收住

作者: kiki217 時間: 15-7-5 00:24

我個囡1歲都唔應人，發覺佢無眼神接觸，母嬰健康院成日話再觀察，到而家自人評估咗自閉症，母嬰健康院都未評估，我而家揾特別老師幫囡囡做訓練，囡囡有明顯進步，等政府就惨。

作者: tiffany12345 時間: 15-7-5 00:26 標題: 回覆：亞仔1歲唔應人

其實自閉最明顯係eye contact無,社交差，同埋興趣狹窄,如果發現有症狀，其實可以針對，同佢玩多d.幫佢拿eye.contact.如仍然無改善，同健康院講下都好架

作者: pizzaheidi 時間: 15-7-6 01:34 標題: 引用：+本帖最後由+jazz_ks+於+15-7-3+15:15+編輯

原帖由 jazz_ks 於 15-07-03 發表
本帖最後由 jazz_ks 於 15-7-3 15:15 編輯

你講的大部份都有，叫佢從不應，唔識用食指指向想要嘅野，用 ...

我個仔15個月先拍手拜拜，16個月先手指指，18個月健康院語言要求唔達標！（10個單字）19個月開始講詞語,19.5個月已經講句子！佢既發展可算起步慢，但進度極速，而家30個月正常到不得了！所以我覺得小朋友日日新鮮，一歲評估言之尚早，唔會有定案！我絕對明白你的心情，因為當初我也經歷過！但其實對於你情況我亦感到是樂觀的，要學習接受小朋友係比一般的小朋友發展慢，但不代表什麼，遲下會追得返的！再觀察吧！

作者: Littlecatta2013 時間: 15-7-6 10:19

一歲太細做唔到評估，
一歲後才是認知方面o既發展

作者: lbluebaby 時間: 15-7-23 10:08 標題: 回覆：亞仔1歲唔應人

我個女都係就黎1歲，一直都係眼神唔好，避眼神，唔同人交流互動，出去有其他人僚佢唔理唔望唔笑，看更都睇得出有d唔到路。一直都唔會好似其他bb同佢對望可以咿咿呀呀個種互動。亦唔鐘意同小朋友玩，叫佢望佢會扭開唔望，同埋成日叫極唔應，我都擔心左好耐，6個月已經帶過佢去睇健康院醫生。醫生話太細話到佢1歲至歲半都唔識講爸媽先去睇，雖然依家進步好多，認知模仿理解能力同指令都幾好，好多動作都識做，又會指野，但我睇話自閉記憶力好，我個女記性都好。其實反而我唔擔心佢識唔識拍手呀認知ge問題，因為呢d教多d遲d都會識。最主要係對人無興趣，呢樣唔知點教。

作者: lok1029 時間: 15-7-23 12:55 標題: 引用：我個女都係就黎1歲，一直都係眼神唔好，避

提示: 作者被禁止或刪除內容自動屏蔽

作者: lbluebaby 時間: 15-7-23 14:50 標題: 回覆：lok1029 的帖子

6個月針都未打。你擔心阿b？因為我個女6個月就覺得唔妥，所以都無打針，但佢自閉mode依然有，好似依家仲明顯d,所以未必關打針事，我唔敢打係驚再嚴重d...

歡迎光臨教育王國 (/)