教育王國

標題: 求助--關於N班到底要報幾多間 [打印本頁]

作者: woodyniu 時間: 15-6-29 12:11 標題: 求助--關於N班到底要報幾多間

各位媽媽，
小朋友14年1月出世，超大B,想16年讀N班，今年4月已經幫佢報左幾間，不過救世軍，保護兒童會等都話已經收到一箱applicaion forms啦（驚恐萬分。。。。），來緊8,9月都會有很多間開始報名， C6話同區的學校全報，咁就會有成十幾二十間啦。我就擔心來緊11月interview會好密，好辛苦。。。。C6就擔心如果唔報，分分鐘一個offer都冇。

請教大家啦： 1）果D熱門ga學校，收左我份application form，系唔系可以理解為我ga機會同其他人均等，定系話，都要睇返遞交applicaion form的時間次序？？
2）真的需要間間都報嗎？到最後1個都唔收ga幾率有幾大？

請教請教~~~thanks to all.

作者: adalyho 時間: 15-6-29 13:38 標題: 回覆：woodyniu 的帖子

我囡龍年出世大B都只係報10間（五間名幼、五間二缐）、最後4個offer! 今年應該冇甘大competition 掛、你全報只會end up到時interview 撞時間或者一日走好多場、小朋友辛苦又影響performance! 建議study下每間學校先、好想讀個d就一定報、再pick 幾間做backup

作者: vpo0615 時間: 15-6-29 14:28

個人認為報十間八間左右應該夠.

作者: woodyniu 時間: 15-6-29 16:04

回覆 adalyho 的帖子

多謝JM意見啊。交左application form系唔系一定有的IN，知唔知道呢？

作者: adalyho 時間: 15-6-29 16:54 標題: 回覆：woodyniu 的帖子

大部分都係有得in, 國際學校除外。其實不需要太擔心、你小朋友係一月大b, 很多學校都喜歡收大b!

作者: ensy 時間: 15-6-29 23:02 標題: 回覆：woodyniu 的帖子

又唔需要間間報，有d學校根本唔係你杯茶，就無謂報啦！不過我覺得多報幾間好d，因為會有種種原因影響機會：撞期/病/扭眼瞓/心情唔靚/問題太深/其他小朋友搶玩具等不能盡錄，又或者簡單地學校唔收！但又駛過份擔心，始終大b有一定優勢，祝好運！

作者: woodyniu 時間: 15-6-30 16:27

回覆 ensy 的帖子

好，多謝ensy的意見~~~講真，我都唔知自己中意邊D學校，慚愧~~~
真係要學習多D每間學校，做多D功課啦~~~

作者: Queenie1031 時間: 15-7-2 08:22

我意見就是向你區最近的有N班的幼稚園，上它網站了解一下先，了解什麼，例如怎樣教學方法，是否有全日，上，下午班？有些幼稚園網站有報告升小一派位情況，是否多人入你心儀的小學，之後先打去幼稚園問有沒有校巴，有冇開放日，收N班人數多少，

作者: adriantai 時間: 15-7-2 16:50

一月大B報四五間心儀就夠. 如果四五間全部都係名校.
就報多兩個易入既打底, 好夠了!

作者: monlingling 時間: 15-7-6 10:24 標題: 回覆：求助--關於N班到底要報幾多間

要睇下你小朋友性格是否外向，去面試會不會怕醜唔出聲，如果係咁既報10間20間都可能無間收！
如果小朋友唔怕醜唔驚人又主動就報少d都無所謂！
d學校鍾意揀同一類小朋友，面試時睇落乖巧肯笑肯講下野，所以有人會有好多offer慢慢揀，有人會一間offer都無要周圍去乞！

作者: lydnas 時間: 15-7-6 14:57 標題: 回覆：求助--關於N班到底要報幾多間

如果未有心水，報多幾間都好合理。有得選擇好過無得選擇。

作者: maryLLove 時間: 15-7-8 11:29

提示: 作者被禁止或刪除內容自動屏蔽

作者: mimi222shi 時間: 15-7-13 00:14

報多機間, 機會大些

作者: yveoone 時間: 15-7-14 08:16 標題: 回覆：woodyniu 的帖子

你睇下係咪每一間都鍾意先,.我仔13年只報—間n也有offer,因面試同家長傾同睇小朋友表現。平常心啦
我唔係報名校,但也10人揀一個

作者: 964000 時間: 15-7-18 19:33 標題: 回覆：求助--關於N班到底要報幾多間

我報了六七間，報太多好辛苦又好多撞時間。

作者: hibb71 時間: 15-7-30 01:17 標題: 回覆：求助--關於N班到底要報幾多間

又唔駛咁擔心。我9月細 B 報 10 間都有 8 個 offers，你大 B 更有優勢！最緊要間學校係你杯茶，唔駛晒時間，搞到大細都辛苦。

作者: woodyniu 時間: 15-7-30 16:53

回覆 hibb71 的帖子

哇，成功率咁高~~~好叻啊~~~你有冇幫BB報讀playgroup?

我個囡囡系屋企就好活躍，不過出去陌生地方，始終驚驚地~~唔中意笑~~
諗緊要唔要幫佢報讀一下playgroup,只不過兩公婆都要返工，坊間週六日的playgroup好少。。。。。

作者: Samuelqq 時間: 15-7-31 00:41

回覆 woodyniu 的帖子

10間8間唔少得，我都係1月，報左8間，只去到6間，2間唔收，2間收，2間waiting,end up waiting都收埋。大b唔一定好d,最重要有反應

作者: hibb71 時間: 15-7-31 01:17 標題: 回覆：woodyniu 的帖子

我小朋友第10個月已經開始返 playgroup 喇。覺得都有幫助，大小肌訓練、認知發展，都明顯進步，最重要係社交能力，就算見到陌生人甚至鬼佬都唔會驚，識主動打招呼，有反應的確對 interview 有幫助。

作者: momo_cheung 時間: 15-7-31 12:55

本帖最後由 momo_cheung 於 20-4-16 21:43 編輯

....

作者: woodyniu 時間: 15-7-31 23:42

回覆 Samuelqq 的帖子

ysys~~~~保險起見，聽日8月份，繼續努力~~~

作者: woodyniu 時間: 15-7-31 23:44

hibb71 發表於 15-7-31 01:17
我小朋友第10個月已經開始返 playgroup 喇。覺得都有幫助，大小肌訓練、認知發展，都明顯進步，最重要係社 ...

恩，睇來我都要亡羊補牢，搵返間啦，可唔可以都話我知你小朋友系邊度上？

作者: hibb71 時間: 15-8-1 14:15 標題: 回覆：求助--關於N班到底要報幾多間

都返咗好多間。有 bambini、little pods、art rhapsody、york、musicrings、bambino...

作者: 甄太太 時間: 15-9-23 16:25

我12月超細B，只報了5間，暫時有兩間安排到interview，其他果d等消息。是但啦，N班啫，入唔到下年直接讀K1, No big deal!

作者: Hanhanhanlun 時間: 15-12-2 22:26 標題: 回覆：woodyniu 的帖子

妳撿好學校沒啊？我宜家糾結緊要唔要報N班。9月尾細b.好似讀N班小左D啊。

作者: wcyirwin 時間: 15-12-3 12:50

我果個係今年 9 月 BB, 都想知幾時開始要報 N 班, 好擔心遲左無得報... :(

作者: pmapma321 時間: 15-12-3 15:53

提示: 作者被禁止或刪除內容自動屏蔽

作者: barbee 時間: 15-12-27 17:20 標題: 引用：我果個係今年+9+月+BB,+都想知幾時開始要報

原帖由 wcyirwin 於 15-12-03 發表
我果個係今年 9 月 BB, 都想知幾時開始要報 N 班, 好擔心遲左無得報... :(

2015年9月b，約2016年8月開始報，留意下心儀學校幾時收生

歡迎光臨教育王國 (/)