教育王國
標題: 唔識止鼻血 [打印本頁]
作者: weiweibb 時間: 15-6-20 15:48 標題: 唔識止鼻血
本帖最後由 weiweibb 於 15-6-21 02:26 編輯
阿囝就快入讀小一，聽一位媽咪講小學老師係要學生自己按住鼻止血，因為老師忙於教書。於是，前幾天阿囝又流鼻血時，我幫佢按左幾分鐘後，試下比佢自己按，但不成功仍繼續流，我坐在他身旁忍唔住自己幫佢按。他的鼻血量實在太多，平時我至少要用力按5分鐘，嚴重時再加冰在鼻樑上。
現在想問大家:
如果我囝真係唔識自己止血，d鼻血其實會唔會流到咁上下時間便自己停？還是會不停流到流血不止？
我知道鼻專科醫生可以替小朋友焊鼻黏膜，但我還是想期待他年紀大些鼻膜厚了不用做此小手術。
謝謝各位的指敎和分享！
作者: ronniedad 時間: 15-6-20 17:34 標題: 回覆：唔識止鼻血
其實唔成功個原因係你幫佢襟都止唔到、佢無用一個正確按壓嘅方法按實止血、定你見佢唔得就即時搶番黎自己做？
作者: ronniedad 時間: 15-6-20 18:02 標題: 回覆：唔識止鼻血
處理傷口第一樣要做就係要學識冷靜，佢同你都能冷靜去處理的話，相信佢一定能夠處理到的。
作者: weiweibb 時間: 15-6-20 19:18
其實我和阿囝對流鼻血已習以為常，佢由初期好驚，到後來已能冷靜面對。我記得初期我用了5分鐘都幫唔到佢止血，連我自己都好驚，胃開始痛和想暈倒。我諗係佢唔夠大力去襟住個鼻止血，我唔忍心見到又搶住幫佢。不過佢都好乖，叫我比佢試自己襟，希望大大下唔好再流啦！謝謝您的回覆！
作者: A-Mum 時間: 15-6-20 21:04
有無機會係㩒錯位？
作者: mwfwinnie 時間: 15-6-20 22:02
weiweibb 發表於 15-6-20 15:48 
阿囝就快入讀小一，聽一位媽咪講小學老師係要學生自己按住鼻止血，因為老師忙於教書。於是，前幾天阿囝又流 ...
我阿姨教過㷛一個湯有療效，斷根源是解決方法，但如果挖鼻既話，咩野都幫唔到
作者: hellolo 時間: 15-6-20 23:31
可以咁講有d人係好容易流鼻血，通常流几分鐘会停的，未聽過有人会流鼻血不止，我细个都常常流鼻血，呀媽就煲蓮藕朱鼻湯，飲咗几次就冇再流
作者: ryancma 時間: 15-6-20 23:35
回覆 weiweibb 的帖子
正確的方法是用力按實兩邊鼻翼,叫阿仔用口呼吸,因壓力才可止血,這樣按住二至三分鐘便可,但要持續!
作者: piglet_be 時間: 15-6-20 23:54 標題: 回覆：唔識止鼻血
可以去看耳鼻喉科，醫生會俾藥膏，有些小朋友搽完後，很有效，明顯少了流鼻血。
作者: weiweibb 時間: 15-6-21 02:00
回覆 A-Mum 的帖子
這問題我也請教過家庭醫生，佢話小朋友個鼻咁細，襟住晒全個鼻都得。其實應該是鼻翼對上，還是鼻翼兩側好些？我就全部大包圍咁襟實。
作者: weiweibb 時間: 15-6-21 02:11
回覆 mwfwinnie 的帖子
我囝遺傳了我的鼻敏感，好鍾意挖鼻，但我覺得如果鼻膜夠厚，應該唔會咁易流鼻血？佢好奇怪，通常係半夜或清晨時分，走入我房間通知我佢流鼻血，其實每次我剛剛比佢弄醒，隻手都無乜力，可能我血氣唔夠，有時真係好攰。
我都嘗試煲蓮藕湯和炒蓮藕比佢食，食完兩天後照流，可能近來天氣很乾燥吧。我在他睡房放了一碗水以防乾燥呢。請問可否分享煲什麼湯有效？
作者: weiweibb 時間: 15-6-21 02:16
回覆 hellolo 的帖子
我就煲了蓮藕綠豆鱆魚湯和炒蓮藕比佢食，但兩天後又再流。咁得意煲豬鼻？以形補形？還要加其他材料嗎？飲幾次就可斷尾嗎？
作者: weiweibb 時間: 15-6-21 02:20
回覆 ryancma 的帖子
我都是這樣幫佢止血，但他的鼻血比別人多，所以我才驚呢，謝謝回覆！
作者: weiweibb 時間: 15-6-21 02:23
回覆 piglet_be 的帖子
有次我睇家庭醫生，她給我藥膏擦鼻，質地是很滋潤的，不知是否這款藥膏？要持續每天搽才有效嗎？我只搽了幾天呢。
作者: A-Mum 時間: 15-6-21 08:36
weiweibb 發表於 15-6-21 02:00
回覆 A-Mum 的帖子
這問題我也請教過家庭醫生，佢話小朋友個鼻咁細，襟住晒全個鼻都得。其實應該是鼻翼對 ...
作者: sllam2013 時間: 15-6-21 09:19
提示: 作者被禁止或刪除 內容自動屏蔽
作者: 洋蔥頭媽咪 時間: 15-6-21 09:50 標題: 引用：回覆+A-Mum+的帖子這問題我也請教過家庭
本帖最後由 洋蔥頭媽咪 於 15-6-21 09:53 編輯
原帖由 weiweibb 於 15-06-21 發表
回覆 A-Mum 的帖子
這問題我也請教過家庭醫生，佢話小朋友個鼻咁細，襟住晒全個鼻都得。其實應該是鼻翼對 ...
你個家庭醫生教錯，當然唔係㩒晒全個鼻啦，跟樓上家長方法先啱，係㩒住鼻翼兩側把頭微微向前頃，用口呼吸。我兒以前都常流鼻血，一定要教識佢自己止血，響學校老師當然唔會幫你㩒，我仔試過一次響學校突然流得好勁連校服都係，通常呢d情況會帶佢去醫療室，但都係自己㩒住等止血，止血後學校仲比左件後備校服佢穿，所以你唔駛太擔心，正常10-20分鐘內通常會止血，不過一定要教小朋友正確方法。
作者: HaYi 時間: 15-6-21 09:58
我個仔都好易流, 尤其佢有鼻敏感, 每次游水完第二天會鼻塞, 之前小一小二有時考默流到一紙血, 人地以為我地無良媽媽逼到嘔血. 好得人驚, 不是只水狀, 是結結地, 有幾次成半小時都不停, 飛的士入急症. 要學止學, 一定要佢地按正確的位, 是鼻骨位, 頭要向下.
看醫生再轉介去政府專科, 都說是較鼻黏膜變薄, 暫時都是晚晚洗鼻, 干時 cream, 小三比小一二好多了, 之數少左.
作者: 洋蔥頭媽咪 時間: 15-6-21 10:03 標題: 引用：其實我和阿囝對流鼻血已習以為常，佢由初期
原帖由 weiweibb 於 15-06-20 發表
其實我和阿囝對流鼻血已習以為常，佢由初期好驚，到後來已能冷靜面對。我記得初期我用了5分鐘都幫唔到佢止 ...
作者: IloveJJ 時間: 15-6-21 10:12 標題: 回覆：唔識止鼻血
提示: 作者被禁止或刪除 內容自動屏蔽
作者: hellolo 時間: 15-6-21 18:45
係豬鼻，唔知而家有冇得買！？飲咗一星期到，之後好少流。另外又聽過生葱渣汁飲，但我冇試過
作者: Danny08 時間: 15-6-22 10:53
睡前塗少少凡士林
作者: weiweibb 時間: 15-6-22 12:05
回覆 A-Mum 的帖子
謝謝您這個很實用的分享，我還以為是捏鼻樑位（但不是托眼鏡咁高，低少少那處）呢。我也沒留意類固醇噴鼻劑，有時他鼻塞，我也幫他噴通鼻的，但不知有無類固醇，真的要留意一下。
作者: weiweibb 時間: 15-6-22 12:09
回覆 sllam2013 的帖子
謝謝回覆，近來天氣很乾燥，昨晚開始幫他搽鼻孔呢！
作者: weiweibb 時間: 15-6-22 12:15
回覆 洋蔥頭媽咪 的帖子
謝謝你的意見和分享，我都係咁諗，靠人不如靠自己，每間學校處理方法不同，唔知老師會否即時幫到他，自己一定要學識。
作者: weiweibb 時間: 15-6-22 12:21
回覆 HaYi 的帖子
謝謝您的分享，其實我都好怕測驗考試遇到這情況，希望我們的小朋友快些跟流鼻血say goodbye!
作者: weiweibb 時間: 15-6-22 12:27
回覆 IloveJJ 的帖子
謝謝分享，其中一樣是白釣嗎？
作者: weiweibb 時間: 15-6-22 12:29
回覆 Danny08 的帖子
謝謝回覆！
作者: weiweibb 時間: 15-6-22 12:38
衷心感激和謝謝各位的意見和分享，令我認識正確處理流鼻血的方法，學懂預防流鼻血，也減少了我的擔心。希望所有小朋友不再受流鼻血困擾，健健康康！
作者: IloveJJ 時間: 15-6-22 12:49 標題: 引用：回覆+IloveJJ+的帖子
謝謝分享，其中一樣
提示: 作者被禁止或刪除 內容自動屏蔽
作者: weiweibb 時間: 15-6-22 17:20
本帖最後由 weiweibb 於 15-6-22 18:17 編輯
回覆 IloveJJ 的帖子
今天去開位X堂買野，順便叫個職員幫我執，佢都估係白芍。嘩！原來羚羊絲好貴，一両都$2200，佢叫我加埋燈芯草，希望得啦！
作者: IloveJJ 時間: 15-6-22 17:57 標題: 引用：回覆+IloveJJ+的帖子
+今天去開位X堂買野
提示: 作者被禁止或刪除 內容自動屏蔽
作者: rchchan0505 時間: 15-6-23 14:11
中醫教我流鼻血應按耳後面條血管，和垂低頭以免鼻血倒流（好似係咁，我見到醫師再問清楚！）
作者: weiweibb 時間: 15-6-23 15:41
回覆 rchchan0505 的帖子
唔該晒！
作者: smartcash 時間: 15-6-23 16:21
我仔都常常流, 一星期流4至5次, 後來睇耳鼻喉科, 醫生話因常常了鼻, 鼻腔充滿一隻菌 (唔記得什麼名)會導致常常流鼻血, 醫生要亞仔查一個月抗生素葯膏係鼻腔同食一個月葯, 之後就好少流啦。醫生話一定要介了鼻, 如果唔係邊個都幫唔到。
作者: celiakids2013 時間: 15-6-23 17:07 標題: 回覆：唔識止鼻血
囝仔成曰流鼻血，可能遺傳左老公，除了輕按鼻子，就係沖蜜糖水或一小粒糖俾佢食，很快就止鼻血，因為係甜野，之後要俾淸水.呢個方法是老公細個止鼻血的方法
作者: weiweibb 時間: 15-6-23 20:17
回覆 smartcash 的帖子
謝謝分享！我都知挖鼻孔唔好，但總是不明為何會引致流鼻血，真係無諗過原來係d菌呢！
作者: weiweibb 時間: 15-6-23 20:28
回覆 celiakids2013 的帖子
我以前都聽人講過白糖可以止血，所以阿囝細時，我出街總會帶一兩包袋裝糖旁身，諗住佢跌損可以用來止血。想不到還可以食一小粒糖來止鼻血呢，謝謝分享！
作者: weiweibb 時間: 15-6-23 20:47
昨天煲了羚羊絲，白芍，燈芯草，麥冬和糖冬瓜比我囝飲，點知今天早上又流鼻血，（我會繼續飲多兩次）然而，我聽了大家的意見，在睡房放了一杯水，在鼻孔搽了藥膏，連續捏著鼻翼5分鐘，今次好快就幫佢止到血了。集思廣益，再次謝謝大家！
作者: a_for_apple 時間: 15-6-24 00:52 標題: 回覆：唔識止鼻血
唔好意思！睇完都唔肯定，係按鼻嘅硬骨位？定軟骨位？定兩者交界？
作者: weiweibb 時間: 15-6-24 15:54
大家都說是鼻翼兩側
| 歡迎光臨 教育王國 (/) |
Powered by Discuz! X1.5 |