教育王國

標題: 固執行為?! [打印本頁]

作者: jolee 時間: 15-6-29 15:18 標題: 固執行為?!

我囝囝三歲半, 除咗水同奶(已轉豆奶)之外, 所有飲料都唔肯飲, 但佢2歲半之前都肯飲果汁、湯, 唔明點解依家唔肯飲, 就算飲奶都一定用奶樽先肯飲, 用水杯就一定唔飲. 我好想幫佢戒奶樽, 試用飲管杯、鴨咀杯都唔得, 唔用奶樽寧願唔飲, 佢已經嚴重偏食, 所有硬少少的食物都唔食, 我怕佢唔夠營養, 唔想佢放棄飲奶, 大家有無方法可令佢用肯杯飲奶同試飲其他飲料呢?我真喺無晒計, 先謝謝各位.

作者: money82 時間: 15-6-29 16:31 標題: 回覆：jolee 的帖子

掉左個奶樽，過多一頭半個月，就忘記左。就用杯。

作者: daibolam 時間: 15-7-1 06:58 標題: 引用：我囝囝三歲半,+除咗水同奶(已轉豆奶)之外,+

原帖由 jolee 於 15-06-29 發表
我囝囝三歲半, 除咗水同奶(已轉豆奶)之外, 所有飲料都唔肯飲, 但佢2歲半之前都肯飲果汁、湯, 唔明點解依家 ...

職業治療師有建議嗎?

作者: muffincake 時間: 15-7-1 13:22 標題: 回覆：jolee 的帖子

我仔都係唔肯用杯飲奶，但言語師話用奶樽會影響言語發展，而家我係一羹羹咁餵佢飲先肯咋

作者: sandyma2011 時間: 15-7-1 17:17 標題: 回覆：固執行為?!

兩歲囝囝一樣唔肯用杯or飲管飲奶, 我唯有用spoon餵。

作者: jolee 時間: 15-7-2 11:57

我試過用羹餵, 用食藥針筒餵都唔肯飲, 我完全無"計"

作者: Glory88 時間: 15-7-2 12:06 標題: 回覆：jolee 的帖子

我仔一見到個飲管杯，即耍手又擰頭，依家仲係用奶樽飲奶同飲水，就嚟開學都唔知點搞:;pppp:

作者: babiyeung 時間: 15-7-5 14:45 標題: 回覆：jolee 的帖子

狠心啲，點都係比飲管杯，佢唔肯用就由佢唔食，佢要食就一定用飲管杯，我仔絕食咗兩個幾星期就肯用了！

作者: cwtlovelkm 時間: 15-8-20 04:48 標題: 回覆：jolee 的帖子

我個仔同你個小朋友一模一樣，除了奶和水，什麼都唔飲，飲奶要用奶樽，食飯要剪碎撈埋一齊食，食生果要撈落麥皮，我都好頭痛

作者: Fanleebbee 時間: 15-8-25 17:59 標題: 回覆：固執行為?!

我囝飲奶一定要奶樽，水佢都肯用吸管同杯，但一用杯飲水佢就會慣性呢個杯倒去第二個杯，最終搞到周圍都會係水

作者: lilygang 時間: 15-8-26 11:18

我會係大熱天時帶拒去公園玩兩個鐘，出完成身汗後，係拒面前好享受咁用個吸管杯飲拒會鍾意飲既野（因為我個女好反叛，直接比拒拒一定抗拒，要引拒有時扮下唔比拒拒會搶下）。

作者: blackgarlic 時間: 15-9-5 00:20

唔飲奶就算啦, 幾歲人仔唔一定仲要飲奶.

作者: bettylovingbb 時間: 15-9-8 11:32

cwtlovelkm 發表於 15-8-20 04:48
我個仔同你個小朋友一模一樣，除了奶和水，什麼都唔飲，飲奶要用奶樽，食飯要剪碎撈埋一齊食，食生果要撈落 ...

唔好意思，想請問你仔仔係評估左有自閉所以會係咁，定係佢冇問題呢？因為我仔仔同你仔仔完全—樣唔肯咬野同埋講野差D，除此之外，佢冇其他問題，so far返左3星期學都好OK，學校冇投訴。

作者: taboba 時間: 15-9-10 11:46

請問係飲奶粉用奶樽, 係咪要戒呀? 但飲其他嘢佢係用杯. 幾時戒奶最適合?

歡迎光臨教育王國 (/)