教育王國

標題: 生日係學校請同學食嘢。大家點睇？ [打印本頁]

作者: train 時間: 15-7-2 03:13 標題: 生日係學校請同學食嘢。大家點睇？

亞女升上小一，間學校有啲家長會係自己個小朋友生日當日攞啲蛋糕啊，朱古力啊等等去學校請啲同學食。唔知幾時、邊度來哩個習俗？大家學校有冇？

作者: kirstyau 時間: 15-7-2 07:11 標題: 引用：亞女升上小一，間學校有啲家長會係自己個小

原帖由 train 於 15-07-02 發表
亞女升上小一，間學校有啲家長會係自己個小朋友生日當日攞啲蛋糕啊，朱古力啊等等去學校請啲同學食。唔知幾 ...

屋村幼稚園，學校規定不可以！

作者: 11B 時間: 15-7-2 07:40 標題: 引用：亞女升上小一，間學校有啲家長會係自己個小

原帖由 train 於 15-07-02 發表
亞女升上小一，間學校有啲家長會係自己個小朋友生日當日攞啲蛋糕啊，朱古力啊等等去學校請啲同學食。唔知幾 ...

我小朋友都係小一。KG時有送蛋糕同自己pack小禮物包去學校(7成咁做,3成係出去開生日會)。升上小一,仔有問我有無蛋糕送去學校?我話小學唔可以喇!

作者: Yanamami 時間: 15-7-2 08:05

試过有家長禁做，但班主任都有提过唔可以｡絶对可以理解，的確唔係禁好｡

作者: kayi0556 時間: 15-7-2 08:44

之前有聽過朋友講過下，佢囡學校每個月都會同果個月份的壽星仔女慶祝，但唔係每個月都有蛋糕，但每次壽星仔女都會收到小禮物，佢囡果間係直資

作者: ayvicki 時間: 15-7-2 08:48 標題: 回覆：生日係學校請同學食嘢。大家點睇？

學校沒有！
升上小學就無呢啲活動！

作者: LeeCC 時間: 15-7-2 08:51

無聽過甘，但有個別同學自己生日時會帶零食糖果小息時送給好朋友

班主任上下學期各一次幫上半年和下半年生日的同學慶祝生日，買蛋糕回來，有小禮物，小文具之類

作者: 王家爸爸 時間: 15-7-2 09:43

想像下，如果全校幾百人，個個都係咁做會點？大家仲使上課？

作者: 四隻貓 時間: 15-7-2 10:02

雖然我自己唔會做, 但不反對其他家長攞啲蛋糕返學校請同學lunch 之後或小息時食.
因為每個人對慶祝生日有不同既方式同睇法, 只要學校和老師批准, 也只是lunch 或小息時分享蛋糕, 不會影響上課, 也沒什麼大問題吧.

作者: 悠揚 時間: 15-7-2 11:28

我自己唔會做, 也不希望有同學咁做成為風氣.

作者: Jane1983 時間: 15-7-2 11:42

有家長咁做，影咗d相發出whatsapp群組，小朋友好開心。本來我都打算照做，點知學校好快出咗email，話吾好。

估計係擔心食物衛生、安全等等。

作者: Jane1983 時間: 15-7-2 12:15

什麼價值觀問題？係怕小朋友炫耀？

作者: little_yolky 時間: 15-7-2 12:56

Jane1983 發表於 15-7-2 12:15
什麼價值觀問題？係怕小朋友炫耀？

因為小朋友好開心, 所以自己都想要有, 但係無考慮過爸爸媽媽既情況, 始終錢係爸爸媽媽的。如果大部份小朋友都有, 自己無會唔開心, 就算有, 又會比較呢個同學係東海堂, 果個係美心, 又或者呢個同學生日派小禮物, 自己又無...........下列一百樣比較。

始終學校都係一個學習的場所, 禮物、慶生等等都係小出現為妙, 留一個樸素既環境讓小朋友學習。

作者: anixon 時間: 15-7-2 13:17

我的小朋友試過送獨立包裝小食比全班同學~
只要家長唔參與、小食較健康, 老師唔會出聲~

作者: haihaimom 時間: 15-7-2 13:22 標題: 回覆：train 的帖子

我仔讀直資，佢嗰班有，間中就有生日會攪吓，有啲父母會為小朋友準備蛋糕(真係幾靚下，唔係聖安娜、美心嗰種)及小食回校一齊慶祝，我冇所謂，咪一齊開心吓。我自己冇諗過要噤做，仔亦冇要求。其實要比較，乜都有得比口架啦，鞋、書包、筆袋、甚至髮夾都可以比一餐，小朋友既價值觀既建立-在於家庭多過學校，平常心看待好了。

作者: Jane1983 時間: 15-7-2 13:26

回覆 little_yolky 的帖子

大d都可能會，不過我女在學校飽之後，剩係記得d牛丸好味，邊個生日都吾記得

大家講得啱，小朋友大咗可能多野諗，都係小心d好。

作者: little_yolky 時間: 15-7-2 14:23

haihaimom 發表於 15-7-2 13:22
我仔讀直資，佢嗰班有，間中就有生日會攪吓，有啲父母會為小朋友準備蛋糕(真係幾靚下，唔係聖安娜、美心嗰 ...

所以老師建議筆袋簡簡單單, 髮夾校規係純黑色.........

小朋友都係越簡單越好。

作者: tinyan1977 時間: 15-7-4 01:37 標題: 引用：亞女升上小一，間學校有啲家長會係自己個小

原帖由 train 於 15-07-02 發表
亞女升上小一，間學校有啲家長會係自己個小朋友生日當日攞啲蛋糕啊，朱古力啊等等去學校請啲同學食。唔知幾 ...

無可能！因有很多小朋友有食物敏感！校長連交換食物也不准許！送蛋糕去學校簡直天方夜潭！

如果蛋糕都送得入班房、咁不如加埋麥麥送、pizza 速遞…………諗起都開心！

作者: 小曳人 時間: 15-7-4 07:00 標題: 回覆：train 的帖子

有—位同学家長响谷度問:想買小蛋糕，有無介绍。

原來佢仔响学校旅行日生日！
最终，每個同学—盒迷你Lego玩具！

我個人唔贊成呢類送禮话動！

作者: MrBeast 時間: 15-7-4 07:24

小曳人發表於 15-7-4 07:00
有—位同学家長响谷度問:想買小蛋糕，有無介绍。

原來佢仔响学校旅行日生日！

倒不如開個生日會仲好。
其實蛋糕高糖高脂，少吃為妙，我有fd 一個生日食幾個，新曆、舊曆、生日會和就一家人weekend 吃飯，唔好意思都提下，真是為害子孫。
至於那些小禮物，consumable都ok, 不過我屋企的鉛筆擦膠，應該讀完小學都用唔哂

作者: S-Kwok 時間: 15-7-4 07:35 標題: 引用：Quote:haihaimom+發表於+15-7-2+13:22+我仔

原帖由 little_yolky 於 15-07-02 發表
所以老師建議筆袋簡簡單單, 髮夾校規係純黑色.........

小朋友都係越簡單越好。

我仔啲筆袋、水壺、file、文具全部冇公仔，淨色、透明，唔洗比

作者: Yanamami 時間: 15-7-4 08:40

本帖最後由 Yanamami 於 15-7-4 08:41 編輯

覚得係好心做坏事｡学校係群体地方，—齐慶祝X'mas, Easter, CNY無问題，個人野最好唔好搞禁多｡唔好以為各个同学派下礼物仔蛋糕仔等係無伤大雅，其实呢d動作未必受同学、家長，甚至老師欢迎｡同学会覚得莫名奇妙(尤是高小)，明明同你唔熟，甚至唔鈡意同你一齐，做乜無端端送礼物俾我/請我食野?想拉攏民心还是show off屋企有錢？家長会諗：吓~禁我洗唔洗禁做？老師会覚得：擾乱秩序，做坏規矩~可能送礼或請食野既家長只係想众樂樂，但人地未必禁受落，所以話係好心做坏事｡要生曰同慶，都係私下請幾个要好同学仔番屋企开party好过｡

作者: catcc2000 時間: 15-7-4 08:58 標題: 回覆：生日係學校請同學食嘢。大家點睇？

我亞仔學校每個月都會同學生慶祝生日，小一至小六都有，家長買蛋糕跟校車送回學校，用其中一個小息時間慶祝，老師還會Whatapp d相俾家長，我覺得佢地好開心呀，食左人地咁多個月蛋糕，自己買返一次都應該，有時老師會買薯片請學生一齊食

作者: caerion 時間: 15-7-4 23:28

Why not，如果是價錢合理，或實用的小禮物或小食。其實只係小朋友分享自己的喜悅,就好似KG時開生日會咁，可能有d家長諗多左，小朋友咁細個唔會諗咁多，如果小朋友想送禮的時候佢會主動提出，唔想的話你問佢，佢會話唔使，況且佢地成日都將自己的文具交換或送贈，就連家長都唔知。小女今天剛行完小六畢業禮了，不但送了禮物給同學,更送了禮物給老師，老師還show俾我女睇即場用了，很開心！但到了中學就唔係咁好啦，因為開始大個.

作者: yinyuemao 時間: 15-7-4 23:33 標題: 引用：我亞仔學校每個月都會同學生慶祝生日，小一

原帖由 catcc2000 於 15-07-04 發表
我亞仔學校每個月都會同學生慶祝生日，小一至小六都有，家長買蛋糕跟校車送回學校，用其中一個小息時間慶祝 ...

阿仔間學校都係這樣，覺得幾好啊

作者: yinyuemao 時間: 15-7-4 23:36 標題: 引用：Why+not，如果是價錢合理，或實用的小禮物

原帖由 caerion 於 15-07-04 發表
Why not，如果是價錢合理，或實用的小禮物或小食。其實只係小朋友分享自己的喜悅,就好似KG時開生日會咁，可 ...

同意。阿仔今日都係畢業禮，完左之後學生老師家長一起去酒店自助餐答謝老師，校長校監都去埋，氣氛快樂融洽，其樂融融。

作者: caerion 時間: 15-7-5 01:00

回覆 yinyuemao 的帖子

小學畢業後，又展開人生新的一頁，恭喜！恭喜！

作者: notcool 時間: 15-7-5 10:11

Ask the host as the school is not our home.

作者: MC1128 時間: 15-7-5 18:33

train 發表於 15-7-2 03:13
亞女升上小一，間學校有啲家長會係自己個小朋友生日當日攞啲蛋糕啊，朱古力啊等等去學校請啲同學食。唔知幾 ...

家長攞去學校?

家長可以自由入學校? 學校容許?

算我背, 聞所未聞

作者: sillything 時間: 15-7-5 22:25

Yanamami 發表於 15-7-4 08:40
覚得係好心做坏事｡学校係群体地方，—齐慶祝X'mas, Easter, CNY無问題，個人野最好唔好搞禁多｡唔好以為各 ...

吓

要諗得咁復雜

作者: MC1128 時間: 15-7-5 22:49

小學畢業, 又點同生日會?

作者: 雲牛 時間: 15-7-6 00:10 標題: 回覆：生日係學校請同學食嘢。大家點睇？

咪鬼嘥錢,依家d細路已太過幸福, 有蛋糕食也不會雀躍

作者: little_yolky 時間: 15-7-6 09:51

Yanamami 發表於 15-7-4 08:40
覚得係好心做坏事｡学校係群体地方，—齐慶祝X'mas, Easter, CNY無问題，個人野最好唔好搞禁多｡唔好以為各 ...

其實點解有好多家長會覺得小學生 "咁細個", 唔會諗咁多, 只係開心下, 幼稚園都係咁。

依家真係有個現像, 小學幼稚園化, 中學小學化, 大學中學化。

小學生好大個了, 點解會有學校咁奇怪同學生慶祝生日。你講得好啱, 學校係群體既地方, 唔應該有個人化既嘢出現。居然仲有老師買薯片俾同學食, 薯片係junk food啊！唔好話小學, 我哋幼稚園有生日會, 但個別家長再買小食派俾同學仔, 都俾老師叫止。响學校搞個人行為都真係唔咁好。

作者: Jane1983 時間: 15-7-6 10:00

回覆雲牛的帖子

呢樣真！
試過有小朋友送文具比人，d細路吾吼，我女都無要。好奇問點解，佢話「因為吾鍾意公主」

作者: phinarto 時間: 15-7-6 10:18 標題: 回覆：生日係學校請同學食嘢。大家點睇？

買蛋糕番學校，咪又要老師幫手去分，你估老師好得閒咩？好心啦，搞少D野。

作者: 四隻貓 時間: 15-7-6 13:28

MC1128 發表於 15-7-5 18:33
家長攞去學校?

家長可以自由入學校? 學校容許?

津校多數唔得. 但有些直資/私校/國際學校係可以的.

作者: maggiemomC 時間: 15-7-9 11:56

提示: 作者被禁止或刪除內容自動屏蔽

作者: wister 時間: 15-7-11 19:53 標題: 回覆：train 的帖子

我諗伊家大多數學校都唔俾咁做

歡迎光臨教育王國 (/)