教育王國

標題: 求教：將軍澳有好英文語境的津小 [打印本頁]

作者: fishchow 時間: 15-6-25 02:38 標題: 求教：將軍澳有好英文語境的津小

小囡今年K2, 英文佳，中文麻麻，文靜書生形，大b。

作者: momama 時間: 15-6-25 05:32 標題: 回覆：求教：將軍澳有好英文語境的津小

其實係咪要先搞好中文

作者: 小玲 時間: 15-6-25 07:37 標題: 回覆：fishchow 的帖子

將軍澳區可能冇

作者: kennis_t 時間: 15-6-25 11:18

fishchow 發表於 15-6-25 02:38
小囡今年K2, 英文佳，中文麻麻，文靜書生形，大b。

可以先去呢度選英文小學, 再選地區
http://www.chsc.hk/psp2014/chi/index.php

不過將軍澳真係唔覺有

作者: hkpapa852 時間: 15-6-25 11:30

TKO只有播道一間英小, 不過播道係直資

作者: 已刪除用戶 時間: 15-6-25 21:18

除非打算中途去英語地區升學, 否則學好中文無得走。😥

作者: longlokma 時間: 15-6-25 21:40 標題: 回覆：求教：將軍澳有好英文語境的津小

讀local school, 只英文好係唔夠的，越早逃避中文将来越惨

作者: 小玲 時間: 15-6-25 21:59 標題: 回覆：longlokma 的帖子

是的，國際學校都要修兩種語言

作者: claudialuk2011 時間: 15-6-25 22:10 標題: 引用：讀local+school,+只英文好係唔夠的，越早逃

原帖由 longlokma 於 15-06-25 發表
讀local school, 只英文好係唔夠的，越早逃避中文将来越惨

同意，中文係難過英文！

作者: dlee_ca 時間: 15-6-25 22:18 標題: 回覆：求教：將軍澳有好英文語境的津小

英文佳

作者: fishchow 時間: 15-6-26 06:12 標題: 回覆：求教：將軍澳有好英文語境的津小

其實不會不理中文，只係想她主力用英文吸收知識，中文慢慢追。如果佢讀英小，只有中文一科係中文，佢會覺得冇咁難。有次同學生日會完咗，我見佢同另一位同班同學回家路上，全程英語溝通好暢順，近native 水平。到佢平時用廣東話同我地傾計或伴讀課外書，佢語調好似即時翻譯咁，有點不順。可能學校係英普，又係菲傭照顧等。所以我會連西貢李少欽學校也會考慮報(同區但頗遠）,只是對此校未認識，網上很少人談論。註：小囡當時三歲中文語言評估，只有18個月的水平，所以我不能逼她太緊。現時一星期2次1對1補普通話。

作者: longlokma 時間: 15-6-26 06:33 標題: 回覆：求教：將軍澳有好英文語境的津小

你們(孩子父母)是否日常只用英語跟孩子溝通？

首先，父母要弄清孩子日后路向。

中文是不能慢慢追的，升小學后的中文程度遠比英文深得多。

如果你孩子現在以中文溝通也有困難，家長应該要立即正視及改变日常生活模式，而绝非逃避。

否則，讓孩子讀国際学校算了吧！

作者: ngokwan 時間: 15-6-26 06:58 標題: 引用：其實不會不理中文，只係想她主力用英文吸收

原帖由 fishchow 於 15-06-26 發表
其實不會不理中文，只係想她主力用英文吸收知識，中文慢慢追。如果佢讀英小，只有中文一科係中文，佢會覺得 ...

衷心提提樓主，小學的中文，真是堅深，最好加強多少少上小學。

作者: fishchow 時間: 15-6-26 07:16 標題: 回覆：ngokwan 的帖子

多謝提醒。其實家姐快升中二，小學中文有幾深我也了解。細妹校內的中文成績也差不多全滿分，因為是補習後所得來的，我心裡有數。回想自己在 degree n master 内所學所用的，根本全未用過中文，我就不太在意催谷她們。至於現今香港教育制度，不是想讀邊間就邊間，令家長好頭痕。

作者: fishchow 時間: 15-6-26 07:18 標題: 回覆：longlokma 的帖子

我們在家，除了同菲傭溝通，已全用廣東話了。

作者: hkpapa852 時間: 15-6-26 10:03

fishchow 發表於 15-6-26 07:16
多謝提醒。其實家姐快升中二，小學中文有幾深我也了解。細妹校內的中文成績也差不多全滿分，因為是補習後 ...

無錯, 上到大學, 甚至出嚟工作, 中文既用途近似零.

但可惜, 入大學既條件係3322, 中文係其中一科要達3既科目. 過去3年, 不少名校學生都因中文科成績不達標而導致入唔到大學, 所以中文科係求學階段, 係絶對不能輕視.

歡迎光臨教育王國 (/)