教育王國

標題: 維記同譚歐陽少芳 [打印本頁]

作者: whycyh    時間: 15-6-19 18:52     標題: 維記同譚歐陽少芳

我知兩間好唔同,何文田維記兩文三語班,語境好,名氣高,學生高競爭力,每月加校巴要七千,
譚歐有學卷,每月千幾,維記六分一價錢,讀左佢慳唔少,語境當然無維記好,但聽講英文唔差,睇返每年考小一,兩間又好似差唔多,唔知點揀




作者: 99dogdog    時間: 15-6-19 23:11     標題: 回覆:維記同譚歐陽少芳

如果自行有20分或以上又或者一心等大獎派位,咁讀邊間幼稚園都冇乜所謂!但如果諗住考直資或私立小學,咁就唔同講法!




作者: baby7    時間: 15-6-20 09:28     標題: 回覆:維記同譚歐陽少芳

我都有譚歐插班offer. 第時小學都打算大抽獎,但依家讀緊果間語境好好但無中文。。。但都聽聞譚歐英文唔錯,自己又想keep住個女而家個英文程度。。。如去譚歐個語境同出面international 差得遠嗎?




作者: chancechance    時間: 15-6-20 12:42     標題: 回覆:維記同譚歐陽少芳

譚歐陽用學券的費用,國際學校的水准。雖然我自己也放棄了譚歐陽少芳選了民生書院。但始終感覺譚歐陽少芳是个很好的學校。




作者: feifei_baby    時間: 15-6-20 13:14     標題: 引用:我都有譚歐插班offer.+第時小學都打算大抽

原帖由 baby7 於 15-06-20 發表
我都有譚歐插班offer. 第時小學都打算大抽獎,但依家讀緊果間語境好好但無中文。。。但都聽聞譚歐英文唔錯 ...
我女讀譚歐,我覺得好好,教學認真,每年有唔少活動俾小朋友,有學券雜費平,物超所值,唔計語境都係一間好好嘅幼稚園!語境我覺得應該冇international咁好,始終師資有別,同埋佢地應該用咗部分時間會學中文,聽中文故仔,做中文練習,寫中文字,唱中文歌仔,$1000買international水平?難啲,不過阿女講英文都唔錯,k1用到完整英文句子講嘢,有時我用英文同佢傾計,理解都唔錯,我已經好滿意!




作者: Jane1983    時間: 15-6-20 14:30

回覆 baby7 的帖子

如果一心大抽獎行local路線,讀幼稚園吾可以無中文,而家小一d中文吾淺,小朋友上到小一先由零開始,會非常痛苦。
作者: kkcnine    時間: 15-6-20 16:20     標題: 回覆:99dogdog 的帖子

如果直資私立,係咪揀維記多??




作者: whycyh    時間: 15-6-21 12:00     標題: 回覆:維記同譚歐陽少芳

好矛盾,好驚同女揀錯累左佢,女英文好好,中文麻麻,係維記唔使怕英文,但驚上唔到傳統小學,譚歐驚英文唔夠,弟時上小一去叩門果下,學校可能只揀維記見,我目標當然希望小朋友可以上到地區一線傳統小學,會考直資私小backup,無錢俾小朋友上國際學校,好煩,維記就黎交九千




作者: feifei_baby    時間: 15-6-21 12:34     標題: 引用:好矛盾,好驚同女揀錯累左佢,女英文好好,

原帖由 whycyh 於 15-06-21 發表
好矛盾,好驚同女揀錯累左佢,女英文好好,中文麻麻,係維記唔使怕英文,但驚上唔到傳統小學,譚歐驚英文唔 ...
其實我覺得維記同譚歐好唔同,維記應該好活動教學,譚歐其實幾傳統,要坐定定,我個女係內斂慢熱被動型,份人比較缺乏安全感,我覺得太活動教學會令佢好迷失,反而喺學校傳統啲,啲嘢structured 啲,我女就適應得好好,學得好好,自信咗好多!所以選學校除咗睇間學校好唔好,最緊要係啱小朋友個性!我覺得維記轉譚歐反差好大,要諗清楚小朋友啱邊種教學!




作者: whycyh    時間: 15-6-21 15:14     標題: 回覆:維記同譚歐陽少芳

唔係轉,係兩間都收插班




作者: phoebewong123    時間: 15-6-21 17:10     標題: 回覆:維記同譚歐陽少芳

Afford 得到梗係維記,而且譚歐只係上tsl好似有d優勢。其實大部分的維記畢業生都係上local 小學,點解成日話國際學校先揀維記?想讀int'l sch 根本一開頭就去esf anfield

如果錢是concern 就選譚歐啦




作者: sissysze    時間: 15-6-21 21:25     標題: 引用:好矛盾,好驚同女揀錯累左佢,女英文好好,

原帖由 whycyh 於 15-06-21 發表
好矛盾,好驚同女揀錯累左佢,女英文好好,中文麻麻,係維記唔使怕英文,但驚上唔到傳統小學,譚歐驚英文唔 ...
我相信如揀人見唔會識譚歐陽係㔾學校囉....




作者: OSMing    時間: 15-6-22 18:29

如果afford得到,係維記啦!維記出來的競爭力相信係會比較優勝。




歡迎光臨 教育王國 (/) Powered by Discuz! X1.5