教育王國

標題: 又一怪獸家長_來自晴報 [打印本頁]

作者: catcatbaby121 時間: 15-7-2 09:15 標題: 又一怪獸家長_來自晴報

家長拒買暑期作業屈老師勒索要報警

      02/07/2015

90後教師在fb專頁撰文揭怪獸家長揚言報警事件，引來熱議。（「90後教師決戰怪獸家長」fb截圖）

怪獸家長的行為日日新鮮。有90後中學男教師在fb專頁撰文，指有家長不肯付錢為女兒買暑期作業，後來學生逕自以零用錢付費，惟家長稱不知情，反指老師「勒索」女兒，揚言要報警。學校高層最終向家長道歉及補貼作業費用，以息事寧人。帖文引起網民熱議，認為學校做法助長怪獸家長惡行。

學生掏零用錢購買家長反面

帖文引述該家長說「我哋話咗唔買暑期作業，我哋個女畀錢你買，你就唔應該收錢啦！」更責怪「那是我哋個女零用錢嚟……即係你勒索我哋個女喇。除非你道歉同賠錢，否則我哋報警。」
本報聯絡到撰文的戴老師，他指涉事是位初中女生，作業費只是200多元，過去曾多次跟女生的父母就購買暑假作業交涉。其母以「無錢咪唔交囉」為由拒付費，但戴老師指這個家庭「住洋樓養兩隻番狗，還參加學校數萬元遊學團」，對其解說嘖嘖稱奇。戴老師後再聯絡其父，對方以「暑假讓個女輕鬆下」，反問「做少幾本暑期作業係咪會大退步」云云。
直資學校議會副主席林建華指，首次聞說家長拒買暑期作業，還鬧大事情。他估計是溝通上出現誤會，建議學校了解他們不買原因，「是否嫌貴、覺得無用或其他原因。」但他承認近年校園投訴文化漸增，與社會風氣不無關係，例如投訴老師言語損學生自尊心，以及教學不清晰等。

作者: kayi0556 時間: 15-7-2 09:20

依家做老師真係好難做

作者: catcatbaby121 時間: 15-7-2 10:25 標題: 回覆：又一怪獸家長_來自晴報

認同!我覺得家長要攪清楚件事。

作者: 小曳人 時間: 15-7-2 10:59

佢之前已話有同事叫戴sir自己俾錢就算，唔好再搞
點知... 搞成咁！
依家d家長係咪好得閒？為$2xx搞到自己勞氣，老師麻煩，仲話要上差館！佢貴人嘅時間都唔只$2xx啦！
真係...為啖氣，可以玩到有幾大得幾大！

作者: MASAYA 時間: 15-7-2 11:07

個page d故事誇到難以置信，但如果係假又應該有人出黎澄清，佢寫既野其實具體到係個間學校一定知係邊個寫，講緊邊d學生

作者: little_yolky 時間: 15-7-2 13:01

MASAYA 發表於 15-7-2 11:07
個page d故事誇到難以置信，但如果係假又應該有人出黎澄清，佢寫既野其實具體到係個間學校一定知係邊個寫， ...

如果係事實, 就係學校做得唔啱。唔應該縱容家長不合理行為。

如果家長咁反感, 咪由得佢唔好做暑期作業, 然後開學記一次欠交功課。

不過, 話時話, 當時家長仲未報警, 咁7月1日佢又點搵到學校高層出嚟講數??

作者: 心滿意足 時間: 15-7-2 13:03

感覺事件並不是真

作者: superlazy 時間: 15-7-3 23:43

家長為小事報警, 真的在我班上發生, 只係小學....D家長SHORT 咗

作者: purplesheep 時間: 15-7-4 00:08

怪獸家長

作者: conniewktang 時間: 15-7-4 00:28 標題: 回覆：purplesheep 的帖子

宜家有些家長覺得自己是顧客，老師是提供服務的供應商，所以顧客永遠是對的。老師捉到學生作弊，是老師不對；老師罰學生，又是老師錯，連老師話學生2句都唔得；家長打電話來諮詢，老師正在上堂也被投訴沒有馬上回覆電話，因此家長向學校高層投訴；學生有功課不明，不問老師，但同家長話老師唔答佢，其實根本沒有發問。總之尊師重道已不合時宜，怪獸家長永遠是對的，學生永遠都不會錯，做錯了也不可話更不可罰，否則老師等收投訴信！有些老師已變成討好學生的顧客服務員，根本沒可能教好學生的品行！

作者: tinyan1977 時間: 15-7-4 01:25 標題: 回覆：conniewktang 的帖子

讚同！

作者: karen55407 時間: 15-7-4 18:27 標題: 回覆：catcatbaby121 的帖子

實情係個女唔聽父母話，靜雞雞自己比錢買作業，應該捉個女正法。

作者: karen55407 時間: 15-7-4 18:30 標題: 回覆：conniewktang 的帖子

劉華嗰句：今時今日，咁嘅服務態度係唔得㗎！

作者: simonwan 時間: 15-7-5 01:07

conniewktang 發表於 15-7-4 00:28
宜家有些家長覺得自己是顧客，老師是提供服務的供應商，所以顧客永遠是對的。老師捉到學生作弊，是老師不對 ...

系校長問題！校長唔支持老師，零愿縱容家長，縱容得一個，自然有第二個，咪搞到而家甘。

作者: conniewktang 時間: 15-7-5 01:12 標題: 引用：Quote:conniewktang+發表於+15-7-4+00:28+

原帖由 simonwan 於 15-07-05 發表
系校長問題！校長唔支持老師，零愿縱容家長，縱容得一個，自然有第二個，咪搞到而家甘。 ...

宜家好多學校都怕得失啲家長，尤其要比錢果啲學校！

作者: simonwan 時間: 15-7-5 01:30

conniewktang 發表於 15-7-5 01:12
宜家好多學校都怕得失啲家長，尤其要比錢果啲學校！

所以咪校長問題囉！你有本事教得好，個個品學兼優又band 1, 你驚無人來？無料校長，無教育理念D校長至要買家長怕。
我知，實有人覺得我陳義過高，校長老師都系打份工，要體諒。
但系，我認爲其他職業可以寬容，從事教育就要以最高標準去批評，鬼叫你做得教育工作者，系會影響孩子一生，邊個體諒D學生！

作者: conniewktang 時間: 15-7-5 08:11 標題: 引用：Quote:conniewktang+發表於+15-7-5+01:12+

原帖由 simonwan 於 15-07-05 發表
所以咪校長問題囉！你有本事教得好，個個品學兼優又band 1, 你驚無人來？無料校長，無教育理念D校長至要買 ...

Agree

作者: conniewktang 時間: 15-7-5 08:12 標題: 引用：Quote:conniewktang+發表於+15-7-4+00:28+

原帖由 simonwan 於 15-07-05 發表
系校長問題！校長唔支持老師，零愿縱容家長，縱容得一個，自然有第二個，咪搞到而家甘。 ...

Totally agree

作者: Happypypy 時間: 15-7-5 12:01 標題: 引用：Quote:conniewktang+發表於+15-7-5+01:12+

原帖由 simonwan 於 15-07-05 發表
所以咪校長問題囉！你有本事教得好，個個品學兼優又band 1, 你驚無人來？無料校長，無教育理念D校長至要買 ...

👍

作者: vinik 時間: 15-7-15 16:17

所以唔怪得而家D小學要in埋父母架, 邊間學校會想搵自己笨

作者: skkeung 時間: 15-7-15 17:43 標題: 引用：感覺事件並不是真

原帖由 心滿意足 於 15-07-02 發表
感覺事件並不是真

乜人都有！大有人在！

作者: RiboMM 時間: 15-7-15 20:07 標題: 回覆：又一怪獸家長_來自晴報

个人以为此事不宜非黑即白。第一，学校是否规定清楚"强制性，必须"买来做作业？如果no, or not sure 就应该允许家长坚持自己想法拒绝购买。第二，老师有没有从学生角度用心思考，点解突然之间大转变，家长话唔买，学生又买？问多一句，事件大不同。第三，家长有没有跟学校交流清楚自己真实想法，同时尊重子女问孩子到底自己想唔想买来做作业？如果想，是为什么？告诉孩子爸爸觉得不必要买，听听孩子的想法同时也是家庭交流必要。如果孩子也同意不买，那更加要交流，帮助小朋友认识到做另类，与众不同可能导致的结果，看她是不是可以接受。
总之，这本来是个好机会加强学校与老师与家长与学生之间的四方交流，却演变成一件社会大事件，很是遗憾。

作者: wister 時間: 15-7-16 20:03

回覆 catcatbaby121 的帖子

個老師真係慘呀

作者: ylmanhk 時間: 15-7-16 20:42 標題: 引用：个人以为此事不宜非黑即白。第一，学校是否

原帖由 RiboMM 於 15-07-15 發表
个人以为此事不宜非黑即白。第一，学校是否规定清楚"强制性，必须"买来做作业？如果no, or not sure 就应该 ...

説得好！不只有黑同白。雙方都有責任，年青老師亂上網弄大事情在先 ⋯

作者: kk22 時間: 15-7-21 00:07

咩人都有

歡迎光臨教育王國 (/)